Beint á leiđarkerfi vefsins

Annađ

30. Apríl 2018

AĐFÖRIN AĐ SANNGIRNINNI

VEL - AED
Í morgun gátum við fylgst með beinni útsendingu frá fundi Velferðarnefndar Alþingis um meintar ávirðingar í garð forstöðumanns Barnaverndarstofu og sömuleiðis meinta ósannsögli ráðherra.

Hvort tveggja var umræðuefni á fundinum sem boðaður hafði verið áður en nefndarmenn höfðu kynnt sér þau gögn sem til stóð að ræða.

Ráðherrann skýrði aðkomu sína að málinu þótt litlu væri við að bæta frá því sem hann hefur áður sagt, nefnilega að forstöðumaður Barnaverndarstofu, Bragi Guðbrandsson, hafi ekki brotið lög sem um embætti hans gilda en að samskiptaferlar innan kerfisns á milli hans og mismunandi stofnana og einstaklinga þurfi að skýra betur frá því sem nú er. Þar séu grá svæði og hafi það komið í ljós. Nú sé unnið að því að bæta úr þessu.

Allt þetta hefur löngu komið fram. Engu að síður er á þessu þrástagast að því er virðist til að finna eitthvað í orðlagi fyrr og nú sem kunni að orka tvímælis. Það hefur þó ekki tekist. Verð ég að segja að frá mínum sjónarhóli hefur Ásmundur Einar Daðason, félagsmálaráðherra staðið sig afburða vel í erfiðri og viðkvæmri stöðu en eins og margoft hefur komið fram steig hann inn á sprengjusvæði þegar hann kom í félagsmálaráðuneytið í lok síðasta árs.

Þegar ég hlýddi á fundarmenn í morgun sannfærðist ég um að ekki er nokkur innistæða fyrir ásökunum sem forveri Ásmundar Einars í embætti, Þorsteinn Víglundsson, kyndir reglulega undir í fjölmiðlum af ábúðarmikilli dulúð. Þetta hefur hann gert frá því hann steig út úr þessu sama ráðuneyti. Smám saman er nú að koma í ljós að aðdróttanir um  "grafalvarleg" brot forstöðumanns Barnaverndarstofu og ámælisverða framgöngu núverandi ráðherra eru innistæðulausar.     

Varðandi málefni Braga Guðbrandssonar voru þung orð látin falla frammi fyrir sjónvarpsvélunum í morgun. Sagt var að rannsaka beri verk Braga "ofan í kjölinn" og síðan klykkti einn þingmaðurinn út með því að spyrja hvort sendiherrum Norðurlandanna hefði verið tilkynnt um skrif Stundarinnar um þessi mál nú fyrir helgina, þá væntanlega til að þeir fái ráðrúm til endurskoða ákvarðanir Norðurlandanna að styðja framboð Íslands í Barnaréttarnefnd SÞ!

Hvað vakir fyrir þessu fólki; að komast til botns í tilteknum kvörtunarmálum eða eyðileggja framboð Íslands? Ég hallast að hinu síðarnefnda. Það skýrir hve iðnir þingmenn eru við kolann. 

Fullyrðingar og aðdróttanir, sem varla geta talist annað en ærumeiðandi komu fram á þessum undarlega sjónvarpsfundi, án þess að forstöðumaður Barnaverndarstofu hafi fengið tækifæri til að standa fyrir máli sínu frammi fyrir nefndinni.

Hins vegar má segja að ómakið hafi verið tekið af honum þegar aðili að Hafnarfjarðarálinu svokalla, kom nú um helgina fram með yfirlýsingu um eðli þess máls en það ber hæst í ásökunum á hendur forstöðumanni Barnaverndarstofu, nefnilega að hann hafa "hlutast til" á óeðlilegan hátt í umgengnismáli.  Svo era ð skilja að "inngrip" hans hafi verið í því fólgið að hringja í fulltrúa barnaverndarnefndar Hafnarfjarðar um áramótin 2016/17 til að spyrjast fyrir um möguleika dauðvona ömmu að hitta barnabörnin sín áður en hún andaðist. Ég hvet alla til að lesa yfirlýsingu fyrrgreinds aðila og finnst mér reyndar að enginn geti tjáð sig um þetta mál án þess að þekkja þá málavöxtu sem hann greinir frá. Ef Stundinni var kunnugt um þessar hliðar málsins án þess að blaðamenn hafi hirt um að koma þeim upplýsingum á framfæri við lesendur sína þá getur það varla kallast annað en fölsun. Og hvað varðar Velferðarnefnd Alþingis þá sætir málflutningur sumra þingmanna furðu í ljósi þess að þeir þekktu þessa hlið málsins fyrir fundinn í morgun án þess að nokkur viki að henni orði.

