Umheimur

 

 

...Frá því í haust hefur legið fyrir á Alþingi fyrirspurn frá VG um viðbrögð íslenskra stjórnvalda við þessari tilskipun en af hálfu VG er eindregin krafa um að Íslendingar beiti sér af alefli gegn tilskipuninni eftir því sem kostur er. BSRB reið á vaðið með opinbera umræðu um tilskipunina hér á landi en stjórn bandalagsins hefur verið mjög vakandi um þetta málefni. Rúmt ár er nú liðið frá því fulltrúi BSRB í ráðgjafanefnd EFTA, Erna Guðmundsdóttir, lögfræðingur BSRB, gerði formlega athugasemd við tilskipunina og alþjóðafulltrúi BSRB, Páll Hannesson, hefur ritað um málefnið og komið fram í fjölmiðlum og kynnt afstöðu BSRB. Hann hefur rannsakað sérstaklega áhrif alþjóðavæðingarinnar á velferðarsamfélagið og verkalýðshreyfinguna, m.a...

... Þrennt er umhugsunarvert við þessa frétt. Í fyrsta lagi að rússnesk yfirvöld skuli vera farin að sjá að sér og reyni nú að ná til baka stolnum þjóðareignum. Í öðru lagi að þjófarnir skuli ætla að fara fram á skaðabætur fyrir að vera sviptir ránsfeng sínum. Í þriðja lagi að “fullvalda ríki” eigi orðið erfitt um vik að framfylgja lýðræðislegum vilja. Smám saman er verið að alþjóðavæða reglur og lög. Yfirleitt er þetta framkvæmt á forsendum markaðsvæðingar og er eignarréttur þar þungamiðja; ekki eignarréttur almennings heldur einstaklinga – manna á borð við þá félaga Khodorkovskí, Berzovsky og Abramovits. “Réttur” þessara manna er nú varinn í dómshúsinu í Houston í Texas jafnvel þótt þar séu á ferðinni ...

Birtist í Morgunpósti VG 22.12.04
...Ríkisstjórnin hefur ekki sett fram nein sannfærandi rök fyrir því að seta Íslands í Öryggisráðinu sé eftirsóknarverð. Spurningin sem verður að svara er einföld. Á hvern hátt getur Ísland látið gott af sér leiða í Öryggisráði Sameinuðu þjóðanna? Ef ekki er hægt að svara þessari spurningu á afgerandi og sannfærandi hátt ber að hætta þegar í stað við framboð til Öryggisráðsins og beina kröftum utanríkisþjónustunnar að öðrum verkefnum...

Þjóðarhreyfingin gengst nú fyrir söfnun fyrir auglýsingu í bandarísku stórblaði til að skýra hvernig á því stóð að Íslendingar höfnuðu á lista hinna viljugu eða vígfúsu ríkja sem studdu Bandaríkjastjórn til innrásar í Írak (ríkisstjórnin vill helst nota hugtakið staðfastur sem þýðingu á enska hugtakinu willing sem er alrangt; viljugur eða vígfús í þessu samhengi er nær lagi). Stuðningsmenn ríkisstjórnarinnar róa nú að því öllum árum að ófrægja aðstandendur þessa framtaks. Síðan er hinu náttúrlega haldið á loft að ekki megi tala illa um þjóðina í útlöndum: Að út á við þurfum við að standa saman. Almennt virða Íslendingar þessa grunnreglu. Það eru hins vegar forsvarsmenn þjóðarinnar, þeir Davíð Oddsson, utanríkisráðherra  og Halldór Ásgrímsson, forsætisráðherra sem hafa brotið hana með því að ...

...Í umfjöllun New York Times er rætt við Stefán Pálsson, formann Herstöðvaandstæðinga, sem segir eldri kynslóðina á Íslandi hafa verið stolta yfir því að íslendingar hefðu ekki her og brygði nú í brún við að sjá vopnaða Íslendinga á erlendri grundu. Þá er rætt við Illuga Gunnarsson, aðstoðarmann utanríkisráðherra, sem segir af og frá að hinar vopnuðu sveitir séu hermenn og Einar K. Guðfinnsson, formann þingflokks Sjálfstæðisflokksins, sem segir Íslendinga vinna "göfugt starf"  við uppbyggingu í Afganistan eftir að "hryðjuverkamönnum" hafi verið steypt þar af stóli...Eflaust þykir ... formanni þingflokks Sjálfstæðisflokksins athæfi Bandaríkjamanna í Írak vera sérlega "göfugt" eins og honum reyndar þykir um flestar gjörðir Bush og félaga...  

- Hvað hefði verið sagt ef þessi kynþáttamúr – múr sem reistur er til að skilja að tvær þjóðir, og hafa land af annarri þeirra – hefði verið í Suður-Afríku á apartheid - tímanum?
- Hvers vegna er látið viðgangast mótmælalaust að Ísrael beiti pyntingum í fangelsum? Ísrael er eina landið í heiminum þar sem pyntingar eru beinlínis heimilaðar í lögum!
-  Hvers vegna lagðist fyrrverandi utanríkisráðherra og núverandi forsætisráðherra Íslands gegn því  að bygging kynþáttamúrsins yrði kærð til Alþjóðadómstólsins, kæra sem leiddi til sakfellingar Ísraels?
- Hvers vegna fáum við ekki að heyra meira um morð og ofbeldisverk sem ísraelski herinn fremur daglega á herteknu svæðunum í Palestínu?
- Hvers vegna fáum við ekki að heyra af ofbeldi og harðræði sem palestínskir forsetaframbjóðendur eru beittir af hálfu ísraelskra yfirvalda?
- Hvers vegna skyldu íslenskir ráðamenn vera eins ósamkvæmir sjálfum sér og raun ber vitni í afstöðu til Íraks annars vegar og Ísraels hins vegar? Íraksstjórn undir stjórn Saddams Husseins hundsaði á annan tug ályktana Öryggisráðs Sameinuðu þjóðanna og var árás á landið m.a. réttlætt í því ljósi. Ísrael hefur hundsað yfrir 40 ályktanir SÞ? Enginn talar um að gera loftárás á Tel Aviv.

