Fara í efni

AGS BURT OG FELLIÐ NAUÐUNGINA

Ögmundur, ég vil taka undir með Jóni Á. Bjarnasyni, bréf til síðunnar þann 19. sl. (EF ÞÚ FELLIR). Persónulega skal ég vinna hart að minnisvarðanum, EF ÞÚ FELLIR. Það mun EKKERT gerast nema andskotar okkar munu þurfa að sækja málið fyrir dómi og það vilja þeir alls ekki því lagalega hafa þeir EKKERT. Það mun líka bara verða venjulegur föstudagur fyrir okkur, EF ÞIÐ FELLIÐ. Gleðilegur þó. Hinsvegar fannst mér Guðfríður ekki tala af viti í Kastljósi. Guðfríður varði þar hatrammlega og yfirgangslega dauðasynd Icesave sem bættan samning. Kúgun og nauðung er EKKI neinn samningur!? Og nauðungin hefur EKKI verið neitt bætt. Heldur hefur verið bætt við nauðungina að við megum ekki hlíta dómi!?! Fyrst bönnuðu nýlendu-kúgararnir okkur að einu sinni sækja málið fyrir dómi og það var þegar nauðungin var verst. Núna síðast megum við af hinna háu herra náð, fara með okkar rök fyrir dóm - við megum bara ekki hlíta dóminum!?! Glæpsamlegt mannréttindabrot. Þið getið ekki leyft herforingjum sam-spilltu fylkingarinnar að hafa ykkur lengur í vasanum og þurfið að fella nauðungina. Vissulega. Yfir 70% þjóðarinnar er harðlega andvígur og þið þurfið að hlusta á okkur. Og hvað sem þið óttist Sjálfstæðisflokkinn, getur hann ekki verið verri en AGS gjöreyðingarvaldið og þrælahald barna og foreldra þessa lands um langan aldur fyrir nýlendukúgara. Fólk mun flýja land, Ögmundur. Það er líka rangt sem þú sagðir í nýjasta pistli þínum að Sjálfstæðismenn hefðu lofað að borga alla "skuldina" (ekki endilega orðrétt). Það var þannig að þeir lofuðu að við stæðum við LÖGLEGAR skuldbindingar okkar. Og voru þá í öngviti eins og þú lýstir og skiljanlega. Og bara svo það fari ekkert á milli mála er ég ekki Sjálfstæðismaður. Við megum heldur aldrei gleyma þegar við tölum um hvað þeir lofuðu, hvað einvaldur sam-spillta flokksins hefur lofað Bretum og Hollendingum í Icesave. Og ÆTLAÐI AÐ ÞVINGA STÓRHÆTTULEGUM ICESAVE ÓSÉÐUM Í GEGNUM ALÞINGI. Og hvað sem öllum óleyfis- og öngvits- undirskriftum líður, Ögmundur, munum að Alþingi fer með æðsta valdið og þarf að standa upp gegn allri kúgun.
ElleE

Þakka kærlega bréfið. Sammála þér að Icesave samningurinn hin versta nauðung. Eitt er ég ekki sammála þér um. Í samningnum sem nú liggur fyrir hefur því verið breytt (frá því sem var fyrir hálfum mánuði) að Íslendingar véfengja greiðsluskyldu sína og munu að sjálfsögðu ekki borga ef dómstóll kemst að þeirri niðurstöðu að okkur beri ekki að greiða.
Kv.
Ögmundur