Beint á leiđarkerfi vefsins

Annađ

2. Október 2018

RÁĐHERRA GEGN LANDBÚNAĐI?

Kristján Júll 2Kristján Þór Júlíusson, ráðherra í Atvinnu- og nýsköpunarráðuneytinu, segist vera hættur við að ráða í starf skrifstofustjóra á sviði landbúnaðar- og matvæla, sem auglýst var 1. júní síðastliðinn. Skipuð hafði verið valnefnd og hæfir umsækjendur kallaðir til viðtals, þegar öllum að óvörum, ráðherrann kveður nú uppúr með að hann sé hættur við allt saman. Hann ætli - rétt si svona -  að leggja embættið niður!

Ég hef trú á því að Kristján Þór Júlíusson vilji vera sanngjarn maður og hef ég reynt hann að góðu einu.

Nú reynir hins vegar ekki eingöngu á að hann sýni sanngirni í verki heldur einnig hvort hann starfi í anda þeirra laga sem honum ber að horfa til þegar réttindi og skyldur starfsmanna ríkisins eru annars vegar. Eins og sjá má í starfsauglýsingu um umrætt starf er einmitt vísað tiil þeirra laga: "Um embættið gilda lög nr.115/2011, um Stjórnarráð Íslands, og lög nr. 70/1996 um réttindi og skyldur starfsmanna ríkisins."
Sjá hér auglýsinguna í heild sinni:
Í lögum um réttindi og skyldur í opinberum rekstri er að sönnu ekki beinlínis kveðið á um framkomu gagnvart því fólki sem í góðri trú svarar auglýsingu ráðuneytis. Lögunum er engu að síður ætlað að skapa umgjörð um réttláta stjórnsýslu og koma í veg fyrir geðþóttastjórnun. Augljóst er að hér er um rangláta stjórnsýslu að ræða og réttindi einstaklinga fótum troðin.  

Hvað skyldi Stjórnskipunar- og eftirlitsnefnd Alþingis segja um þetta ráðslag? Sú nefnd á að hafa eftirlit með því að vel sé farið með fjármuni og góð stjórnsýsla ástunduð.

Á þessu máli eru einnig hliðar sem lúta að skipulagi okkar samfélags. Umdeilt var þegar landbúnaðarráðuneytið var innlimað í sjávarútvegsráðuneytið á sínum tíma. Um skeið hafa þessi ráðunreyti verið rekin undir heitinu Atvinnu- og nýsköpunrráðuneyti. Nú er gengið enn lengra því nú er engu líkara en að þess megi hvergi sjá stað í skipuriti Stjórnarráðsins að til sé eining sem sinni innlendri matvælaframleiðslu, hvað þá íslenskum landbúnaði! Svo er að skilja að til standi að færa landbúnaðar - og matvælasvið ráðuneytisins undir alþjóðasvið sem svo er nefnt.
Þetta segir sína sögu.

Það skiptir máli hvort í skipulagi stjórnsýslunnar er að finna einingar sem ætlað er að halda utan um tiltekna málaflokka. Þess vegna var búið til umhverfisráðuneyti. Þess vegna var jafnréttismálum fundinn staður í stjórnsýslunni svo dæmi séu tekin. Má þá ef til vill gagnálykta þegar tiltekin málsvið eru þurrkuð út eða straujuð undir önnur svið? Er tilgangurinn ef til vill að draga enn úr mikilvægi íslensks landbúnaðar í stjórnsýslunni? Innlend matvælaframleiðsla skal nú vera hluti af alþjóðlegri framleiðslu án íslenskrar kennitölu. Viljum við þetta?  

Viðbrögð við þessari ákvörðun sem vonandi verður afturkölluð hafa verið sterk. Hér er til dæmis ályktun frá garðyrkjubændum. 

Ég vil taka undir ályktun garðyrkjubænda og skora jafnframt á ráðherrann, Kristján Þór Júlíusson, að endurskoða ákvörðun sína!


Bréf til síđunnarRSS Fréttaveita

Frá lesendum

19. Október 2018

STEFNUBREYTING?

Nú eru Bandaríkjamenn nýbúnir að vera hér á Íslandi með hundruð manna við heræfingar. Er það ekki rétt munað hjá mér, Ögmundur minn, að þegar þú sast í vinstri stjórninni þá voru aldrei neinar heræfingar? Sú stjórn sat þó í meira en fjögur ár ef allt er talið. Hefur orðið stefnubreyting hjá VG undir forystu Katrínar Jakobsdóttur?
Börkur Barkar

17. Október 2018

HVER ER SKOĐUN PÍRATA?

Ég var að lesa pistil þinn um mál/fréttaflutning um Evrópuráðið. Ég er sammála þér um að frétta/málflutningurinn fer fram úti á þekju eins og þú orðar það. Hvers vegna var Þórhildur Sunna, Pírati ekki spurð í RÚV hvað henni finnist um brottrekstur Rússa af Evrópuráðsþinginu? En við hvern er að sakast, þegar svona ...
Jóhannes Gr. Jónsson

17. Október 2018

AĐ HRUNI KOMINN

Nú er Hannes Hólmsteinn loksins að Hruni kominn - og það á tíu ára afmælinu. Eftir allan komma áróðurinn hefur hann með glöggum hætti leitt okkur í allan sannleikann um að það voru ekki nýfrjálshyggjan, ekki íslensk stjórnvöld og því síður nýríkir íslenskir kapítalistar sem leiddu hörmungarnar yfir okkur haustið 2008. Nei, það voru útlendingar með George Best forsætisráðherra Bretlands...
Fannar Freyr

14. Október 2018

LANG - LANG BEST

Allsherjar samstaða ákveðin sést
upp sultarkjörin skal hífa
Og auðvitað væri það lang-lang ...
Pétur Hraunfjörð

7. Október 2018

GUĐ BLESSI HEIMINN

Geir bað Guð að blessa landið,

gjaldþrotið og þjóðarstrandið.

Við höfum þanka

...

Pétur Hraunfjörð

 

3. Október 2018

UPPGJÖRIĐ VIĐ UPPGJÖRIĐ: ÍSLENSKIR BANKSTERAR Í AĐAL-HLUTVERKI

Uppgjör við útrás landans
ugglaust ræða má
þegar allt fór til fjandans
og fjöldinn hrunið sá.
...
Pétur Hraunfjörð

2. Október 2018

BRENNIVÍN Í BÚĐIR

Áfengið þau elska mest,
ölið kæra, sanna.
Þörfu ráðin þekkja flest, þ
etta má ei banna.
Kári

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

8. Október 2018

Gunnar Örn Gunnarsson skrifar: MANNAUĐS-STJÓRNUN EĐA „ŢRĆLAHALD".

Það er sorglegt að átta sig á því að alþjóðlegir auðhringar, eigendur allrar stóriðju á Íslandi, sem hugsa fyrst og fremst um hagnað og gróðavon, fari miklu betur með sinn mannauð en opinberar stofnanir sem reknar eru að meirihluta til af almannafé. Mikil umræða hefur verið um styttingu vinnuvikunnar og sitt sýnist hverjum og veltur það aðallega á „hagsmunum" þeirra sem um fjalla eða á misskilinni hagsmunagæslu ákveðinna aðila. Það skal tekið fram að eftirfarandi samanburður er ekki gerður til að öfundast út í þá sem vinna í stóriðju eða til að grafa undan þeim réttindum og kjörum sem þar hafa náðst ...

27. September 2018

Ţórarinn Hjartarson skrifar: HĆGRI-POPÚLISMINN - HELSTA ÓGN VIĐ LÝĐRĆĐIĐ?

RÚV, popúlisminn og hnattvæðingin; Hvaðan kemur hægri-pópulisminn, hvert er samband hans við hnattvæðinguna og ríkjandi stjórnmálastefnur á vesturlöndum, hvað vantar í greiningu/umfjöllun fjölmiðla og meginstraums-stjórnmálaflokka á honum? Ef hlustað er á RÚV fæst sú mynd að mesta vandamál í stjórnmálum Vesturlanda og jafnvel heimsins alls sé hægripopúlismi/ þjóðernispopúlismi. Sem er ekki rétt, en stafar af því að RÚV er málgagn markaðsfrjálslyndrar, hnattvæddrar, kapítalískrar heimsvaldastefnu (vestrænnar). Sem stafar aftur af því að ...

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta