Beint á leiđarkerfi vefsins

Annađ

5. Ágúst 2017

AF HRÚTUM, STJÓRNMÁLAMÖNNUM OG PRÓFESSORUM

MBL  - LogoBirtist í helgarblaði Morgunblaðsins 05/06.08.17.
Okkur hættir flestum til að gerast alhæfingasöm og iðulega blandast fordómar alhæfingunum. Þurfum ekki einu sinni að heyra tóninn, vitum öll hvað klukkan slær þegar talað er um stjórnmálastéttina. Aðrir segja af og frá að tala um stjórnmálamenn sem einsleitan hóp en alhæfa engu að síður. Annars vegar séu konur og hins vegar karlar; konur hafi kvenlega sýn á heiminn, karlar hafi sín karllægu viðhorf, séu fulltrúar feðraveldis og megi þekkja þá af lyktinni. Hún minni á hrúta.

En hvað með aðra hópa, til dæmis bandaríska háskólaprófessora? Varla lykta þeir allir eins. Þó gæti maður freistast til að halda að þeir séu furðu einsleitur hópur ef dæma skyldi af greinum sem annað veifið birtast í íslenskum blöðum um drög að nýrri stjórnarskrá fyrir Ísland, nú síðast í þessari viku frá lagaprófessor í Berkeley í Kaliforníu.

Þar segir frá örlögum stjórnarskrárdraganna sem á sínum tíma komu frá íslenska Stjórnlagaráðinu. Eins og fyrri greinar úr þessari átt, er um þessi drög fjallað eins og hverja aðra himnasendingu en eingöngu er þó rætt um formlega umgjörð, ekkert um innihald. Íslenska stjórnmálastéttin, og er þar enginn greinarmunur gerður á gimbrum og hrútum, hafi hins vegar brugðið fæti fyrir framfaraöflin. Það góða við stjórnarskrárdrögin, segir lagaprófessorinn, hafi einmitt verið sú staðreynd að „stjórnmálamönnum" hafði ekki verið leyft að koma nálægt sjálfri grunnvinnunni í Stjórnlagaráðinu. Hún hafi verið unnin af „almenningi".

Kannski óþægilega mikil einföldun fyrir prófessor í lögum við háskóla í Berkeley. Tónninn er þó áþekkur og í fyrri greinum sem borist hafa austur yfir hafið frá akademískum „Íslandsvinum" í Bandaríkjunum. Stundum hefur verið tekið dýpra í árinni og jafnvel hvatt til vopnaðrar uppreisnar til að koma nýju stjórnarskránni í framkvæmd! Ekki er gengið svo langt í þessari síðustu grein en samnefnarinn við fyrri skrif engu að síður augljós. Ég get mér til að hinn akademíski bakgrunnur sé ekki það sem sameinar heldur hinir íslensku vinir, væntanlega sjálfir höfundar stjórnarskrárdraganna. Alla vega einhverjir þeirra.

Varla getur þetta talist góður vitnisburður um fræðimennsku í nafntoguðum bandarískum háskólum. En aðvitað á ekki að alhæfa um bandaríska lagaprófessora fremur en um stjórnmálamenn almennt eða kynferði þeirra.

Skoðanir á stjórnarskrárdrögunum margumtöluðu, jafnt stjórnmálalmanna sem annarra, sneru  fyrst og fremst að eignarhaldi á auðlindum og skilyrðum fyrir þjóðaratkvæðagreiðslu. Fram kom það sjónarmið að Stjórnlagaráð hefði verið helst til íhaldssamt varðandi bæði þessi tvö grundvallaratriði. Engu að síður var gerð um það tillaga að taka þau út úr, freista þess að rýmka þau og fá þau samþykkt sem ákvæði í stjórnarskrá á því þingi sem þá sat enda í fullu samræmi við almennan þjóðarvilja eins og hann lá fyrir. Hitt sjónarmiðið varð þó ofan á, ættað frá meintum fulltrúum almennings: Allt eða ekkert!

Þar við sat - og situr í bili og er nú, að mínu mati, komin óhagstæðari samsetning á Alþingi en áður var hvað varðar stóru hagsmunamálin framangreind. Þessi hlið umræðunnar virðist ekki hafa borist til Berkeley né hitt að í meðförum þingsins var um það rætt að betrumbæta þyrfti stjórnarskrárdrögin og skildi ég það svo að allflestir sem á annað borð kynntu sér málin væru sammála um nauðsyn þess.

Nú þarf að endurmeta stöðuna, brjótast í gegnum múra fordóma og vanþekkingar og freista þess að stíga upp úr gömlum skotgröfum alhæfinganna. En vegvísirinn í þeirri umræðu, sem framundan er, verður varla fundinn hjá akademískum „Íslandsvinum" vestanhafs. Það má ráða af skrifum þeirra og þeim upplýsingum sem þeir virðast byggja á.


Bréf til síđunnarRSS Fréttaveita

Frá lesendum

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar

7. Janúar 2018

ÁBYRGĐ Í VERKI?

Formaður flokks sem segist vera vinstri flokkur og er kominn í samstjórn með Sjálfstæðisflokknum og er forsætisráðherra í þokkabót, segir að mál málanna sé að gera vinnumarkaðinn ábyrgan. Hvað þýðir það? Auðvitað skilja allir skilaboðin, enda höfum við margoft heyrt þau áður - úr munni Sjálfstæðisflokksins. Fólk á að þegja og sætta sig við það sem því er skammtað. Nema átt sé við að forsvarmsmenn SA og Viðskiptaráðs lækki við sig launin og stuðli að kjarajöfnun, er ríkisstjórnin  ef til vill til í það líka og biskupinn og Hæstiréttur? Þá skulum við fara að tala saman. En á meðal annarra orða, var það ábyrgt að auka framlag úr ríkissjóði til stjónmálaflokkanna á þingi - til sjálfra sín -  um 362 milljónir? Var það ábyrgð í verki?
Jóel A.

7. Janúar 2018

UM HVAĐ SNÝST DÓMARAMÁLIĐ?

Um hvað snúast stjórnmálin á Íslandi? Veit það einhver? Stjórnarandstaðan vill að Sigríður dómsmálaráherra segi af sér, finnst það mikilvægast af öllu! En hvað gerði hún rangt? Var það ekki svokölluð matsnefnd sem klúðraði málum? Hvernig væri að fjölmiðlar reyndu að skýra þetta dómaramál? Það er orðið augljóst í mínum huga að málið er ekki eins svart hvítt og margir vilja vera láta - er ég þó enginn aðdáandi dómsmálaráðherrans né Sjálfstæðisflokksins. 
Sunna Sara

7. Janúar 2018

ENGIN ÁBYRGĐ

Ef landinn brýtur löginn hér
leiddur er til sakar
En Sigríður enga ábyrgð ber
ef skaða mörgum bakar
Pétur Hraunfjörð

7. Janúar 2018

SAMTRYGGING Á ALŢINGI

Það er rétt sem þú segir Ögmundur að alltaf er það mest sannfærandi þegar menn byrja á sjálfum sér! Það má til sanns vegar færa með ríkisstjórnina að hún geri þetta en með undarlegum og öfugsnúnum áherslum. Hún byrjar á því að skrúfa frá peningstreyminu úr ríkissjóði og eykur framlag til eigin þarfa um 362 milljónir! Þetta er kostnaðurinn við lýðræðið er gjarnan viðkvæðið þegar kostaðar eru heilsíður í blöðum með auglýsingum sjálfum sér til dásemdar. Annars eru ríkisstjórnarflokkarnir ekki einir um þetta, Samfylking, Viðreisn og Miðflokkurinn eru þarna í liði með VG, Sjálfstæðisflokki og Framsóknarflokki. Það er þetta sem kallað er ...
Jóel A.

5. Janúar 2018

HVAR FĆ ÉG HLJÓMDISKINN?

Þakka þér fyrir skrif þín um Andrés Björnsson og Einar Benediktsson, Tími er svipstund ein sem aldrei líður. Mér þóttu þessi skrif þín vera orð að sönnu. Ég las viðtalið við Andrés sem þú lést okkur lesendur fá aðgang að og las ljóð Einars Benediktssonar, Kvöld í Róm. Nú verð ég að eignast hljómdiskinn með ljóðalestri Andrésar Björnssonar, en hvar er hann að fá? Geturðu upplýst um það Ögmundur?
Jóhannes Gr. Jónsson 

3. Janúar 2018

YFIR STRIKIĐ

Katrín færði mikla fórn
og fór yfir strikið
Situr nú í samherjastjórn
al-sæl fyrir vikið.
Pétur Hraunfjörð

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson

12. Desember 2017

JÁ, EN HREINN K ...

Var að lesa bréf Hreins K sem ég skal játa að er nokkuð lunkið nema að þau sem sérstaklega eru beðin um að mæta skyldumætingu á 100 ára afmælisfund Sýkladeildar Landspítalans, væru að vinna fyrir leigunni með því að sækja fundinn og miðla honum til annarra. Það á við um pólitíkusa og fjölmiðlafólk. Síðan gæti stöku maður verið í fríi klukkan þrjú á fimmtudaginn!
Jóel A.


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta