Beint á leiđarkerfi vefsins

Annađ

14. Apríl 2018

RÍKISSTJÓRN ÍSLANDS FORDĆMI ÁRÁSIRNAR Á SÝRLAND!

USA - Sýrland
Ríkisstjórn Íslands ber siðferðileg skylda til að  fordæma villimennsku Bandaríkjamanna, Breta og Frakka sem í nótt gerðu eldflauga- og loftárásir á Sýrland.
Árásirnar voru gerðar á sama tíma og sérfræðingar OPCW, alþjóðastofnunar sem beitir sér fyrir banni efnavopna, voru væntanlegir til Sýrlands að hefjast handa um rannsóknir sínar.

https://en.wikipedia.org/wiki/Organisation_for_the_Prohibition_of_Chemical_Weapons

Sú spurning vaknar hvort tímasetning árásanna sé til að torvelda að RAUNVERULEG rannsókn fari fram á meintri efnavopnaárás og í framhaldinu hverjir beri þar ábyrgð ef sannast að efnavopnum hafi verið beitt.  

Evrópusambandið styður árásirnar og er athyglisverður sá tónn sem áður hefur heyrst frá þeim bænum og lyktar af hefnigirni, auga fyrir auga tönn fyrir tönn; árásin í nótt er með öðrum orðum sögð vera svar við meintum efnahernaði sýrlenska stjórnarhersins. Því miður er þetta enn verra, því þetta fólk veit að öll kurl eru hér ekki komin til grafar en kýs þrátt fyrir það að kynda undir frekari átökum. Hvers vegna skyldu NATÓ og ESB ekki vilja láta rannsaka fleiri mögulega kosti en þann að sýrlenski stjórnarherinn hafi beitt efnavopnum gegn almenningi í Sýrlandi?

https://www.mbl.is/frettir/erlent/2018/04/14/esb_stydur_aras_vesturveldanna/

Utanríkisráðherra Íslands segir að árásin sé "skiljanleg" vegna "aðgerðarleysis" Öryggisráðs Sameinuðu þjóðanna.
https://www.mbl.is/frettir/innlent/2018/04/14/adgerdirnar_eru_skiljanlegar/

Bandaríkjastjórn segist hafa nægar sannanir, bæði fyrir því að efnavopnaárás hafi verið gerð og að það hafi verið sýrlenski stjórnarherinn sem hafi verið valdur að henni. Aðspurð um sannanir, þá sé því miður ekki hægt að greina frá þeim að svo stöddu! Getur verið að hægt sé að endurtaka Írakslygarnar eins og ekkert sé?

https://www.mbl.is/frettir/erlent/2018/04/13/bandarikin_telja_sig_hafa_naegar_sannanir/

Öryggisráð Sameinuðu þjóðanna hefur iðulega verið aðgerðalaust þegar þörf hefur verið á aðgerðum. En eiga aðgerðirnar nú ekki að beinast að því að láta fara fram rannsókn og jafnframt bera klæði á vopn? Ef engin stórveldi hefðu komið að Sýrlandsstríðinu væri því löngu lokið. Þar bera bandamenn Íslendinga í NATÓ ásamt Saudi Arabíu mikla ábyrgð.

En hver er ábyrgð Íslands? Undir henni geta íslensk stjórnvöld því aðeins risið að þau fordæmi á afdráttarlausan hátt villimennsku þessa stríðs. Árásirnar í nótt eru dæmi um þá villimennsku og þær ber að fordæma sérstaklega með skýrum hætti.


Bréf til síđunnarRSS Fréttaveita

Frá lesendum

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  

12. September 2018

HAG-FRĆĐINGAR TIL LIĐS VIĐ SA

Kjararáðið kepptist við,
k
aupið hækka toppa.
Fjögur prósent fáið þið,
flóðið viljum stoppa.
Kári

23. Ágúst 2018

MEIRIPOKA-MENN HANNESAR

Meiri pokann margur vó,
Mammons trú þeir játa.
Í minni pokann mega þó,
menn við dauða láta.
Kári

21. Júlí 2018

TIL HAMINGJU!

Nú sjötugur ´ann segist vera
og sennilega er rétt
En ellina mega ýmsir bera
Ögmundur gerir það létt.
...
Pétur Hraunfjörð

19. Júlí 2018

Á AFMĆLISDEGI ÖGMUNDAR

Árin jarðnesk aldrei tel,
endar víst með tapi.
Innri maður yngist vel,
oft að sama skapi.
Kári

15. Júlí 2018

HUGSAĐ TIL VINAR

Brátt áratugina sérðu sjö
samt gefurðu lítið eftir
Ævikvöld eignist eflaust tvö
Þar ekkert ykkur heftir!!
...
Pétur Hraunfjörð

21. Júní 2018

NÚ ÁHUGI MINN ALLUR FÓR

Nú áhugi minn allur fór
er af leið var haldið
Katrín valdi auðvalds-kór
og kaus Íhaldið.
...
Pétur Hraunfjörð

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta