Greinar Febrúar 2018

Birtist í Morgunblaðinu 26.02.18.

Það var mikið lán fyrir Íslendinga að standa utan Evrópusambandsins þegar fjármálakerfið hrundi haustið 2008, hvað þá ef við hefðum verið búin að taka upp evru sem gjaldmiðil. Þá hefðum við fengið að kynnast þumalskrúfunum sem grísk þjóð hefur mátt þola eftir að samansúrrað valdakerfi fjármálamanna og erindreka þeirra í stjórnkerfi Evrópusambandsins tók ákvörðun um að láta gríska skattgreiðendur borga lánveitendum lán sem með sviksemi hafði verið þröngvað upp á Grikkland. Þetta reyndu vel að merkja Bretar og Hollendingar gagnvart okkur þegar þvinga átti Ísland til að lögfesta skuldbindingar íslenskra skattgreiðenda vegna Icesave. ESB reyndi þá ...

Birtist í Fréttablaðinu 22.02.18.

Þegar borgaryfirvöld tóku tilneydd að velta því fyrir sér hvernig brjóta mætti niður lýðræðislegan vilja Reykvíkinga til að halda innanlandsfluginu í Vatnsmýrinni í Reykjavík varð niðurstaða sú að skipa nefnd til að finna nýja staðsetningu fyrir flugvöllinn - en þó á höfuðborgarsvæðinu. Að sjálfsögðu ætti að virða vilja Reykvíkinga um flugvöll í Reykjavík! Hann ætti bara ekki að þvælast fyrir fasteignabröskurum sem vildu byggja á verðmætasta byggingalandinu svo vísað sé í nýlegan leiðara Fréttablaðsins. Þar var líka talað um ...

Þá er komin fram sýknukrafa af hálfu setts ríkissaksóknara  í svokölluðu Guðmundar- og Geirfinnssmáli ... Ég vil ganga svo langt að segja að í þessari ákvörðun sé fólginn mikilvægur sigur réttarkerfisns. "Mikil hætta var á því að málið hefði dagað uppi ef ekki hefði verið sett á laggirnar starfsnefnd undir formennsku Arndísar Soffíu Sigurðardóttur, sem hóf störf haustið 2011 ... Starfsnefndina skipuðu auk Arndísar, Haraldur Steinþórsson lögfræðingur og Jón Friðrik Sigurðsson sálfræðingur. Með starfshópnum starfaði Valgerður María Sigurðardóttir, starfsmaður innanríkisráðuneytis og þá naut starfshópurinn sérstakrar sérfræðiráðgjafar dr. Gísla H. Guðjónssonar, réttarsálfræðings, en hann gaf einnig skýrslur fyrir endurupptökunefnd." Í pistlinum þar sem þessa klausu era ð finna greinir nánar frá ...

Bí, bí og blaka,
álftirnar kvaka,
ég læt sem ég sofi,
en samt mun ég vaka.

Bíum bíum bamba,
börnin litlu ramba
fram um fjalla kamba
að leita sér lamba.

Hver þekkir ekki hljómfögru barnagælurnar sem skáldin hafa eftirlátið okkur til að syngja börnin okkar í svefn, dreifa huga þeirra, þar til Óli lokbrá tekur völdin ...

... Þetta er formáli að netslóðnni hér að neðan. Hún vísar á greinaflokk eftir Atla sem birtist í Morgunblaðinu á síðasta ári. Þessar greinar eru mjög fróðlegar, vel skrifaðar, af innsæi og þekkingu. Nú vill svo til að mér er kunnugt um að gestur okkar Íslendinga, Zoe Konstantopoulou, sem fram kom á opnum fundi í Safnahúsinu síðastliðinn laugardag, verður í ítarlegu viðtali við Egil Helgason í Silfri Sjónvarpsins á sunnudag. Mér segir hugur að lestur greina Atla sé ágætur undirbúningur  ...

