Beint á leiđarkerfi vefsins

Annađ

23. Desember 2017

VILJA EKKI BISKUP Í KLÚBBINN

MBLBirtist í helgarblaði Morgunblaðsins 23/24.12.17.
Prestar heyra undir Kjararáð og þar með biskup. Prestafélagið færir rök fyrir launakröfum. Biskupsstofa er beðin um greinargerð um störf biskups. Nú heitir það að biskup hafi skrifað og beðið um launahækkun, en þetta er samhengið og ómaklegt að leggja í það annarlegan skilning. En biskup þykir liggja vel við höggi, jafnvel betur en allir forstöðumennirnir, dómarar, alþingismenn og ráðherrar, sem heyra undir Kjararáð. Mér sýnist biskup Íslands, séra Agnes M. Sigurðardóttir, ætla að verða ýmsum sannkölluð himnasending inn í kjaramálaumræðuna.

Það sem síðan gerist er að Kjararáð kemst að niðurstöðu í samræmi við þau lög sem því er gert að starfa samkvæmt. Kjararáði er ætlað að leita samsvörunar í sambærilegum störfum á almennum markaði. Kjaramyndin hjá hinu opinbera á með öðrum orðum að spegla almenna markaðinn eftir því sem kostur er. Það gerir hún náttúrlega ekki. Á almennum markaði eru stórir hópar fjármálafólks og alls kyns stjóra með miklu betri kjör en skjólstæðingar Kjararáðs. En Kjararáð reynir eftir bestu getu að innleiða samsvarandi misrétti hjá hinu opinbera og er í þjóðfélaginu almennt. Það er lögbundin skylda þess.

En er það þá þannig að kjara-elíta Íslands vilji ekki skjólstæðinga Kjararáðs í sinn klúbb? Sennilega er það svo og segir hún þá gjarnan - og byrjar að berja sér - að það séum jú  „við", skattgreiðendur, sem borgum brúsann. En nú leitar velgjan upp eftir vélindanu því auðvitað erum það við öll, þegnar samfélagsins, sem borgum líka kjör markaðselítunnar. Það gerum við i gegnum vexti, álagningu í verðlagi, leigu og reyndar einnig með beinum stuðningi í vildarkjörum og kvótakerfum. Þannig verða ofurkjörin til.

En þegar allt kemur til alls snýst þetta ekkert um kjör og þeim mun síður um kjararéttlæti. Bara vald. Það er valdið sem þröngur hópur ætlar sjálfum sér með því að fá í sínar hendur yfirráð yfir allri launaþróun. Þau kalla það SALEK. Það þýðir að þau sem sitja við SALEK borðið megi ein ráða launabreytingum í landinu. Jöfnuður skiptir þar engu máli. Enda sjálf á sömu, og í sumum tilvikum, miklu hærri launum en það fólk sem bakföllin eru nú tekin yfir. Ef SALEK-valdinu væri í alvöru beitt til að jafna kjörin í landinu myndi ég ekki skrifa þessa grein. 

En nú kemur að rúsínunni í pylsuendanum. Í lögunum um Kjararáð segir að ráðið skuli gæta þess að með ákvörðunum sínum verði stöðugleika ekki stefnt í hættu.

Þetta hefur verið gripið á lofti. Frægt að endemum var þegar forseti ASÍ sagði síðastliðið vor, að kjarasamningar við kennara á liðnu ári, hefðu verið umfram leyfileg mörk, en yrðu látnir átölulausir að þessu sinni "en ekki til frambúðar þó." En bætti síðan við, að "félagspólitískt vega úrskurðir Kjararáðs mun þyngra en hinir samningarnir"!

Myndin verður sífellt skýrari: Mál málanna er stöðugleiki sem fæst með því að róa fólk innan verkalýðshreyfingarinnar. Það verði best gert með því að "barátta" forsvarsfólksins skili árangri, topparnir hjá ríkinu verði lækkaðir. Þannig megi sefa láglaunafólkið og gera það þannig fráhverft baráttu. Og undir þetta taka allir sem sæti eiga við SALEK borðið, "óheppilegt" segir fjármálaráðherra um ákvarðanir Kjararáðs án þess þó að sýna nokkurn vilja til ráðstafana til að draga úr kjaramun með ríflegri hækkun til öryrkja og láglauna- og millitekjufólks. Það er þó í hans valdi að gera.

Ekki harmaði ég að kjarasamningum yrði sagt upp en þá á réttum forsendum. Hvernig væri krafa um að enginn yrði á lakari kjörum en sem næmi þriðjungi af meðaltali framkvæmdastjórnar SA og hjá ríkinu þriðjungi af kjörum forseta Íslands?

Vandinn er ekki að ákvörðun Kjararáðs valdi uppnámi - uppnámið er meira að segja gott. Það er misréttið sem er slæmt!

Marg-milljón króna fólkinu þykir nú gott að geta látið sig hverfa í skuggann af biskupi Íslands. Kannski væri rétt að líta á þetta sem góðverk biskupsins á jólum, að gerast haldreipi forkólfa á vinnumarkaði svo þeir fái frið til að handleika reglustikuna í stað þess að þurfa að velkjast um í ólgusjó verkalýðsbaráttunnar.

Við getum þó varla ætlast til þess að Agnes M. Sigurðardóttir, biskup Íslands líti þannig á skeytin sem henni eru send. Hún er nefnilega ekki bara biskup. Hún er líka manneskja eins og við öll.

Sjá einnig Eyjuna: http://eyjan.pressan.is/frettir/2017/12/23/vilja-ekki-biskup-i-klubbinn/


Bréf til síđunnarRSS Fréttaveita

Frá lesendum

15. Júlí 2018

HUGSAĐ TIL VINAR

Brátt áratugina sérðu sjö
samt gefurðu lítið eftir
Ævikvöld eignist eflaust tvö
Þar ekkert ykkur heftir!!
...
Pétur Hraunfjörð

21. Júní 2018

NÚ ÁHUGI MINN ALLUR FÓR

Nú áhugi minn allur fór
er af leið var haldið
Katrín valdi auðvalds-kór
og kaus Íhaldið.
...
Pétur Hraunfjörð

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson

7. Júní 2018

„SKILAR SÉR MEST TIL ŢEIRRA STĆRSTU"

Við sjáum lekinn ljótan
Þar lítið var um þref
gjaldlítinn gaf ´ún kvótann
ei Lilju fyrirgef.
Pétur Hraunfjörð

28. Maí 2018

LÍTIĐ MAĐUR SEGJA MÁ

Lítið maður segja má
orðin margir bera
sannleika að segja frá
sjaldan aðrir gera.
Málavexti þá muna skalt
ef margir á þig hlýða
Og ekki bæta í sárið salt
sem aðrir fyrir líða.
Pétur Hraunfjörð

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta