Beint á leiđarkerfi vefsins

Annađ

21. Júlí 2018

EFASEMDIR ESJUNNAR

MBLBirtist í helgarblaði Morgunblaðsins 21/22.07.18.
Allur heimurinn býður upp á náttúrufegurð. Í mismiklum mæli þó. Þannig hafa fá lönd eins fjölbreytilega náttúru og við getum státað af í okkar landi. Og sennilega eru náttúruperlur hvergi eins margar á litlu svæði og einmitt hér. Þetta gerir Ísland eftirsóknarvert og jafnframt viðkvæmt í heimi sem allur er á faraldsfæti eftir að flugvélar urðu að strætó í loftlínu og fargjöldin eftir því.

En ef núttúruperlurnar eru Íslands, þá hef ég grun um að Evrópa eigi vinninginn þegar kemur að menningarminjum og fallegri mannabyggð. Auðvitað er um allan heiminn að finna fagrar bogir og bæi, stórfenglegar minjar, eldri og yngri, og spennandi söguslóðir. En Evrópa hefur á síðari öldum verið rík, að hluta til á kostnað annarra heimshluta. Ríkidæmi nýlendutímans er þannig meðal annars að finna í óendanlegum herlegheitum, höllum, listigörðum og listaverkum.

Svo eru það bæirnir með sínu hlýlega viðmóti, slípaðir og fágaðir af þúsund ára sögu. Einn slíkur er Beaune í sunnanverðu Frakklandi. Þessi litli bær var  nánast eins og paradís í augum ferðalangs frá Íslandi. Þarna var hægt að komast í nálægð við mikla og merkilega sögu klausturmenningar, vínræktar og lækninga svo eitthvað sé nefnt. Þarna vilja því margir koma.

Slíkir staðir, sem eru óteljandi í Evrópu, fögnuðu lengi vel heimsóknum til sín. Og ferðamennskan er góð og æskileg. Aldrei þreytist ég á að klifa á því.

En öllu má ofgera. Fréttir berast nú af vaxandi andúð í garð ferðamanna á vinsælustu áningarstöðum í Evrópu. Barcelona er þar ágætt dæmi því þar mun andúðin vera orðin sýnileg. Þetta er skiljanlegt því ágangur ferðamanna er orðinn heimamönnum áþján. Og ekki er nóg með það. Ferðamannaiðnaðurinn er orðinn svo frekur að hann er á góðri leið með að umbylta mannlífinu heima fyrir.

En þá gerist það líka að það sem þótti eftirsóknarvert, friðsældin og hógvær fegurðin með sinni hlýlegu áferð, sú sem ferðamaðurinn kom til að njóta, víkur fyrir allt öðrum og glamurkenndari heimi.

Þetta hefur til dæmis gerst í fyrrnefndri Beaune. Bærinn sem í endurminningunni var - og er vissulega enn - svo fagur, er kominn með illkynja kýli. Þetta kýli getur að líta þegar keyrt er inn í bæinnn. Í útjaðrinum - það er þó bót í máli - eru í einni stórri og stækkandi klessu hótelkassar, greinilega byggðir með lágmarkskostnaði til að skila hámarksarði að hætti fjöldaframleiðslu. Þarna gisti ég. Einhver staðar þurfum við að vera.

Vandinn er hins vegar sá að ef grimm markaðssetning og gróðahyggja ráða ferðinni í ferðamennsku er hætt við að kýli af þessu tagi verði fegurðinni yfirsterkari. Ef við sýnum ekki landinu nærgætni, þá munu töfrar þess hverfa.

Þetta kemur allt upp í hugann þegar fréttir berast af landakaupum erlendra fjárfestingarfyrirtækja og auðkýfinga hér á landi. Markmið með kaupum þeirra virðast tvíþætt, annars vegar að loka landinu í eigin þágu, eiga árnar út af fyrir sig, fegurðina og kyrrðina, eða á hinn bóginn að græða sem mest á þessari sömu fegurð. Hvorugt er eftirsóknarvert.

Eignarhaldi á Norðausturlandinu er nú hratt verið að þjappa saman í hendur erlendra auðkýfinga, Fljótin eru einnig á svipaðri vegferð og víðar er sömu sögu að segja, án þess að gæslumenn íslenskrar náttúru reyni einu sinni að grennslast fyrir um áform þessara aðila, sem eru að hanna Ísland upp á nýtt. Hvað er til dæmis að gerast í nánd við Geysi í Haukadal og Biskupstungum?

Spyr sá sem ekki veit. Hitt er víst að varla viljum við þar nokkuð í ætt við kýlið á Beaune-borg.

Þegar Hallgrímskirkjan í Reykjavík var í smíðum var umdeilt að reisa svo háreista byggingu á Skólavörðuholtinu. Einn þeirra sem hafði efasemdir var Kjarval. Og einhverju sinni þegar á þetta var minnst við hann, að hann væri svo mikið á móti Hallgrímskirkju, þá sagði hann það vera af og frá. Hann hefði ekkert á móti þessari byggingu. En það væri Esjan, hún hefði sínar efasemdir.

Nú kunna efasemdir Esjunnar að hafa verið óþarfar. Það breytir því ekki að þetta er það samhengi sem færa þarf umræðuna í, að meta stærð, hlutföll, samhengi; í stuttu máli, að sýna kurteisi gagnvart landinu.

Ella verður Ísland allt fyrr en varir að ilkynja kýli á borð við neon-þyrpinguna í Beaune.


Bréf til síđunnarRSS Fréttaveita

Frá lesendum

19. Október 2018

STEFNUBREYTING?

Nú eru Bandaríkjamenn nýbúnir að vera hér á Íslandi með hundruð manna við heræfingar. Er það ekki rétt munað hjá mér, Ögmundur minn, að þegar þú sast í vinstri stjórninni þá voru aldrei neinar heræfingar? Sú stjórn sat þó í meira en fjögur ár ef allt er talið. Hefur orðið stefnubreyting hjá VG undir forystu Katrínar Jakobsdóttur?
Börkur Barkar

17. Október 2018

HVER ER SKOĐUN PÍRATA?

Ég var að lesa pistil þinn um mál/fréttaflutning um Evrópuráðið. Ég er sammála þér um að frétta/málflutningurinn fer fram úti á þekju eins og þú orðar það. Hvers vegna var Þórhildur Sunna, Pírati ekki spurð í RÚV hvað henni finnist um brottrekstur Rússa af Evrópuráðsþinginu? En við hvern er að sakast, þegar svona ...
Jóhannes Gr. Jónsson

17. Október 2018

AĐ HRUNI KOMINN

Nú er Hannes Hólmsteinn loksins að Hruni kominn - og það á tíu ára afmælinu. Eftir allan komma áróðurinn hefur hann með glöggum hætti leitt okkur í allan sannleikann um að það voru ekki nýfrjálshyggjan, ekki íslensk stjórnvöld og því síður nýríkir íslenskir kapítalistar sem leiddu hörmungarnar yfir okkur haustið 2008. Nei, það voru útlendingar með George Best forsætisráðherra Bretlands...
Fannar Freyr

14. Október 2018

LANG - LANG BEST

Allsherjar samstaða ákveðin sést
upp sultarkjörin skal hífa
Og auðvitað væri það lang-lang ...
Pétur Hraunfjörð

7. Október 2018

GUĐ BLESSI HEIMINN

Geir bað Guð að blessa landið,

gjaldþrotið og þjóðarstrandið.

Við höfum þanka

...

Pétur Hraunfjörð

 

3. Október 2018

UPPGJÖRIĐ VIĐ UPPGJÖRIĐ: ÍSLENSKIR BANKSTERAR Í AĐAL-HLUTVERKI

Uppgjör við útrás landans
ugglaust ræða má
þegar allt fór til fjandans
og fjöldinn hrunið sá.
...
Pétur Hraunfjörð

2. Október 2018

BRENNIVÍN Í BÚĐIR

Áfengið þau elska mest,
ölið kæra, sanna.
Þörfu ráðin þekkja flest, þ
etta má ei banna.
Kári

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

8. Október 2018

Gunnar Örn Gunnarsson skrifar: MANNAUĐS-STJÓRNUN EĐA „ŢRĆLAHALD".

Það er sorglegt að átta sig á því að alþjóðlegir auðhringar, eigendur allrar stóriðju á Íslandi, sem hugsa fyrst og fremst um hagnað og gróðavon, fari miklu betur með sinn mannauð en opinberar stofnanir sem reknar eru að meirihluta til af almannafé. Mikil umræða hefur verið um styttingu vinnuvikunnar og sitt sýnist hverjum og veltur það aðallega á „hagsmunum" þeirra sem um fjalla eða á misskilinni hagsmunagæslu ákveðinna aðila. Það skal tekið fram að eftirfarandi samanburður er ekki gerður til að öfundast út í þá sem vinna í stóriðju eða til að grafa undan þeim réttindum og kjörum sem þar hafa náðst ...

27. September 2018

Ţórarinn Hjartarson skrifar: HĆGRI-POPÚLISMINN - HELSTA ÓGN VIĐ LÝĐRĆĐIĐ?

RÚV, popúlisminn og hnattvæðingin; Hvaðan kemur hægri-pópulisminn, hvert er samband hans við hnattvæðinguna og ríkjandi stjórnmálastefnur á vesturlöndum, hvað vantar í greiningu/umfjöllun fjölmiðla og meginstraums-stjórnmálaflokka á honum? Ef hlustað er á RÚV fæst sú mynd að mesta vandamál í stjórnmálum Vesturlanda og jafnvel heimsins alls sé hægripopúlismi/ þjóðernispopúlismi. Sem er ekki rétt, en stafar af því að RÚV er málgagn markaðsfrjálslyndrar, hnattvæddrar, kapítalískrar heimsvaldastefnu (vestrænnar). Sem stafar aftur af því að ...

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta