Stjórnmál

Gleðileg tíðindi fyrir Vinstrihreyfinguna grænt framboð voru kynnt í fjölmiðlum í dag því fram kom í könnun sem Fréttablaðið birti í dag að VG er í stórsókn. Nokkuð djúpt var á þessum fréttum í frásögnum Ríkisútvarpsins í dag. RÚV sló því upp að Sjálfstæðisflokkurinn bætti við sig fylgi en Samfylkingin tapaði fylgi samkvæmt umræddri könnun. Kallaður var til stjórnmálafræðingur frá háskólanum á Akureyri, Birgir Guðmundsson, til að útskýra það fyrir hlustendum Ríkisútvarpsins hvort þetta væri vegna formannaskipta í viðkomandi flokkum eða kannski alls ekki vegna formannaskipta, sem Birgir hallaðist nú heldur að. Og fréttastofan tók síðan kjarnan úr fréttinni saman og staðhæfði eftir stjórnmálafræðingnum...

Í umræðum á Alþingi sl. miðvikudag um lagafrumvarp sem heimilar ríkisstjórninni að kaupa eignarhlut sveitarfélaga í Landsvirkjun sagði Jón Bjarnason, þingmaður VG m.a.: “Nú hefur það komið fram m.a. hjá hæstv. iðnaðarráðherra Framsóknarflokksins og einnig líka núverandi formanni Sjálfstæðisflokksins að til stendur að einkavæða og selja orkufyrirtækin og þar með Landsvirkjun...."  Valgerður Sverrisdóttir, iðnaðarráðherra brást hin versta við og saðgist vilja koma því á framfæri  “að það stendur ekki til að einkavæða orkufyrirtækin í landinu...Svo einfalt er það mál.”
Ja, skyldi þeta vera alveg svona einfalt mál? Sama Valgerður Sverrisdóttir tjáði sig nefnilega í Katljósþætti hinn 17. febrúar sl. um nákvænlega sama mál en komst að allt annarri niðurstöðu. Eða finnst lesendum þetta ekki nokkuð skýrt sbr. eftirfarandi...?

...Fulltrúar Vinstrihreyfingarinnar græns framboðs hafa ekki tekið þátt í þessu leiðindasífri í garð borgarstjórans. Í VG höfum við á að skipa úrvalssveit á lista fyrir komandi borgarstjórnarkosningar. Það sem meira er, okkar frambjóðendur koma til með að bera uppi málefni sem eru mikilvæg samfélaginu og eiga erindi inn í samtíð og framtíð. Við skulum ræða við Steinunni Valdísi og aðra félaga hennar í Samfylkingunni á grundvelli málefna eins og við höfum reynt að gera hingað til. Gildir þá einu hverja Samfylkingin kemur til með að velja á framboðslista sinn...

Birtist í Morgunblaðinu 06.11.05.
Fimmtudaginn 3. nóvember skrifar Hjálmar Árnason, þingflokksformaður Framsóknarflokksins, grein í Morgunblaðið undir fyrirsögninni Neyðaróp frá RÚV. Ég fæ ekki betur séð en Hjálmar Árnason sé með þessari grein að undirbúa svik Framsóknarflokksins við eigin samþykktir um að Ríkisútvarpið verði ekki gert að hlutafélagi...Á stjórnkerfi Ríkisútvarpsins þarf að gera ýmsar breytingar til úrbóta. Fram hafa komið sannfærandi tillögur í því efni án þess að orðið verði við kröfu markaðssinna um að færa Ríkisútvarpið upp á færiband til einkavæðingar. Væri ekki rétt að skoða þær...?

Birtist í Morgunblaðinu 21.10.05
...Vel má vera að Samfylkingin telji það vera til vinsælda fallið á 21. öldinni, að gerast eins hægri sinnaður og hægri vængur Sjálfstæðisflokksins. Þá hættir flokkurinn hins vegar að vera félagshyggjuflokkur. Og fyrir okkur, sem horft höfum til Samfylkingarinnar sem vænlegs samstarfsflokks í stjórnmálum, vakna áleitnar spurningar.
Stjórnmálaflokkar verða að tala skýrt. Það gengur ekki fyrir Samfylkinguna að láta sem flokkurinn sé þenkjandi á jafnaðarvísu um leið og boðuð er grundvallarbreyting á samfélaginu í anda stækustu peningafrjálshyggju. Slíkt kallast að bera kápuna á báðum öxlum. Kemur fólki, sem stendur utan Samfylkingarinnar, það við hvernig hún hugsar og talar? Í tvennum skilningi er svo...

..Nú var úr vöndu að ráða fyrir ríkisstjórn sem staðráðin var í því að hunsa þjóðarviljann. Eftir nokkra yfirlegu var brugðið á það ráð að búa til sérstök Einkavæðingarfjárlög um ráðstöfun símasilfursins. Í Einkavæðingarfjárlögunum skyldi aðeins vera að finna vinsæl mál, engin kaup á sæti í öryggisráði SÞ þar, umdeildar fjárveitingar til NATÓ eða annarra mála sem lítt eru til vinsælda fallin. Slíkt skyldi vera í hinum hefðbundnu fjárlögum. Í Einkavæðingarfjárlögunum ætti aðeins að vera sólskin og gleði. Stjórnarmeirihlutinn tók að sjálfsögðu bakföll af hrifningu og einskærri ánægju yfir gjafmildi ríkisstjórnarinnar. Margir stjórnarandstöðumenn bitu einnig á agnið og fóru að ræða einstaka efnisþætti fumvarpsins, þar á meðal fjárveitingar þingsins á þarnæsta kjörtímabili! Þannig var ástandið innan veggja Alþingis í gær...

