Beint á leiđarkerfi vefsins

Annađ

15. Nóvember 2017

SIGURJÓN, TOLSTOJ OG ŢORGEIR

Sigurjón FriðjónssonÁ eftirfarandi hátt skapast hugrenningatengslin sem raða þessum mönnum saman í fyrirsögn:

Nýlega sótti ég samkomu í Norræna húsinu til minningar um Sigurjón Friðjónsson en á þessu ári eru eitt hundrað og fimmtíu ár liðin frá fæðingu hans norður í Þingeyjarsýslu.

Athygli mín beindist að þessum gáfaða og djúphygla manni fyrir nokkuð löngu síðan en samstarfskona mín til margra ára á BSRB, Svanhildur Halldórsdóttir, er barnabarn hans.  Svanhildur sem augljóslega er barnabarn afa síns, færði mér að gjöf rit hans, Skriftamál einsetumannsins, eftir að ég hafði beðið hana að segja mér af honum.

Skemmst er frá því að segja að ég heillaðist af þessu litla kveri og hef oft vitnað í þá speki sem þar er að finna. Ekki síst um kærleikann, til dæmis þetta:
„Sólin vinnur ekki á ísunum , þegar hún byrjar að hækka á lofti. En þó fer svo að lokum , að þeir renna og verða að lífslindum sumarblómans. Líkt er því varið með kærleikann og mannssál, sem bundin er í klaka blindrar eigingirni. Stöðugir velvildargeislar vinna á þeim klaka að lokum og kenna manninum hvað lífið í fyllingu sinni er."

... og um menntun sem hann segir vera annað og meira en fróðleik:
„Sá er fróður, sem margt veit. En menntaður er sá, sem þroskað hefir skynsemi sina og ímyndunarafl, vilja sinn og framkvæmdaþrótt. Menntaður sá, sem tamið hefir og þroskað allt það gott, sem í honum býr og reitt upp illgresi sálarinnar. Til þessa er fróðleikur hjálpartæki þegar rétt er stefnt. En of oft verður hann það ekki."

TolstoyÁ fyrrnefndri minningarhátíð í Norræna húsinu voru lesin ljóð og sungin lög við ljóð Sigurjóns og Arnhildur Arnaldsdóttir flutti stórgott erindi um þennan langafa sinn. Hún nefndi á meðal annars andans menn sem Sigurjón hefði horft til, þar á meðal hefði verið rússneski rithöfundurinn og hugsuðurinn, Leó Tolstoj, hinn kristni anarkisti sem ég leyfi mér að nefna svo, en hann hefur verið mér hugleiknari en flestir andans menn, nánast frá unglingsárum.

Það merkilega er að áður en ég fræddist af Arnhildi Arnaldsdóttur, hafði ég stundum þóst greina sameiginlegan þráð í þankagangi þeirra Sigurjóns og Tolstojs um eilífðarmálin en einnig í innsæi þeirra og skilningi á hinu óræða í tilverunni, því sem aldrei verður sagt nema á ljóðrænan hátt - nokkuð sem fáum er gefið að miðla.

Þess má geta að Hið íslenska bókmenntafélag hefur nú endurútgefið Skriftamál einsetumannsins og er bókin nú fáanleg í bókabúðum.

En hvers vegna minnast á Þorgeir Ljósvetningagoða í sömu andrá og Sigurljón Friðjónsson. Um þann fyrra vitum við lítið, hinn síðarnefnda talsvert; hugsun þeirra eflaust gerólík. Um það vitum við þó ekki.

En hugrenningatengslin verða þegar mér er hugsað til þjóðkirkjunnar íslensku og hvernig þjóðin hefur verið reiðubúin að taka henni á þeirri forsendu að sameinast innan veggja hennar en þó þannig að það sem gerðist innra með hverjum manni sé hans mál. Reyndar gerði Sigurjón svo miklar kröfur til kirkjunnar og þess sem þar var sagt í nafni trúar, að hann gat ekki gert við hana sátt.

En hvað sem því líður þá höfðar nálgun Sigurjóns Friðjónssonar til mín þegar hann tekst á við hið óræða í tilverunni - hið „óseigjanlega".  Og þrátt fyrir djúpa trú hans þá er hún fyrst og fremst á hið góða og mikilvægi þess að leggja rækt við það. Umgjörðin er síðan annað mál.

Þorgeir LjósvetningagoðiOg það er þarna sem tengingin verður við Þorgeir Þorkelsson lögsögumann frá Ljósavatni þegar hann vildi gera alla menn á Íslandi kristna árið eitt þúsund. Hann var þá vel að merkja Ljósvetningagoði og fór fyrir Ásatrúarmönnum í andstöðu þeirra við kristinn sið sem þá átti vaxandi fylgi að fagna.

Niðurstaða Þorgeirs var sú að okkur bæri umfram allt að forðast átök um umgjörðina; innri sannfæringu hvers og eins bæri hins vegar að virða. Hér skyldu vera ein lög og einn siður sem byggðist á umburðarlyndi. „En nú þykir mér það ráð, að vér látim og eigi þá ráða, er mest vilja í gegn gangast, og miðlum svo mál á milli þeirra, að hvorirtveggju hafi nokkuð síns máls, og höfum allir ein lög og einn sið. Það mun verða satt, er vér slítum í sundur lögin, að vér munum slíta og friðinn."

Hinn 22. október sl., vísaði ég nokkuð til þessa í útvarpsviðtali sem þeir áttu við mig Ævar Kjartansson og Hjalti Hugason í þáttaröð þeirra um Martein Lúther og íslensku þjóðkirkjuna í tilefni þess að 500 ár eru liðin frá því að Lúther sagði skilið við katólskuna.

Þátturinn er hér: http://ruv.is/sarpurinn/ras-1/samtal/20171022


Bréf til síđunnarRSS Fréttaveita

Frá lesendum

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson

12. Desember 2017

JÁ, EN HREINN K ...

Var að lesa bréf Hreins K sem ég skal játa að er nokkuð lunkið nema að þau sem sérstaklega eru beðin um að mæta skyldumætingu á 100 ára afmælisfund Sýkladeildar Landspítalans, væru að vinna fyrir leigunni með því að sækja fundinn og miðla honum til annarra. Það á við um pólitíkusa og fjölmiðlafólk. Síðan gæti stöku maður verið í fríi klukkan þrjú á fimmtudaginn!
Jóel A.

12. Desember 2017

YFIRSTÉTTIN Í STUĐI

Ráðstefna kl 15.
Allir aðrir að vinna fyrir leigunni.
mkv
Hreinn K

27. Nóvember 2017

ERUM LÁTIN KAUPA AUGLÝSINGAR Á BÖRNIN!

Ég vil þakka þér fyrir greinina sem birtist í sunnudagsmogganum varðandi auglýsingar á íþróttabúningum barna og RÚV reyndar líka. Ég hef lengi pirrað mig á þessu og gert mér, ef mögulegt hefur verið, sérstaka ferð til að kaupa íþróttabúning á börnin þar sem ekki er auglýsing á. Sjálfum finnst mér alveg galið að kaupa búning á kannski 5-6000 krónur sem á stendur svo Subway, Papco, Arionbanki eða eitthvað álíka. Þetta er þó ...
TSJ 

27. Nóvember 2017

FRJÁLSHYGGJA YFIR MIĐJU

Ýmsir róa á önnur mið,
aðrir stóla á frúna.
Frjálshyggjuna fáið þið,
frá vinstri-hægri núna.
Kári

25. Nóvember 2017

VERĐA FLEIRI JÓLABĆKUR AUGLÝSTAR Í RÚV?

Ástæða er til að þakka Sjónvarpinu fyrir frábæra fréttaskýringu á ferli Jóhönnu Sigurðardóttur í sjónvarpsþætti í vikunni Hógværð hennar er aðdáunarverð og fagmennska Sjónvarpsins að sama skapi. Annar þáttur hefur síðan verið boðaður í komandi viku. Já, og ég gleymdi einu, þættirnir eru líka leiftrandi skemmtilegir. Kærar þakkir fyrir þetta. Ein spurning til Sjónvarpsins að lokum, verða þættirnir ekki örugglega endursýndir þegar bók Jóhönnu er komin í allar búðir? Stendur til að auglýsa fleiri bækur fyrir komandi jól?
Haffi

25. Nóvember 2017

SUMIR TAKA POKANN

Félagsmönnum ´ún færði sorg
flestir sáu  hrokann.
Flokkinn bar á frjálshyggjutorg
fáeinir tóku pokann.
Pétur Hraunfjörð

24. Nóvember 2017

VEGNA NIĐURSTÖĐU MANNRÉTTINDA-DÓMSTÓLSINS

Nú hefur Mannréttindadómstóllinn dæmt ríkinu í hag í Landsdómsmálinu og er það vel. Landsdómurinn í máli forsætisráðherra hrunstjórnarinnar er mikilvægur það mun sagan sanna. Það er akkúrat engin ástæða til að breyta lögunum um landsdóm eins og margir halda fram. Tilvist landsdóms er afar mikilvæg og elítan verður að sætta sig við að hún sleppur ekki algerlega undan allri ábyrgð. Það var margt gert rétt eftir hrunið og ríkisstjórn Jóhönnu og Steingríms er ein sú besta sem hefur ríkt á lýðveldistímanum. En eitt stendur þó enn útaf og það er að hreinsa löggjafarþingið af fólki sem geymir fé í skattaskjólum, fyrr verður ekki friður í íslenskum stjórnmálum. Þess vegna er það svo galið að VG ætlar að ...
Pétur Kristjánsson, fyrrverandi félagi í VG

22. Nóvember 2017

SPURT OG SVARAĐ UM VENEZUELA

Dyggir lesendur síðunnar bíða enn eftir útskýringu þess sem ,,skammast sín ekki fyrir að vera Sósíalisti" á stöðu mála í Venezuela. Eru núverandi hörmungar bara hola i veginum, eða hefur Viðskiptablaðið eitthvað til síns máls? http://www.vb.is/skodun/gjaldthrot-sosialismans-i-venesuela/142903/ ...
Arnar Sigurðsson
...

19. Nóvember 2017

UPPREISN ĆRU

Vinstri/Grænir vilja nú
vinina sína kæru.
Á Íhaldinu hafa trölla trú
og fá því uppreisn æru.
Pétur Hraunfjörð

 



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta