Beint á leiđarkerfi vefsins

Annađ

16. Maí 2017

VEL HEPPNAĐUR IĐNÓFUNDUR UM HEIMAŢJÓNUSTU VIĐ ALDRAĐA

Fundur um aldraða
Fundurinn í Iðnó sl. laugardag um þjónustu við aldraða í heimahúsum var fjölsóttur og í alla staði vel heppnaður.

Þrír frummælendur voru á fundinum, Þórunn S. Einarsdóttir, félagsráðgjafi, Gunnar Alexander Ólafsson, heilsuhagfræðingur og Anna Þrúður Þorkelsdóttir, þjóðfræðingur, fluttu erindi en öll búa þau yfir mikilli þekkingu og reynslu um málefnið.  

Niðurstaða þeirra allra var á þá lund að þjónustan væri óviðunandi, kerfið ekki nógu sveigjanlegt og álagið of mikið á það starfsfólk sem sinnti þessum verkefnum.

Hér að neðan er slóð á umfjöllun mbl.is um fundinn og leiðari Morgunblaðsins daginn sem fundurinn var haldinn. http://www.mbl.is/frettir/innlent/2017/05/14/aldradir_thurfa_felagsskap_og_nand/

Þá birtist hér á heimasíðunni stórgóður pistiill Sigríðar Stefánsdóttur, réttarfélagsfræðings, um efnið, sett fram á grípandi hátt! sjá: http://ogmundur.is/frjalsir-pennar/nr/8170/

Leiðari Morgunblaðsins, laugardaginn 13. maí:

"Heima sem lengst?

Í heilbrigðiskerfinu er nú lögð áhersla á að gera öldruðum kleift að dvelja sem lengst heima hjá sér. Það er sjálfsagt markmið og eðlilegt. Flestir vi...

Í heilbrigðiskerfinu er nú lögð áhersla á að gera öldruðum kleift að dvelja sem lengst heima hjá sér. Það er sjálfsagt markmið og eðlilegt. Flestir vilja bíða með það í lengstu lög að fara inn á stofnun. Til þess að fylgja þessu eftir er boðið upp á stuðning, þjónustu og umönnun af ýmsum toga. Ekki hefur þó allt verið sem skyldi í þeim efnum.

Ögmundur Jónasson, fyrrverandi heilbrigðisráðherra, skrifar um þessi mál í Morgunblaðið í fyrradag. Þar segir hann að þessi stefna hafi notið almenns stuðnings í samfélaginu. »En þá fyrst og fremst sem stefna,« segir hann í greininni og bætir við: »Það fólk sem hefur kynnst stefnunni í framkvæmd er ekki alltaf jafn sannfært.«

Ögmundur lýsir því að hann hafi »séð til verka fólks sem sinnir heimahjúkrun og aðhlynningu í heimahúsum og sannfærst um að þar er upp til hópa afar hæft og gott fólk. En ég hef líka fengið að kynnast álaginu sem þetta fólk starfar undir og hver kjör því eru búin.«

Í greininni vísar Ögmundur í fréttir þess efnist að erfitt verði að manna þjónustuna þannig að sinna megi lágmarksþörfum á næstu mánuðum: »Í stað þess að halda í horfinu, hvað þá að draga úr þjónustunni(!), hefði þurft að bæta verulega í, því ekki hef ég hitt þann einstakling sem telur ástandið viðunandi.

Hjálparþurfi fólk á tíræðisaldri í heimahúsum í Reykjavík getur að hámarki fengið aðstoð við böðun einu sinni í viku. Er það þannig sem við viljum hafa þetta? er þetta dæmi um framangreinda stefnu - allir heima sem lengst - í framkvæmd?«

Þetta eru þarfar ábendingar hjá Ögmundi. Því má svo við bæta að einn fylgifiskur þessarar stefnu er að fólk kemst ekki að á stofnunum þótt það sé ekki lengur fært um að búa eitt heima hjá sér þrátt fyrir þá þjónustu, sem er á boðstólum.

Þá hefur skortur á hjúkrunarrýmum leitt til þess að iðulega er fólk sent heim eftir að hafa verið á sjúkrahúsi áður en það er tilbúið að sjá um sig sjálft. Læknar þurfa að taka á móti nýjum tilfellum og sjúklingar, sem þegar hafa farið í aðgerðir eða fengið meðferð, verða að víkja fyrir þeim. Staðreyndin er hins vegar sú að með því að senda fólk of snemma heim er tekin ákveðin áhætta og iðulega snýr það aftur eftir að hafa slasast á nýjan leik af því að það réð ekki við aðstæður. Endurhæfing er þolinmæðisverk og vitað er að með aldrinum er líkaminn lengur að ná sér. Það verður ekki auðveldara þegar slysin endurtaka sig.

Vitað er að flestir una sér best heima hjá sér. Þar geta þeir verið innan um sína muni og þekkja hvern krók og kima. Flutningur á nýjan stað getur valdið óvissu og kvíða og jafnvel orðið til þess að fólki hraki.

Um leið þarf að bjóða öldruðum, sem ekki ráða lengur við að vera heima, upp á önnur úrræði. Þá rekst fólk hins vegar iðulega á veggi og sönnunarbyrðin getur verið þung þegar sótt er um vistunarmat. Sú tilfinning vaknar jafnvel að það þurfi að beita ýkjum og draga upp sem dekksta mynd af ástandi umsækjanda til að einhver von sé til að nálaraugað opnist. Og þó sé ekki víst að það dugi til.