Birtist í Morgunblaðinu 13.09.05.
...Veltufé frá rekstri var 6.800 millj. kr. Þarna er því geysileg fjármunamyndun á ferðinni og hrikalegt til þess að hugsa að ríkisstjórnin skuli hafa tekið frá þjóðinni slíka gullkú...Ég efast um að nokkur maður trúi því að kaupendur Símans séu í góðgerðarstarfsemi; þeir hafi einfaldlega ekkert haft við 66,7 milljarða að gera og hafi viljað setja þá í uppbyggingu í þágu samfélagsins? Nei, þeir ætla að græða á Símanum. Auðvitað ætla þeir að ná hverri einustu krónu til baka frá notendum þjónustunnar og gott betur. Við munum borga ...
 

Birtist í Blaðinu 07.09.05
Hvað skyldi Björgvin G. Guðmundsson nú segja um flokksfélaga sinn Stefán J. Hafstein og yfirlýsingar hans um hugsanlegt samstarf við Sjálfstæðisflokkinn en í viðtali við Blaðið viðraði hann sjónarmið sín nýlega undir fyrirsögninni, "Sé samstarfsmöguleika við Sjálfstæðismenn". Þar er Stefán Jón, sem gjarnan vill verða borgarstjóri, spurður hvort hann sjái fyrir sér samstarf við "sjálfstæðismenn, jafnvel minnihlutastjórn?".  Stefán Jón kveður vera flöt á slíku og að... Mér sýnist hið pólitíska landakort vera að teiknast nokkuð skýrt upp. Mér sýnist margt benda til þess að valkostir kjósenda muni verða nokkuð skýrir í komandi borgarstjórnarkosningum. Þar þarf enginn að velkjast í vafa um vilja VG til að efla samfélagsþjónustuna, einvörðungu  með hagsmuni borgarbúa í huga. En ég er hræddur um að ...

...Svo lengi sem stjórnmálaflokkar telja sig eiga sameiginlegan samnefnara í almennri pólitík, vilja t.d. leggja áherslu á félagslega þætti, gagnstætt  sjónarmiðum, sem byggja á módeli peningafrjálshyggju, eiga þeir tvímælalaust að lýsa því yfir að þeir ætli að starfa saman að loknum kosningum...Um þetta fjallar Helgi Guðmundsson í Frjálsum pennum hér á síðunni í dag. Hann vísar m.a. í það sem hann kallar norsku leiðina, og hvetur til þess að menn íhugi hana fyrir komandi kosningar í Reykjavík. Helgi segir m.a. : "Vitlegt upphaf kosningabaráttunnar fyrir R-listaflokkana væri að fara norsku leiðina, lýsa því yfir að þeir hyggðu á áframhaldandi samstarf þó þeir bjóði ekki fram saman eins og síðustu ár. Þær ættu að koma sér saman um ákveðin megin málefni sem þeir legðu áherslu á að vinna saman að. Kjósendur skilja vel að flokkarnir vilji spreyta sig einir – sjá hvernig þeir standa og semja svo á grundvelli þess styrks sem þeir fá í kosningunum. Umfram allt eiga flokkarnir að ganga hreint til verks við kjósendur, segja þeim að ekki standi til að taka upp sama makkið í borgarstjórn og gert er við myndun ríkisstjórna heldur þvert á móti...

Ísland bráðvantar vinstri stjórn; ríkisstjórn sem af alefli beitir sér fyrir því að koma á jöfnuði í landinu og útrýma því misrétti sem fylgt hefur ríkisstjórnum Sjálfstæðisflokksins frá því hann komst til valda árið 1991. Það er rétt sem Hrafnkell A. Jónsson, héraðsskjalavörður á Egilsstöðum og fyrrum verkalýðsforkólfur með meiru, segir í grein í Blaðinu 11. júlí sl., að "þær kynslóðir sem eru að vaxa úr grasi í dag hafa aldrei búið undir vinstri stjórn..." Eftirfarandi er líka eflaust rétt eftir haft hjá Björgvin Guðmundssyni, sem segir í upphafsorðum greinar á vísir.is, sem einnig birtist sem leiðari Fréttablaðsins 25. júlí sl...
Vandinn er sá að báðir reynast þessir ágætu menn, Hrafnkell og Björgvin, vafasamir sagnfræðingar og báðir komast þeir að mínu mati að röngum niðurstöðum...

