MEÐVIRKNISVEIRAN Á ALÞINGI

Meðvirkni er mikið böl,
magnast hún á þingi.
Ef þar skamma áttu dvöl,
alltaf ferð í hringi.

Skriflegt leyfi

Hart er nú að honum sótt,
hann þó málið reifi.
Konu vildi kynnast fljótt,
koss og skriflegt leyfi.

Máli vísað heim í hérað

Lögin ekkert líða kjass,
liggur undir pressu.
Ef að strýkur stúlkurass,
stattu klár að þessu.

Skipt um hest

Menn heyrðu áður hófatak,
hafði Rósa planið.
Annað skríður upp um bak,
inn í Samfóklanið.

Bjarni boðaður í yfirheyrslu?

Blettir falla á bestu menn,
Bjarni nú skal vitna.
Teflon-húðin tollir enn,
tekin þó að slitna.

Kári