Greinar Desember 2014

HERHVÖT ÞORLEIFS

ÞORLEIFUR GUNNLAUGSSON DV

DV.IS  slær í dag upp herhvöt Þorleifs Gunnlaugssonar, fyrrum borgarfulltrúa í Reykjavík, til fjölmiðla og verkalýðshreyfingar um að herða róðurinn í þágu atvinnulausra. Hann gerir að umræðuefni hvernig ríkisstjórnin sparar heilan milljarð með því að stytta tímann sem atvinnulausir hafa rétt til atvinnuleysisbóta um hálft ár ... reikningurinn sem þar með færist á sveitarfélögin nemi hálfum milljarði. Hvað varð um hinn hálfa milljarðinn, spyr Þorleifur og svarar: "Vonandi eigum við þó eftir að sjá hvassari og gagnrýnni spurningum beint að ráðafólki en fram til þessa, þar á meðal um þennan hálfa milljarð sem hverfur úr opinberum útgjöldum um áramótin. Þessi horfni hálfi milljarður er að sjálfsögðu ekki týndari en svo að við skoðun kemur í ljós að í þessari peningaupphæð er fólgin tekjuskerðing hjá þeim hópi á Íslandi sem býr við lökust kjör og erfiðustu félagslegu aðstæðurnar eftir langvarandi atvinnuleysi ...  

Lesa meira

ÖRLAGARÍKAST Á ÁRINU 2014 OG HUGSANLEGA 2015

Náttúran er okkar

Í stjórnmálum er stundum tekist á um grundvallaratriði en oftast um áherslur. Eignarhald á auðlindum varðar grundvallaratriði svo dæmi sé tekið. Kvótavæðing sjávarauðlindarinnar með heimildum handhafa kvóta til sölu, leigu og veðsetningar á óveiddum sjávarafla í byrjun tíunda áratugarins varðaði sjálfan grundvöll samfélagsins. Hún varðaði eignarhald á auðlind. ...  Á árinu sem senn er liðið hefur verið tekist á um grundvallaratriði sem á eftir að fara í sögubækur ef illa fer: Hvort einkaeignarréttur á landi eigi að fela í sér heimild til að selja aðgang að náttúrugersemum í ábataskyni. Í átökum og deilum um þetta efni hafa stundum ...

Lesa meira

ORÐUVEITINGAR OG NIÐURSKURÐUR

Bylgjan - í bítið 989

Í Bylgjuspjalli okkar Brynjars Níelssonar, þingmanns Sjálfstæðisflokksins, í morgun bar margt á dóma, þar á meðal orðuveitingar og síðan furðulegar yfirlýsingar formanns og varaformanns fjárlaganefndar Alþingis um niðurskurð og kröfur um hagræðingu hjá hinu opinbera. Ég er fyrir mitt leyti búinn að fá mig fullsaddan á alhæfingum um hið opinbera og meinta möguleika á hagræðingu þar. Útgjöld heilbrigðiskerfisins, skólakerfisins og löggæslunnar eru  að uppistöðu til launakostnaður og niðurskurður á þessum sviðum verður fyrst og fremst til þess að draga úr mannafla og veikja starfsemina. Það hefur ...

Lesa meira

HIN ÓSÖGÐU SKILABOÐ

Birtist í helgarblaði Morgunblaðsins 28.12.14.
MBL- HAUSINN

... Mér finnst líka eitthvað glatast þegar Sjónvarpið gerir út menn til þáttagerðar um Færeyjar og Færeyinga og lætur allt fara fram á ensku ... Alla vega finnst mér Ríkisútvarpið geta gert betur en að láta Færeyinga skýra fyrir okkur færeyska dansa, matargerðarlist  og annað um daglegt líf í Færeyjum á ensku. Best væri að bjóða Færeyingum upp á að tala sitt eigið tungumál ... Mörgum finnst það eflaust vera ófínt að halda sjónarmiðum af þessu tagi á loft -  sé merki um skort á heimsborgarabrag.  Ég er á öndverðum meiði. Raunverulegur heimsborgari í mínum huga er sá sem ræktar sinn eiginn garð og gengur af virðingu um garð annarra ...

Lesa meira

ÚTÚRDÚR HÖLLU ODDNÝJAR OG VÍKINGS HEIÐARS

Víkingur og Halla 2

... Útúrdúr, einsog þátturinn heitir, segir mér tvennt. Í fyrsta lagi að hægt er að framleiða hágæðaefni með litlum tilkostnaði ef virkjaðir eru miklir hæfileikar og frjótt ímyndunarafl. Í öðru lagi að talað orð og tónar geta orðið skemmtilegt sjónvarpsefni ef framreitt er af hugkvæmni. Útúrdúr er kannski réttnefni á þessum dagskrárlið að því leyti að þátturinn er frábrugðin því efni sem sem myndar uppistöðu sjónvarpsefnis sem hér er á boðstólum - eins konar útúrdúr frá hinu hefðbundna. En fyrir þáttinn fær ...

Lesa meira

GLEÐILEG JÓL

Vetrarfrost

Jólin eru kærkomið tækifæri til að vera samvistum með vinum og  fjölskyldu, slaka á, lesa góðar bækur, hreyfa sig eða hreyfa sig ekki, gera nákvæmlega það sem hugur hvers og eins stendur til.
Fyrir þá sem eru einmana og óhamingjusamir eru jólin erfiður tími - það er vert fyrir okkur öll að hafa það í huga - ef á einhvern hátt er hægt að létta undir með þeim sem byrðum eru hlaðnir.
Ég óska lesendum síðunnar gleðilegra jóla!

Lesa meira

ICESAVE BROS STEFÁNS ÓLAFSSONAR

Icesave - málið II

... Stefán segir að við "sleppum að vísu við vaxtagreiðslur", smáatriði sem eflaust hefði verið hægt að sækja í þrotabúið! Þetta litla smáatriði, vextirnir, voru einn helsti ásteitingarsteinninn og það er rangt hjá Stefáni að það hefði verið hægt að sækja þá  í þrotabúið. ... Stóra deilumálið var að auki aðkoman og aðferðafræðin gagnvart þvingunaraðgerðum og tilraunum til að gera samfélagið ábyrgt fyrir hruni bankanna umfram það sem efni stóðu til. Vextirnir af fyrsta Icesave-samningnum sem átti að keyra í gegnum þingið sumarið 2009 stæðu nú í um það bil 190 milljörðum ... og af öðrum samningnum, hefði hann náð fram að ganga, værum við þegar búin að greiða 80 milljarða króna í vexti og værum enn að greiða vexti næstu árin ... Það var engu líkara en þeim sem studdu þessa samninga væri algerlega fyrirmunað að setja þessar upphæðir í samhengi við ...

Lesa meira

SKÓLAMÁL, HÆLISLEITENDUR OG KÚBA TIL UMRÆÐU Í MORGUN-BÍTIÐ

Bylgjan - í bítið 989

Í morgun sat ég á spjalli við þá Heimi og Gulla í morgunþætti Bylgjunnar og ræddum við ýmislegt sem hátt ber í þjóðfélagsumræðunni hér heima og erlendis. Ákvörðun ríkisstjórnarinnar að torvelda fólki eldra en tuttugu og fimm ára að setjast á skólabekk í framhaldsskóla er að mínum dómi stórt skref í afturhaldsátt og reyndar illskiljanleg ákvörðun. Þá var rætt um hælisleitendur og refsingar sem hér eru viðhafðar ef hælisleitandi kemur hingað til lands án skilríkja. Ég lagði fram lagafrumvarp með aðskiljanlegum tillögum til réttarbóta þar á meðal því að bann yrði lagt við slíkum refsingum. Þetta .... 

Lesa meira

FRUMVARP SEM BANNAR FANGELSANIR HÆLISLEITENDA

Fangaklefi
Rauði Krossinn vill að við hættum að fangelsa skilríkjalausa hælisleitendur og förum þar að dæmi hinna Norðurlandanna. Undir þetta tekur Páll Winkel, fangelsismálastjóri í fréttum RÚV dag ... Í fréttum RÚV er réttilega minnt á að ég hafi viljað banna þessar fangelsanir. Þar var ekki aðeins um viljayfirlýsingu að ræða af minni hálfu heldur lagði ég sem innanríkisráðherra fram frumvarp þar að lútandi sem því miður hlaut ekki samþykki á Alþingi. Þetta var ein af mörgum tillögum um réttarbætur sem fram kom í frumvarpinu sem ég lagði fram í byrjun árs 2013. Frumvarpið byggði á  tillögum nefndar um mótun stefnu í málefnum útlendinga utan EES en sú nefnd hafði m.a. haft náið samráð við Flóttamannastofnun Sameinuðu þjóðanna, Rauða krossinn á Íslandi og lögregluna á Suðurnesjum. Tillögurnar byggja að nokkru leyti á ...

Lesa meira

ÞÓRÐUR KRISTJÁNSSON KVADDUR

Þórður Kristjánsson - Munaðarnes... Þórði Kristjánssyni kynntist ég fyrst sem sumardvalargestur í orlofsbyggðum BSRB í Munaðarnesi fljótlega eftir að sumarbyggðirnar risu þar á áttunda áratugnum. Ég var þá starfsmaður Ríkisútvarpsins og í gegnum aðild að starfsmannafélaginu þar á bæ átti ég þess kost að dvelja í Munaðarnesi. Þótt dvölin væri aldrei lengri en vika í senn fór það svo að börnin mín litu á Munaðarnes sem sveitina sína og hús Starfsmannafélags Sjónvarpsins var sumarbústaðurinn "okkar". Og bóndinn í sveitinni var Þórður Kristjánsson. Þórður hafði reyndar verið ...

Lesa meira

Frá lesendum

FLUGVALLARSVIKIN ENN OG AFTUR

Borgaryfirvöld eru orðin ansi hreint verseruð í að svíkja borgarbúa í flugvallarmálinu og mér sýnist Sigurður Ingi vera að slípast til. Hann var bara sæll á fundinum með Degi, sagðist fara að vilja “sérfræðinga”, skítt með vilja borgarbúa. 
Jóel A.

Lesa meira
Allt Frá lesendum

Fréttabréf

 

Frjálsir pennar

Kári skrifar: ÞAÐ GETUR ALDREI ÞÓTT GÓÐ LÖGFRÆÐI AÐ SELJA ÞAÐ SEM MENN EIGA EKKI

... Það er að sjálfsögðu allt rétt athugað sem Styrmir Gunnarsson segir um tilurð framsals í sjávarútvegi. Hann bendir á þá staðreynd að framsalið komst á í stjórnartíð félagshyggjuflokka, með lögum nr. 38/1990. Ýmsir vöruðu við þessu á þeim tíma. Meðal þeirra var fólk í minnihluta sjávarútvegsnefndar Alþingis. Um þetta sagði m.a. ...

Lesa meira

Kári skrifar: STÓRA RÁNIÐ UNDIRBÚIÐ - RAFORKUTILSKIPUN 2019/944 - ORKUPAKKI 4

þessari grein verður rýnt í raforkutilskipun ESB nr. 2019/944[i] og er hluti af fjórða orkupakka Evrópusambandsins. Tilskipun þessi inniheldur alls 74 lagagreinar, auk fjögurra viðauka. Það afhjúpaðist í aðdraganda innleiðingar þriðja orkupakkans á Íslandi að samsæri þagnarinnar ríkti á milli flestra fjölmiðla og Alþingis í málinu. Það er með öðrum orðum unnið skipulega að því að halda frá almenningi (kjósendum) upplýsingum og fyrirætlunum sem miklu varða m.a. um orkumál Íslendinga. Síðan er því borið við að ...

Lesa meira

Þórarinn Hjartarson skrifar: SAMHERJI VARLA SÉRTILFELLI

Ekki skal fella dóma fyrirfram í máli Samherja í Namibíu. En þáttur Kveiks og umfjöllun Stundarinnar um málið sýndist vel unnin, trúverðug og áhrifamikil. Málið er stórt hneyslismál í Namibíu ekki síður en hér og ráðherrar segja af sér svo það snýst áreiðanlega um raunverulega hluti. Hvað sem sannað verður um lögbrot og sekt í einstökum dæmum segir málið heilmikla sögu, m.a. um auð og arðrán, völd og valdaleysi. Eftir því sem meira rúllast upp þetta mál mun íslenska eignastéttin kappkosta betur að stilla utanlandsrekstri Samherja upp sem algeru sértilfelli...

Lesa meira

Jón Karl Stefánsson skrifar: VALDARÁNIÐ Í BÓLIVÍU: OAS – EKKI GÓÐ HEIMILD

Þann 10. október var forseti Bólivíu, Evo Morales, neyddur til að segja af sér, að kröfu yfirmanna hers og lögreglu, tveimur vikum eftir að hann var lýstur sigurvegari kosninga. Það voru tvær vikur upphlaupa og ofbeldis. Íslenska ríkisútvarpið lýsti þessu sem sigri lýðræðisins: „Mikil fagnaðarlæti urðu á götum höfuðborgarinnar La Paz eftir að Morales tilkynnti um afsögnina.“ Sterkasti vitnisburður RÚV um þennan „sigur lýðræðisins“ var yfirlýsing ákveðinna samtaka: ...

Lesa meira

Þórarinn Hjartarson skrifar: AUÐMANNAVÆÐING OG ALÞJÓÐAVÆÐING LANDEIGNA

Uppkaup erlendra stóreignamanna á íslensku landi vekur kurr í samfélaginu. Sigurður Ingi Jóhannson segir að endurskoða þurfi lög um jarðeignir útlendinga og setja „stífa umgjörð um jarðamál“. Slík orð hafa svo sem heyrst áður, en fátt gerist – og á meðan er landið áfram selt í bútum. Í sveitinni minni fyrir norðan var innsti bærinn nýlega seldur Ameríkönum (Eleven Experience) sem þegar eiga margar jarðir í Fljótum og Tröllaskaga og stunda þar ...

Lesa meira

Þórarinn Hjartarson skrifar: SÝRLANDSSTRÍÐIÐ - INNRÁS SEM TAPAÐIST

... Sýrlandsstríðið er staðgengilsstríð að forminu en að innihaldi er það innrásarstríð heimsvaldasinna gegn fátæku landi. En sagan um þetta stríð er saga af vestrænni fjölmiðlaeinokun og fréttastýringu sem slær öllum fyrri stríðum við, höfum við þó oft séð það svart. Hin stýrða útgáfa snýr öllum hlutum á hvolf: samkvæmt henni snýst stríðið um „uppreisn alþýðu“ gegn harðstjóra. Vestræn afskipti eru þar lítil og eingöngu í mannúðarskyni ...

Lesa meira
Allt Frjálsir pennar