Frá lesendum

Ögmundur, takk fyrir framsýna ákvörðun. Undarlegt að fólki þyki það vera stungin tólg ef ráðherra fer að lögum.

Hafðu hugheilar þakkir fyrir ákvörðun þína, Ögmundur. Önnur niðurstaða kom ekki til greina en þurfti bæði kjark og heilindi við sannfæringu sína til að hvika hvergi.. Jón Örn Marínósson.

Takk fyrir að selja ekki landið í bútum.. Sigurður Ólafsson

Viturleg ákvörðun. Eins og vænta mátti af þér, Ögmundur, tókstu viturlega ákvörðun eftir ítarlega athugun á málinu, að hvorki væri leyfilegt né skynsamlegt að selja útlendingi 300 ferkílómetra lands.

Það er gott að sjá framkvæmdavaldið vinna vel og faglega, fyrir opnum tjöldum þar sem fulltrúar löggjafarvaldsins vilja hafa skýr lagaákvæði að engu.

Heill og sæll Ögmundur. Nú verð ég að segja það sama og áður hefur verið sagt: Loksins, loksins. Já, loksins hefur íslenskur ráðherra staðið í báða fætur gegn erlendri ásókn í landið okkar, með gylliboðum um gull og græna skóga.

Vel af sér vikið, Ögmundur. Það er víst ekki allt undir sólinni falt fyrir fé. Jónas Knútsson.

Sæll Ögmundur.. Ég vildi aðeins lýsa einlægum stuðningi mínum við þig varðandi ákvörðun þína og ráðuneytis þíns að selja ekki þessu kínverska hlutfélagi og aðaleiganda þess, en þar að baki er auðvitað kínverska ríkið, landið að Grímsstöðum.

Hugtak. Er það ekki eitthvað sem gerir huganum kleyft að ná taki á viðfangsefni? Eða er það ef til vill eitthvað sem byrgir sýn, stöðvar óæskilegan þankagang? Eitthvað sem nær taki á huganum? Getum við tengt þetta vísindalegri umfjöllun og orðsins list? Eða ef til vill óheiðarleika og flokkspólitík? Sölumennsku eða siðblindu? Hugtök geta verið skrítnar skepnur.

Sæll Ögmundur.. Mig langaði að þakka þér fyrir að standa vörð um Íslenskar jarðir og eignir. Það bara má ekki selja allt sem að við eigum bara af því að okkur vantar pening núna.