Greinar Janúar 2018

NÝTT NETFANG

Alltaf er eitthvað nýtt að gerast í lífinu. Nú státa ég af nýju netfangi sem ég hef reyndar haft um nokkurt skeið til hliðar við gamla alþingisnetfangið mitt sem ég studdist við í rúma tvo áratugi. Bendi þeim á sem vilja skrifa mér á netfang mitt að slá inn eftirfarandi: ogmundur.jonasson@ogmundur.is  Það gengur reyndar líka að stytta sér leið: ogmundur@ogmundur.is These are my new e-mail addresses: ogmundur.jonasson@ogmundur.is Can be shortened: ogmundur@ogmundur.is  

Lesa meira

ALDUR

MBLBirtist í helgarblaði Morgunblaðsins 20/21.01.18.

Báðir foreldrar mínir náðu 97 ára aldri. Ég man að þegar pabbi var kominn á 97. aldursárið fannst mér allir undir níræðu nánast vera börn. Og nú finnst mér sjötugt fólk vera unglingar og spyr hverjum hafi dottið í hug að senda þetta fólk á eftirlaun.Sjálfur er ég í þessum hópi og líka ritstjóri þessa blaðs sem hélt upp á sjötugsafmæli sitt í vikunni. Við höfum verið samferða í boxhringnum í hálfa öld. Alltaf í ...

Lesa meira

DÆMISAGA ÚR BLÓMABÚÐ

Blóm - amma 2

Mín reynsla af blómabúðum er góð. Frábærar búðir, frábært afgreiðslufólk. Yfirleitt fel ég mig í hendur þess. Kannski með óljósar óskir en vitandi að í mínar hendur munu koma fallegir og fagmannlega útbúnir blómvendir. En svo kom að því að ein amma vestur í bæ átti afmæli. Og tvær litlar ömmustelpur vildu færa henni blómvönd, og við viljum velja blómin afi! Gott og vel, - og inn í blómabúðina fórum við. Og þá gerðist það. Ég uppgötvaði að þarna stóðum við án þekkingar, hefðar, tísku, fagmennsku, algerlega sögulaus. En frjáls. Fáum þessar gulu rósir ...

Lesa meira

ÞAKKIR TIL RÍKISÚTVARPSINS FYRIR PÁL, JAKOB OG ÆVAR

Múrinn
... Þegar ég hlustaði á leikþáttinn um fund postulanna í Jerúsalem hugsaði ég með mér að nær væri að hafa Ævar í hlutverki þess sem spurður er eða sem höfund efnis á borð við þetta útvarpsleikrit fremur en í hlutverki spyrjandans. Reyndar er ég vel meðvitaður um að stundum er það ekki vandaminna hlutverk að spyrja en svara! Ævar Kjartansson hefur um dagana borið víða niður í þáttum sínum en ofarlega er honum greinilega í sinni allt sem snýr að sýn okkar á heiminn og samfélagið, fjölmiðlun, trúarbrögð, sögu og heimspeki og þá einnig sögu heimspekinnar. Ég leyfi mér að mæla með framangreindum leikþætti við öll þau sem áhuga hafa á sögulegum þráðum ...

Lesa meira

VÍSINDIN EFLA ALLA DÁÐ

Vísindafélag

Fróðlegt er að fletta svokölluðu "dagatali íslenskra vísindamanna" þar sem segir frá viðfangsefnum þeirra. Á slóð sem leiðir inn í þennan heim segir að vísindamennirnir séu "valdir af stjórn Vísindafélagsins og ritstjórn Vísindavefsins, í samráði við forstöðumenn háskóla og rannsóknastofnana, með það fyrir augum að bregða upp svipmynd af fjölbreyttri flóru blómlegs rannsóknastarfs hér á landi og þýðingu þess fyrir samfélagið allt." Frábært þykir mér þetta framtak, kannski ekki síst vegna þess að ég kannast við fleiri en eitt nafn á listanum og hef því ...

Lesa meira

MEGI FRIÐUR, FJÖR OG FARSÆLD FYLGJA YKKUR Á KOMANDI ÁRI

Ögmundur og Margrét Helga II

... Fyrirsögnin á þessari nýárskveðju minni til lesenda síðunnar tek ég úr jólakveðju sem barst frá góðum gamalgrónum vinum, Óskari og Kristínu, Véum í Reykholti í Borgarfirði. Ekki er hægt að orða nýárskveðju betur. Ég óska öllum friðsældar og að heimurinn verið friðsamari á komandi ári. En þar með er ekki beðið um lognmollu. Friður má aldrei ríkja um ranglæti, þá þarf að rugga bátnum og auk þess á lífið ð vera fullt af fjöri og lífsgleði. En ofar öðru er ykkur öllum óskað farsældar  ...

Lesa meira

ÁGÆT REGLA AÐ BYRJA Á SJÁLFUM SÉR

MBLBirtist í helgarblaði Morgunblaðsins 06/07.01.18.

Undir árslokin birtist í Morgunblaðinu umhugsunarvert viðtal við Ólaf Hauk Símonarson, rithöfund. Viðtalið þótt mér reyndar svo merkilegt og vekjandi að ég hugleiddi hvort fyrirsögnin á þessum pistli ætti ekki að vera: Þakkir til Ólafs Hauks. Ég ákvað hins vegar að tileinka pistilinn ríkisstjórninni. Nánar að því síðar. Það sem tengir Ólaf Hauk og stjórnvöldin eru bækur og íslenskt mál ...

Lesa meira

TILLAGA TENGD TÚRISMA

Flugeldar

... Svo eru það flugeldarnir um áramót. Þar skal ég gera játningu. Þótt ég sé búinn að meðtaka umhverfis-boðskapinn í flokkun á rusli og gangi þar sífellt harðar fram í kröfu á sjálfan mig að koma hverri plastörðu á sinn endurvinnslustað - tel reyndar að taka verði til skoðunar bann við notkun á plastpokum eins og þekkist víða erlendis -  þá á ég langt í land með flugeldana. Eflaust er það hárrétt sem gagnrýnendur segja að með þeim færum við ígildi mengandi stórgoss hættulega nærri okkur. Engu að síður þarf meira til en slíkar fréttir um mengun eina örskotsstund til að snúa mér til betri siða. Mér finnst nefnilega ...

Lesa meira

EKKERT ÓÐAGOT Í SKIPULAGI BARNAVERNDAR

MBLBirtist í Morgunblaðinu 04.01.18.

... Að undanförnu hafa komið fram ályktanir um skipulag barnaverndar og hugsanlegar breytingar á því. Þær hafa borið keim af nokkru fljótræði og það sem verra er, deilur sem risið hafa innan kerfisins virðast að einhverju leyti marka farveg fyrirhugaðra áforma. Hugmyndin virðist að öðru leyti vera gamalkunnugt módel, að eftirlitsaðili megi ekki jafnframt vera ráðgefandi aðili, hvað þá annast framkvæmd. Þessi formúla hefur leitt til þess að í okkar agnarsmáa samfélagi hafa einu sérfræðingar landsins á tilteknum sviðum  ekki nýst til ráðgjafar vegna þess að þá kallist það að þeir hafi eftirlit með eigin ráðgjöf. Slíkt kann að hljóma ósköp vel í fjarlægu skipuriti en í samfélagslegum veruleika þar sem ...

Lesa meira

RÆTT UM STRÍÐ OG FRIÐ Í BERLÍN

ogmundur lubl

... Sjálfur flutti ég erindi á ráðstefnunni undir titlinum: The force of ideas: Examples to be learned from. Ekki get ég birt erindið því það var flutt af munni fram. Á innihaldinu hef ég of tæpt í ræðu og riti. Ég minnti á að þótt heiminum væri fyrst og fremst stýrt af hagsmunum skipti hið huglæga einnig máli og vísaði ég í orð suður-afríska baráttumannsins, Essa Moosa, sem sagði í mín eyru að mesta hindrunin sem baráttumenn gegn aphartheidstefnunni hafi átt við að stríða hafi einmitt verið huglæg, sú trú að  ...

Lesa meira

Frá lesendum

ÆTLAST ÞAU TIL AÐ VERA TEKIN ALVARLEGA?

Stjórnmálamennirnir sem eru nýbúnir að stíga skref til að markaðsvæða raforkuna segja nú að tryggja þurfi rafmagnsinnviðina. Er það gert með því að færa markaðinum þessa innviði í hendur? Sú hefur verið þeirra barátta á undanförnum mánuðum. Ætlast þetta fólk til þess að vera tekið alvarlega?
Sunna Sara

Lesa meira

FLUGVALLARSVIKIN ENN OG AFTUR

Borgaryfirvöld eru orðin ansi hreint verseruð í að svíkja borgarbúa í flugvallarmálinu og mér sýnist Sigurður Ingi vera að slípast til. Hann var bara sæll á fundinum með Degi, sagðist fara að vilja “sérfræðinga”, skítt með vilja borgarbúa. 
Jóel A.

Lesa meira
Allt Frá lesendum

Fréttabréf

 

Frjálsir pennar

Kári skrifar: ÞAÐ GETUR ALDREI ÞÓTT GÓÐ LÖGFRÆÐI AÐ SELJA ÞAÐ SEM MENN EIGA EKKI

... Það er að sjálfsögðu allt rétt athugað sem Styrmir Gunnarsson segir um tilurð framsals í sjávarútvegi. Hann bendir á þá staðreynd að framsalið komst á í stjórnartíð félagshyggjuflokka, með lögum nr. 38/1990. Ýmsir vöruðu við þessu á þeim tíma. Meðal þeirra var fólk í minnihluta sjávarútvegsnefndar Alþingis. Um þetta sagði m.a. ...

Lesa meira

Kári skrifar: STÓRA RÁNIÐ UNDIRBÚIÐ - RAFORKUTILSKIPUN 2019/944 - ORKUPAKKI 4

þessari grein verður rýnt í raforkutilskipun ESB nr. 2019/944[i] og er hluti af fjórða orkupakka Evrópusambandsins. Tilskipun þessi inniheldur alls 74 lagagreinar, auk fjögurra viðauka. Það afhjúpaðist í aðdraganda innleiðingar þriðja orkupakkans á Íslandi að samsæri þagnarinnar ríkti á milli flestra fjölmiðla og Alþingis í málinu. Það er með öðrum orðum unnið skipulega að því að halda frá almenningi (kjósendum) upplýsingum og fyrirætlunum sem miklu varða m.a. um orkumál Íslendinga. Síðan er því borið við að ...

Lesa meira

Þórarinn Hjartarson skrifar: SAMHERJI VARLA SÉRTILFELLI

Ekki skal fella dóma fyrirfram í máli Samherja í Namibíu. En þáttur Kveiks og umfjöllun Stundarinnar um málið sýndist vel unnin, trúverðug og áhrifamikil. Málið er stórt hneyslismál í Namibíu ekki síður en hér og ráðherrar segja af sér svo það snýst áreiðanlega um raunverulega hluti. Hvað sem sannað verður um lögbrot og sekt í einstökum dæmum segir málið heilmikla sögu, m.a. um auð og arðrán, völd og valdaleysi. Eftir því sem meira rúllast upp þetta mál mun íslenska eignastéttin kappkosta betur að stilla utanlandsrekstri Samherja upp sem algeru sértilfelli...

Lesa meira

Jón Karl Stefánsson skrifar: VALDARÁNIÐ Í BÓLIVÍU: OAS – EKKI GÓÐ HEIMILD

Þann 10. október var forseti Bólivíu, Evo Morales, neyddur til að segja af sér, að kröfu yfirmanna hers og lögreglu, tveimur vikum eftir að hann var lýstur sigurvegari kosninga. Það voru tvær vikur upphlaupa og ofbeldis. Íslenska ríkisútvarpið lýsti þessu sem sigri lýðræðisins: „Mikil fagnaðarlæti urðu á götum höfuðborgarinnar La Paz eftir að Morales tilkynnti um afsögnina.“ Sterkasti vitnisburður RÚV um þennan „sigur lýðræðisins“ var yfirlýsing ákveðinna samtaka: ...

Lesa meira

Þórarinn Hjartarson skrifar: AUÐMANNAVÆÐING OG ALÞJÓÐAVÆÐING LANDEIGNA

Uppkaup erlendra stóreignamanna á íslensku landi vekur kurr í samfélaginu. Sigurður Ingi Jóhannson segir að endurskoða þurfi lög um jarðeignir útlendinga og setja „stífa umgjörð um jarðamál“. Slík orð hafa svo sem heyrst áður, en fátt gerist – og á meðan er landið áfram selt í bútum. Í sveitinni minni fyrir norðan var innsti bærinn nýlega seldur Ameríkönum (Eleven Experience) sem þegar eiga margar jarðir í Fljótum og Tröllaskaga og stunda þar ...

Lesa meira

Þórarinn Hjartarson skrifar: SÝRLANDSSTRÍÐIÐ - INNRÁS SEM TAPAÐIST

... Sýrlandsstríðið er staðgengilsstríð að forminu en að innihaldi er það innrásarstríð heimsvaldasinna gegn fátæku landi. En sagan um þetta stríð er saga af vestrænni fjölmiðlaeinokun og fréttastýringu sem slær öllum fyrri stríðum við, höfum við þó oft séð það svart. Hin stýrða útgáfa snýr öllum hlutum á hvolf: samkvæmt henni snýst stríðið um „uppreisn alþýðu“ gegn harðstjóra. Vestræn afskipti eru þar lítil og eingöngu í mannúðarskyni ...

Lesa meira
Allt Frjálsir pennar