Ég skal játa að heldur kom mér á óvart að menn skyldu ekki sýna meiri lipurð í samningaviðræðum um framhald á R-listasamstarfinu en raun ber vitni og beini ég sjónum mínum þar einkum að Samfylkingunni. Ég geri mér grein fyrir að sitt sýnist hverjum í þessu efni og beinir Samfylkingarfólk spjótum að okkur í VG með ásökunum. Þannig er haft eftir Ingibjörgu Sólrúnu Gísladóttur, formanni Samfylkingarinnar á vefsíðu Morgunblaðsins í dag...
Þeir stjórnmálamenn sem raunverulega vilja áframhaldandi samstarf ættu að hafa morgundaginn í huga þegar þeir nú gefa samstarfsaðilum sínum einkunnir. Væntanlega vilja þeir samstarf málefnanna vegna....
Á hverju strandar þá? Í fyrsta lagi hefur Samfylkingin efasemdir um jafnræðisregluna. Hún telur Samfylkinguna vera stærri en hina flokkana og eigi hennar hlutur að vera meiri fyrir vikið. Tilbrigði við þessa hugsun er aukin aðkoma "óháðra". Þar mun vera vísað í Dag Eggertsson borgarfulltrúa auk þess sem Ingibjörg Sólrún Gísladóttir var "óháð" á sínum tíma. Og þannig er það: Allt á sinn tíma. Einu sinni var ég "óháður" í framboði ...

...R-listinn hefur gert margt gott í tímans rás, í sumu hefur honum mistekist. Eitt eru menn þó orðnir mjög meðvitaðir um í þeim röðum þar sem ég þekki til og það er mikilvægi þess að skilgreina lýðræði á víðari hátt en gert hefur verið. Í stað þess að leggja allt upp úr kosningu fulltrúa í borgarstjórn – að hún sé sem opnust og að menn séu lausir allra mála að þeim loknum – þá beri að líta á lýðræði sem stöðugt verkefni. Reyndar hef ég grun um að þeir sem leggi mest upp úr prófkjaralýðræði, að ekki sé minnst á leiðtogalýðræðið, séu einmitt þeir sem minnst gefi fyrir þessa breiðu lýðræðislegu aðkomu. Þeir vilja láta kjósa leiðtoga og fulltrúa sem síðan hafi umboð til að stjórna. Mitt er valdið og engar refjar. Kjóstu mig og síðan hlýðir þú! ...
Er þá komið að tilefni þessara skrifa. Í Fréttablaðinu í dag er viðtal við Össur Skarphéðinsson alþingismann Samfylkingarinnar sem nú fer mikinn í fjölmiðlum. Hann vill að Samfylkingin bjóði fram undir heiti R-listans hvort sem aðrir flokkar verði með eður ei! Óháðir mega vera með segir Össur. Vissulega er það sjónarmið að Samfylkingin bjóði fram ein og sér, en þá á hún að gera það undir réttum formerkjum. Annað eru falsaðar vörumerkingar og viðfangsefni fyrir "Jóhannes neytanda" að skoða. Það sem verra er að...

Því miður hittist svo illa á að sölumaður knúði dyra hjá mér þegar Birgir Guðmundsson, fréttamaður, fjallaði um R-lista samstarfið í Reykjavík í Spegli Ríkisútvarpsins í kvöld. Ég náði því ekki að hlýða á boðskap Birgis og útleggingar. Þó náði ég að heyra all sérstaka kenningu hans um Vinstrihreyfinguna grænt framboð; henni "léti ekki að taka stjórnlægar ákvarðanir"! Þetta kurteislega orðlag held ég að eigi að skiljast sem svo að við í VG viljum ekki axla ábyrgð á því að stjórna. Ekki heyrði ég nokkurn rökstuðning fyrir þessari staðhæfingu. Ég veit ekki betur en...

Þetta er fyrissögnin á nýlegum pistli iðnaðar- og viðskiptaáðherra Íslands, Valgerðar Sverrisdóttur á heimasíðu hennar. Hún hafði setið í flugvél með manni frá skattaparadísinni New Jersey á Ermarsundi; hún á leið til Serbíu - ekki fylgdi sögunni hverra erinda. Hann hafði verið í heimsókn á Íslandi og hrifist mjög af einkavæðingu undangenginna ára og góðvild ríkisstjórnarinnar í garð stórfyrirtækja og efnafólks. Og hér sat hann við hliðina á sjálfum ráðherranun sem hafði verið einn helsti gerandinn í þessu mikla ferli. Ekki að undra að hinn gestkomandi maður spyrði þeirrar spurningar sem brann á vörum – bæði hans og viðmælandans...

...Í stefnudrögum Samfylkingarinnar um heilbrigðismál kveður við þennan sama miður geðfellda tón um að fyrirtæki í heibrigðisþjónustu eigi að keppa um athygli ( og væntanlega einnig peninga ) sjúks fólks: Auka beri "hagkvæmni, skilvirkni og samkeppni á milli heilbrigðisstofnana..." Og um einkareksturinn almennt segir: "Einkarekstur er öflugt tæki gegn biðlistum og eykur valkosti, hagkvæmni og starfsánægju í heilbrigðiskerfinu." Auðvitað á maður ekki að verða forviða að heyra yfirlýsingu af þessu tagi frá Samfylkingunni...