Fram kom hjá ráðherra að hann væri að kanna hvort hægt væri og rétt að gera aðgengileg öll málsgögn í þeim tveimur kærumálum sem liggja til grundvallar þessari makalausu umræðu, annars vegar kvörtun barnaverndar Reykjavíkurborgar (mál sem fjallað var um í sjóvarpsþættinum Kveik þar sem síst hallaði á aðkomu Barnaverndarstofu!) og hins vegar samsvarandi nefndar í Hafnarfirði sem áður er vikið að og varðar fyrrnefnt "inngrip".

Ég fagna því ef allar upplýsingar verða gerðar aðgengilegar. Þá mun ég fyrir mitt leyti strax leita eftir því hvað það er sem talið er að hafi verið á gráu svæði í samskiptum Barnverndarstofu við téðar barnaverndarnefndir sem ráðherra hefur iðulega vísað til. Ef það er þetta umrædda símtal, sem fyrrnefndur aðili vísar til, þá spyr ég hvar skýrslugerðarfólk sé eiginlega statt sem telji slíkt hafa verið á gráu svæði. Hvort það sé á vegferð einhvers staðar inni í skáldsögu eftir Kafka, sagnameistara bókmenntanna um sálarlaust kerfi skrifræðis.

Þingmenn velferðarnefndar vildu í morgun ræða minnisblöð og formreglur, algerlega slitin úr samhengi við veruleikann. Sumir þingmenn segjast hafa velt því fyrir sér hvort þeir ættu yfirleitt að kynna sér innihald gagna, með öðrum orðum, hvort ekki væri rétt af þeirra hálfu að einskorða aðkomu sína að formi og hugsanlegum formgöllum. Hin mannlega hlið kæmi þeim ekki við!

Með þessari nálgun verður símtal forstöðumanns Barnaverndarstofu við starfsmann barnaverndarnefndar skoðað sálarlaust og með afmarkandi reglustiku. Skýringalaust símtal verður þannig að umræðuefni hjá þingnefnd og á endanum að tilefni til að fella svo þunga dóma að æra manna er í húfi - og hvort sendiráð grannríkja hafi verið vöruð við!

Eftir að hafa lesið yfirlýsingu þess aðila, sem áður er vikið að, hefði mér fundist ámælisvert og vanræksla ef forstöðumaður Barnaverndarstofu hefði ekki gert nákvæmlega það sem hann gerði, kannað stöðu málsins og ráðlagt um málsmeðferð í samræmi við lög og reglur. Fram hefur komið að annað gerði hann ekki.

Þetta símtal vilja menn nú láta sérfróða menn, helst erlenda sérfræðinga, rannsaka, "því okkar þjóðfélag sé svo lítið" að við ráðum ekki við að rýna málið, svo vitnað sé í einn þingmann frá í morgun!  

Pistilinn kalla ég aðförina að sanngirninni. Velti ég því fyrir mér hvort hugtakið ég ætti að styðjast við, sanngirnina eða skynsemina. Það kemur út á eitt hvort notað er, en sanngirnina valdi ég vegna þess hve yfirgengilega ósanngjörn mér finnst framganga þingmanna sumra vera í þessu máli og læt ég þá hatrömmustu fjölmiðlamenn liggja á milli hluta - að sinni.

Hér má nálgast yfirlýsingu aðila að Hafnarfjarðarmálinu: https://www.mbl.is/frettir/innlent/2018/04/28/er_ekki_kunningi_braga/

Hér er yfirlýsing Braga Guðbrandssonar frá í gær:  https://www.mbl.is/frettir/innlent/2018/04/29/bragi_leitar_til_umbodsmanns_althingis/

Umfjöllun sem spannst af pistli mínum frá í gær:

http://eyjan.dv.is/eyjan/2018/04/29/ogmundur-segir-ad-halldora-aetti-frekar-ad-segja-af-ser-en-felagsmalaradherra/  https://www.mbl.is/frettir/innlent/2018/04/29/telur_rettara_ad_halldora_segi_af_ser/


Bréf til síđunnarRSS Fréttaveita

Frá lesendum

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta