Beint á leiđarkerfi vefsins

Annađ

5. Janúar 2018

EKKERT ÓĐAGOT Í SKIPULAGI BARNAVERNDAR

MBLBirtist í Morgunblaðinu 04.01.18.
Fáir málaflokkar eru jafn erfiðir viðfangs og barnaverndarmál. Það er einfaldlega svo eðli máls samkvæmt. Upp koma mál sem varða réttindi barns, foreldra og fleiri aðila sem aðkomu hafa haft að uppeldi barnsins og lífi þess. Þegar deilur rísa eða álitamál koma fram  er gráu svæðin fleiri og stærri á þessu sviði en flestum öðrum. Þarna er því þörf á reynslu, yfirvegaðri fagmennsku og innsæis sem á henni byggist. Til stjórnvalda þarf síðan að gera þá kröfu þegar kerfisbreytingar eru á döfinni í þessum málaflokki að þar séu engin vanhugsuð skref stigin. Það verður því miður að segjast eins og er að víða í stjórnsýslunni hafa stjórnvöld misstigið sig með vanhugsuðum ákvörðunum. Slíkt getur verið dýrkeypt og valdið tjóni til frambúðar.

Kredda og veruleiki

Að undanförnu hafa komið fram ályktanir um skipulag barnaverndar og hugsanlegar breytingar á því. Þær hafa borið keim af nokkru fljótræði og það sem verra er, deilur sem risið hafa innan kerfisins virðast að einhverju leyti marka farveg fyrirhugaðra áforma.
Hugmyndin virðist að öðru leyti vera gamalkunnugt módel, að eftirlitsaðili megi ekki jafnframt vera ráðgefandi aðili, hvað þá annast framkvæmd. Þessi formúla hefur leitt til þess að í okkar agnarsmáa samfélagi hafa einu sérfræðingar landsins á tilteknum sviðum  ekki nýst til ráðgjafar vegna þess að þá kallist það að þeir hafi eftirlit með eigin ráðgjöf. Slíkt kann að hljóma ósköp vel í fjarlægu skipuriti en í samfélagslegum veruleika þar sem heildarfjöldi barnaverndarstarfsmanna losar rúmlega hundrað manns er þetta fráleitt. Þá má það ekki gleymast að samkvæmt stjórnsýslulögum hvílir leiðbeiningaskylda á stjórnvöldum og þegar af þeirri ástæðu verður eftirlit og ráðgjöf ekki aðskilin.
Um skilin á milli eftirlits og framkvæmdar get ég nefnt fjölmörg dæmi um kreddubundna nálgun. Þetta var til dæmis ein meginhugsunin að baki uppstokkunar samgöngustofnana landsins fyrir fáeinum árum. Leit svo út fyrir um skeið að Vegagerðin missti alla sína sérfræðinga til Samgöngustofu vegna þessa. Áður en yfir lauk varð skynsemin þó kreddunni yfirsterkari. Vil ég taka fram að sjálfur var ég fylgjandi uppstokkun á stjórnsýslu samgöngukerfisins en á allt öðrum forsendum, en það er önnur saga.

Barnaverndarstofu á ekki að veikja heldur styrkja!

Nú virðist mér vera uppi raddir um að leika þennan leik gagnvart Barnaverndarstofu. Færa allt eftirlitsstarf á hennar vegum yfir til nýrrar stofnunar, ráðuneytisstofnunar, sem áformað er að koma á fót nánast án umræðu ef undan eru skildir þröngir hópar hagsmunaaðila. Vera má að slík stofnunin kunni að eiga rétt á sér hvað varðar ýmis önnur málefni en barnaverndina sérstaklega. En þar eru líka önnur sjónarmið sem huga verður að.
Barnaverndarstofu má ekki undir nokkrum kringumstæðum veikja með framangreindum hætti. Minnist ég erindis sem Bragi Guðbrandsson, forstjóri stofnunarinnar, flutti á ráðstefnu á vegum Rauða kross Íslands árið 2006 sem hann nefndi: „Sá veit gjörst hvar skórinn kreppir sem hefur hann á fæti." Lagði hann út af þessari fyrirsögn á þann veg að til að skilja vanda fólks í erfiðleikum þyrfti að hlusta á það, það ætti ekki síst við um börn. Til að barnavernd skili sér þurfi að vera til staðar frá fyrstu hendi skilningur á öllum hliðum þess vanda sem upp kynni að koma. Ég leyfi mér að bæta því við að til þess að fyrir hönd samfélagsins sé stigið inn á hin gráu svæði barnaverndar þarf að vera fyrir hendi öflug stofnun með fjölmennt teymi reynslumikilla sérfræðinga. Þeirrar reynslu er aflað í meðferð og ráðgjöf og síðan eftirliti með öllum þeim úrræðum sem eru í framkvæmd utan veggja stofnunarinnar.