...Fréttablaðið á mikið lof skilið fyrir vasklega framgöngu, og þá sérstaklega Sigríður Dögg Auðunsdóttir, fyrir rannsóknarfréttamennsku sína. Ég er hins vegar hræddur um að Hjálmar Árnason þurfi að klóra sér svolítið í höfðinu, maðurinn sem fór hörðum orðum um gagnrýni okkar stjórnarandstöðuþingmanna á þau atriði sem Fréttablaðið hefur nú gert að ítarlegu umfjöllunarefni og sýnt fram á að ásakanir okkar voru á rökum reistar. Í fyrrenfndum pistli sínum dró Hjálmar hvergi af sér í hneyksaln yfir...

...Í grein sinni rekur Ólafur Örn Arnarsson mjög skilmerkilega hvernig bæði Sjálfstæðisflokkur og Samfylking tala fyrir einkarekstri og samkeppni innan heilbrigðisþjónustunnar. Ekki  ætla ég  að hrekja ýmsar fullyrðingar læknisins um meinta kosti einkarekstrar í heilbrigðiskerfinu ...Það er hins vegar þakkarvert að okkur sé bent á að enginn munur sé á Sjálfstæðisflokki og Samfylkingu þegar kemur að einkavæðingu velferðarþjónustunnar. Þetta hlýtur að verða umhugsunarefni þeim kjósendum sem vilja...

Danski rithöfundurinn, Hans Scherfig, sagði einhvern tímann að sumir skrifuðu um lífið, aðrir skrifuðu um þá sem skrifuðu um lífið, en svo væru til þeir sem lifðu lífinu. Mér kemur þetta í hug þegar ég heyri Samfylkinguna tala um lýðræðið. Gott ef það var ekki Framtíðarhópur Samfylkingarinnar sem nú síðast talar um mikilvægi þess að þjóðin greiði atkvæði um allt bæði stórt og smátt. Alla vega talar þessi hópur mikið um lýðræði. Það hefur Samfylkingin reyndar oft gert á undanförnum árum. Meira að segja á mjög hástemmdan hátt. Það er svo mikilvægt að þjóðin fái að ráða, segja flokksmenn gjarnan á málfundum og í greinaskrifum. En síðan þegar á hólminn kemur og látið er á það reyna hver vilji manna raunverulega er, þá hefur því miður annað verið uppi á...

Birtist í Morgunblaðinu 15.05.05
...Ráðherrann talaði af miklum hroka niður til stofnana í almannaþjónustu. Þær hefðu gengið of langt í umsögnum sínum um stjórnarfrumvörp og væru þær Sigríður Anna Þórðardóttir, umhverfisráðherra, og hún um þetta sammála. Þessar stofnanir hefðu leyft sér að tjá sig um lagafrumvörp frá ríkisstjórninni á gagnrýnin hátt. Þannig hefði Umhverfisstofnun gengið of langt í umsögn sinni um vatnalög og Samkeppnisstofnun um samkeppnislög. Opinberum stofnunum bæri að "taka tillit til þeirra skilaboða sem koma frá stjórnvöldum", sagði Valgerður Sverrisdóttir í viðtali við...

Formaður þingflokks Sjálfstæðisflokksins, Einar K. Guðfinnsson, rekur kröftuga og ágæta heimasíðu. Sjaldan er ég sammála þeim skrifum sem þar birtast. Þó bregður svo við nú að ég er sammála hverju orði í grein sem nú getur að líta á ekg.is . Reyndar væri undarlegt ef svo væri ekki því greinin er eftir sjálfan mig og fjallar um þá hugmyndafræðilegu úlfakreppu sem Sjálfstæðisflokkurinn er kominn í. Að mínu mati er flokkurinn að verða ófær um að taka afstöðu til mála á grundvelli praktískra sjónarmiða því svo haldinn er hann þeirri þráhyggjukreddu að ...Sjálfstæðisflokkurinn íslenski er ekki einn um þessa nálgun, því fer fjarri. Í Bretlandi er nýbúið að kjósa forsætisráðherra, sem er haldinn nákvæmlega sömu hægri þráhyggjunni. Mér er sagt að Samfylkingin gæti verið í þann veginn að kjósa sér formann sem lýsir því yfir að hún fylgi áþekkri stefnu og Blair hinn breski. Þessu hefur Ingibjörg Sólrún Gísladóttir lýst yfir. Össur Skarphéðinsson hefur hins vegar sagt að ...

...En vandinn við fólk sem er í stöðugum partýjum er sá að það glatar hæfileikanum til að skoða umhverfi sitt af raunsæi – það hættir að sjá hlutina í fókus - til dæmis er augljóst að ríkisstjórnin er orðin ófær um að sjá misskiptinguna í landinu. Henni er farið líkt og Landsbankamönnum, sem segja í auglýsingum að, Aðeins einn geti komið í veg fyrir að þú eyðir í sparnað – það sért þú sjálfur. Er það svo? Leggur láglaunamaður eða öryrki á strípuðum bótum ekki  til hliðar eða fjárfestir  hann ekki í hlutabréfum vegna þess að hann er áhugalaus um að spara? Eða getur verið, og er það ekki öllu líklegra, að láglaunamaðurinn eða atvinnulaus maður með 91.426 kr. á mánuði eyði ekki í sparnað, eins og það er kallað, einfaldlega vegna þess ...

Sjálfstæðisflokkurinn má eiga það að hann hefur getað tekið gagnrýni á sínar gjörðir frá verkalýðshreyfingunni, þar með talið BSRB. Bandalagið, BSRB, sem ég veiti formennsku hefur verið mjög varfærið þegar umdeild þjóðfélagsmál eru annars vegar en tekið afdráttarlausa afstöðu í málum sem samstaða hefur verið um að samtökin beiti sér í...Því kunna Framsóknarmenn ekki að taka. Aðstoðarmaður forsætisráðherrans, Björn Ingi Hrafnsson ríður á vaðið og gerir því skóna að ég misnoti BSRB. Hvers vegna í ósköpunum ég hafi ekki sagt frá afrekum ríkisstjórnarinnar á baráttudegi verkalýðsins...Árásir Framsóknarmanna á BSRB marka ákveðin tímamót. Ég kveinka mér ekki undan gagnrýni í minn garð. En tilraunir til að sverta BSRB og gera lítið úr starfi samtakanna þykja mér mjög ámælisverðar og þeim einstaklingum sem í hlut eiga til minnkunar.

...Það merkilega við þennan dag er samstaðan. Í dag komum við saman í útvarpsþætti á Ríkisútvarpinu, Eiríkur Jónsson, formaður Kennarasambands Íslands, Ingibjörg Guðmundsdóttir, varaforseti ASÍ og ég sem formaður BSRB. Öll höfum við starfað ágætlega saman sem einstaklingar. En þótt þau samtök sem við erum í forsvari fyrir hafi haft gott samstarf um margt, er því ekki að leyna að ekki höfum við verið sammála um alla hluti. Einu get ég þó lofað fólki, að þegar við leiðum okkar hesta saman í umræðu á þessum degi, munum við ekki einblína á það sem sundrar okkar samtökum heldur hitt sem sameinar okkur. Þetta er galdurinn við 1. maí. Því eins og áður segir þá er þessi dagur, 1. maí, dagur samstöðunnar...

...Eða hverju sætir að opinbert framlag til þessarar mikilvægu stofnunar, sem er andlit Íslands inn á við og út á við í mannréttindamálum, er skorið niður úr 8 milljónum í 2,2 milljónir? Skyldi það vera vegna þess að Mannréttindaskrifstofa hefur haft sitthvað að athuga við ýmis umdeild stjórnarfrumvörp, fjölmiðlafrumvarpið, útlendingafrumvarp og fleiri, á undanförnum misserum? Enginn hefur treyst sér til að segja að Mannréttindaskrifstofan hafi ekki verið fagleg og sanngjörn í umfjöllun sinni um fyrrgreind mál. Hún hefur hins vegar gerst sek um þann "glæp" að vera stjórnvöldum ekki undirgefin. Þess vegna er nú talað um ...

Þingflokkur Framsóknarflokksins ætlar að birta upplýsingar um tekjur og hagsmunatengsl þingmanna sinna. Þetta er lofsvert skref og gott, svo langt sem það nær. En því miður nær það ekki nógu langt... Þótt Framsókn sé að stíga jákvætt skref með því að gera grein fyrir fjárreiðum þingmanna sinna þá stendur krafan á Framsókn um að fara alla leið og opna bókhald flokksins upp á gátt...

Mynd: mbl.is

Það var glatt á hjalla í Ráðherrabústaðnum við Tjarnargötu á föstudagskvöldið segir í flennifrétt í Morgunblaðinu í dag. Ríkisstjórn Sjálfstæðisflokks og Framsóknarflokks hafði þá setið að völdum á Íslandi í tíu ár upp á dag. Af því tilefni  bauð ríkisstjórnin sjálfri sér og öllum ráðherrum, sem gegnt hafa embætti á þessum tíma, ásamt mökum til viðhafnarkvöldverðar. Auðvitað er sjálfsagt að fólk geri sér öðru hvoru glaðan dag og stundum er það réttlætanlegt að hið opnbera efni til fagnaðar. Einhverra hluta vegna finnst mér þessi kvöldverður á kostnað skattborgarans ekki ganga upp. Ef til vill er hann þó táknrænn; dæmigerður fyrir þá sem ... Sjálfshól ráðherranna á sérstökum fréttamannafundi áður en þeir settust að veisluborði fékk ítarlega umfjöllun í fjölmiðlum og minnti á vel heppnaðar gróðursetningarferðir Daniels Araps Mois fyrrum forseta í Kenýu. Sá maður var ...