... Hinn heimskunni vísindamaður Stephen Hawking hefur reyndar gert grein fyrir veru sinni í þessari framvarðarsveit með þeim rökum að hann væri ekki lífs væri það ekki vegna öflugrar opinberrar heilbrigðisþjónustu. Þarna er líka Allyson Pollock, læknir, fræðimaður og óþreytandi baráttukona fyrir almannarekinni heilbrigðisþjónustu. Hún kom hingað til lands á vegum BSRB fyrir nær hálfum örðum áratug. Allyson Pollock er einn öflugasti talsmaður almannrekinnar heilbrigðisþjónustu og er oftar leitað til hennar í fjölmiðlum í því samhengi en flestra annarra.
Miklir peningar hafa safnast frá almenningi vegna málssóknarinnar en þörf er á frekari framlögum, því ef ekki tekst að safna tiltekinni upphæði fyrir lok þessa mánaðar þá verður ekki ...

Jón Gunnarsson, samgönguráðherra í síðustu ríkisstjórn, var næmur á vilja verktaka og fjárfesta í vegamálum. Þeir vilja sem kunnugt er allt í einkaframkvæmd. Ekki svo að skilja að vegaframkvæmdir séu ekki nánast allar boðnar út. Þessir aðilar vilja hins vegar meira, bæði sitja að uppbyggingarstarfinu og einnig fá í hendur skattlagningarvald yfir mér og þér. Með öðrum orðum, þeim er ekki nóg að hagnast á vegaframkvæmdunum. Þeir vilja líka geta grætt á því sem fram fer ofan á vegunum fullkláruðum, okkur sem ökum um þá. Og inni í þessum pakka vilja þeir helst líka hafa flugvellina og hafnirnar. Ég heyri ekki betur en Sigurður Ingi Jóhannsson ...

Það virtist vera samdóma álit þeirra sem sóttu fundinn í Safnahúsinu í dag með þeim Zoe Konastantopoulous og Diamantis Karanastasis að fundurinn hafi verið afar fróðlegur og upplýsandi.
Morgunblaðið gerði  fundarboðinu góð skil með ítarlegu viðtali við Zoe Konastantopoulous og í leiðara blaðsins í dag eru áhersluatriði hennar tekin til skoðunar. Til umhugsunar er hve mikilvægt það er að fjölmiðlar aðstoði við að kynna fundi af þessu tagi sem ekki njóta stuðnings annarra en þeirra sem þá sækja.
Hrollvekjandi - og ég vel orðið af yfirvegun - var að hlýða á frásögn af hlutskipti Grikkja eftir að þeir undirgengust klafa ...

Boðið er til fundar kl. 12 á laugardag í Safnahúsinu, Hverfisgötu um stöðu og horfur í grískum stjórnmálum með þátttöku tveggja baráttumanna sem hafa verið virkir leiðtogar í baráttu grísks almennings gegn alþjóðlegu auðvaldi, Zoe Konstantopoulou og Diamantis Karanastasis. Konstantopolou var í fremstu víglínu þegar Syriza vann sögulegan kosningasigur sinn í janúar árið 2015 og hefur í kjölfarið verið áberandi í grískum stjórnmálum. Konstantopoulou og Karanastasis flytja stutt erindi hvort og að því búnu gefst tækifæri til fyrirspurna og athugasemda. Fundinum verður lokið í síðasta lagi klukkan 13:30. Zoe Konstantopoulou er ...

... Það vill gleymast í þessari umræðu að flestum ríkisforstjórum er meinilla við Kjararáð. Í stjórn hlutafélags er það hins vegar stjórn félagsins sem ákveður forstjóralaunin, "því miður er ekki hægt að upplýsa um þau, menn verða að hafa á því skilning að þau eru trúnaðarmál". Með hlutafélagafyrirkomulaginu er gagnsæi Kjararáðs þannig fyrir bí og ekkert lengur til að koma láglaunafólkinu úr jafnvægi, með öðrum orðum, margfrægur stöðugleiki er tryggður. 
Þannig var þetta hugsað og um þetta snúast deilur á líðandi stund um Kjararáð fyrst og fremst, að halda launaþjóðinni sofandi undir handleiðslu skömmtunarstjóra ...

Kapítalisminn er kominn á bakkann
kannski þeir detti niður í slakkann
um eymdina gapa
og alveg sér tapa 
auðvitað hysjum við uppum rakkann. 
Höf. Pétur Hraunfjörð.

Gaman er að finna fyrir samstöðu Íslendinga í baráttunni við kórónaveiruna. Heilbrigðisyfirvöldum og almannavörnum er mætt á jákvæðan hátt og farið að þeirra ábendingum. Einhver meiningarmunur kemur öðru hvoru fram innan heilbrigðiskerfisns og er það traustvekjandi. Umræðulaus hlýðni er aldrei góð og meiningarmunur málefnalega fram settur er ekkert annað en jákvæður.
Haffi

Ég vil þakka Grími sem skrifar í dálkinn “frjálsir pennar” fyrir að hreyfa Vaðlaheiðarmáli. Ég hef saknað þess að fjölmiðlar færu í saumana á því máli. “Orsök VHG-19 kreppunnar eru gamlir misreikningar. Sérfróðir búast við að þá gjaldfallnar, enn vaxandi skuldir VHG hf við ríkið gætu orðið 19 milljarðar 2021.” Þetta skrifar Grímur. Eru þessir 19 milljarðar ekki helmingi meira en lagt var upp með? Væri hægt að ...

Jóel A.

Ef kvótann ég ætti
ég ýmisleg mætti
Ég hokri þá hætti
ég hamingju bætti.
...
Höf. Pétur Hraunfjörð

Margir hæddust að Ingu Sæland, alþingiskonu, þegar hún vildi loka landinu og helst smala öllum aðkomumönnum til landsins í sóttkví, eins konar fangabúðir. Á Aþlingi ver hlegið að Ingu og hún var síðan fengin sérstaklega í Kastljós  svo þjóðin fengi líka að hlæja. Svo lokaði Trump Bandaríkjunum, síðan var Danmörku lokað og Noregi og svo Evrópusambandinu. Á Ítalíu fór fólk að deyja í hundraðavís á dag… Nú er ekki lengur hlegið að Ingu Sæland. Ef fer fram sem horfir ...
Sunna Sara

Í sóttkví og sídrykkju detta
sem leiðindin vonandi létta
vinna nú heima
láta sig dreyma
og duglega þar í sig skvetta.
...
Höf. Pétur Hraunfjörð.

Ég er sammála Jóhannesi Gr. Jónssyni í bréfi til síðunnar að ekki síður mikilvægt en að ná verðtryggingunni burt er að banna vexti – þar er ekki gengið lengra en kirkjan gerði á miðöldum! Svo þarf að banna allan innheimtukostnað. Ég þykist vita að innheimtuskrifstofurnar hugi nú gott til glóðarinnar eins og jafnan í kreppu. Þá eru jólin ...
Sunna Sara

Í rauninni er þessi krafa þín um 0% vexti, Ögmundur, mikilvægari en afnám verðtryggingarinnar, eins mikilvæg og hún þó er. Ef vextir yrðu 0% þá kann einhverjum að þykja óþarfi að lögbinda bann við dráttarvöxtum. Fjámálastofnunum væri þó trúandi til þess að viðhalda þeim væru þeir ekki bannaðir. Þess vegna þyrfti bann við dráttarvöxtum og innheimtukostnaði að vera líka í frumvarpi um 0% vexti. 
Þetta þarf ríkisstjórnin að leggja til strax og Alþingi að samþykkja strax! Ef ríkisstjórnin gerir þetta ekki þarf Alþingi að taka frumkvæðið. 
Jóhannes Gr. Jónsson

Nú Haukur virðist í hanaati
hér sýndi Ögmundi klærnar
Í sósíalísku svindli og plati
sér Ömmi fram fyrir tærnar.
...
Höf. Pétur Hraunfjörð.

... Ekki fylgdi sögunni hvort hinn grunaði hefði verið borinn út á börum, eða hvort hann gekk úr vélinni með geimverunum, eftir að hafa setið í þrjá klukkutíma með öllum hinum farþegunum. Eru menn nokkuð að missa sig? Mátti ekki taka á móti hinum grunaða með grisjur sem þá einnig væru settar yfir vit farþegans og þess vegna hafa fólk í geimbúningum í bílnum á leið í sóttkví ...
Jóel A.