Það hljómar vel að gera eigi öldruðum kleift að dvelja sem lengst á heimilum sínum. En það mega ekki vera innantóm orð. Slíkum fyrirheitum verður að fylgja bolmagn til þess að aldraðir getið dvalið á heimili sínu með reisn. Það þarf að sinna ólíkum þörfum þeirra og veita þeim þjónustu. Sumir geta verið algerlega sjálfstæðir, aðrir þurft mikla umönnun. Sumir hafa gott bakland, aðrir standa einir. Ætlunin getur ekki verið sú að láta fólk hírast heima hjá sér við illan kost vegna þess að önnur úrræði bjóðast ekki? Það er ekki nóg að setja háleit markmið - það verður að vera innistæða fyrir þeim.
Það er ekki nóg að setja háleit markmið - það verður að vera innistæða fyrir þeim"

 


Bréf til síđunnarRSS Fréttaveita

Frá lesendum

16. Janúar 2018

SÖGULEGIR SIGRAR EĐA HVAĐ?

Því er slegið upp að atvinnuveganefnd Alþingis verði nú í fyrsta skipti stýrt af konum. Af þessu stærir formaðurinn sig, Lilja Rafney Mgnúsdóttir. Inga Sæland, Flokki fólksins, verður fyrsti varaformaður og Halla Signý Kristjánsdóttir, Framsóknarflokki, annar varafromaður. Lítið vitum við um stefnu þeirra í atvinnumálum. Á sama tíma berast fréttir frá Noregi að ný stjórn sé á teikniborðinu. Saman komu þær fram á fréttamannafundi til að skýra frá þessu þær Erna Solberg, Hægri flokknum, Siv Jensen, Framfaraflokknum og Trie Skei Grande, Frjálslynda flokknum. Allt konur. Allar afturhald að mínu mati! Kynin eiga að standa jafnt að vígi í stjórnmálum. En þá á líka að sýna þeim þá virðingu að taka konur jafnt sem karla alvarlega, óháð kyni og spyrja um stefnu og innihald. Eitthvað er rangt við þessa framsetningu og ótrúlega afturhaldssamt á árinu 2018. Kannski líka svoldið niðurlægjandi - fyrir konur.
Kona

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar

7. Janúar 2018

ÁBYRGĐ Í VERKI?

Formaður flokks sem segist vera vinstri flokkur og er kominn í samstjórn með Sjálfstæðisflokknum og er forsætisráðherra í þokkabót, segir að mál málanna sé að gera vinnumarkaðinn ábyrgan. Hvað þýðir það? Auðvitað skilja allir skilaboðin, enda höfum við margoft heyrt þau áður - úr munni Sjálfstæðisflokksins. Fólk á að þegja og sætta sig við það sem því er skammtað. Nema átt sé við að forsvarmsmenn SA og Viðskiptaráðs lækki við sig launin og stuðli að kjarajöfnun, er ríkisstjórnin  ef til vill til í það líka og biskupinn og Hæstiréttur? Þá skulum við fara að tala saman. En á meðal annarra orða, var það ábyrgt að auka framlag úr ríkissjóði til stjónmálaflokkanna á þingi - til sjálfra sín -  um 362 milljónir? Var það ábyrgð í verki?
Jóel A.

7. Janúar 2018

UM HVAĐ SNÝST DÓMARAMÁLIĐ?

Um hvað snúast stjórnmálin á Íslandi? Veit það einhver? Stjórnarandstaðan vill að Sigríður dómsmálaráherra segi af sér, finnst það mikilvægast af öllu! En hvað gerði hún rangt? Var það ekki svokölluð matsnefnd sem klúðraði málum? Hvernig væri að fjölmiðlar reyndu að skýra þetta dómaramál? Það er orðið augljóst í mínum huga að málið er ekki eins svart hvítt og margir vilja vera láta - er ég þó enginn aðdáandi dómsmálaráðherrans né Sjálfstæðisflokksins. 
Sunna Sara

7. Janúar 2018

ENGIN ÁBYRGĐ

Ef landinn brýtur löginn hér
leiddur er til sakar
En Sigríður enga ábyrgð ber
ef skaða mörgum bakar
Pétur Hraunfjörð

7. Janúar 2018

SAMTRYGGING Á ALŢINGI

Það er rétt sem þú segir Ögmundur að alltaf er það mest sannfærandi þegar menn byrja á sjálfum sér! Það má til sanns vegar færa með ríkisstjórnina að hún geri þetta en með undarlegum og öfugsnúnum áherslum. Hún byrjar á því að skrúfa frá peningstreyminu úr ríkissjóði og eykur framlag til eigin þarfa um 362 milljónir! Þetta er kostnaðurinn við lýðræðið er gjarnan viðkvæðið þegar kostaðar eru heilsíður í blöðum með auglýsingum sjálfum sér til dásemdar. Annars eru ríkisstjórnarflokkarnir ekki einir um þetta, Samfylking, Viðreisn og Miðflokkurinn eru þarna í liði með VG, Sjálfstæðisflokki og Framsóknarflokki. Það er þetta sem kallað er ...
Jóel A.

5. Janúar 2018

HVAR FĆ ÉG HLJÓMDISKINN?

Þakka þér fyrir skrif þín um Andrés Björnsson og Einar Benediktsson, Tími er svipstund ein sem aldrei líður. Mér þóttu þessi skrif þín vera orð að sönnu. Ég las viðtalið við Andrés sem þú lést okkur lesendur fá aðgang að og las ljóð Einars Benediktssonar, Kvöld í Róm. Nú verð ég að eignast hljómdiskinn með ljóðalestri Andrésar Björnssonar, en hvar er hann að fá? Geturðu upplýst um það Ögmundur?
Jóhannes Gr. Jónsson 

3. Janúar 2018

YFIR STRIKIĐ

Katrín færði mikla fórn
og fór yfir strikið
Situr nú í samherjastjórn
al-sæl fyrir vikið.
Pétur Hraunfjörð

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Annađ

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta