Beint á leiđarkerfi vefsins

Annađ

9. Júlí 2017

ER STĆRST OG MEST LÍKA BEST?

MBL  - LogoBirtist í helgarblaði Morgunblaðsins 08/09.06.17.
Ekki man ég hverjir eru núverandi eigendur að fyrirhuguðu hóteli sem á að rísa upp úr holunni við hliðina á Hörpu. En ég man hrifningu borgaryfirvalda þegar útlendur milljarðamæringu fékk byggingarleyfið á sína hendi,  við værum að fá erlenda fjárfestingu, frábært, tímamót! Já, það var orðið sem var notað, „tímamót", þetta væri til marks um að farið væri að rofa til á Íslandi, húrra.

Og nú hefur auðmaður fest kaup á íslenskri hótelkeðju. Ætli að aftur sé ekki húrrað? Þetta er náttúrlega erlend fjárfesting! Og millinn verður „‘Íslandsvinur". Og kannski verða hótelin hans ennþá stærri og ferðamennirnir margfalt á við það sem nú er.

En er það endilega gott? Það finnst þeim hjá Wow air og Icelandair. Þeir vilja gera Ísland að Dubai norðursins. Hér verði tengiflugvöllur norðurhvelsins. Þeir vita að um þetta geta þeir fengið miklu ráðið enda skipulagsvaldið nánast komið til þeirra. Isavia situr í áhorfendastúkinni í besta falli og bregst við vinkinu frá þeim sem hafa auðinn og þar með valdið á hendi.

Fréttir berast af því að tugþúsundir aðkomumanna streymi til landsins í atvinnuskyni og þar með til að  fullnægja draumum allra fjárfestanna, erlendra og innlendra, um uppbyggingu og aftur uppbyggingu. Bara einhvers konar uppbyggingu.  

Hafa menn hugleitt að af þessum þúsundum aðkomumanna þarf hver og einn íbúð? Og það þýðir húsnæðisvandi, og meira að segja stórfelldur húsnæðisvandi, sem leysa þarf strax! Farið er að tala um gámaíbúðir og gámahverfi og fannst mörgum þó nóg um „einföldun á regluverki" í tíð síðustu ríkisstjórnar til að fullnægja verktökum og frelsa þá undan kvöðum sem gjarna fylgja fötluðu fólki og öðrum með „sérþarfir". Þá fengum við líka að vita að efnalítið fólk þarf ekki geymslur. Enda eigi það ekkert til að geyma!

Eftirfarandi finnst mér að gjarnan megi eiga heima í þessari umræðu um stærst og best:

Í fyrsta lagi er ástæða til að fagna aukinni ferðamennsku. Atvinnugreinar sem tengjast henni eru um margt eftirsóknarverðar eins og dæmin sanna og nefni ég þar sérstaklega safnamenninguna sem blómstrar með tilheyrandi ræktarsemi við það besta sem við höfum upp á að bjóða.
Í öðru lagi er fráleitt að alhæfa um erlenda fjárfestingu á þann hátt sem gert er. Á sama tíma og fjárfesting og þekking erlendis frá inn í tiltekna starfsemi getur verið eftirsóknarverð, vakir oftar en ekki það eitt fyrir fjárfestunum að soga fjármagn út úr landinu og ofan í eigin vasa. Þetta færir okkur nær því að vera það sem einhvern tímann var kallað hráefna-nýlenda.
Í þriðja lagi þarf að fara fram lýðræðisleg umræðu um þá farvegi sem við viljum beina atvinnuuppbyggingu í. Viljum við gera Ísland að risavaxinni millilendingarstöð fyrir flugið á norðurhveli jarðar með tilheyrandi mengun - og vel að merkja tilheyrandi ofsa-uppbyggingu?

Að mínu mati er hæg þróun betri en hröð. Það á því ekki að raska jafnvægi í atvinnu uppbyggingu með hraðupphlaupum. Verði hraðinn, magnið og fjöldinn of mikill, lendum við undir farginu. Þaðan getur verið erfitt að komast.

Það er þess virði að hugleiða inntakið í hugtakinu auðvald. Fámenn þjóð verður að þora að standa vörð um hagsmuni sína gagnvart ágengu auðvaldi.

Stærst og mest í heimi er varasöm hugsun fámennri þjóð. Reyndar er hún varasöm öllum þjóðum!


