Greinasafn - Frá lesendum

Ég er afar sáttur við þessa umdeildu ákvörðun forseta, að leggja Icesafe fyrir þjóðina og sýna, að virðing sé borin fyrir lýðræðinu.

Til hamingju Ögmundur. Þinn tími er kominn og ég vona að þú takir við flokknum. Þú verður fljótur að vinna okkur upp úr ruslflokknum og vinna bug á samsærisþjóðunum.

Ákvörðun forsetans var hvorki rökrétt né líkleg til að verða farsæl fyrir íslenska ríkið til lengri tíma litið.

Ég hlustaði á þáttinn Í Vikulokin í RÚV. Umræðurnar voru ágætar um margt. Mér fannst málflutningur Guðfríðar Lilju Grétarsdóttur sannfærandi þegar hún færði rök fyrir því að nú væru forsendur til að færa Icesave inn í nýjan farveg í ljósi þess að málstaður Íslands nyti nú betri skilnings en áður á erlendri grundu.

Ég var ósammála forsetanum í dag og ég held að mikið af því fólki sem hann vitnaði í og þú hefur einnig gert Ögmundur hafi skrifað undir mótmælin vegna þess að það taldi að við gætum komist undan því að borga þessa skuld, en nú keppast hinir nýju viðhlæjendur forsetans við að fullvissa þjóðinna um það að við munum að sjálfsögðu borga þetta bara eftir okkar höfði.

Ögmundur og þjóðin öll: Gleðilegt nýtt ár, frjótt og farsælt. Fyrst ber þá að líta til þess að þjóðin þarf að fylkja sér saman og það er enginn vafi að hún mun gera það, því enn er þetta sama þjóðin og fyrr.

Samfara slökkvistarfi utanríkisráðherra á vegum brunaliðs stjórnarráðsins ætti sá ágæti maður að leyfa sér að hugsa stórt.

Skollaleikur sem sýnir vinnubrögð og þvingurnaraðgerðir AGS, Breta og Hollendinga má nú öllum vera augljós. Forseti Íslands hefur skotið lögum um ríkisábyrgð á Icesave til þjóðarinnar og er það vel.

Mikið er skrifað í bresk blöð (sjá tengla í Guardian og Telegraph hér að neðan). Hér eru menn jákvæðari í garð Íslands en íslenska ríkisstjórnin.

Sæll Kæri Ögmundur....... Þau eru sum skrítin lesendabréfin á vefsíðunni þinni um þessar mundir!. Ég er fullkomlega sammála háttvirtum Forseta Íslands að skjóta Icvesave samningnum eins og hann er til þjóðarinnar.  Um er að ræða alvöru lýðræði og ég vil benda á um leið hversu góð núverandi stjórnarskrá er.