Heimasíðan þín, þótt fjári góð sé á köflum, minnir mig stundum á Þjóðviljann heitinn að því leytinu að þar var stundum ýmsum brögðum beitt til að koma höggi á pólitíska andstæðinga.
Í umræðunni sem vonandi verður um rauðvínsgjafirnar á ráðamenn nú um jólin fyndist mér mikilvægt að velta því upp að ef æðstu ráðamenn eiga að komast upp með þetta, hvað sé þá hægt að segja ef yfirmenn lögreglu, skattrannsóknar og annarra eftirlitsstofnanna fara að taka þá sér til fyrirmyndar.
Nú er komið á daginn að Landsbankinn gaf ríkisstjórninni rauðvín og var ég farinn að hafa af því áhyggjur að hinir fákeppnisaðilarnir hefðu ekki gert eitthvað svipað.
Ég sendi þotuliði landsins mínar bestu nýárskveðjur með óskum um hundruða milljarða gróða á komandi ári. Þið eruð strákarnir okkar og nú hefjum við okkur öll saman á loft, með úrvalsvísitöluna í eftirdragi, með því að klikka um það bil hér: http://youtube.com/watch?v=RUZdhO6e78Y&feature=related. Loptur.
Mér berst blaðið 24Stundir inn um bréfalúguna daglega. Í gær var þar grein eftir Helga Hjörvar, alþingismann, að mæra Sjálfstæðisflokkinn og mátti hann vart vatni halda yfir því að fá að vera með Íhaldinu í ríkisstjórn.
Sæll Ögmundur, . Rakst á umræðu frá 4. apríl 2005 hjá þér þar sem lesandi sendi inn hugleiðingu varðandi " fasteignabrask bankanna " sá þó engin svör eða frekari umræðu.
Ungur var ég að árum þegar ég las ljóð Einars Benediktssonar, Einræður Starkaðar, og enn hefur sá mannúðar boðskapur sem þar er að finna ekki liðið mér úr minni.