...Í sjálfu sér ber að fagna þeirri yfirlýsingu Halldórs Ásgrímssonar að fela skuli forsætisnefnd að fara í saumana á þessu máli. Ef þessi umræða, og reyndar sambærilegur þrýstingur í þessa veru árum saman, verður til að hreyfa málinu þá er það gott. Engu að síður velkist ég ekki í vafa um að halda verður uppi þrýstingi til þess að eitthvað raunverulega gerist í málinu. Við skulum vera minnug þess að Halldór Ásgrímsson sagði ekki alls fyrir löngu að sér væri það að meinalausu að birt yrði fundargerð utanríkismálanefndaar Alþingis sem hafði að geyma ummæli hans sem stjórnarandstöðunni þóttu ganga í berhögg við önnur ummæli hans og gjörðir á þessum tíma. Þessi ummæli voru aldrei birt. Sjálfstæðisflokkurinn gætti þess að lokað var á málið. Hvað gerir Sjálfstæðisflokkurinn í þessu máli? Í ljósi þessa er eðlilegt að spyrja hvaða þýðingu yfirlýsing Halldórs Ásgrímssonar í dag komi til með að hafa? Það á einfaldlega eftir að...

Einkavæðing velferðarþjónustunnar kemur ekki til greina segir Ingibjörg Sólrún Gísladóttir frambjóðandi til formennsku í Samfylkingunni. En hún bætir því við að allt komi til greina varðandi rekstrarformið...Hið sama er uppi á teningnum hjá Tony Blair og félögum í Nýja Verkamannaflokknum í Bretlandi. Þeir fundu upp hugtak sem heitir einkaframkvæmd. Þetta form hefur sömu eiginleika og einkavæðing og er einkavæðing, ef út í það er farið. Einkaframkvæmd gerir fjárfestum kleift að taka arð út úr þessari þjónustu eins og hverjum öðrum rekstri og reka hana á forsendum markaðslögmála...

...Valgerður bankamálaráðherra átti ekki mörg svör ríkisstjórninni til málsbóta í sjónvarpsþættinum þótt ekki verði sagt að hart hafi verið að henni sótt af hálfu háttprúðra þáttastjórnenda. En eitt taldi hún þó vera ríkisstjórninni haldreipi og það var umrædd skýrsla Ríkisendurskoðunar sem út kom haustið 2003 að beiðni þingflokks VG. Þessi skýrsla var afskaplega rýr í roðinu og fyrir þá sem vilja vita var hún ganrýnd af hálfu þingflokks VG sem  taldi Ríkisendurskoðun ekki hafa risið undir hlutverki sínu að þessu sinni. Í umræðu um starfsskýrslu Ríkisendurskoðunar í þinginu í janúar á þessu ári sagði ég að nálgun stofnunarinnar gagnvart viðfangsefninu í umræddri skýrslu hefði verið þröng og einskorðast við þau markmið sem ríkisstjórnin hefði lagt til grundvallar en ekki tekið mið af gagnrýni sem fram hefði komið innan þings og utan á einkavæðinguna og framkvæmd hennar. Sjónarhornið hefði með öðrum orðum verið afar þröngt. Skýrslan er því ekki nýtileg sem grundvöllur til að byggja á gagnrýna umfjöllun um einkavæðingu ríkisbankanna eins og fjárlaganefnd Alþingis hyggst nú gera. Þá liggur í augum uppi að skýrsla Ríkisendurskoðunar er...

...Í Bretlandi hafa hin margrómuðu umræðustjórnmál aðallega verið í nösunum á þeim sem engar raunverulegar umræður vilja. Þannig hefur það gerst að markaðskreddurnar hafa verið lögfestar umræðulaust hjá hinum bresku umræðupólitíkusum! Víkjum þá aftur til Íslands og formannskosninganna í Samfylkingunni. Hvað þykir frambjóðendum um vinnubrögð bresku hægri kratanna? Væri ekki ráð að spyrja formannskandídata Samfylkingarinnar hreint út hvort þeim finnist yfir höfuð koma til greina að einkavæða hverfisskóla á grunnskólastigi, í stað þess að hjakka í því farinu hver sé að rægja hvern? Um aðra þætti velferðarþjónustunnar mætti einnig spyrja þau Össur og Ingibjörgu Sólrúnu, þar með talið...

Helga Lára Hauksdóttir, Hafsteinn Þór Hauksson, Sigurður Kári ásamt undirrituðum.

Ungir sjálfstæðismenn efndu til fundar í Valhöll hádeginu í gær um frumvarp Sigurðar Kára Kristjánssonar alþingismanns um að nema úr gildi heimild til að birta skattskrár opinberlega. Þetta hefur lengi verið baráttumál ungra sjálfstæðismanna og hef ég oft furðað mig á því af hve miklum ákafa málið er sótt. Á fundinum sannfærðist ég um að þeir líta á þetta sem  mannréttindabrot...Annars voru fundarmenn rökfastir og skemmtilegir og gerðu grein fyrir máli sínu á ítarlegri hátt en hér er fært til bókar. Aðkomumanni var vel tekið þrátt fyrir ...

Helst held ég að auglýsingaráðgjafar Framsóknarflokksins hafi lamið á puttana á iðnaðar- og byggðamálaráðherra, Valgerði Sverrisdóttur, eftir makalausa álræðu hennar á þingi Samtaka iðnaðarins í vikunni sem leið. Morgunblaðið gerði m.a. þessa ræðu að umræðuefni í leiðara helgarblaðsins og var bersýnilega ekki skemmt. Í fréttum RÚV í kvöld kom síðan...

...Ég hef sent fyrirspurn til forsætisráðherra Íslands sem væntanlega verður svarað í næsta fyrirspurnartíma á Alþingi um hvort íslenska ríkisstjórnin muni fara að dæmi Dana. Fróðlegt verður að heyra svar Halldórs Ásgrímssonar. Á Íslandi gætu þessi hagsmunatengsl skipt miklu máli í ljósi þess hve iðin íslenska ríkisstjórnin er að selja verðmætar þjóðareignir í hendur fyrirtækjum og einstaklingum. Í því spili hefur margur maðurinn ...

Ýmsar leiðir má fara við að túlka ummæli Sivjar Friðleifsdóttur, þingmanns Framsóknarflokksins á Alþingi í gær. Í umræðu um Ráðherranefnd Norðurlandaráðs hóf hún, flestum að óvörum ( en að viðstöddum iðnaðarráðherra Valgerði Sverrisdóttur sem sat gleiðbrosandi í salnum), mikinn lestur um Davíð Oddsson, forsætisráðherra og meiningar hans um Evrópusambandið. Davíð hafði...

 
Um helgina fékk ég lesendabréf sem ég held að ekki sé hægt að horfa framhjá. Stefán vísar í "þá miklu umræðu sem oft sprettur upp á hinum Norðurlöndunum þegar uppvíst verður að stjórnmálamenn þar eru nátengdir fyrirtækjum. Þegar í ljós kemur að þeir eiga í fyrirtækjum sem til dæmis eru í viðskiptum við ríki eða sveitarfélög eða tengjast stjórnmálalífinu eða öðrum hætti. Ég undrast vegna þess að hér hafa fjölmiðlar ekki gert mikið úr svona tengslum." Síðan nefnir hann dæmi frá Norðurlöndunum máli sínu til stuðunigs og spyr mig hvort mér þætti"eðlilegt að fjölmiðlar beindu sjónum sínum að tengslum stjórnmálamanna hér við fyrirtækin í landinu, eða að eign stjórnmálamanna í fyrirtækjum." Í svari mínu tók ég undir með Stefáni að bæði Alþingi og fjölmiðlar hafi vanrækt skyldur sínar í þessum efnum. Ég benti jafnframt á að það væri lykilatriði að...

Valgerður Sverrisdóttir, iðnaðarráðherra  kvartaði yfir því á Alþingi í dag að út úr orðum sínum væri snúið og að erfitt væri að tala til fólks sem "heyrir ekki það sem maður segir". Tilefnið var það að lánshæfismat Landsvirkjunar tók dýfu eftir þá yfirlýsingu Valgerðar að til stæði að einkavæða fyrirtækið á komandi árum. Valgerður sagði þetta alranga útleggingu á sínum orðum...Valgerður, í einlægni spurt, viltu raunverulega að við hlustum eftir því sem þú segir? Ekki bara á það sem þú segir í dag heldur líka á það sem þú sagðir í gær og í fyrradag? Vill ráðherrann líka að við leggjumst í samanburðarrannsóknir? Við skulum reyna, en það kallar á sterkt taugakerfi... 

Það er víðar en á Íslandi að olíufélög hafi samráð sín í milli um verðlagningu. Í dag greinir Aftonbladet í Svíþjóð frá því að "Markaðsdómstóllinn" hafi dæmt nokkur olíufélög í samtals 112 milljón króna sekt fyrir að fara á bak við viðskiptavini sína með samráði. Þessa upphæð má margfalda rúmlega tífalt til þess að fá samanburð við íslensku krónuna. Þetta samráð fólst m.a. í því að sammælast um afsláttarkjör sem neytendur töldu sig vera að fá. Þetta samráð hefur staðið síðan 1999. Það sem mér liggur forvitni á að vita er hvernig Björn Bjarnason dómsmálaráðherra komi til með að ...

Tvö lesendabréf bárust síðunni eftir sjónvarpsfréttir í gærkvöldi. Í báðum tilvikum voru bréfritarar furðu lostnir yfir framgöngu ríkisstjórnarinnar og ekki síður fjölmiðla.  Ríkissjónvarpið verður fyrir harðri gagnrýni. Jóhann segir að réttara væri að tala um "ríkisstjórnarsjónvarpið". Það "elti Halldór Ásgrímsson þessa dagana fram og aftur um landið og kemur svo með hallærislegar langlokufréttir á kvöldin þar sem Halldór ... er .. að fjalla um einhver deilumál líðandi stundar eins og einkavæðingu Símans með grunnnetinu. Þá fær hann einn að rausa ...og (eru) spilaðir langir eintalsþættir..."  Í bréfi Ólínu er gagnrýni af sama toga í garð fjölmiðlanna sem láti ráðamenn komast upp með "ruglandi" og "þvælu" sem sé með slíkum ólíkindum að menn setji hljóða. Til alþingismanna er beint þeirri spurningu hvort þeir eigi ekki kost á að sækja námskeið í siðfræði og rökfræði! Það er broddur í orðum Ólínu en þó mikil alvara þegar hún spyr...

Halldór Ásgrímsson forsærisráðherra er nýkominn úr skíðaleyfi. Þaðan hélt hann beint á ársþing Verslunarráðsins þar sem hann ræddi við bissnissmenn um ágæti einakvæðingar, sérstaklega á símaþjónustu. Á sama tíma var óskað eftir nærveru ráðherrans við umræðu um sama efni á Alþingi. Látum þessa framkomu við þingið liggja á milli hluta svo og blíðmælgi Halldórs og skjall við peningamennina. Þjónkun Frmsóknar við fjármagnið er ekki ný af nálinni. Hins vegar virðast árásir formanns Framsóknarflokksins á samfélagsþjónustuna og opinberan rekstur færast í aukana auk þess sem ýmsar fullyrðingar hans í tengslum við einkavæðingu standast einfaldlega ekki skoðun. "Ég fullyrði", sagði Halldór...

... Eru eigendur Stöðvar 2 komnir með pólitískar krumlur í fréttastofuna varðandi mannahaldið? Við vitum að bæði Sjálfstæðisflokkur og Framsóknarflokkur líta á fréttastofur sem mikilvæg valdatæki þar sem eðlilegt sé að þeir hafi sína spotta til að toga í.
Hvað sem því líður er ljóst að viðbrögð stjórnenda Stöðvar 2 kæta nú Framsókn. Það verður athyglisvert að fylgjast með því hvort fréttastofa Stöðvar 2 lyppast niður eða heldur áfram að reyna að upplýsa felumál Halldórs Ásgrímssonar gagnvart þingi og þjóð.

Framóknarflokkurinn á í erfiðleikum. Sjaldan hefur það komið eins vel fram og í dag. Stöð 2 gerði mistök í fréttaflutningi sínum varðandi tímasetninguna á því hvenær (ekki hvort) Davíð Oddsson og Halldór Ásgrímsson komu Íslendingum á lista yfir þjóðir, sem lýstu vilja til að styðja innrás í Írak gegn vilja Sameinuðu þjóðanna. Nú snýst allt um dagsetningar og hver segir satt og rétt frá. Það er vissulega verðug umræða. Í henni á Halldór Ásgrímsson forsætisráðherra í vök að verjast. Þess vegna tekur hann og öll Framsókn fegins hendi feilspori hjá Stöð 2. Fréttamaðurinn og Stöð 2 biðjast hins vegar afsökunar. Öllum geta orðið á mistök. Allt veltur á hvernig viðkomandi bregðast við. Það er styrkur fréttamannsins, Róberts Marshalls, og Stöðvar 2 í þessu tilviki  að viðurkenna mistökin. Þeir sem þannig bregðast við verða ekki fyrir varanlegum skaða. En þetta nægir ekki hinni grandvöru Framsókn. Á vefsíðu Framsóknarflokksins segir ...

... Í hádegisfréttum RÚV í dag var haft eftir mínum ágæta félaga Gylfa Arnbjörnssyni, framkvæmdastjóra ASÍ, að verkalýðshreyfingin muni fylkja sér að baki formanni Samfylkingarinnar hver sem hann verði. Í útvarpsviðtalinu tekur Gylfi mjög eindregna afstöðu með ...

Formaður utanríkismálanefndar Alþingis, Sólveig Pétursdóttir, segir í viðtali við Fréttablaðið í dag að leynd verði ekki aflétt af fundargerðum utanríkismálanefndar Alþingis ... Menn skulu ekki gefa sér að hugsanlegur leki úr gögnum utanríkismálanefndar í fjölmiðla sé frá stjórnarandstöðuþingmönnum kominn ... Í umræðum á Alþingi síðastliðið haust fór Steingrímur J. Sigfússon, formaður Vinstrihreyfingarinnar græns framboðs og fulltrúi í utanríkismálanefnd fram á að leynd yrði aflétt af fundargerðum utanríkismálanefndar og í síðustu viku tók þingflokkur Samfylkingarinnar undir þá kröfu ... Hvers vegna treystir Halldór Ásgrímsson sér ekki til að láta upplýsa um sín eigin orð og yfirlýsingar? Hvað óttast hann? Halldóri Ásgrímssyni er í lófa lagið að greina frá því með framvísun fundargerðar um hvað fram fór á fundi utanríkismálanefndar 19. febrúar, því hverjum og einum er í sjálfsvald sett að upplýsa um eigin yfirlýsingar ...

... Þegar nú er rætt um ráðstöfun fjármuna þjóðarinnar erlendis verða menn að geta tekið því að til samanburðar við framlagið til hamfarasvæðanna hafi menn framlag ríkisstjórnarinnar til NATO upp á 300 milljónir króna. Það er vesalt að bera sig illa undan því að þessi mál séu sett í pólitískt samhengi ... Þótt hörmungarnar vegna hamfaranna ógurlegu séu okkur öllum sýnilegar og augljósar og veki hluttekningu okkar allra þá skulum við ekki gleyma því að á hverjum einasta degi deyja yfir 30 þúsund börn úr vannæringu og hungri. Þar veldur pólitík. Á kannski líka að biðjast afsökunar á að minnast á það? Þegar allt kemur til alls hljótum við að spyrja hver það yfirhöfuð er, sem á að biðjast afsökunar. Gæti verið að sá maður heiti ...