...Ekki verður hið sama sagt um spjall þeirra Halldórs og Óðins Jónssonar fréttamanns á morgunvakt RÚV í morgun. Þar var heldur meira logn. Í rabbi þeirra var vikið að þessum málum og enn eina ferðina "fræddi" Halldór Ásgrímsson þjóðina um stöðuna í alþjóðamálum. Í Afganistan hafi tekist að brjóta hryðjuverkamenn á bak aftur, þar sé nú lýðræði í hávegum haft; í Úkraínu hins vegar væri annað uppi á teningnum, það þekkti Halldór eftir dvöl sína þar. Allt minnti þetta nokkuð á það þegar sami maður kom á sínum tíma af fundi með bandarískum ráðamönnum og sagðist hafa óyggjandi sannanir fyrir gereyðingarvopnum í Írak! Aldrei hefur hann þurft að standa skil á því hverjar þessar sannanir hafi verið. Á Alþingi hafa bæði Halldór Ásgrímsson og núverandi utanríkisráðherra, Davíð Oddsson, farið undan í flæmingi, svarað út og suður eða með skætingi þegar upplýsinga hefur verið óskað og sem kunnugt er mæta þessir forsvarsmenn þjóðarinnar núorðið aðeins í fjölmiðla með því skilyrði að...

Þessa dagana fer fram í Miyazaki í Japan heimsráðstefna Alþjóðasambands frjálsra verkalýðsfélaga (ICFTU). Á þinginu eru þrír fulltrúar frá Íslandi: Þuríður Einarsdóttir og Einar Ólafssson frá BSRB og Gylfi Arnbjörnsson frá ASÍ. Ástæða er til að vekja athygli lesenda síðunnar á fréttum af þinginu en þegar hefur birst ...

Undanfarna daga hef ég setið stjórnarfund í Alþjóðasambandi starfsfólks í almannaþjónustu, Public Services International (PSI). Samtökin taka til allra heimsálfa og er geysilega fróðlegt að heyra frásagnir og lesa skýrslur frá öllum hornum heimsins. Engin samtök í heiminum, leyfi ég mér að fullyrða, er eins kröftugt mótvægi við Alþjóðagjaldeyrissjóðinn, Alþjóðabankann, Alþjóðaviðskiptastofnunina og aðrar valdastofnanir og valdatæki alþjóðafjármagnsins og einmitt þessi samtök. Yfir stöðuna í þessu samskiptum var ...

Eitt er víst. Evrópuþingið hefur reynst fullkomlega vanmáttugt í viðureign sinni við fulltrúa peningahyggjunnar, sem ráða nú lögum og lofum innan stjórnarnefndar ESB. Gagnrýnin andstaða hefur hins vegar komið frá verkalýðshreyfingunni í Evrópu. Hún hefur í fyrsta skipti í langan tíma sýnt að enn rennur í henni blóðið. Hér á Íslandi hefur BSRB staðið rækilega vaktina, örvað til umræðu og upplýst fólk um málið. Í ráðgjafanefnd EFTA hefur fulltrúi BSRB haft uppi alvarlega fyrirvara og verið einn um bókun hvað þetta varðar.
Fyrir Íslendinga er þetta ekki síður alvarlegt mál en Evrópusambandsþjóðirnar því þær ...

...En hvað þá með raunverulegan meirihlutavilja hjá Sameinuðu þjóðunum? Hann hefur alla tíð verið algerlega á móti hernaðarofbeldi Bandaríkjanna! Í nóvember 1998, eftir að öllum var orðið löngu ljóst að viðskiptabannið á Írak hafði leitt til dauða mörg hundruð þúsund manna, einkum barna og veikburða fólks, þannig að nánast allar stofnanir Sameinuðu þjóðanna börðust gegn banninu, svo sem Alþjóðaheilbrigðisstofnunin, og hver stjórnandi mannúðarhjálpar á vegum SÞ í Írak á fætur öðrum sagði af sér í mótmælaskyni, var borin fram ályktunartillaga á  Allsherjarþingi SÞ þar sem hvatt var til að ríki beiti ekki einhliða þvingunaraðgerðum ef þær stríði gegn grundvallarmannrréttindum og stofnsáttmála Sameinuðu þjóðanna...

Við fáum nú fréttir í hverjum fréttatíma frá Írak. Okkur er sagt frá stórsigrum bandaríska hernámsliðsins þar. Svo er að skilja að mannfall hafi ekki orðið mikið í röðum þess og látið að því liggja að óbreyttir borgarar séu nánast undanþegnir hörmungum stríðsins þrátt fyrir að heimkynni þeirra hafi verið jöfnuð við jörðu, skrúfað fyrir vatn og rafmagn, taugaveiki að breiðast út og haldið uppi stórskotaárásum á þá. Þeir einu sem kúlurnar hitti hins vegar séu lögmæt skotmörk, “hryðjuverkamenn” eins og bandarísk hermálayfirvöld skilgreina alla þá sem andæfa hernáminu. Eitthvað kemur þetta ekki heim og saman og hafa gagnrýnir fréttamenn vestan hafs og austan vakið máls á því. Í þeirra hópi er Greg Palast ...

Birtist í Morgunpósti VG 17.11.04.
...Hvað skyldi Kofi Annan, aðalritari Sameinuðu þjóðanna hafa gert við bréfið – eða öllu heldur ákallið - sem hann fékk frá borgaryfirvöldum í Fallujah þar sem hann var beðinn um stuðning Sameinuðu þjóðanna að koma í veg fyrir fyrirsjáanleg fjöldamorð og hryðjuverk Bandaríkjahers? Skyldi hann hafa sent erindið til Öryggisráðsins? Hefði verið gott að þar sæti nú fulltrúi Íslands? Hefðu íbúar Fallujah átt þar hauk í horni? Hefði hann krafist þess að Öryggisráðið fordæmdi Bandaríkjastjórn og bresku stjórnina og vitorðsmenn þeirra fyrir stríðsglæpi? Er það kannski frekar...

...Eina leiðin til að skilja Yasser Arafat er að skipta út nafninu Arafat fyrir baráttu palestínsku þjóðarinnar. Öll gagnrýni á Arafat er gagnrýni á þessa baráttu. Hann fæddist inn í baráttuna fyrir frelsi og dó umkringdur óvinum. Undir lokin var litið á hann sem þránd í götu friðarsamninga. Þrátt fyrir að hann hafi verið tilbúinn að gefa eftir mun meira land en margir Palestínumenn gátu sætt sig við, þá var hann aldrei tilbúinn til að semja um að falla frá réttinum til að snúa aftur frá flóttamannabúðunum. Þessi réttur var honum meira virði en frelsi strax, þar sem hann taldi að það yrði hægt að byggja upp pólitíska baráttu síðar, ef fólk aðeins "fengi að snúa aftur". ..

Undanfarna sólarhringa hafa borist fréttir af stríðsglæpum í Írak. Fallujah, 300.000 manna borg, hefur nánast verið jöfnuð við jörðu. Enginn veit hve margir óbreyttir borgarar hafa verið drepnir. Fyrir árásina var skrúfað fyrir vatn og rafmagn til borgarbúa. Hjálparstofnunum var meinaður aðgangur að borginni og allur flutningur hjálpargagna inn í hana bannaður. Fyrsta takmark árásarliðsins var að ná sjúkrahúsum á sitt vald til að koma í veg fyrir að fréttir bærust af mannfalli. Sprengjum og stýriflaugum hefur verið skotið á borgina af handahófi dögum saman. Drykkjarvatnið er orðið eitrað – taugaveiki breiðist nú út...Við hljótum öll að mótmæla þessum stríðsglæpum og krefjast þess að ríkisstjórn Íslands geri slíkt hið sama opinberlega og á alþjóðavettvangi...

Þjóð í þrengingum - samstöðufundur með Palestínumönnum er yfirskrift fundar sem haldinn verður í Borgarleikhúsinu í kvöld kl. 20.00. Eftir fráfall Arafats eru blikur á lofti í Palestínu og því mikilvægt að sýna palestínsku þjóðinni samstöðu.Um áratugi hefur hún mátt þola þrengingar og harðræði að hálfu hernámsliðs Ísraels. Kynþáttaaðskilnaðarmúrinn er til marks um hversu langt er gengið í ofsóknum á hendur Palestínumönnum. Enda þótt Ísraelsstjórn láti í veðri vaka að hún sé nú að draga úr útþenslu á Gaza sviftir kynþáttamúrinn Palestínumenn á Vesturbakkanum stóru svæðum. Múrinn er auk þess reistur til að sundra landi og byggðum, fjölskyldum og samfélagi...

Fréttamaðurinn og fræðimaðurinn John Pilger birtir stórmerkilega grein í New Statesman í dag undir fyrirsögninni Írak: Hið ótrúlega verður eðlilegt ( Iraq: the unthinkable becomes normal). Hann byrjar grein sína á atburðunum í Fallujah í Írak sem Bandaríkjaher herjar nú hvað harðast á. Hann vekur athygli okkar á því að fjölmiðlar virðist telja að þar búi nú aðallega "uppreisnarmenn". Staðreyndin sé hins vegar sú að þar sé "konum og börnum slátrað í okkar nafni." Hvernig má það vera að þetta gerist? Pilger vitnar í ...

Í dag flutti Davíð Oddsson, utanríkisráðherra, skýrslu á Alþingi. Þar komu fram áherslur ríkisstjórnarinnar í utanríkismálum: Fullkomin fylgispekt, nú sem fyrr, við utanríkisstefnu Bandaríkjanna, sennilega enn andheitari ástarjátning en nokkru sinni fyrr. Skýringin er ekki skoðanamunur þeirra Davíðs og Halldórs Ásgrímssonar, fyrrverandi utanríkisráðherra, heldur hitt að Davíð er sennilega meiri tilfinningamaður og tjáir sig ákafar. Þó held ég að Halldór hefði ekki gengið eins langt og Davíð gerði í dag í formælingum í garð...

Í nóvember árið  2001 sagði Colin Powell, utanríkisráðherra Bandaríkjanna: "Engir samningar verða gerðir á kostnað afganskra kvenna". Þetta var skömmu eftir að hernaðarárásin var gerð á landið. Powell og aðrir bandarískir ráðamenn voru þá iðnir við að réttlæta árásina í ljósi þess að verið væri að frelsa afganskar konur. Þessu var endurómað á Íslandi og er enn gert. Einar K. Guðfinnsson, þingflokksformaður Sjálfstæðisflokksins, hafði þessa skýringu á takteinum í sjónvarpsþættinum Ísland í dag á Stöð tvö í kvöld. Þetta rifjar upp...

Formaður þingflokks Sjálfstæðisflokksins, Einar K. Guðfinnsson, er dagfarsprúður maður. Það hendir þó af og til að tilfinningarnar bera hann ofurliði. Ekkert nema gott um það að segja að menn séu tilfinningaríkir. Hitt er verra þegar óbeislaðir skapsmunir og slæmur málstaður fara saman. Þingflokksformaður Sjálfstæðisflokksins hefur iðulega tekið að sér það hlutverk í seinni tíð að verja hernaðarstefnu Bandaríkjastjórnar og þá ekki síður stuðning íslensku ríkisstjórnarinnar við hana. Í dag fjölluðu fjölmiðlar um tilræði við íslenska friðargæslumenn í Kabúl. Af þessu tilefni var leitað til ...

...Undarlegt andvaraleysi er hins vegar hjá þessum sömu aðilum þegar raunveruleg ógn við öryggi landsins blasir við. Sjö rússnesk herskip hafa nú í rúma viku haldið til við Þistilfjörð, rétt utan tólf mílna landhelginnar. DV hefur í dag eftir sérfræðingi í rússneska flotanum, Nick Brown, (hjá Jane´s Information Group) að líklegt sé að eitt skipanna, beitiskipið Pyotr Velikiy, sé bilað. Skipið sé kjarnorkuknúið og hugsanlega með kjarnorkuvopn um borð. Í blaðinu er vitnað í talsmenn rússneska hersins sem sagt hafi að skipið sé nánast eins og ruslahaugur, kjarnaofninn hugsanlega í ólagi og að raunveruleg hætta sé á því að skipið gæti sprungið í loft upp...

...Mér er heitt í hamsi þegar ég slæ þessi orð inn í tölvuna. Ég var nefnilega að lesa viðtal við íraska konu, Huda Alazawi að nafni. Hún hefur sagt frá reynslu sinni í fangavist bandarískra hermanna í Írak. Hún er nýlega laus úr fangelsi en tveir bræður hennar eru enn í haldi. Einn bræðranna myrtu bandarísku hermenninrnir eftir grimmilegar pyntingar. Minnumst þessa næst þegar Davíð Oddsson og Halldór Ásgrímsson segja hve gott það hafi verið að losna við Saddam Hussein. Eflaust var það gott en ekki er það betra hlutskipti að fá þá félaga Bush, Blair og litlu kallana okkar yfir sig; mennina sem veita sadistum í íröskum fangelsum skjól...

Grein sem birtist í gær 9/11 í Theran Times er merkileg fyrir ýmissa hluta sakir og þá sérstaklega fyrir yfirvegun og yfirsýn greinarhöfundar, sem heitir  Hamid Golpira. Hann hvetur til þess að 9/ 11 verði gerður að alþjóðlegum minningardegi. Í niðurlagi greinar sinnar segir hann, að slík athöfn á heimsvísu "til minningar um allt það saklausa fólk sem lét lífið þennan dag gæti orðið til að stuðla að friði og sanngjarnari heimsmenningu". Greinarhöfundur minnir okkur síðan á að hinn 9. september árið 2001 hafi fleira saklaust fólk látið lífið en þeir sem þann dag voru drepnir í New York og Washington. Þannig hafi á þessum eina degi 30 þúsund börn og 8 þúsund fullorðnir dáið úr hungri og sjúkdómum sem rekja megi til fátæktar. "Börnin í þriðja heiminum upplifa 9/11 á hverjum einasta degi". Síðan rekur Hamid Golpira atburði sem áttu sér stað á þessum tíma víðs vegar um heiminn og er það umhugsunarverð lesning. Þessi nálgun opnar víða sýn á heiminn. Hún hvetur til raunsæis og er stefnt gegn fordómum. Hún er umburðarlynd. Ég læt greinina fylgja á ensku og síðan vefslóðir bæði á þessa grein og blaðið sem hún birtist í.

Þrjú ár eru nú liðin frá árásunum á New York og Washington og er í dag haldin minnigar- og menningardagskrá í Nýju róttæku miðstöðinni að Garðastræti 2 (101 Reykjavík), um atburðina 11. september 2001 og eftirköst þeirra.  Stofnun Nýju róttæku miðstöðvarinnar er lofsvert framtak sem ég hvet sem flesta til að kynna sér. Það er Gagnauga.is sem stendur að skipulegningunni en fyrir þá sem ekki til þekkja er athyglisvert að fara inn á þann róttæka og gagnrýna vef. Eins og fram kemur í meðfylgjandi dagskrá ...

Myndir geta verið áhrifaríkari en orð. Faðir huggar son sinn, heitir myndin sem hlaut World Press Photo verðlaunin í ár. Myndina tók franski ljósmyndarinn Jean-Marc Bouju en hann starfar fyrir Associated Press fréttastofuna. Myndin er úr fangabúðum í Najaf í Írak og sýnir fanga reyna að hugga fjögurra ára son sinn. Fanginn er látinn hafa hettu yfir höfði sínu en slíkt virðist tíðkast í herfangelsum Bandaríkjamanna, til að draga úr sjálfsöryggi og svipta menn mennskunni. En hve margir skyldu hugleiða þegar þeir horfa á þessa mynd eða svipaðar myndir, að fangarnir eru meðhöndlaðir á þennan hátt á ábyrgð Íslendinga. Hér á síðunni...

Ef allir létu berast með straumnum, spyrðu aldrei gagnrýninna spurninga og andæfðu ekki þegar þeim þætti stefna í óefni, er hætt við að við næðum aldrei því stigi að geta kallað samfélag okkar siðað menningarsamfélag. Það getur krafist hugrekkis að gagnrýna hið hefðbundna. Það á svo sannarlega við um Hirsi Ali, 35 ára konu frá Sómalíu sem nú á sæti á hollenska þinginu. Það á einnig við um Karsten Möller stjórnanda danska herskólans. Þetta eru ólíkir einstaklingar en tilviljun réði því að viðtal er við þau bæði í danska blaðinu Weekendavisen um síðustu mánaðamót (30. júlí – 5. ágúst) og önnur tilviljum réð því að eintak af blaðinu barst mér í hendur. Mér þótti þessi viðtöl gefa bjartsýni byr undir báða vængi. Það er alltaf gaman að heyra til fólks sem lyftir andanum – ekki síst þegar einstaklingarnir koma úr óvæntri átt. ...

Enda þótt framangreind samtök fagni því að íslensk stjórnvöld sýni einhvern lit vekur athygli af hve mkilli hógværð og linku þau koma fram í þessu máli. Það var ekki fyrr en eftir að undirskriftasöfnun er komin af stað að frá því var greint að utanríkisráðuneytið hafi komið mótmælum á framfæri.

Mótmæli í kyrrþey skipta nánast engu máli og eru lítið annað en friðþæging. Það sem máli skiptir er hvað sagt er opinberlega helst á pólitískum vettvangi þar sem mannréttindabrjóturinn er veikur fyrir. Það hafa fulltrúar okkar í utanríkismálum, Davíð Oddsson og Halldór Ásgrímsson nánst aldrei gert þegar Bush og Bandaríkin eru annars vegar. Fræg að endemum var för Davíðs vestur um haf nýlega þar sem hann spilaði þeirri yfirlýsingu inn í kosningabaráttu Bush að hann hefði gert heiminn friðvænlegri með árásinni á Írak! Ekki orð um Guantanamó eða pyntingar í bandarískum herfangelsum...

Þá er þriðji hópurinn sem ekkert viðurkennir og heldur áfram að berja höfðinu við steininn oft að því er virðist til að sýna ráðamönnum í Washington að þeir “bili ekki” eins og það var kallað í Sovét í gamla daga. Davíð Oddsson, forsætisráðherra Íslands, vakti heimsathygli með yfirlýsingum sínum í Washington fyrir fáeinum dögum þegar hann lýsti því yfir að innrásin í Írak hefði verið öllum heiminum til góðs; heimurinn væri nú betri og öruggari en áður. Þetta eru barnalegar yfirlýsingar og dapurleg er sú tilhugsun að við skulum kynnt um víða veröld með þessum hætti. Leiðarinn í New York Times víkur að þeim hópi manna sem engum rökum tekur og segir...

Davíð Oddsson, forsætisráðherra Íslands hitti George W. Bush í Hvíta húsinu í Washington og er alsæll. Ekki svo að skilja að sýnilegur árangur hafi orðið af heimsókninni. Menn hafa nokkuð hent gaman að för Davíðs og barnslegri ánægju hans yfir því að hafa fengið að hitta þennan vin sinn, sem hann kallar svo. Fyrir Íslendinga er það hins vegar ekkert gamanmál  hvernig ráðamenn þjóðarinnar knékrjúpa ráðamönnum í Washington. Davíð komst í heimsfréttir fyrir tvennt...

Eins fram hefur komið í fréttum er nú stödd hér á landi fjölmenn sendinefnd frá kínverska þinginu og fer varaforseti þingsins, Wang Zhaoguo, fyrir nefndinni. Á fundi fulltrúa þingflokkanna með sendinefndinni afhenti ég henni skýrslu mannréttindasamtakanna Amnesty International um mannréttindabrot í Kína og rakti helstu efnisatriði skýrslunnar þar sem fjallað er um ofsóknir á hendur forsvarsmönnum úr verkalýðsbaráttu, trúarhreyfingum og þjóðernisbaráttu, t.d. Tíbet. Einnig vísaði ég til þeirra kafla í skýrslunni sem fjalla um dauðarefsingu, pyntingar, hlutdræg réttarhöld og ofsóknir af ýmsu tagi. Ég staðnæmdist við mál tveggja einstaklinga, Yao Fuxin og Xiao Yunliang frá Liaoyang í norðaustur Kína, sem hnepptir voru í varðhald í maímánuði á síðasta ári og síðan dæmdir í fangelsi. Annar hlaut ...

Í hádegIsfréttum Ríkisútvarpsins var sagt frá áformum George W. Bush Bandaríkjaforseta að endurskipuleggja leyniþjónustu Bandaríkjanna, CIA, í ljósi þess að þaðan hefðu borist villandi upplýsingar um málefni sem tengjast Írak í aðdraganda innrásarinnar. Ljóst er að núverandi forseti og forsetaframbjóðandi Bandaríkjanna, George W. Bush, ætlar að reyna að þvo hendur sínar af ...

Þessu þarf nú að fara í saumana á og upplýsa verður þjóðina um hvað hér raunverulega er að gerast. Það verður ekki þolað að umræðulaust verði komið á fót íslenskum her. Það væri hins vegar eftir öðru hjá þessari ríkisstjórn og einhvern veginn passar þetta ágætlega inn í samhengið: Stjórnarskráin brotin, kosningaréttur skertur og komið á fót vopnuðum her...

Á forsíðu Fréttablaðsins í dag segir frá Írlandsheimsókn Bush Bandaríkjaforseta undir yfirskriftinni Heimurinn er öruggari en áður. "Ég trúi því að heimurinn sé öruggari staður", er orðrétt haft eftir forsetanum og ástæðan að sjálfsögðu sú, að hans sögn, að ráðist var á Afganistan og Írak. Eftir þessar innrásir sé heimurinn öruggari. Bush hefur viðdvöl á Írlandi í tæpan sólarhring á leið sinni til Tyrklands á NATO fund. Í DV kemur svo skýringin á þessari miklu öryggistilfinningu Gerorgs Bush. Þar segir frá ...

Vel á minnst. Þeir Davíð og Halldór eru sannarlega í hópi þeirra manna sem allra minnsta meðvitund hafa um það sem er að gerast í kringum þá nema þeir séu algerlega samdauna valdaklíkunni í Washington, einhverri harðsvíruðustu ofstækisklíku heimsvaldasinna, sem þar hefur ráðið um langt árabil. Nú hefur rannsóknarnefnd á vegum Bandaríkjaþings komist að þeirri niðurstöðu að engin tengsl hafi verið á milli al-Queada og Saddams Husseins en þessi tengsl voru ein höfuðréttlætingin á árasinni á Írak. Bush Bandaríkjaforseti átti ekki í miklum vandræðum við að bregðast við þessari skýrslu...

