Sæll Ögmundur ... Bankarnir eru nú á heljarþröm, jafnvel eftir að hafa arðrænt og platað fólk og umskapað þjóðféalgið í þágu fjármagnsaflanna!  Takið eftir, að það er nóg af peningum til í hina svokölluðu "útrás" sem mikið er gapað yfir og er lítið annað en að fela peninga erlendis sem sognir eru úr íslenska þjóðarlíkamanum!  Án skattagreiðslu til íslenska ríkisins!. Eftir að æðstu menn hafa dekrað við þrælaveldið Kína, flutt inn Kínverja til landsins og baðað síðan út öngum sínum í allar áttir að hætti viti firrtra ofsatrúarmanna, og talað um "falin göng," eða eitthvað á þá leið í háðungarskyni við sértrúarandófið í Kína - þá leyfa þeir sér að horfast í augu við eigin þjóð og tala um að ekkert sé þeim ofar í huga en mannréttindi! . Eftir að heildsalar hafa flutt inn eitruð leikföng fyrir börn okkar ásamt aðrar vörur framleiddar af barnaþrældómi í Kína.

Séra Gunnar Kristjánsson, prestur á Reynivöllum í Kjós,  messaði í Brautarholtskirkju á föstudaginn langa og var predikun hans útvarpað.

Ekki linnir ofsóknum og mótmælum í Tíbet. Ég hef hvatt íslensk stjórnvöld til að bregðast við og fyrir hönd þingflokks VG hef ég óskað eftir fundi í utanríkismálanefnd Alþingis um málið.

Ég á sannast sagna engin orð yfir ráðamönnum þjóðarinnar. Lánin mín æða upp á við með vísitölubundinni verðbólgu! Við þessar aðstæður mætir forsætisráðherrann, Geir með bleikt bindi í Stjórnarráðið og hikstar því upp við fjölmiðla að við eigum bara að vera glöð og halla okkur aftur á bak í áhorfendastúkunni.

Í gamla daga var sambandinu þannig háttað á milli fólks, einkum til sveita,  að um var að ræða annars vegar húsbændur og hins vegar hjú.

Nú er svo komið sem ég af lítillæti mínu minni á að ég spáði fyrir jólin að myndi gerast eftir jólin. Að bankarnir væru að undirbúa árás á krónuna.  Nú er þessi Pearl Harbour bankanna hafin.

Ég var að enda við að senda tölvupóst með mótmæli til kínverska sendiráðsins og varð jafnframt undrandi yfir því hvað Kínverjar hafa kúgað þjóðina í Tíbet og drepið.

Mér finnst hann nú skelfing hæpinn, boðskapurinn um góðu andófsmennina í Tíbet og vondu kommana í Kína. Ég man ekki betur en að "uppreisn" Tíbeta hafi á sínum tíma komið upp vegna áforma stjórnvalda í Kína að taka nokkurt landssvæði af tíbeska aðlinum og afhenda fátækum bændum og leiguliðum.

Skyldi vera eitthvað í Codex edicus læknanna  um það hvenær sé við hæfi að koma fram í hvítum læknasloppi í pólitísku viðtali og þá hvenær rétt sé að láta sloppinn hanga á snaganum? Að sumu leyti hefði mér fundist heiðarlegra af Þorvaldi Ingvarssyni,1.varaþingmanni Sjálfstæðisflokksins í N-austurkjördæmi að klæðast jakkafötum, jafnvel teinóttum,  í fréttaviðtali við Sjónvarpið í kvöld þegar hann talaði fyrir stefnu ríkisstjórnarinnar í heilbrigðismálum.

Gengi gjaldmiðilsins hrapar, verðbólgan æðir upp úr öllu valdi, áhyggjur almennings vaxa, forsvarsmenn fyrirtækja eru uggandi og hagfræðiprófessorar og talsmenn launafólks hafa uppi alvarleg varnaðarorð.