Bréf til síđunnarRSS Fréttaveita

Frá lesendum

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar

7. Janúar 2018

ÁBYRGĐ Í VERKI?

Formaður flokks sem segist vera vinstri flokkur og er kominn í samstjórn með Sjálfstæðisflokknum og er forsætisráðherra í þokkabót, segir að mál málanna sé að gera vinnumarkaðinn ábyrgan. Hvað þýðir það? Auðvitað skilja allir skilaboðin, enda höfum við margoft heyrt þau áður - úr munni Sjálfstæðisflokksins. Fólk á að þegja og sætta sig við það sem því er skammtað. Nema átt sé við að forsvarmsmenn SA og Viðskiptaráðs lækki við sig launin og stuðli að kjarajöfnun, er ríkisstjórnin  ef til vill til í það líka og biskupinn og Hæstiréttur? Þá skulum við fara að tala saman. En á meðal annarra orða, var það ábyrgt að auka framlag úr ríkissjóði til stjónmálaflokkanna á þingi - til sjálfra sín -  um 362 milljónir? Var það ábyrgð í verki?
Jóel A.

7. Janúar 2018

UM HVAĐ SNÝST DÓMARAMÁLIĐ?

Um hvað snúast stjórnmálin á Íslandi? Veit það einhver? Stjórnarandstaðan vill að Sigríður dómsmálaráherra segi af sér, finnst það mikilvægast af öllu! En hvað gerði hún rangt? Var það ekki svokölluð matsnefnd sem klúðraði málum? Hvernig væri að fjölmiðlar reyndu að skýra þetta dómaramál? Það er orðið augljóst í mínum huga að málið er ekki eins svart hvítt og margir vilja vera láta - er ég þó enginn aðdáandi dómsmálaráðherrans né Sjálfstæðisflokksins. 
Sunna Sara

7. Janúar 2018

ENGIN ÁBYRGĐ

Ef landinn brýtur löginn hér
leiddur er til sakar
En Sigríður enga ábyrgð ber
ef skaða mörgum bakar
Pétur Hraunfjörð

7. Janúar 2018

SAMTRYGGING Á ALŢINGI

Það er rétt sem þú segir Ögmundur að alltaf er það mest sannfærandi þegar menn byrja á sjálfum sér! Það má til sanns vegar færa með ríkisstjórnina að hún geri þetta en með undarlegum og öfugsnúnum áherslum. Hún byrjar á því að skrúfa frá peningstreyminu úr ríkissjóði og eykur framlag til eigin þarfa um 362 milljónir! Þetta er kostnaðurinn við lýðræðið er gjarnan viðkvæðið þegar kostaðar eru heilsíður í blöðum með auglýsingum sjálfum sér til dásemdar. Annars eru ríkisstjórnarflokkarnir ekki einir um þetta, Samfylking, Viðreisn og Miðflokkurinn eru þarna í liði með VG, Sjálfstæðisflokki og Framsóknarflokki. Það er þetta sem kallað er ...
Jóel A.

5. Janúar 2018

HVAR FĆ ÉG HLJÓMDISKINN?

Þakka þér fyrir skrif þín um Andrés Björnsson og Einar Benediktsson, Tími er svipstund ein sem aldrei líður. Mér þóttu þessi skrif þín vera orð að sönnu. Ég las viðtalið við Andrés sem þú lést okkur lesendur fá aðgang að og las ljóð Einars Benediktssonar, Kvöld í Róm. Nú verð ég að eignast hljómdiskinn með ljóðalestri Andrésar Björnssonar, en hvar er hann að fá? Geturðu upplýst um það Ögmundur?
Jóhannes Gr. Jónsson 

3. Janúar 2018

YFIR STRIKIĐ

Katrín færði mikla fórn
og fór yfir strikið
Situr nú í samherjastjórn
al-sæl fyrir vikið.
Pétur Hraunfjörð

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson

12. Desember 2017

JÁ, EN HREINN K ...

Var að lesa bréf Hreins K sem ég skal játa að er nokkuð lunkið nema að þau sem sérstaklega eru beðin um að mæta skyldumætingu á 100 ára afmælisfund Sýkladeildar Landspítalans, væru að vinna fyrir leigunni með því að sækja fundinn og miðla honum til annarra. Það á við um pólitíkusa og fjölmiðlafólk. Síðan gæti stöku maður verið í fríi klukkan þrjú á fimmtudaginn!
Jóel A.


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta