TAX-FREE HÚSASMIÐJA OG BUSSAR Í REYKJAVÍK

Taxfree - Húsasmiðjan

Ég er tíður gestur í Húsasmiðjunni og Blómavali. Bæði heitin falleg og lýsandi. Það verður hins vegar ekki sagt um auglýsingarnar frá þessum verslunum þessa dagana. Þær auglýsa TAX-FREE daga, sem mun þýða að varan sem verði á boðstólum þá daga verði án skattlaginngar.

Skattlagning eitt álagning annað

Nú vill svo til að vörur þessara verslana verða áfram skattlagðar enda ekki í valdi Húsamiðjunnar og Blómavals að ráða skattlagningu á vörum sínum. En öðru ráða þessar verslanir og það er eigin álagningu. Hvers vegna ekki segja viðskiptavininum að til standi að lækka álagningu eða afleggja hana með öllu í fáeina daga?
Eflaust mætti þýða þetta yfir á ensku ef menn vilja fremur auglýsa á því tungumáli :A few days without profit in Húsasmiðjan and Blómaval!


Málstefna Reykjavíkurborgar í verki?

Og fyrst enskan er annars vegar þá má spyrja hvort það sé í samræmi við vel auglýsta málstefnu Reykjavíkurborgar að merkja nýjar akstursreinar ætlaðar almenningsvögnum og leigubílum: BUS - TAXI.
BUS - Reykjavík 

Fréttabréf