Beint á leiđarkerfi vefsins

Annađ

13. Nóvember 2017

Á HEIMSŢINGI PUBLIC SERVICES INTERNATIONAL

PSI - LOGO
Fimmta hvert ár efna heimssamtök opinberra starfsmanna, Public Services International, PSI, til þings og var það að þessu sinni haldið í Genf í Sviss, vikuna 30. október til 3. nóvember. Ég hef setið nokkur þessara þinga sem formaður BSRB en að þessu sinni var ég þar sem gestur auk þess sem ég hafði tekið að mér ýmis verkefni í tengslum við þingið. Þannig kom ég að umsjón með málstofum - tilbúinn að hlaupa í skarðið ef einhver dytti úr skaftinu, þá sem stjórnandi eða þátttakandi.

Nokkrir félagar úr aðildarfélögum BSRB sátu þingið og var það samdóma álit okkar að þingið hefði að þessu sinni verið sérlega vel heppnað, fróðlegt, upplýsandi og hvetjandi.

Yfirskrift þingsins var eins konar hvatning um að setja almannahag í forgang en ekki fjármálahagsmuni, People over profit.

Annað meginþema var ákall um að stöðva ofbeldi gegn konum.
 PSI - forysta 

Níu málstofur voru á þinginu. Fyrsta málstofan fjallaði almennt um yfirskrift þingsins. Fimm þátttakendur voru í málstofunni, þeirra á meðal Rosa Pavanelli, framkvæmdastjóri PSI. Sérstaklega vil ég nefna varaforseta bandarísku verkalýðssamtakanna AFL-CIO, Tefere Gebre. Ég hlustaði af mikilli athygli á þennan mann þegar ég áttaði mig á forsögu hans, flóttamaður frá Eþíópíu, sem kom fótgangandi til Súdan 14 ára gamall, einn síns liðs. Úr súdönskum flóttamannabúðum komst hann til Bandaríkjanna, aftur einn á báti. Í Suður-Kaliforníu, San Diego og síðar Los Angeles, braust hann til mennta og síðan til áhrifa í stjórnmálum og verkalýðshreyfingu. Hann talaði máli innflytjenda í Bandaríkjunum en sagði að aldrei mætti gleymast af hverju menn flýðu og að gera þyrfti öll lönd lífvænleg, „liveable" að búa í. „Það þarf að uppræta spillingu og ofbeldi og gera löndin mannvinsamleg, því engan langar að flýja heimahaga sína!"
Þarna var líka Ghassan Slaiby, sem lengi var fulltrúi PSI í arabaheiminum, fór fyrir skrifstofu samtakanna sem þjónaði norðanverðri Afríku, Mið-austurlöndum og síðan eitthvað austur á bóginn. Ghassan Slaiby er nú búsettur í Beirút í Líbanon. Hann sagði mér í kaffispjalli eftir pallborðsumræðuna að hann hefði stundum hugsað til þess að nánast allt sitt líf hefði verið ófriður í kringum sig. Og nú væri Trump að hræra í Írönum. Hvað þýðir það? Hann gæti þar með verið að hita undír nýjum átökum milli Hezbollasamtakanna í Líbanon og stjórnarinnar í Ísraels. Ghassan sagði að við þekktum af biturri reynslu hvernig það getur endað. Hið margflókna samspil alþjóðastjórnmála er okkur ekki alltaf augljóst við fyrstu sýn.
PSI - Þáttakendur  

Í málstofu númer tvö var fjallað um heilbrigðismál. Einnig þar voru fimm þátttakendur, hver öðrum betri. Ég staðnæmist við nafn dr. Amit Sengupta, forsvarsmann indverskrar heilbrigðishreyfingar, Coordinator, People´s Health Movement of India. Hann gagnrýndi niðurskurð til heilbrigðismála í einstökum ríkjum og til alþjóðlegra stofnana. Þessi þróun myndi leiða til þess að minna yrði hlustað á Alþjóðaheilbrigðisstofnunina, WTO, en Bill Gates og hans líka, hvað varðar áherslur og stefnumótun. Inntakið var þetta: Lýðræðið víkur fyrir auðvaldi ef fram fer sem horfir.

Þriðja málstofan fjallaði um „framtíðarvinnustaðinn" innan almannaþjónustunnar. Eftriminnilegur var málflutningur Karen Gregory frá háskólanum í Edinborg en hún sérhæfir sig í því sem kallað er „digital sociology", stafrænni félagsfræði. Hún fallaði um breytt samskiptaform í stafrænum heimi, en höfuðáhersla hennar var engu að síður á að gleyma því ekki að þrátt fyrir allar tækniframfarir þá ætti tæknin að vera þjónn en ekki sitja í fyrirrúmi, þar ætti manneskjan og þarfir hennar að vera.

Stórmerkileg þótti mér fjórða málstofan, en hún fjallaði um borgir og borgarmenningu. Meðal annars var fjallað um tilraunir til að endurheimta einkavædda þjónustu í opinbera umsjá.
Í fimmtu málstofunni var fjallað um almannaþjónustu í alþjóðlegu samhengi. Þátttakendur voru afburða góðir en bitastæðustu upplýsingarnar þóttu mér koma frá Sanya Reid Smith frá Third World Network en hún fjallaði um alþjóðaviðskiptasamninga og þá sérstaklega „úrskurðardómstólana" sem standa utan allra réttarkerfa og óháðir ríkjum og þar með lýðræðinu. Þeir kveða uppúr um skaðabætur til fyrirtækja sem "verða fyrir barðinu á almenningi,"  en í seinni tíð hefur það viljað brenna við að þessi sami almenningur vilji endurheimta vatnið sitt og heilbrigðisþjónustu sem óprúttin yfirvöld hafa fært vildarvinum sínum í hendur.
PSI - Ögmundur 

Í sjöttu málstofnunni var fjallað um árekstra sem iðulega skapast á milli almannahagsmuna og fjárhagshagsmuna fyrirtækja sem komast yfir almannaþjónustu. Ég tók þátt í þessari málstofu og freistaði ég þess að skilgreina ástæður einkavæðingar en þær yrðum við að skilja til að takast á við hana. Ég nefndi gróðavon, vilja til að stýra stefnumörkun fyrir tilstilli fjármagns og í þriðja lagi fór ég yfir þær kerfisbreytingar sem gerðar voru á opinberum rekstri frá lokum áttunda áratugarins og fram á þennan dag með það fyrir augum að nýta markaðsformið til niðurskurðar.

Í sjöundu málstofunni var fjallað um fjármagn og lýðræði. Fróðlegt var að hlýða á Henry Garrido - framkvæmdastjóra heildarsamtaka opinberra starfsmanna í Bandaríkjunum, AFSCME, en hann á sæti í risastórum lífeyrissjóði. Hann sagði að um fjárfestingar lífeyrissjóða þyrftu að gilda reglur og siðferðiskvarðar en klykkti síðan út með að segja að lífeyrissjóðir ættu helst ekki að koma nálægt fjárfestingum í almannaþjónustunni.

Í áttundu málstofunni var fjallað um hópa sem eiga undir högg að sækja, þar á meðal samkynhneigða og transgender fólk. Stjórnandi málstofunnar var Phyl Opuku-Gyimah, svört samkynhneigð kona frá Bretlandi. Hún varleiftrandi skemmtileg og kröftug og náði hún að kveikja í þátttakendum málstofnunnar, sem ekki voru af verri endanum. Nefni ég sérstaklega Fred van Leeuwen, formann Kennarasambands Evrópu. Hann tók nokkur dæmi um ofsóknir á hendur samkynhneigðum og nefndi dæmi af sjálfum sér. Hann hefði einhvern tímann verið kallaður til Makedóníu að freista þess að leysa úr ágreiningi kennara við stjórnvöld. Hefði hann þá fengið að heyra að í sjónvarpsviðtali hefði fulltrúi stjórnvalda komið fram til að lýsa því yfir að í Makedóníu legðu menn það ekki í vana sinn að eiga viðræður við homma og skyldi hann því snúa til síns heima hið bráðasta. Fred van Leeuwen mæltist einkar vel og hugsaði ég hve heppnir evrópskir kennarar væru að eiga slíkan talsmann en þá jafnframt rifjast upp hve austurhluti Evrópu er illa á sig kominn hvað mannréttindin varðar.

Í níundu málstofunni var fjallað um mannréttindi almennt og var í titlinum skírskotað til þess að lífið snerist um annað og meira en það eitt að eiga til hnífs og skeiðar. Umræðunni stýrði Marc Bélanger frá alþjóðlegu verkalýðsútvarpsstöðinni, RadioLabour. Einn þátttakenda dr. Emily Porter, bresk kona sem sérhæft hefur sig í menningarverðmætum í Írak sem eyilögð hafa verið eða er ógnað af ófriði, ekki síst af hálfu ISIS samtakanna sem hagnast hafa á sölu slíkra verðmæta. Það óhugnanlega er, sagði dr. Emily, að það væru ekki bara seljendur slíkra verðmæta heldur væru  líka til staðar kaupendur og þeir væru á meðal okkar í ríkari hluta heimsins. Hrottalegt var síðan að hlusta á Gülfem Karatas, fréttakonu frá Tyrklandi segja frá ofsóknum og fangelsunum fréttamanna þar í landi. Hún talaði opinskátt - og því varla þörf á að taka fram að hún er flúin land.

Hér nefni ég málstofurnar sérstaklega en á þinginu fór fram lífleg almenn umræða um aðskiljanleg málefni, bæði sem sneru að samtökunum inn á við en einnig út á við. Þess má geta að þegar jafnréttismál bar á góma hlaut Ísland lof fyrir jákvæða viðleitni og í ljós kom að þingið sætu fulltrúar félagasamtaka sem hefðu komið á kröftugan hátt að jafnréttisbaráttunni, þá kvað við dynjandi lófaklapp Íslendingunum til heiðurs.

PSI hefur komið mjög að þeim málum sem heitast brenna á heimsbyggðinni, efnalegri misskiptingu, heilbrigðisvanda fátækra þróunarlanda (PSI beitti sér mjög í E-bólufaraldrinum til stuðnings og varnar fórnarlömbum og heilbrigðisstarfsmönnum); gegn einkavæðingu og alþjóðlegum viðskiptasamningum að því leyti sem þeir eru á forsendum fjármagnisins og á kostnað almennings. Þannig mætti áfram nefna loftslagsmálin og margt annað.

Að mínu mati er PSI róttækustu og öflugustu verkalýðssamtök sem nú eru starfandi á heimsvísu.

Á þinginu í Genf var þess minnst að eitt hundrað og tíu ár eru frá stofnun PSI. Listamenn sem fram komu gerðu það undir merkjum DADA listsköpunar hreyfingarinnar sem fram kom í Sviss á millistríðsárunum á öldinni sem leið en hún beindi spjótum sínum gegn valdníðslu og þjóðernishroka. Þótti skipuleggjendum þings PSI við hæfi að minna á DADA hreyfinguna í ljósi pólitískra hræringa nú um stundir víða um lönd.
http://congress.world-psi.org/   


Bréf til síđunnarRSS Fréttaveita

Frá lesendum

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson

7. Júní 2018

„SKILAR SÉR MEST TIL ŢEIRRA STĆRSTU"

Við sjáum lekinn ljótan
Þar lítið var um þref
gjaldlítinn gaf ´ún kvótann
ei Lilju fyrirgef.
Pétur Hraunfjörð

28. Maí 2018

LÍTIĐ MAĐUR SEGJA MÁ

Lítið maður segja má
orðin margir bera
sannleika að segja frá
sjaldan aðrir gera.
Málavexti þá muna skalt
ef margir á þig hlýða
Og ekki bæta í sárið salt
sem aðrir fyrir líða.
Pétur Hraunfjörð

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta