ALLT Á NIÐURSETTU VERÐI

Afslætti bjóða út um allt
í allri Reykjavíkinni
þar virðist nú allt vera falt
og líka í pólitíkinni.

BJÖRT ER FRAMTÍÐIN

Bleiku skýin bjóða nú
Bjarni Siggi og Kata
Baslið lagast bíddu þú
Bráðum jól og skata.

DV.IS Ráðning Brynjars og Hreins vekur furðu og úlfúð – „Ég titra af reiði“- „Beinlínis andfemínískt“

Aðstoðina hlaut hann Jón
Þá Hrein og Brynjar dáða
Landsins fremstu laga flón
alla nauðgara vilja náða.

Vinstri/grænir vandræði sjá
væringar á næsta leiti
Í níu vikur að spjalla og spá
og höfuðið lagt í bleyti.

Leiðitöm hún líklega er
og léleg þar hörkutólin
Enn það sem sýnist mér
ofgert var fyrir stólinn.

Æji já nema hvað

Ef fálkaorðuna fengi í ár
frægur yrði og sör
þá sæist á gamla gleðitár
og lítið bros á vör.

ÁTTI EKKI VON Á ÖÐRU

Veröld öll nú versnandi fer
væringar höfum og kóvið
Ríkisstjórnin ei réttir úr sér
rembist við daglega sjóvið.

OFTAST ER ÞAÐ ÞANNIG

Dægurmálin ég dunda við
og daglega hugann virkja
kveðskapnum legg þá lið
um leiðindin fer að yrkja.

Höf. Pétur Hraunfjörð.