Frá lesendum

Ótrúlegt var að hlusta á fréttaflutning RÚV af skoðanakönnun um flugvöllinn. Svona byrjaði fréttin: „Hátt í helmingur íbúa miðborgar Reykjavíkur vill að flugvöllurinn víki úr Vatnsmýrinni." . Það er ekkert annað hugsaði maður í fyrstu.

Þú segir í grein þinni um fólksflutninga Ögmundur að þegar fækki í Evrópu vegna þess að þjóðirnar deyi örar en þær geti af sér nýja einstaklinga þá þurfi að flytja inn fólk annars staðar frá.

Það sem ég alltaf hef óttast birtist mér í viðtali í Morgunblaðinu í dag: http://www.mbl.is/frettir/innlent/2013/09/14/vita_meira_um_tunglid_en_graenland/ . Í stað þess að eiga góð og óeigingjörn samskipti, samstarf og samráð við Grænlendinga, sem ég er algerlega fylgjandi, á nú að fara að græða á Grænlandi og Grænlendingum! Guð forði okkur frá því.

Mig langar til að forvitnast hvernig þér líst á að bróðir núverandi innanríkisráðherra hafi verið ráðinn sem mikilvægur yfirmaður innan Lögregunnar.

Þingmenn Pírata vilja að sögn ekki nota hugtökin háttvirtur og hæstvirtur á Alþingi. Sjá: http://www.dv.is/frettir/2013/9/14/tokum-okkur-ekki-sjalfkrafa-virdingartitil-sem-thjodinni-finnst-ekki-ad-vid-eigum-skilid/ . Ég hef skilning á því en ekki hinu að finnast þetta vera yfirhöfuð eitthvert mál.

Þakka þér fyrir frásögnina af fyrilestrinum um þjóðflutninga. Fyrirlesara þótti, samkvæmt frásögn þinni, undarlega lágt hlutfall heimsbúa hafa reynt að flýja örbyrgð sína, rúmlega 3%.

Er ekki meiningin að hugsa þetta flugvallarmál til langrar framtíðar? Er ekki verið að tala um hækkun sjávar? Er þá skynsamlegt að byggja flugbraut út í Skerjafjörðinn? Þá væri nær að flytja fulgvöllinn því hann liggur allur lágt.

Nú skyndilega kviknar áhugi hjá andstæðingum flugvallarins í Vatnsmýrinni að finna sáttaleiðir. Gæti skýringin verið sú að þeir eru komnir í augljósan og sífellt meira afgerandi minnihluta og sjái sig nú tilneydda að draga í land? Álheiður Ingadóttir fyrrverandi alþingismaður, skrifar grein í Fréttablaðið þar sem hún segist vilja leggja flugbraut út í Skerjafjörðinn og undir þetta er tekið í lesendabréfi til þín Ögmundur.

Í fyrsta skipti á ævinni bíð ég spenntur eftir fjárlögum. Þetta er að verða einsog magnaðasta spennusaga. Í fjárlögunum mun ríkisstjórnin nefnilega birta sinn innra mann - ekki þann sem við kynntumst í kosningunum heldur hvað hún raunverulega gerir þegar hún er komin með völdin.

Álfheiður Ingadóttir, fyrrverandi alþingiskona,  skrifar grein í Fréttablaðið í dag og stingur upp á málamiðlunartillögu um framtíð Reykjavíkurflugvallar.