Beint á leiđarkerfi vefsins

Annađ

3. Apríl 2017

BJARNI OG BENEDIKT, NOKKRAR STAĐHĆFINGAR OG EIN SPURNING

Bjarni og Benedikt 2
Í Silfrinu í Sjónvarpinu um helgina var á meðal annars rætt um nýútkomna rannsóknarskýrslu Alþingis um einkavæðingu Búnaðarbankans og svikamylluna sem tengist íslenskum kaupendum og þýska bankanum Hauck und Afhäuser.

Ég tók þátt í þessum umræðum og tengdi þessa 15 ára gömlu einkavæðingu á forvera Arion banka við aðkomu vogunarsjóða að eignarhaldi á bankanum í dag.

Tíu atriði nefni ég í því sambandi þótt ekki kæmi ég þeim öllum að í þættinum:

1) Bjarni Benediktsson forsætisráðherra Íslands og Benedikt Jóhannesson, fjármálaráðherra, hafa báðir lýst fögnuði yfir fréttum af því að vogunarsjóðir vilji eignast Arion banka. 


2) Ráðherrarnir tveir segja að sjóðirnir séu hliðhollir Íslandi og færi meiri peninga inn í fjármálakerfi landsins en dæmi eru um.
 Þannig segir Bjarni Benediktsson það vera ánægjulegar fréttir að "erlendir aðilar skuli koma með fjármagn til landsins og fjárfesta í íslenskum banka..." og bætti við að þetta væri "einhver stærsta fjárfesting erlendis frá í íslensku fjármálakerfi fyrr og síðar." 
Benedikt Jóhannesson, fjármálaráðherra, sagði þetta að þetta væri mikil "viðurkenning" fyrir Ísland. Vissulega séu þetta vogunarsjóðir en núna "veðja þeir með Íslandi en ekki á móti."
http://www.mbl.is/frettir/innlent/2017/03/19/vedja_nu_med_islandi_en_ekki_a_moti/

http://www.mbl.is/frettir/innlent/2017/03/19/timamot_i_uppgjori_vid_bankahrunid/

Raunin virðist þó sú að hér séu vogunarsjóðirnir að reyna að losa fjármuni úr landi (sbr. yfirlýst markmið, sjá lið 7 hér að neðan), frekar en að koma með þá. Í umfjöllun Morgunblaðsins eru getgátur um að með því að selja Arion banka til sjálfs sín séu þeir að undirbúa að losa um jafnvirði ríflega 81 milljarðs króna til sín: http://www.mbl.is/frettir/innlent/2017/03/22/salan_losar_milljardatugi/

Því næst gætu vogunarsjóðirnir tekið 70 ma.kr. út í arði með því að endurskipuleggja fjármagnsskipan Arion banka, skv. Viðskiptablaðinu. http://www.vb.is/frettir/geta-greitt-ser-70-milljarda/136688/

3) Vogunarsjóðirnir sem um ræðir, Taconic og Och-Ziff Capital Management Group, eru nátengdir hver öðrum í tvennum skilningi: a) Eigendur og stjórnendur síðarnefndu sjóðanna voru áður starfandi hjá Goldman Sachs, b) allir komu þeir til Íslands að fjárfesta í föllnum bönkum um sama leyti árið 2013, þá keyptu þeir kröfur af öðrum hrægömmum sem voru fyrir á fleti.

4) Takist sjóðunum að komast framhjá FME og fá lífeyrissjóði með sér í kaupin eru þeir á grænni grein. Ella eignast ríkið bankann í árslok 2018 samkvæmt stöðugleikasamkomulagi. Aðkoma lífeyrissjóðanna nú væri þannig til að hjálpa vogunarfjármagninu. "Kaupþing þarf að selja hlut sinn í Arion banka fyrir árslok 2018. Takist það ekki mun ríkissjóður leysa bankann til sín"https://kjarninn.is/frettir/2016-08-26-gera-rad-fyrir-thvi-ad-arion-verdi-seldur-ad-fullu-fyrir-arslok-2017/

5) Til að komast framhjá Fjármálaeftirlitnu skipta vogunarsjóðirnir liði þannig að enginn öðlast stærri hlut í bankanum við kaupin  en 9,99% en reglan er sú að fari eignarhlutur yfir tíu prósent kviknar eftirlitsskyldan.

Í ljósi aðkomu Hauck und Afhäuser að Búnaðarbankasölunni á sínum tíma, vakna eðlilega spurningar um hvort Goldman Sachs, sem tekur að sér 2,6% hlut, sé bréfberi - haldi aðeins á bréfunum en beri enga fjárhagslega áhættu - fyrir t.d. Taconic sem kaupir 9,99% hlut, rétt undir viðmiði um eftirlitsskyldu FME.

 6) Fyrrnefndir sjóðir hafa vafasaman og jafnvel glæpsamlegan feril að baki. Off-Ziff (sem vill eignast 6,6% prósent hlut í Arion banka) hefur þannig þurft að greiða 47 milljarða í sektir fyrir stórfelldar mútur í fimm ríkjum Afríku. Goldman Sachs laug Grikki inn á Evrusvæðið með falsskýrslum fyrir þóknun og varð þess eining valdandi að Socialistisk Folkeparti gekk út úr samsteypustjórn með Socíaldemókrötum í Danmörku fyrir nokkrum árum þegar hinir síðarnefndu fengu því framgengt að selja Goldman Sachs hlut í ríkisorkufyrirtækinu DONG. Kaupin þóttu hneyskalang, ekki síst vegna kaupandans. 

Goldman Sachs og Grikkland:
http://www.independent.co.uk/news/world/europe/greek-debt-crisis-goldman-sachs-could-be-sued-for-helping-country-hide-debts-when-it-joined-euro-10381926.html
 Goldman Sachs og Danmörk:
https://www.bloomberg.com/news/articles/2014-02-06/in-denmark-goldman-sachs-deal-ignites-political-crisis

7) Fjárfestarnir eru ekki komnir til Íslands til að færa íslensku fjármálakerfi peninga heldur til að flytja penniga frá Íslandi!!!  Þeir eru enda vogunarsjóðir og skilgreina sig sem slíka, fara ekki í felur með að þeir elta stundarhagsmuni , eru "opportunistic" eins og segir á heimasíðum þeirra. 
https://www.taconiccap.com/about/http://www.ozcap.com/our_firm/index

8) Alþjóðagjaldeyrissjóðurinn varar Ísland við þessum aðilum; segir að við eigum að "fara okkur hægt", leita eftir langtímafjárfestum, íhaldsömum, "conservative" fjárfestum með langtímahagsmuni Íslands að leiðarljósi! Skilur fyrr en skellur í tönnum!
AGS álit: https://www.imf.org/en/News/Articles/2017/03/28/mcs032817-iceland-staff-concluding-statement-of-the-2017-article-iv-mission

9) Forsætisráðherra Íslands og fjármálaráðherra Íslands eru báðir harðlínu hægri menn og hafa báðir tengsl inn í heima fjármálabrasksins. Þeir vilja ekki að ríkið eigi banka og eru augljóslega staðráðnir í því að nota völd sín til að koma í veg fyrir það.

10) Í ljósi yfirlýsinga forsætisráðherra og fjármálaráðherra og síðan þess sem hér hefur verið rakið er nú spurt:  Hvort setja Bjarni Benediktsson og Benedikt Jóhannesson ofar, hagsmuni fjármagnsbraskara og  fylgispekt við hægri sinnaða hugmyndafræði eða þjóðarhag?

Silfrið:  http://ruv.is/sarpurinn/ruv/silfrid/20170402
SILFRIР


Bréf til síđunnarRSS Fréttaveita

Frá lesendum

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason

6. Apríl 2018

BĆTA KJÖR SÍN UMFRAM ALMENNING

Bættu kjör sín ansi bratt
á botninum hinir frjósa
Og líklega er það líka satt
að bráðlega skuli kjósa.
...
Pétur Hraunfjörð

27. Mars 2018

GEGN PÓLITÍSKUM RÉTTTRÚNAĐI

... Hlustaði á viðtalið þitt á Harmageddon og kom mér skemmtilega á óvart að einhver málsmetandi á Íslandi sé fær um að sjá í gegnum málatilbúnað USA og UK í Sýrlandi. Það sem ég hef þó meiri áhuga á hér úr þessu viðtali er að þú bendir á það að Nató hafi gefið Tyrkjum grænt ljós á hertar aðgerðir gegn Kúrdum. Þar sem við erum hluti af Nató að þá höfum við nú látið óátalin morð á væntanlega hundruðum ef ekki þúsundum Kúrda. Ekki orð um það frá Utanríkisráðuneyti Íslands. Nú hins vegar er búið að draga okkur á asnaeyrunum inn í kalt stríð við Rússa og þar eru ...
Bjarki Ágústsson

13. Mars 2018

ISS BLÓMSTRAR, VALT GENGI VG, OG UM ŢINGMANNAKĆK

Já víst er lánið ósköp valt
í Vinstri/Grænum hlakkar
En undurfljótt mun anda kalt
og útúr þessu bakkar.
....
Pétur Hraunfjörð.

25. Febrúar 2018

ASSGOTI ...

Assgoti er allt hér rotið
almenningur grætur
Með pólitíska flokka potið
og langleguafætur!
Pétur Hraunfjörð


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Allar greinar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta