Greinar Desember 2019

Senn líður að því að við sprengjum út gamla árið. Ég sendi nokkra flugelda í loftið. Kaupi þá hjá Landsbjörg svo gagn og gaman fari saman. Svo loga brennur, kátt þær brenni. En hvað með kolefnisjöfnun? Þar er auðfundið ráð. Ríkisstjórnin segist litlu geta ráðið í NATÓ en þessu getur hún þó ráðið ef hún á annað borð vill: Hún getur ...

Á Þorláksmessu fór ég út í búð að versla. Þar hitti ég gamlan samferðarmann og vin. Hann dvelst langdvölum erlendis en stingur niður fæti hér um jólin. Hann spurði um pólitíkina á Íslandi. Ég sagði að hér væri lítil pólitík. Alltof lítil pólitík, því miður. Hann sagði: Hér er þó ekki allt illt. Ég fór í bókabúð og sá að verið er að gefa út fimmtíu, sextíu nýjar bækur, gott ef ekki tuttugu eða þrjátíu ljóðabækur. Ég horfði á viðmælanda minn þögull og ...

Birtist í Fréttablaðinu 23.12.19.
Auglýst hefur verið starf útvarpsstjóra. Umsóknir nema tugum. Fjölmiðlar velta vöngum, vel meðvitaðir um að tal og skrif um kost og löst á fólki er vinsælt umfjöllunarefni; hægt að gera sér mat úr slíku lengi vel. En stjórn Ríkisútvarpsins eyðileggur þennan leik og vill leggja það í mat umsækjenda sjálfra hvort nöfn þeirra skuli birt. Þá er okkur sagt að ...

Birtist í helgarblaði Morgunblaðsins 21/22.12.19. og í Morgunblaðinu 23.2019.
Rauði kross Íslands hefur ákveðið að efna til söfnunarátaks vegna neyðar af völdum þurrka og skógarelda í Namibíu. Af þessu tilefni lögðu margir við hlustir. Kannski vegna þess að í ljós hefur komið að Íslendingar hafa verið að skrifa sögu sína í því landi á sambærilegan hátt og nýlenduríki Evrópu skrásettu sína sögu með gjörðum sínum, einkum á nítjándu og tuttugustu öldinni, en einnig fyrir þann tíma og síðar, allt fram á okkar dag, um alla Afríku, víða í Asíu og Rómönsku Ameríku. Á nú að næla sér í syndaaflausn? Þetta voru ...

Svandís Svavarsdóttir, heilbrigðisráðherra, var enn eina ferðina boðberi góðra tíðinda í dag þegar hún kynnti lækkun komugjalda í heilsugæslunni og aukinn stuðning við ýmsa hópa sjúklinga. Ráðherrann lét þess getið að stefnt væri að gjaldfrírri heilsugæslu á árinu 2021. Þessi vegferð hefur áður verið boðuð og má þar visa í sambærileg skref fyrir réttu ári. Sjá hér...

Birtist í Morgunblaðinu 17.12.19.
Á desemberfundi ECRI nefndar Evrópuráðsins voru rædd þau skref sem Ísland hefur stigið til að mæta ábendingum nefndarinnar sem settar höfðu verið fram í skýrslu um Ísland í febrúar 2017. ECRI er skammstöfun á ensku heiti nefndarinnar, European Commission against Racism and Intolerance, það er, nefnd sem beitir sér gegn kynþáttahatri og umburðarleysi. ECRI nefndin hefur þann hátt á að ...

Hér eru á ferðinni listamenn sem mig virkilega langar til að mæla með. Ég sótti tvívegis tónleika sem þau héldu í sumar og haust, annars vegar í Hólakirkju í Skagafirði og hins vegar í Sigurjónssafni í Reykjavík. Þessir tónleikar voru afbragsðgóðir, klassískur gítarleikur Ögmundar Þórs og söngur Hlínar. Þau eru með hljómdisk í smíðum og síðan koma tónleikar. Því betur mun þeim ganga þeim mun meiri stuðning sem við veitum þeim. Margir þekkja karolinafund söfnunarformið. Það skýrir sig sjálft þegar farið er inn á þessa ...

Ég er staddur í Frakklandi þessa dagana. Sit nokkurra daga fund í Strassborg. Ég átti í nokkrum erfiðleikum að komast á leiðarenda vegna umfangsmikilla verkfalla í samgöngukerfinu. Kostaði tafir og útgjöld – sem enn eiga eftir að fara vaxandi því enn er ég úti, á leiðinni heim en óvíst hvernig! Enginn masókisti er ég en hressandi þótti mér engu að síður að vera minntur á mikilvægi starfa sem tekin eru sem gefin þangað til kemur að því að meta þau að verðleikum ...

Bandaríski vísindamaðurinn, Fred Magdoff, sem hélt fyrirlestur hér á landi fyrir skömmu í fundaröðinni, Til róttækrar skoðunar, er mættur á nýjan leik, nú í ítarlegu viðtali við Bændablaðið. Yfirskriftin er: Skynsamlegur landbúnaður og kapítalismi fara ekki saman. Ég leyfi mér að hvetja þau sem sjá þessi orð að kynna sér þetta viðtal og umfjöllun Bændablaðsins sem á þakkir skilið fyrir að standa vaktina eina ferðina enn fyrir skynsemi og opna og upplýsta umræðu. Viðtalið í Bændablaðinu er hér ...

Birtist í helgarblaði Morgunblaðsins 07/08.12.19.
... Sá sem þetta skrifar undirritaði fyrir mörgum árum eitt plaggið í þessari samningaseríu. En varla var blekið þornað fyrr en sýnt var að borgaryfirvöld myndu ekki standa við það. ... Nokkrum mánuðum síðar kom nýr innanríkisráðherra og nýr “samningur”, líka um að skoða veðurlag svo flytja mætti völlinn. Og enn kom nýr innanríkisráðherra. Sá vildi halda í völlinn en borgin fékk þá samþykkt í undarlegri niðurstöðu Hæstaréttar að sviksemi hennar væri þrátt fyrir allt lögmæt. Heyra var á samgönguráðherranum sem nú situr að ...

Kapítalisminn er kominn á bakkann
kannski þeir detti niður í slakkann
um eymdina gapa
og alveg sér tapa 
auðvitað hysjum við uppum rakkann. 
Höf. Pétur Hraunfjörð.

Gaman er að finna fyrir samstöðu Íslendinga í baráttunni við kórónaveiruna. Heilbrigðisyfirvöldum og almannavörnum er mætt á jákvæðan hátt og farið að þeirra ábendingum. Einhver meiningarmunur kemur öðru hvoru fram innan heilbrigðiskerfisns og er það traustvekjandi. Umræðulaus hlýðni er aldrei góð og meiningarmunur málefnalega fram settur er ekkert annað en jákvæður.
Haffi

Ég vil þakka Grími sem skrifar í dálkinn “frjálsir pennar” fyrir að hreyfa Vaðlaheiðarmáli. Ég hef saknað þess að fjölmiðlar færu í saumana á því máli. “Orsök VHG-19 kreppunnar eru gamlir misreikningar. Sérfróðir búast við að þá gjaldfallnar, enn vaxandi skuldir VHG hf við ríkið gætu orðið 19 milljarðar 2021.” Þetta skrifar Grímur. Eru þessir 19 milljarðar ekki helmingi meira en lagt var upp með? Væri hægt að ...

Jóel A.

Ef kvótann ég ætti
ég ýmisleg mætti
Ég hokri þá hætti
ég hamingju bætti.
...
Höf. Pétur Hraunfjörð

Margir hæddust að Ingu Sæland, alþingiskonu, þegar hún vildi loka landinu og helst smala öllum aðkomumönnum til landsins í sóttkví, eins konar fangabúðir. Á Aþlingi ver hlegið að Ingu og hún var síðan fengin sérstaklega í Kastljós  svo þjóðin fengi líka að hlæja. Svo lokaði Trump Bandaríkjunum, síðan var Danmörku lokað og Noregi og svo Evrópusambandinu. Á Ítalíu fór fólk að deyja í hundraðavís á dag… Nú er ekki lengur hlegið að Ingu Sæland. Ef fer fram sem horfir ...
Sunna Sara

Í sóttkví og sídrykkju detta
sem leiðindin vonandi létta
vinna nú heima
láta sig dreyma
og duglega þar í sig skvetta.
...
Höf. Pétur Hraunfjörð.

Ég er sammála Jóhannesi Gr. Jónssyni í bréfi til síðunnar að ekki síður mikilvægt en að ná verðtryggingunni burt er að banna vexti – þar er ekki gengið lengra en kirkjan gerði á miðöldum! Svo þarf að banna allan innheimtukostnað. Ég þykist vita að innheimtuskrifstofurnar hugi nú gott til glóðarinnar eins og jafnan í kreppu. Þá eru jólin ...
Sunna Sara

Í rauninni er þessi krafa þín um 0% vexti, Ögmundur, mikilvægari en afnám verðtryggingarinnar, eins mikilvæg og hún þó er. Ef vextir yrðu 0% þá kann einhverjum að þykja óþarfi að lögbinda bann við dráttarvöxtum. Fjámálastofnunum væri þó trúandi til þess að viðhalda þeim væru þeir ekki bannaðir. Þess vegna þyrfti bann við dráttarvöxtum og innheimtukostnaði að vera líka í frumvarpi um 0% vexti. 
Þetta þarf ríkisstjórnin að leggja til strax og Alþingi að samþykkja strax! Ef ríkisstjórnin gerir þetta ekki þarf Alþingi að taka frumkvæðið. 
Jóhannes Gr. Jónsson

Nú Haukur virðist í hanaati
hér sýndi Ögmundi klærnar
Í sósíalísku svindli og plati
sér Ömmi fram fyrir tærnar.
...
Höf. Pétur Hraunfjörð.

... Ekki fylgdi sögunni hvort hinn grunaði hefði verið borinn út á börum, eða hvort hann gekk úr vélinni með geimverunum, eftir að hafa setið í þrjá klukkutíma með öllum hinum farþegunum. Eru menn nokkuð að missa sig? Mátti ekki taka á móti hinum grunaða með grisjur sem þá einnig væru settar yfir vit farþegans og þess vegna hafa fólk í geimbúningum í bílnum á leið í sóttkví ...
Jóel A.