Fara í efni

Frá lesendum

FJÁRGLÆFRAMENN VALDA MILLJARÐATJÓNI

Stjórnvöldin undir stórútgerð hlaða, stórlega margt er fúið. Fjárglæframenn valda feikna skaða, færist á þjóðarbúið. ... Kári

1. APRÍL. 2021

Nú vorið nálgast bjart og hlýtt Nú kemst ég brátt á sjóinn Nú verður hér fleyi úr fjöru ýtt Nú farinn er allur snjórinn. ... Höf. Pétur Hraunfjörð

LEITIN AÐ ARFTAKA

Nú leita að liðlegum manni sem á lýðinn vill óheft herja Trúfestu hann sýni og sanni og liðsinni Samherja. Nú birtir yfir borginni okkar bráðum kemur vorið hlýtt Sjórinn tær og sveitin lokkar og sumarið blómum prýtt. ... Höf. Pétur Hraunfjörð.

ENDURSKILGREININGAR

Stórt er lítið stutt er langt, staðreyndir þó munum. Það er hvorki rétt né rangt, ræðst af hagsmununum. Alþingi verndar auðmagnið, að því Kristján vinni. Samherja hann sigldi á mið, söng með útgerðinni. Kári

MEGHAN

Grátklökk hún gat ekki andað greiðleg svör og mikið vandað sagði of mikið fór yfir strikið en miljónum fyrir vikið landað. Sannleika ´ann sjálfsagt kann Þótt sjálfur ekki noti hann Við þekkjum öll manninn þann Þar ósvifnasta náungann. ... Höf. Pétur Hraunfjörð.

Í SÍMANUM

Í símtalinu sagði Arna sinni meiningu frá Hún vildi hvítþvo Bjarna af sakaskrá. Eftir framsal á fiskveiðikvóta fóru sægreifar lífsins að njóta kvóti var efldur á örfáar hendur og allir samþykktu leikinn ljóta. ... Höf. Pétur Hraunfjörð.

SAKLAUSA SÍMTALIÐ

Greiðan hún vildi gjalda gekk því bent til varna Hann kom henni til valda hún á allt undir Bjarna. Bankasölu nú Bjarni þráir Þó bæti lítið okkar hag Engeyingarnir hér eru fáir en græðgi þeirra fag. Honum liggur lífið á ljóta hefur þanka Sviksemina allir sjá selur Íslandsbanka.   ... Höf. Pétur Hraunfjörð.

VIÐ MUNUM HRUNIÐ

Nú eignast elítan bankana senn enda kaldrifjaðir kaupsýlumenn áfallið munið þjóðarhrunið öll alþýðan hérna man þetta enn. Aumur gerist Andrés minn allir heim rata Verður því þarna um sinn þingmaður pírata? ... Höf. Pétur Hraunfjörð.

HVAÐ ER ÞJÓÐAREIGN?

Svarið núna set á blað, sannan vanda leysum. Þjóðareignin þýðir að, þjófum skorðu reisum. Þjóðarklafa þekkið smið, þing til grafar tryggja. Kvótahafar keppast við, kreppugjafir þiggja. Kári

GRÍMUBALLIÐ Á ENDA

Grímulaust í gegnum árin gróðans ennþá njóta í samfélaginu blæða sárin undan sjálfseignarkvóta. Bankasölu nú Bjarni þráir Þó bæti lítið okkar hag Engeyingarnir hér eru fáir en græðgi þeirra fag. ... Höf. Pétur Hraunfjörð.