Ísland í leiðandi hlutverki

Ástæðan fyrir því að ég kveð mér hljóðs um þetta málefni er sú að mér hefur bæði í starfi mínu sem innanríkisráðherra og í starfi mínu á alþjóðavettvangi sem ráðherra og þingmaður á þingi Evrópuráðsins gefist kostur á fylgjast með því hve mikils metið framlag Íslands á þessu sviði er.
Almennt er litið á Barnahúsin sem nú spretta upp um heim allan að íslenskri fyrirmynd sem eitt stærsta framfaraskref sem stigið hefur verið í réttindamálum barna. Í stuttu máli þá hefur orðið bylting í þessum málaflokki á síðasta aldarfjórðungi eða frá samþykkt Barnasamningsins á vettvangi Sameinuðu þjóðanna. Grundvallarbreytingin speglast í þeirri áherslu sem nú er á rétt barnsins til verndar og til þess að á það sé hlustað og vilji þess virtur.

Engar tilviljanir

Svokölluð Lanzarote samþykkt frá árinu 2007, sem öll 47 aðildarríkja Evópuráðsins hafa undirritað, myndar grunn að hugmyndafræði mannréttindasviðs Evópuráðsins um hvernig verja beri börn gegn kynferðisofbeldi. Sérstök nefnd bestu sérfræðinga fylgist með framkvæmd sáttmálans og er ráðgefandi um þróun í málaflokknum. Íslandi hefur verið treyst til að leiða þetta starf en forstjóri Barnaverndarstofu Bragi Guðbrandsson, var formaður þessarar nefndar um árabil. Það er engin tilviljun. Enda eiga tilviljanir ekki að ráða för í þessum málaflokki.

Bréf til síđunnarRSS Fréttaveita

Frá lesendum

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson

11. Apríl 2018

TIL UPPRIFJUNAR

Var fyrst núna að hlýða á viðtalið á Kjarnanum í kjölfar fundarins við V. Beeley. Verð að segja að ég dáist að þolinmæði þinni, æðruleysi og staðfestu gagnvart þessum blessuðum, að mér finnst ófaglegum frétta-gösprurum. Ég sá að Z.Brzezinski lést í maí síðastliðnum, vissi það ekki. Set þessa þýðingu á viðtali við hann á Le Nouvel Observateur 1998 þar sem hann viðurkennir að stuðningurinn við Mujahiddin hófst 1/2 ári fyrir innrás Sovétríkjanna inn í Afganistan. Við hæfi að ...
Ari Tryggvason

7. Apríl 2018

ÉG ER Í LIĐI GUĐS, ŢÚ SATANS

Egill Helgason hefur farið mikinn um fréttaflutning frá Sýrlandi síðustu daga. Hann komst að því eftir að reyndur blaðamaður sendi honum ábendingu að þeir sem ekki eru sama sinnis og almennt gerist skapi vísvitandi upplýsingaóreiðu svo réttsýnir menn missi sjónar á veruleikanum og glati trú á réttum málstað ...Það eru margar sjálfstæðar heimildir til að véfengja túlkun hernaðarvelda vesturlanda um Sýrlandsstríðið. Viðbrögð þeirra Egils og Boga um að veröldin sé ekkert flóknari en Nató-línan gefur í besta falli til kynna ...
Árni V.

7. Apríl 2018

EINHVER ÚR NĆR-UMHVERFINU, GEOGRAFÍSKU EĐA ANDLEGU

Veistu eftir hverjum þetta er haft? Þakka þér svo fyrir góða grein. "...að háskalegt væri að rugla fólk í ríminu með tali af þessu tagi; almenningur gæti hætt að trúa alþjóðlegum fréttamiðlum ef bátnum væri ruggað um of og vísað var í enn aðra „sérfræðinga" sem sögðu að ekkert alvörufólk tæki Vanessu Beeley alvarlega,..."
Ari Tryggvason

6. Apríl 2018

BĆTA KJÖR SÍN UMFRAM ALMENNING

Bættu kjör sín ansi bratt
á botninum hinir frjósa
Og líklega er það líka satt
að bráðlega skuli kjósa.
...
Pétur Hraunfjörð

27. Mars 2018

GEGN PÓLITÍSKUM RÉTTTRÚNAĐI

... Hlustaði á viðtalið þitt á Harmageddon og kom mér skemmtilega á óvart að einhver málsmetandi á Íslandi sé fær um að sjá í gegnum málatilbúnað USA og UK í Sýrlandi. Það sem ég hef þó meiri áhuga á hér úr þessu viðtali er að þú bendir á það að Nató hafi gefið Tyrkjum grænt ljós á hertar aðgerðir gegn Kúrdum. Þar sem við erum hluti af Nató að þá höfum við nú látið óátalin morð á væntanlega hundruðum ef ekki þúsundum Kúrda. Ekki orð um það frá Utanríkisráðuneyti Íslands. Nú hins vegar er búið að draga okkur á asnaeyrunum inn í kalt stríð við Rússa og þar eru ...
Bjarki Ágústsson

13. Mars 2018

ISS BLÓMSTRAR, VALT GENGI VG, OG UM ŢINGMANNAKĆK

Já víst er lánið ósköp valt
í Vinstri/Grænum hlakkar
En undurfljótt mun anda kalt
og útúr þessu bakkar.
....
Pétur Hraunfjörð.

25. Febrúar 2018

ASSGOTI ...

Assgoti er allt hér rotið
almenningur grætur
Með pólitíska flokka potið
og langleguafætur!
Pétur Hraunfjörð


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta