Umhverfi

Náttúruverndarsamtökin Sól í Straumi, sem beita sér gegn stækkun álvers Alcans í Straumsvík í Hafnarfirði og almennt í þágu náttúruverndar og heilbrigðrar skynsemi, brugðust við álgjöf Alcans með því að færa fulltrúum álrisans 10 röksemdir gegn stækkun álversins. Mútugjöf Alcans var þannig mætt á málefnalegan hátt. Gjöf Alcans er augljóslega ætlað að kaupa álverinu vinsældir í aðdraganda kosningar um deiliskipulag fyrir stækkun álversins. Gjöfin er ætluð öllum kjósendum í Hafnarfirði! Hún er álinnpakkaður hljóm- og dvd- diskur vinsæls hljómlistarmanns og hefur ekkert með ágæti eða ókosti stóriðjustefnunnar að gera. Þess vegna er réttmætt að tala um mútugjöf. Það er þekkt bragð hjá aðilum með vafasaman málstað að reyna að vinna honum fylgi með því að beina umræðunni frá málefninu og helst að tengja málstaðinn einhverju allt öðru, þess vegna hugljúfum tónum vinsæls listamanns.  
Þegar félagar í Sól í Straumi skiluðu...

Umfangsmiklar stóriðjuframkvæmdir eru nú í bígerð. Þegar er hafinn undirbúningur að stækkun álversins í Straumsvík um 250 þúsund tonn, þ.e. úr 180 þúsund tonnum í 460 þúsund tonn og á teikniborðinu er álver í Helguvík upp á 250 þúsund tonn og nýtt áver við Bakka á Húsavík upp á 250 þúsund tonn. Enda þótt endanlegar ákvarðanir liggi ekki fyrir t.d. varðandi stækkun í Straumsvík  hefur tveimur teiknistofum þegar verið falið að gera tillögur um nýja kerskála í samræmi við óskir Alcan um stækkun álversins! þetta kom fram á opnum fundi ungra jafnaðarmanna í Hafnarfirði á sunnudag sem sagt hefur verið frá hér á síðunni...Þetta kom mér upp í hug við lestur áhugaverðrar greinar Margrétar Guðmundsdóttur hér á síðunni þar sem hún hvetur til þess að landsmenn íhugi þá valkosti sem þjóðinni bjóðast um atvinnuuppbyggingu. Hún vill að við eflum Ísland til þess að verða...

...Þetta væri umhugsunarvert, sagði Ómar Ragnarsson. Hann sagði að sú tíð væri liðin að við gætum rætt þessi mál út frá þröngu sjónarhorni. Hér væri ekki aðeins um að ræða málefni sem snerti Hafnfirðinga eina heldur landsmenn alla. Ef heimild yrði veitt fyrir stækkun í Straumsvík yrðu menn að vera undir það búnir að fórna Brennisteinsfjöllum og fleiri náttúruperlum. Ómar endaði eldmessu sína í bundnu máli og var það mjög áhrifaríkt. Um kvöldið sáum við Ómar Ragnarsson síðan taka við verðlaunum sem sjónvarpsmaður ársins á verðlaunahátíð íslensku kvikmynda- og sjónvarpsakademíunnar. Þar er maður sem er vel að verðlaunum kominn. Til hamingju Ómar Ragnarsson! Til hamingju Íslendingar að við skulum eiga mann á borð við Ómar Ragnarsson!! Væri ekki ráð að ...

...En stenst það að ekki hefði orðið af Kárahnjúkavirkjun miðað við þá afstöðu sem nú er uppi með þjóðinni. Á það er til einn mælikvarði og hann er hvort stjórnvöld muni komast upp með að eyðileggja Jökulsárnar í Skagafirði. Það er mælikvarðinn. Nú þarf að blása til sóknarbaráttu gegn stóriðjusinnum sem sýnt hafa með verkum sínum að þeir eira engu þegar stórðiðjan er annars vegar. Það er gott til þess að vita að til er fjöldinn allur af skeleggu baráttufólki sem unnir sér engrar hvíldar í þessum slag. Eitt aðdáunarvert dæmi þar um er ...

...Í gær var samþykkt í sveitarstjórn Skagafjarðar að virkjanir í báðum Jökulánum, Villinganesvirkjun og Skatastaðavirkjun, skuli fara inn á aðalskipulag sveitarfélagsins. Þetta er stefnuyfirlýsing meirihluta sveitarfélagsins, sem er í höndum Framsóknarflokks og Samfylkingar, um að þessar virkjanir geti orðið að veruleika.
...Þess vegna mega menn nú ekki sofna á verðinum. Það verður að stöðva frekari virkjanir í þágu stóriðju í landinu og við verðum að koma í veg fyrir að stóriðjugráðugt fólk grandi öllum fegurstu náttúruperlum landsins. Bjarni Jónsson, oddviti Vinstrihreyfingarinnar græns framboðs í Skagafirði og félagar hans hafa um árabil staðið sig hetjulega í baráttunni gegn þessum áformum. Þau hafa ein róið á móti straumnum. Nú þurfa þau að finna til samstöðunnar. Ég hvet alla til þess að ljá þeim lið og fjölmiðla hvet ég til þess að fylgjast grannt með gangi mála í Skagafirði. Það er ekki nóg að tala um Fagra Ísland...

Birtist í Morgunblaðinu 21. september 2006
Í magnaðri grein sem birtist í Morgunblaðinu nýlega eftir dr. Gunnar Kristjánsson prófast og prest á Reynivöllum í Kjós, Stríð streymir Jökla, dregur höfundur fram þá togstreitu sem iðulega hefur verið á milli manns og náttúru. Íslendingar hafi löngum litið á náttúruna sem afl sem þyrfti að sigrast á: "Iðnbyltingin fór framhjá okkur og framkvæmdir með stórfelldu inngripi inn í náttúrulegt umhverfi gerðust hér síðar en annars staðar í hinum vestræna heimi. Á meðan náttúruspjöll hafa fylgt iðnvæðingu og vaxandi ágangi á óspillt svæði annars staðar hefur tíminn unnið með lífríki Íslands. Engu að síður hafa Íslendingar eins og aðrar þjóðir haft tilhneigingu til að líta á náttúruna sem andstæðing sem þyrfti að sigrast á, beisla og gera sér undirgefinn."

Félag um verndun hálendis Austurlands  safnar nú liði með undirskriftasöfnun. Okkur í Vinstrihreyfingunni grænu framboði er þetta fagnaðarefni enda er þessi barátta í nákvæmlega þeim anda sem við höfum barist á undanförnum árum.
Í yfirlýsingu segir einnig um markmið félagsins: "Nú berst það einnig fyrir öryggi og heill íbúanna. Þess er krafist að óháð matsnefnd meti áhættu og arðsemi Kárahnjúkavirkjunar og fyrr verði engu vatni hleypt á Hálslón. Við viljum að fólk geti vegið og metið af skynsemi hvort ekki sé heillavænlegast að eiga víðernin og vistkerfin áfram og þar með að eyða þeirri ógn sem af Kárahnjúkavirkjun stafar í byggð. Minnumst þess að ...

...Þegar nú gerist við þessar aðstæður að Orkuveita Reykjavíkur leyfir sér að setja múlband á einn helsta jarðvísindamann þjóðarinnar, Grím Björnsson, jarðeðlisfræðing og meina honum að tjá sig frekar um Kárahnjúkavirkjun þá eru menn komnir á braut sem er alvarlegri en svo að við verði unað ... Eru menn virkilega orðnir galnir?  Á að banna vísindamanni að tjá sig um málefni sem varðar þjóðarhag? Og hvers konar endemis rugl er þetta með samkeppnisaðila? Þetta minnir okkur á hvílíkt glapræði það er að samkeppnis- og einkavæða grunnþjónustu samfélagsins...Nú á að ganga enn lengra og skipa Grími Björnssyni að þegja. Því verður ekki tekið þegjandi enda hafa borgarfulltrúar Vinstrihreyfingarinnar græns framboðs þegar skrifað formanni stjórnar Orkuveitu Reykjavíkur bréf þar sem þessum vinnubrögðum er harðlega mótmælt. Í bréfi Svandísar Svavarsdóttur og Árna Þórs Sigurðssonar segir m.a...

Geir H. Haarde, forsætisráðherra opnaði fyrir umræðu um stóriðjustefnu ríkisstjórnarinnar  með yfirlýsingum sínum í fjölmiðlum eftir för sína inn á fórnarlönd Alcoa við Kárahnjúka í boði Ómars Ragnarssonar nú um helgina. Forsætisráðherrann var nýlentur í Reykjavík eftir ferðina þegar hann sagði að vissulega þyrfti alltaf að eiga sér stað ákveðið “hagsmunamat” þegar stórar ákvarðanir væru teknar. Orðrétt sagði forsætisráðherra í samtali við Fréttablaðið: "Ég tel að við höfum tekið hárrétta ákvörðun. Auðvitað er alltaf eftirsjá að landi sem hverfur. Hins vegar er mikið af þessu örfoka land, þótt eitthvað sé um gróin svæði. Ef ég ætti að velja efnahagsáhrifin af virkjuninni eða halda þessu landi myndi ég velja nákvæmlega sama kost og  við gerðum á sínum tíma .." Það er nefnilega það. Geir H. Haarde finnst lítið til um "örfoka land" og ...Eigum við þá ekki að ræða þennan meinta efnahagsávinning...?

Birtist í Morgunblaðinu 18.02.06.
...Uppbygging stóriðju hefur yfirskyggt allt annað í atvinnustefnu stjórnvalda á undanförnum árum. Æ fleiri telja brýnt að gera grundvallarbreytingar á þeirri stefnu, svo að leggja megi grunn að uppbyggingu og framförum í íslensku samfélagi á traustum og varanlegum forsendum. Atvinnulíf verður að hvíla á sjálfbærum grunni eigi uppbygging þess að standast til langframa. Reynsla seinustu ára sýnir að þróttmikil nýsköpun í atvinnulífi og lítil og meðalstór fyrirtæki hafa mesta vaxtarmöguleika, skapa flest störf og skila þjóðarbúinu mestu. Með því að styðja slíka atvinnuþróun má auka útflutningstekjur þjóðarinnar og stuðla að hagvexti án þess að gengið sé á höfuðstól náttúrunnar. Fjölmargar ástæður renna stoðum undir þá hugmynd að frekari framvinda stóriðjustefnu og tilheyrandi bygging stórvirkjana verði ráðin í lýðræðislegri atkvæðagreiðslu sem allir atkvæðisbærir landsmenn geti tekið þátt í. Einmitt nú eru slík tímamót að...

Þessari spurningu, hvað finnst ykkur um Dysnes, beindi einn fundarmanna að forstjóra Alcoa á fundi á Akureyri um síðustu mánaðamót ( sbr. Fréttir NFS 1.feb. sl.) Fundurinn var fyrsti kynningarfundur samráðsnefndar um álver á Norðurlandi. Engin svör fengust á fundinum en í fréttum af honum kom fram að Alcoa hygðist bíða enn í nokkrar vikur áður en yfirlýsing yrði gefin út um hvort þeir hafi áhuga á norðlensku álveri og þá hvort það muni rísa í Skagafirði, við Húsavík eða á Dysnesi við Eyjafjörð.
Næsta sem gerist í málinu er að svæðisútvarp Norðurlands upplýsir...Einhver nýlendubragur þykir mér yfir þessu. Það hentar Alcoa betur að fá Íslendingana til New York til að hlýða á boðskap sinn heldur en ómaka sjálfa sig á því að ferðast til Íslands. Í fréttatíma RÚV sama dag er “nýlendufréttin” síðan áréttuð: “Alcoa ákveður 1. mars hvort og þá hvar verður haldið áfram með undirbúning að byggingu álvers á Norðurlandi. Verkefnastjórn hefur verið boðuð til fundar í New York nefndan dag og þá verður tekin...

Í pistli hér á síðunni í gær lauk ég lofsorði á Staksteinahöfund Morgunblaðsins fyrir ágæta hugvekju frá síðasta sunnudegi. Ekki er efni til að endurtaka lof og prís vegna Staksteinapistils frá í dag. Umræðuefnið er andstaða Vinstrihreyfingarinnar græns framboðs við stjórnarfrumvarp, sem auðveldar Valgerði álráðherra og félögum hennar í ríkisstjórn að veita heimildir til að rannsaka virkjunarkosti svo svara megi orkuþörf þeirra stóriðjufyrirtækja sem lokkuð hafa verið til landsins með kostaboðum um lágt orkuverð og þæg og undirgefin stjórnvöld...Annars vegar er um að ræða meirihluta, sem getur keyrt sitt í gegn í krafti yfirburðastöðu sinnar, hins vegar er það minnihluti sem reynir að breyta gangi mála. Morgunblaðið segist sammála minnihlutanum í þessu máli, Vinstrihreyfingunni grænu framboði, en biður flokkinn jafnframt um að þegja. Hvað segir þetta okkur um sannfæringu Morgunblaðsins í þessu máli? Mér finnst þessi afstaða jaðra við tvískinnung. Staksteinahöfundur staldrar ekki við til að spyrja hvers vegna alþingismaður flytji vandaða og tilfinningaþrungna ræða í fimm klukkustundir. Staksteinahöfundur gerir þetta að umræðuefni, að því er virðist, til þess eins að ...

Á Alþingi í dag var til umræðu frumvarp ríkisstjórnarinnar um rannsóknir á auðlindum í jörðu. Þetta er hitamál sem Vinstrihreyfingin grænt framboð hefur beitt sér mjög gegn en iðnaðarráðherra hefur að sama skapi hamast fyrir samþykkt þess. Ágreiningurinn snýst um eftirfarandi grundvallaratriði: Ráðherrann vill fá heimild til að úthluta rannsóknarleyfum til virkjunarþyrstra orkufyrirtækja en VG vill á hinn bóginn að nú verði stopp sett á frekari áform í þágu erlendra álfyrirtækja sem bíða í röðum eftir að fá að versla við lítilþægustu ríkisstjórn í Evrópu ... Þingflokkur Vinstrihreyfingarinnar græns framboðs er því vanur að standa náttúruvaktina einn innan veggja Alþingis – það gerðum við í Kárahnjúkadeilunni og í deilunni um Þjórsárver - og verður svo í þessu máli. Dagurinn var eins og flestir dagar að mörgu leyti ágætur – en hann varð án Samfylkingarinnar þegar á hann leið og nú ...

Getur verið að fjölmiðlar hafi ekki almennilega kveikt á perunni, nefnilega að Álfheiður Ingadóttir, fulltrúi Vinstrihreyfingarinnar græns framboðs í stjórn Landsvirkjunar, greiddi ein atkvæði gegn tillögu um að hafnar skyldu viðræður við Alcan um orkusölu til stækkunar álversins í Straumsvík í 460 þúsund tonna framleiðslu á ári? Sannast sagna kann ég ekki aðra skýringu á sinnuleysi þeirra um afstöðu fulltrúa VG í Landsvirkjun. Ef til vill horfir þetta til bóta því í dag sendi þingflokkur Vinstrihreyfingarinnar græns framboðs frá sér ályktun um "stækkunarviðræðurnar" ásamt bókun Álfheiðar Ingadóttur, en bókun hennar er svohljóðandi...

...Friðrik Sophusson gerði því skóna í útvarpsviðtalinu í morgun að þetta skýrði viðsnúning Samfylkingarinnar varðandi Norðlingaölduveitu. Í útvarpsviðtalinu sagði hann að ástæða þess að meirihlutinn í Reykjavík snérist nú gegn þessari framkvæmd sé ótvíræður vilji borgarbúa í þessum efnum. Orðrétt sagði forstjóri Landsvirkjunar: "...þessi niðurstaða borgarinnar og þá sérstaklega meirihlutans sýnir að það eru kosningar í nánd og að það eru að koma prófkjör..."  Ef þetta er rétt, þá bið ég um ...Reyndar er sérkennilegt að fylgjast með tungutaki þeirra Landsvirkjunarmanna þessa dagana. Nú er allri umræðu um virkjanir og orkumál snúið upp í þröngt fyrirtækjatal. Það eru sagðir "óeðlilegir hagsmunaárekstarar" að sami aðili, þ.e. Reykjavíkurborg...

...Ég lái ekki þáttastjórnanda í Kastljósi fyrir að þakka ráðherra fyrir komuna og reyna að ljúka þættinum, eða var það ef til vill eftir yfirlýsingar hennar um hve æskilegir vinnustaðir álver væru fyrir æsku landsins í framtíðnni, sem þáttastjórnandinn ákvað að slíta samtalinu? Synd að Valgerður Sverrisdóttir, náttúruverndarsinninn að eigin sögn, skyldi ekki vera á tónleikunum í kvöld. Ég held að það væri æskilegt að ráðherrar tækju til umfjöllunar á að minnsta kosti einum ríkisstjórnarfundi spurninguna um hvort verið gæti að ríkisstjórnin sé á góðri leið með að verða náttúrulaus. Sennilega væri þó markvissara að spurt yrði hvort ríkisstjórnin væri að...