Á nýafstöðnu þingi EPSU (European Public Service Union, Starfsfólk í Almannaþjónustu innan Evrópusambandsins og EES) í Stokkhólmi í vikunni kom fram harðari tónn frá forsvarsmönnum verkalýðshreyfingarinnar og gagnrýnni í garð Evrópusambandsins en fram hefur komið í langan tíma. Tilefnið er ný tilskipun um þjónustustarfsemi, sem nú er í smíðum og telja menn sýnt að henni sé stefnt gegn samfélagslega rekinni velferðarþjónustu...

Í dag lauk í Stokkhólmi þingi EPSU ( Samtaka Launafólks í Almannaþónustu innan Evrópusambadsins og Hins Evrópska Efnahagssvæðis). Ráðstefnan var frjó og gefandi. Flest aðildarsamtökin eru innan Evrópusambandsins og reyna af alefli að hafa áhrif á það sem þar gerist. Ég hef fylgst nokkuð vel með umræðunni innan þessara samtaka um árabil og finn fyrir vaxandi óánægju með tvennt: Annars vegar er það gagnrýnt að Evrópusambandið (ESB) gangi erinda fjármagns- og atvinnurekendavalds og hins vegar er vaxandi kurr út af óheiðarlegum málflutningi...

Það er ekki tekið út með sældinni að heita Fritz Bolkenstein. Það er að vísu ekki bara nafnið sem veldur, heldur það sem þessi verkstjóri Evrópusambandsins við smíði nýrrar tilskipunar um þjónustustarfsemi, þykir hafa á samviskunni. Tilskipunin gengur út á að útvíkka hugtakið "þjónustu" þannig að það teygi sig inn á svið hefðbundinnar velferðarþjónustu en þar með væri opnað fyrir markaðsvæðingu hennar...

Að mínu mati eru Public Services International (PSI), Alþjóðasamtök starfsfólks í almannaþjónustu, kröftugustu alþjóðasamtök launafólks starfandi í heiminum. Þessi samtök hafa beitt sér fyrir úrbótum og framförum innan almannaþjónustunnar og barist gegn einkavæðingu af miklum krafti. Engin samtök hafa átt í eins mikilli gagnrýnni samræðu við Alþjóðagjaldeyrisssjóðinn og Alþjóðabankann.

Á laugardag var haldinn útifundur til þess að mótmæla hernaðarofbeldi Ísraela gegn Palestínumönnum. Það var félagið Ísland-Palestína sem stóð fyrir fundinum og stýrði formaður félagsins, Sveinn Rúnar Hauksson, fundinum. Ræðumenn voru Katrín Jakobsdóttir, varaformaður Vinstrihreyfingarinnar græns framboðs og Össur Skarphéðinsson, alþingismaður og formaður Samfylkingarinnar. Á fundinum var samþykkt ályktun ( sjá nánar) og Sigurður Skúlason, leikari las ljóð, þar á meðal meðfylgjandi ljóð eftir Kristján Hreinsson, skáld:

Forseti Íslands hefur sent samúðarskeyti vestur um haf vegna fráfalls Ronalds Reagans forseta Bandaríkjanna 1980-88. Hann lést í fyrradag á tíræðisaldri. Í Morgunblaðinu í dag er leitað eftir ummælum forsætisráðherra,utanríkisráðherra, fyrrverandi ...

Frá fréttamannafundi þar sem áskorunin var kynnt. Á myndinni eru Bjarni Magnússon frá Deiglunni, Huginn Þorsteinsson frá Múrnum, Ögmundur Jónasson formaður BSRB og Jóhanna K. Eyjólfsdóttir formaður Íslandsdeildar Amnesty International. Mynd Bára.

BSRB, ASÍ, Íslandsdeild Amnesty International og mörg ungliðasamtök stjórnmálaflokkanna hafa sent sameiginlega áskorun til ríkisstjórnar Íslands þar sem skorað er á ríkisstjórn Íslands að koma mótmælum á framfæri með formlegum hætti við ríkisstjórn Bandaríkjanna vegna þeirra mannréttindabrota sem nú viðgangast í herstöðinni við Guantanamo flóa á Kúbu. Þá hafa þessir aðilar ráðist í sameiginlega undirskriftasöfnun á vefslóðinni: www.skodun.is/undirskrift
Í áskoruninni segir:..

Ísraelski baráttumaðurinn fyrir mannréttindum, Uri Avnery, segir í blaðagrein sem birtist í Morgunblaðinu, laugardaginn 29. maí, að "sú undarlega skepna Busharon" sé í kreppu. Það eigi bæði við um framenda skepnunnar, George W. Bush, Bandaríkjaforseta og afturendann, Ariel Sharon, forsætisráðherra Ísraels. Myndbirtingarnar úr íröskum fangelsum af nöktum föngum hafi opinberað nekt Bandaríkjaforseta. Kreppa Ísraela felist í því að ofbeldið sem þau beiti Palestínumenn færi þeim ekki árangur.

Hér á síðunni hefur verið fjallað allítarlega um hvaða leiðir menn telji vænlegastar til að stöðva hernaðarofbeldið sem Ísraelar beita Palestínumenn. Inn í þessa umræðu á heima áskorun, sem  Grasrótarsamtökin GIPP (Grassroots International Protection For The Palestinian People), hafa sent frá sér....

Fyrir nokkrum dögum beindi ég spurningu til Félagsins Ísland Palestína á hvern hátt félagið teldi að Íslendingar gætu helst beitt sér gegn mannréttindabrotum og hernaðarofbeldi Ísraela á hendur Palestínumönnum. Finnst félaginu koma til greina að slíta stjórnmálasambandi við Ísrael og hvað með viðskiptaþvinganir (sjá nánar)? Hér verður sagt frá athyglisverðum vangaveltum um þetta efni innan ísraelsku mannréttindasamtakanna, Gush Shalom, einnig af hálfu Elíasar Davíðssonar, o.fl.... 

19. maí gerði ísraelski herinn eldflaugaárás á friðsama mótmælagöngu í Rafah.  Hér má sjá mann á Al-Najjar sjúkrahúsinu, syrgja ættingja sem féllu í árasinni .

Nú hefur svar borist við fyrirspurn minni hér á síðunni nýlega, til félagsins Ísland Palestína, um hvort Íslendingar eigi að slíta stjórnmálasambandi við Ísrael vegna þeirra alvarlegu mannrétindabrota, sem nú eru framin á ábyrgð ísraelskra yfirvalda. Svar félagsins hvet ég alla lesendur síðunnar til að kynna sérgaumgæfilega. Okkur ber siðferðileg skylda til að íhuga alvarlega hvernig við getum lagt okkar af mörkum í þágu mannréttinda. Svar félagsins er umhugsunarvert og vekjandi:..

Ríkisstjórnir víða um heim mótmæla en oftar en ekki á svo lágum nótum að nær væri að tala um að þær maldi í móinn. Félagið Ísland Palestína hefur staðið vaktina í mannréttindabaráttu Palestínumanna um langt árabil. Það hefur félagið gert af yfirvegun og viti. Fyrir vikið bera allir virðingu fyrir félaginu. Nú beini ég spurningu til félagsins og þætti vænt um að fá svar. Hvað er  nú til ráða annað en mótmæla hástöfum? Hvað geta Íslendingar gert? Sjálfur er ég farinn að hallast að því að rétt sé að...

Í sjónvarpsfréttum lýsti stjórnandi fangelsismála hernámsliðsins í Írak því yfir, að pyntingar á föngum hefðu verið „óviðeigandi, jafnvel ólöglegar“
( improper, even illegal)! Er það virkilega svo, að stjórnendum fangelsismála hafi þótt þetta óviðeigandi og hugsanlega ekki í samræmi við lög? Í fréttinni með þessum yfirlýsingum herforingjans voru sýndar myndir af nöktum mannslíkömum, bundnum saman í stóra kös; aðrir fangar voru reyrðir fastir, með bundið fyrir augun eða með kvenmannsnærbuxur yfir höfðinu. Allt gert til að valda sem mestri þjáningu og niðurlægingu. Frásagnir af nauðgunum og misþyrmingum fylgdu.

Pistillinn birtist í Morgunpósti VG (vg.is/postur) 10.05.04
Í niðurlagi leiðara Morgunblaðsins sl. laugardag segir: „Þeir sem ruddu Saddam Hussein á brott í krafti þess að þar væri kúgari á ferð hafa verið afhjúpaðir fyrir ógeðsleg mannréttindabrot.“ Við hlið leiðarans er síðan grein eftir aðstoðarmann utanríkisráðherra, Björn Inga Hrafnsson, sem ...

Gíslarnir japönsku frá Írak eru komnir heim heilir á húfi. Mér var létt. Ég hafði séð myndir af þeim í haldi með bandbrjálaða menn yfir sér með branda á lofti, öskrandi hótanir um líflát og tortúr. Ég hélt að öllum væri létt þegar fólkinu hafði verið sleppt. Nei, aldeilis ekki. Ráðamönnum í Japan kann að vísu hafa þótt gott að losna við vandann sem fylgdi gíslatökunni. En þeir hugsuðu fólkinu þegjandi þörfina. Samkvæmt fréttum virðist það hafa einnig átt við um stóran hluta japönsku þjóðarinnar. Það ótrúlega gerðist nefnilega, að eftir að fólkinu var sleppt úr haldi og það komið til síns heima í Japan sætti það ofsóknum. Svikarar stóð á skilti, sem því var sýnt við heimkomuna.

Fjölmiðlar vestanhafs gera mikið úr því þessa dagana hve mikið Bush Bandaríkjaforseti leggur upp úr því að honum sé ætlað það sögulega (trúarlega?) hlutverk að boða Írökum lýðræði að vestrænni fyrirmynd. Nú hefur verið skýrt frá því að John Negroponte verði skipaður sendiherra í Írak. Hann er núverandi sendiherra BNA hjá Sameinuðu Þjóðunum. Bandarískir fjölmiðlar rifja nú upp feril þessa manns. Staðnæmast þeir ...

... Þess vegna kom það mörgum á óvart þegar breska stórblaðið Guardian greindi frá því í janúar, að Adam Smith Institute nyti ríflegs ríkisstuðnings. "Helsta áróðurssmiðjan um einkavæðingu fjármögnuð með almannaé", sagði blaðið. Focus, sem er málgagn Heimssamtaka starfsfólks í almannaþjónustu, (Public Service International, PSI), tekur málið upp og segir að um sé að ræða fjárstuðning sem nemur 8 milljónum sterlingspunda...

Birtist í Morgunblaðinu 15.04.04.
Þegar upp er staðið og ummæli manna krufin þá hlýtur maður að fallast á, að sennilega sé það rétt hjá Halldóri Ásgrímssyni, að ekki er öllum gefið að hugsa málin á yfirvegaðan og rökrænan hátt. Spurningin er hins vegar hvort það eigi einvörðungu við um íslamska öfgamenn...

Birtist í Fréttablaðinu 15.04.04.
Þetta lítur sem sagt allt alveg ljómandi vel út að mati ríkisstjórnar Íslands – enda allar líkur á að við fáum að vera með! Samkvæmt fréttum virðist mönnum líka ganga ágætlega að réttlæta vígvæðinguna. Þar er gamalkunnugt ráð að koma sér upp óvinum sem þarf að verjast gegn...

