Greinar Ágúst 2021

Birtist í helgarblaði Morgunblaðsins 28/29.08.21.
Stórlega efast ég um að nokkur maður beri þetta nafn í hinum enskumælandi heimi. Sú var þó tíðin að maður nokkur á Englandi bar þetta nafn, herra Ýsa. Í huga Íslendinga sem komnir eru til ára sinna var þetta þó enginn einhver, heldur sjálfur Austin Mitchell þingmaður Verkamannaflokksins í Grimsby í áratugi og svo mikill Íslandsvinur að ástæða þótti til að ...

Alþingi samþykkti í vor þingsályktun þar sem umhverfis- og auðlindaráðherra var falið að gangast fyrir rannsókn á umfangi mengunar í jarðvegi og grunnvatni á Heiðarfjalli á Langanesi og gera tímasetta áætlun um hreinsun á úrgangs- og spilliefnum á svæðinu. Í frétt frá ráðuneytinu í gær kemur fram að þessi vinna sé hafin eða í þann veginn að hefjast og er það vel. Bandarísk herstöð var á Heiðarfjalli á árunum ...

... Eru fiskeldisfyrirtækin sem starfa á Vestfjörðum og Austfjörðum vestfirsk og austfirsk eða eru þau norsk? Meirihlutaeign er í eigu Noðrmanna, fyrirtækin eru skráð í kauphöllinni í Osló en kvíar og sláturhús eru á Íslandi.
Morgunblaðið segir að þau séu vestfirsk og austfirsk. Er Chicquita bananar þá guatemalskt fyrirtæki? Þetta er varla verra en hvað annað til umhugsunar með ...

Í dag fór fram í Dómkirkjunni í Reykjavík útför Ingibjargar Björnsdóttur frænku minnar. Fjöldi minningargreina biritst um Ingbjörgu í Morgunblaðinu í dag frá fjölskyldu hennar og samferðafólki og séra Hjálmar Jónsson flutti falleg minningarorð í kirkjunni. Eftirmælin báru öll vott um væntumþykju og eftirsjá og þótti mér þau vera góður spegill á mikla mannkostamanneskju. Frá 17.júlí árið 1998 hefur myndin hér að ofan staðið á litlu myndaborði á heimili mínu. Þess vegna er hún orðin svolítið upplituð af sólarljósinu sem á hana hefur skinið í tæpan aldarfjórðung. 
Þann dag ...

Vefsíðan Lifðu núna hvetur okkur sem erum komin af barnsaldri að gera einmitt þetta, lifa lífinu núna. Á síðunni, sem er bráðgóð, koma ellismellir fram og segja frá því sem á daga þeirra drífur og hvað það er sem einkum heilli þá. Í vikunni var ég spurður hver væri minn uppáhaldsstaður á Íslandi og nefndi ég Þingvelli og reyndi að færa fyrir því rök. Brá mér síðan til Þingvalla til að fá staðfestingu á því innra með mér að valið væri rétt. Félagsskapurinn gat ekki verið betri, tvær dætradætur ...

Birtist í helgarblaði Morgunblaðsins 14/15.08.21.
Gunnar heitinn Birgisson kom víða við á allt of stuttum lífsferli sínum. Hann var bæjarstjóri, alþingismaður og verktaki og fleiri störfum gegndi hann um dagana. Hann var atkvæðamikill hvar sem hann fór. Þegar verktakinn GB lagði í framkvæmd allan sinn þunga, sem var talsverður, þá máttu menn vita að undan honum gengi. Á vettvangi stjórnmálanna tók hann ...

Aldrei mætti framtíð feiminn,
fénu stal í pokum.
Vildi kaupa hálfan heiminn,
Himnaríki að lokum.
Kári

Ný stjórn Katrínar Jakobsdóttir hefur nú tekið við á Bessastöðum. Áður var stjórnarsáttmálinn kynntur í bleiku bandi. 
Gerðar verða breytingar á Stjórnarráðinu þar sem málaflokkum er sundrað en öðrum steypt saman á ákaflega sérviskulegan hátt. Duttlungar og stundarhagsmunir nokkurra einstaklinga látnir ráða. Virðingarleysi fyrir því fólki sem skákað er til eru engin takmörk sett. Forsætisráðherra hefur valið að halda stefnuræðu sína á fullveldisdaginn 1. desember 2021. Þar mun hún kynna ...
Bjarni

Eftir hægar hríðir komst á koppinn
Katrín og stjórnin fyrir horn sloppin
stóllinn tryggður
grunnur byggður
að frjálshyggjustjórn sem er orpin.

Hún virðist nú ekki einkar hlý
enda var hún á felgunum
Þó ríkisstjórnin hér þykist ný
er gamalt sull á belgjunum.
...
Höf. Pétur Hraunfjörð.

Hún gerir ríka ríkari
raunverulega jú
og spillta líka spilltari
speki mín er sú.
...
Höf. Pétur Hraunfjörð.

Ég var að lesa grein Ögmundar hér á síðunni um að Sjálfstæðisflokkur og VG eigi ekki að vera saman í ríkisstjórn. Jú, það er fróm ósk okkar flestra, en erfitt við að eiga meðan svo margir kjósendur greiða Sjálfstæðisflokknum atkvæði sitt - og vinstri menn halda áfram að vera vinstri mönnum verstir. Framsókn er nú í lykilstöðu og ríkisstjórn VG, Framsóknar, Samfylkingar og Flokks fólksins yrði vitanlega ekki til gegn vilja Framsóknar. Mér finnst ekki alveg ljóst í greininni hvort félagi Ögmundur metur það meira að koma stefnumálum VG í framkvæmd eða að hafa þau bara letruð með nógu rauðu letri í stefnuskrá. Stefnumálin sem hann telur VG hafa snúið baki við eru langflest enn á sínum stað í stefnuskrám ...
Þorvaldur Örn Árnason

Heilbrigðiskerfið nú halloka fer
helvítis kóvið um vandræðin sér
þeir eru að byggja
og framtíð tryggja
en áratugina það tekur allt hér.

Félagslegri einangrun flestir lúta
í fjölmenni bera grímur og klúta
hanga nú heima
láta sig dreyma
og gleðjast við fáeina flösku stúta.
...
Höf. Pétur Hraunfjörð.

Góð grein og þörf Ögmundur! Oft hefur verið nauðsyn en nú er nefninlega algjör þörf á róttækri greiningu á ástandinu hér hjá okkur. Þjóðin er lömuð ..... hvað næst! Nú hef ég alls ekki tekið virkan þátt í íslenskum stjórnmálum en hef fylgst grannt með síðastliðin nokkur ár. Í mínum huga er það stjórnsýslan /flokkakerfið sem aftrar því að heilbrigð þróun geti orðið. Við þurfum persónukjör og opið lýðræði. Ótrúlegt að virða þetta fyrir sér því gott fólk er þarna allsstaðar. Miðað við kyrrstöðuna svo skrýtið, síðan kemur sérhagsmunagæslan, fámennið og frænd/kunningjahyglin sem tvinnast saman ...
Bergljót Kjartansdóttir

Í framhaldi af skrifum þínum um framkvæmdastjóra NATÓ þá teljum við að Stoltenberg sé úlfur í sauðagæru, eða hefur hann þegar stökkbreyst í úlf í úlfsfeldi? Tillaga okkar: Þýskaland verður að komast úr NATÓ - eins fljótt og auðið er! En Þjóðverjar "græningjar" munu vilja styrkja NATÓ og auka við vígbúnaðaráætlun bandalagsins.
Günter Rath/Annette Groth
...

Trúnaðarmenn þar tóku öll völd
af tillitsleysi var ákvörðun köld
á milli tanna
var ´ún Anna
fagleg aftaka á frjálshyggjuöld.
...
Höf. Pétur Hraunfjörð.

Þú segir að ekki ætti að kjósa Sjálfstæðisflokkinn en þá spyr ég þig hvern ætti yfirleitt að kjósa? Hvers vegna ætti að kjósa VG eða ætti kannski ekki að gera það? Ég spyr í ljósi undangenginna fjögurra ára og yfirstandandi stjórnarmyndunar. Ég sakna þess að heyra frá þér um þetta. Hjörleifur Guttormsson segir eftirsóknarvert að fá framhald á stjórn Sjálfstæðisflokks og VG. Ertu sammála? ...
Jóhannes Gr. Jónsson.