Beint á leiđarkerfi vefsins

Annađ

15. Maí 2018

RĆĐA Á AUSTURVELLI: AL AWDA

Palestínu-fundur_15 5 2018
Salman Tamimi minntist á æskudaga sína í Hebron hér áðan. Mig langar einmitt til að segja ykkur í nokkrum setningum frá heimsókn minni þangað. Hún fer aldrei frá mér. Og fyrir mig hefur hún þýðingu í dag.
Þegar ég var þar á ferð iðaði gamli miðbærinn af lífi þótt elsti verslunarkjarninn væri að sögn aðeins svipur hjá sjón þegar horft væri til fyrri tíðar. Hann lá lágt, undir klettahamri miklum og ofan á honum hafði ísraelskur herflokkur búið um sig í manngerðu hreiðri. Netin sem strengd höfðu verið yfir gömlu þröngu verslunagöturnar urðu skiljanleg þegar bent var á hvaðan ruslið kæmi, sem lá í hrúgum ofan á þéttriðnu netinu, matarleifar og annar úrgangur. "Þetta er sorptunna herstövarinnar sem er hér fyrir ofan okkur" var útskýrt, "og stundum er skvett úr koppum til að gera okkur lífið enn óbærilegra".
Hernám leikur alla illa, fórnarlömbin að sjálfsögðu, en einnig siugurherrana sem verða illviljanum að bráð.

Uppi í brekku stóð barnaheimili fyrir palestínska íbúa í Hebron. Illfært var upp brekkuna eftir grýttri moldarslóð, sem í bleytu varð að drullusvaði. Við hliðina voru steyptar tröppur. Þar hafði verið komið fyrir gaddavírsrúllum. "Það er til að halda okkur í svaðinu", var enn útskýrt. Við barnaheimilið var steinveggur. Á hann hafði verið úðað skilaboðum og engin tilraun gerð til að afmá þau: Gas the Arabs, Arabana í gasklefana! Óhugnanleg skírskotun til sögunnar; nútíð og fortíð leidd saman á nánast sjúklegan hátt.  

Netanjahu, forsætisráherra Ísraels, orðar það ekki beinlínis svona. En hann er kominn ískyggilega nærri  því og Ísrael á flest sameiginlegt með öðru rasistaríki, Suður-Afríku, þar sem kynþættirnir voru aðskildir með múrum og gaddavír. Og þar var annað líkt með líkum. Það var hvernig valdhafarnir þrengdu að gangrýnendum úr eigin röðum. Þetta er nú að gerast í Ísrael og heitir fasismi.

Í Palestínu, sem við viðurkennum sem sjálfstætt ríki en er hernumið land eins og við þekkjum, er ástandið slæmt og versnar. Skefjalaust ofbeldi, morð og pólitískar fangelsanir eru daglegt brauð og áfram koma Ísraelar landránsbyggðum á fót í Palestínu þvert á gefin fyrirheit og samninga. En ástandið versnar ekki þannig að augað nemi ef undan er skilinn sá hryllingur sem við nú verðum vitni að og verðum annað veifið, síðast árið 2014. Nei, þvert á móti lítur sumt jafnvel betur út á yfirborðinu en það gerði fyrir fáeinum árum. Í hinni daglegu önn er yfirbragðið sléttara og felldara; illvirkin dannaðri. Það hefur lærst að brosa, you learn how to smile as you kill eins og John Lennon söng af öðru tilefni.  

Þegar yfirgangur og ofbeldi verður hið daglega líf árum og áratugum saman þá kemur að því að kúgunin tekur á sig mynd hins varanlega. Á ensku heitir þetta normalísering. Hún er hættuleg, því hún er lamandi og slævir baráttuviljann.   

Og það er þarna sem Donald Trump leggur sitt lóð á vogarskálar, ekki sem Donald Trump, heldur sem forseti Bandaríkjanna. Flutningur bandaríska sendiráðsins til Jerúsalem er tilraun til að normalísera rof Ísraela við alla samninga sem þeir hafa komið að og að sjálfsögðu samþykktir Sameinuðu þjóðanna, m.a. um að Jerúsalem skuli tilheyra báðum og öllum, vera tákn um réttlátari og friðsamlegri framtíð.

Þau ríki sem ekki mótmæla þessu eru með þegjandi þögninni að normalísera yfirgang og ofbeldi. Nú bíðum við eftir því að Alþingi Íslendinga álykti og sendi harðorð mótmæli gegn siðrofi þeirra Trumps og Netanjahus og sendi jafnframt  palestínsku þjóðinni stuðnings- og baráttukevðjur. Á meðan við bíðum eftir slíkri yfirlýsingu frá Alþingi sendum við sem hér stöndum slíkar kveðjur.

Sjötiu ár eru nú liðin frá stofnun Ísraelsríkis og hernámi Palestíu, þegar 700 þúsund Palestínumenn voru reknir frá heimilum sínum og bannað að snúa aftur, jafmvel til þess eins að heimsækja heimahgana í samræmi við Mannréttindayfirlýsingu Sameinuðu Þjóðanna frá 1948.

Allar götur síðan hefur þessi krafa hljómað en hún hefur hljómað daufar með árunum,  varla heyrst í seinni tíð. Slíkt gerist í heimi sem hefur tekist að normalísera ofbelið, lama viljann.

En nú skyndielga, á sama tíma og þyngra verður fyrir fæti í mannréttindabaráttunni í Palestínu og Palestína á leið út úr kastljósi fjölmiðla heimsins, þá er krafan þessi á ný: krafan sem allir voru að verða feimnir við, svo órafjarri sem hún virtist vera því sem þykir gerlegt og raunsætt, nú hljómar hún á ný og kröftug, krafa Göngunnar miklu í Palestínu, krafan um að virtur sé rétturinn til að snúa heim - Al awda. Þessi krafa, sem einnig þýðir lykillinn, hljómar nú á útifundum um heiminn allan - og þetta gerist þegar allir voru að missa vonina. Við jafnaldrar Ísraels, sem staðið höfum ótal fundi eins og þennan, og vorum farin að spyrja hvort til einskis hefði verið barist, við heyrum nú á ný hvatningu um að byrja upp á nýtt, hugsa upp á nýtt, berjast upp á nýtt.   

Og við finnum það innra með okkur hvernig baráttuviljinn glæðist og herðist í kröfunni um að Ísraelsher láti af morðárásum og ofbeldi þegar í stað.  

Og við - við skulum gera okkar til að knýja Ísrael til að horfast í augu við skilaboðin á veggnum í Hebron,

Við skulum gera okkar til að fá almenning í Bandaríkjunum til að horfast í augu við þá staðreynd að stjórnvöld í þeirra umboði verja morð og ofsóknir því mannréttindabrotin eru í boði Bandaríkjanna.
Og við skulum minna okkar eigin stjórnvöld á sína ábyrgð. Undir henni verður ekki risið með þögninni.
Það þarf að knýja þann hluta heimsins sem bjó til Ísrael að viðurkenna og gangast við ábyrgð á afleiðingum gjörða sinna. Þar erum við Íslendingar á báti.

Setjum Palestínu aftur á dagskrá, fylgjumst með ofbeldisverkunum, mótmælum þeim, normalíserum það eitt sem við viljum að sé normalt, viðtekið, eðlilegt og réttmætt.

Það á við um kröfu dagsins, um réttinn til að snúa heim með í hendi lykilinn að breyttum tímum: Al awda.
Al awda
Al awda
AL AWDA!


Bréf til síđunnarRSS Fréttaveita

Frá lesendum

19. Október 2018

STEFNUBREYTING?

Nú eru Bandaríkjamenn nýbúnir að vera hér á Íslandi með hundruð manna við heræfingar. Er það ekki rétt munað hjá mér, Ögmundur minn, að þegar þú sast í vinstri stjórninni þá voru aldrei neinar heræfingar? Sú stjórn sat þó í meira en fjögur ár ef allt er talið. Hefur orðið stefnubreyting hjá VG undir forystu Katrínar Jakobsdóttur?
Börkur Barkar

17. Október 2018

HVER ER SKOĐUN PÍRATA?

Ég var að lesa pistil þinn um mál/fréttaflutning um Evrópuráðið. Ég er sammála þér um að frétta/málflutningurinn fer fram úti á þekju eins og þú orðar það. Hvers vegna var Þórhildur Sunna, Pírati ekki spurð í RÚV hvað henni finnist um brottrekstur Rússa af Evrópuráðsþinginu? En við hvern er að sakast, þegar svona ...
Jóhannes Gr. Jónsson

17. Október 2018

AĐ HRUNI KOMINN

Nú er Hannes Hólmsteinn loksins að Hruni kominn - og það á tíu ára afmælinu. Eftir allan komma áróðurinn hefur hann með glöggum hætti leitt okkur í allan sannleikann um að það voru ekki nýfrjálshyggjan, ekki íslensk stjórnvöld og því síður nýríkir íslenskir kapítalistar sem leiddu hörmungarnar yfir okkur haustið 2008. Nei, það voru útlendingar með George Best forsætisráðherra Bretlands...
Fannar Freyr

14. Október 2018

LANG - LANG BEST

Allsherjar samstaða ákveðin sést
upp sultarkjörin skal hífa
Og auðvitað væri það lang-lang ...
Pétur Hraunfjörð

7. Október 2018

GUĐ BLESSI HEIMINN

Geir bað Guð að blessa landið,

gjaldþrotið og þjóðarstrandið.

Við höfum þanka

...

Pétur Hraunfjörð

 

3. Október 2018

UPPGJÖRIĐ VIĐ UPPGJÖRIĐ: ÍSLENSKIR BANKSTERAR Í AĐAL-HLUTVERKI

Uppgjör við útrás landans
ugglaust ræða má
þegar allt fór til fjandans
og fjöldinn hrunið sá.
...
Pétur Hraunfjörð

2. Október 2018

BRENNIVÍN Í BÚĐIR

Áfengið þau elska mest,
ölið kæra, sanna.
Þörfu ráðin þekkja flest, þ
etta má ei banna.
Kári

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

8. Október 2018

Gunnar Örn Gunnarsson skrifar: MANNAUĐS-STJÓRNUN EĐA „ŢRĆLAHALD".

Það er sorglegt að átta sig á því að alþjóðlegir auðhringar, eigendur allrar stóriðju á Íslandi, sem hugsa fyrst og fremst um hagnað og gróðavon, fari miklu betur með sinn mannauð en opinberar stofnanir sem reknar eru að meirihluta til af almannafé. Mikil umræða hefur verið um styttingu vinnuvikunnar og sitt sýnist hverjum og veltur það aðallega á „hagsmunum" þeirra sem um fjalla eða á misskilinni hagsmunagæslu ákveðinna aðila. Það skal tekið fram að eftirfarandi samanburður er ekki gerður til að öfundast út í þá sem vinna í stóriðju eða til að grafa undan þeim réttindum og kjörum sem þar hafa náðst ...

27. September 2018

Ţórarinn Hjartarson skrifar: HĆGRI-POPÚLISMINN - HELSTA ÓGN VIĐ LÝĐRĆĐIĐ?

RÚV, popúlisminn og hnattvæðingin; Hvaðan kemur hægri-pópulisminn, hvert er samband hans við hnattvæðinguna og ríkjandi stjórnmálastefnur á vesturlöndum, hvað vantar í greiningu/umfjöllun fjölmiðla og meginstraums-stjórnmálaflokka á honum? Ef hlustað er á RÚV fæst sú mynd að mesta vandamál í stjórnmálum Vesturlanda og jafnvel heimsins alls sé hægripopúlismi/ þjóðernispopúlismi. Sem er ekki rétt, en stafar af því að RÚV er málgagn markaðsfrjálslyndrar, hnattvæddrar, kapítalískrar heimsvaldastefnu (vestrænnar). Sem stafar aftur af því að ...

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta