GENGUR HÆGT HJÁ LANDSVIRKJUN

Heill og sæll Ögmundur.
Á dögunum var ársfundur Landsvirkjunar. Ósköp gengur hægt að gera ársreikninga Landsvirkjunar aðgengilega fyrir venjulegt fólk. Í hiutteðfyrra var reksturinn í járnum, í fyrra drógust tekjur mikið saman m.a. vegna lækkunar á álverði. Samt er hagnaður af rekstri fyrirtækisins hvernig sem það má nú vera. Svo virðist sem eitthvað bókhaldsfiff með einhverjar afleiður „bjargi" fyrirtækinu frá glötun í boði $jálfstæðisflokksins. Ekkert bólar á sundurliðun á uppruna tekna fyrirtækisins þrátt fyrir óskir í áraraðir þar um, annars vegar hversu mikið kemur frá almenningsveitum, hins vegar frá stóriðjunni. Svo er að sjá að fingraför $jálfstæðisflokksins einkenni mjög rekstur fyrirtækisins og ekki hefur orðið við nýjum verklagsreglum hins nýja forstjóra sem vildi gjarnan gera breytingar í þessa átt: Framsetning reikninga verði gegnsærri og þar með auðveldara fyrir venjulegt fólk að átta sig á þessum málum. Leyfi mér að VG taki á þessu mikils verða máli enda ekki ósennilegt að eitthvað sé verið að draga fjöður yfir í blekkingarskyni sem ekki má sjá auðveldlega. En það er nú svo, oft eru markmið vissra aðila í samfélaginu að hafa fólk að fíflum, því miður. Það er haldið að fólki fagurgala að allt sé í himnalagi en svo kemur annað í ljós. Með bestu kveðjum úr Mosfellsbæ,
Guðjón Jensson