Bandaríski blaðamaðurinn Ray Hanania segir í nýbirtri grein augljóst hvað vaki fyrir ísraelska forsætisráðherranum: Að framkalla ofbeldi af hálfu Palestínumanna. Með því móti styrki hann stöðu þeirra Ísraela sem vilji meiri landtöku á herteknu svæðunum. Í grein á vefsíðu sem er að finna í lokin á þessari samantekt, segir Ray Hanina, að morðið á Ahmed Yassin, helsta forsvarsmanni Hamas samtakanna, nú í lok marsmánaðar, hafi verið úthugsað einmitt með þetta fyrir augum. Ferill Ariels Sharons sé blóði drifinn. Á sjötta áratug síðustu aldar hafi Sharon farið fyrir "aðgerðahópi" ("hit-squad"), sem hafi myrt fjölda manns. "Ef hægt er að líkja einhverjum við bin Laden", segir Ray Hanina, þá er það Arile Shoron, “sem þurrkar út alla möguleika á að koma á friði". Hanina heldur því fram að Sharon hafi talið ísraelsk stjórnvöld á það á áttunda áratugnum, að styrkja Ahmed Yassin í sessi sem mótvægi við Yassir Arafat leiðtoga Frelsishreyfingar Palestínumanna, PLO, og staðhæfir hann að ...

Einhver kröftugusta baráttukona fyrir mannréttindum, sem nú er uppi, er án nokkurs vafa indverska konan Arundhati Roy. Skrif hennar og ræður eru sterkar og hrífandi. Eina slíka ræðu flutti hún í Harlem í New York í maí síðastliðnum. Í New York var Arundhati Roy á vegum, eða í samstarfi við Samtök um Efnahagsleg og Félagsleg Réttindi ( Center for Economic and Social Rights, CESR).
Í upphafi ræðu sinnar segir Arundhati Roy að einhverjum kunni að finnast orka tvímælis að indversk kona skuli komin til Bandaríkjanna til að gagnrýna það ríki. "En þegar land hættir að vera land og verður heimsveldi þá verður eðlisbreyting á gjörðum þess og hlutverki. Ykkur til skýringar þá tala ég sem þegn í heimsveldi, þræll sem gagnrýnir konung sinn."

Fyrirsögnina hef ég eftir Roger Normand, framkvæmdastjóra Rannsóknarstofu Efnahagslegra og Félagslegra Réttinda (Center for Economic and Social  Rights, CESR).

Svo virðist sem hafin sé skipulögð herferð til að hrekja Serba frá Kosovo. Tugir manna hafa verið felldir og hús brennd til grunna. Samkvæmt fyrstu fréttum hófst ofsóknarhrinan eftir að fréttir birtust í albönskumælandi fjölmiðlum um að serbneskir menn hefðu orðið þess valdandi að þrjú börn, af albönsku bergi brotin, drukknuðu í ánni Ibar. Þessi tildrög eru nú stórlega dregin í efa og er því haldið fram að þetta hafi verið liður í þaulskipulagðri áróðursherferð til að kynda undir hatur í garð Serba. Jonathan Eyal, forstöðumaður Royal Institute of Armed Forces í London er á meðal þeirra sem fullyrðir að svo sé. Á döfinni sé brottflutningur fjölmennra sveita NATO frá Kosovo og vilji forsvarmenn Albana nú knýja á um aukna sjálfstjórn eða sjálfstæði Kosovo. Jonathan Eyal segir að alþjóðlegir fjölmiðlar bregðist fullkomlega. Þeir setji þetta upp sem átök á milli Serba og Albana, slíkt sé fráleitt. Í þessu sambandi er bent á að í Prizren, svo dæmi sé tekið,  þar sem "átök" hafa orðið, búi 100.000 Albanir og 63 Serbar!

Umhugsunarverð var fréttin, sem barst frá Palestínu í gær, að fáeinum klukkustundum eftir morðið á Ahmed Yassin, forsvarsmanni Hamas samtakanna, hafði tíu nýfæddum börnum verið gefið nafn hans. Faðir eins barnsins sagði að þar með vildi hann stuðla að því að sá vilji Yassins yrði að veruleika, að yrði hann ...

Birtist í Fréttablaðinu 24.03.04.
Það er kominn tími til að Íslendingar átti sig á ábyrgð sinni í þessum stríðsrekstri. Við berum þar fulla ábyrgð. Utanríkisráðherra Íslands lýsti því yfir síðastliðið vor að hann þakkaði sínum sæla að þurfa ekki að senda íslenska menn í stríðið en bætti við, "ég dáist hins vegar að mönnum eins og Tony Blair sem geta tekið slíkar ákvarðanir með yfirveguðum hætti". Nú hefur komið í ljós að yfirvegun þeirra ...

Þetta er sem sagt maðurinn sem nú ofbýður ofstækið og hagsmunagæslan fyrir bandarískt auðvald. Og ekki man ég betur en Paul O´Neill hefði verið forstjóri Alcoa. Varla getur hann staðið mjög langt til vinstri. Alla vega er hann ekki í Vinstri grænum! ...

Í þeim skelfilega harmleik sem heimurinn verður nú vitni að í Palestínu er einn hópur sem ég reyni að missa aldrei sjónar af. Það er fólkið sem heldur, öllum öðrum fremur, mannlegri reisn, ekki bara sinni eigin; það heldur uppi reisn mannkynsins alls. Þetta eru Gyðingar og Palestínumenn, sem tala fyrir friði hvað sem á dynur, láta eigin hagsmuni eða hagsmuni "sinna eigin" aldrei villa sér sýn. Þess vegna verða þeir "okkar allra", kyndilberar frelsisins. Þetta er fólkið sem...

Það var hins vegar ekki í þessu samhengi sem Halldór Ásgrímsson utanríkisráherra Íslands brást við þessum vopnafundi. "Ég tel að hér sé um að ræða heimsatburð", segir hann við Morgunblaðið og bætir við, "Ég er stoltur og þakklátur íslensku sérfæðingunum fyrir þeirra stóra þátt í þessu máli." Í útvarpsfréttum í gærkvöld sagði Halldór að hann hefði alltaf vitað að gereyðingarvopn væru í Írak. Og nú væri sönnunin komin. Auðvitað kemst maður við yfir barnslegri gleði þeirra manna sem studdu árásina á Írak...