Greinar Nóvember 2014

NÚ VILDU MARGIR LILJU KVEÐIÐ HAFA - EN EKKI ALLIR!

LILJA - MOS"Starfsfólk hrægammasjóða á Íslandi og andstæðingar útgönguskatts keppast nú við að telja þjóðinni trú um að slíkur skattur sé ólöglegt eignarnám. Slíkar fullyrðingar eru rangar og settar fram til að drepa niður allar tilraunir til að tryggja að almenningur fái stærstan hluta loftbóluhagnaðarins sem myndaðist þegar  forgangskröfur í þrotabúin gengu kaupum og sölum ..." Þannig hefst nýr pistill eftir Lilju Mósesdóttur, hagfræðing og fyrrum þingmanns en hún reið á vaðið með tillögum um útgönguskatt á síðasta kjörtímabili...

Lesa meira

ERU DRAUMAR ÓLA BJÖRNS AÐ RÆTAST?

oli bjorn karason

... Af forvitni hlustaði ég á sjónvarpsviðtal sem Björn Ingi Hrafnsson átti við hinn nýja borgarlækni á Eyjunni ... ég heyrði ekki betur en hann vildi halda inn á braut markaðsvæðingar með heilbrigðiskerfið - þar sem læknar störfuðu undir eftirliti Samkeppniseftirlitsins! ... Eðlilegt er að spurt sé hvort mannaskipti í stjórn heilsugæslunnar í borginni (sem lýtur stjórn ríkisins) og hugsanleg ráðning talsmanns einkavæðingar í embætti landlæknis tengist áhuga á því að hafa í þessum embættum menn sem tala máli markaðsrekinnar heilbrigðisþjónustu ... Það er ekki rétt hjá Óla Birni Kárasyni að einkarekið heilbrigðiskerfi sé betra og ódýrara. Heilbrigðiskerfi sem raunverulega hefur verið einkavætt mismunar fólki og er kostnaðarasamara en almannakerfið. Um samanburð í þessum efnum eru til fjölmargar skýrslur sem m.a. landlæknisembættið hefur ...

Lesa meira

BLOGGHEIMASKRIF OG FYRIRLESTUR HÖLLU

Halla Gunnarsdottir

Ekki veit ég hve margt þeir eiga sameiginlegt Þorvaldur Gylfason, Jónas Kristjánsson og Egill Helgason. Eitt er það þó sem tvímælalaust sameinar þá í skrifum þeirra þessa dagana og það er að vilja gera sem minnst úr þeim verkum sem voru unnin í innanríkisráðuneytinu á síðasta kjörtímabili og miðuðu að því að efla mannréttindi. Þorvaldur Gylfason  vitnar í hinn ötula baráttumann fyrir siðlegu og mannvinsamlegu samfélagi, Jónas Kristjánsson fyrrum rittjóra DV ... Annars legg ég til að Egill og aðrir áhugasamir sæki fyrirlestur Höllu Gunnarsdóttur ... sem leiddi starf nefndar sem stóð fyrir viðamiklu samráði um málefni útlendinga og lagði til gagngerar breytingar á regluverkinu, einmitt þær breytingar sem nú eru til umfjöllunar ...

Lesa meira

SIGRAR RÉTTLÆTIÐ AÐ LOKUM?

Birtist í DV 21.11.14.
DV - LÓGÓ

... Arndís Soffía Sigurðardóttir lögfræðingur, veitti starfshópnum forystu, en í honum voru auk hennar færustu sérfræðingar heims á sviði réttarsálfræði þeir Gísli Guðjónsson og Jón Friðrik Sigurðsson réttarsálfræðingar og Haraldur Steinþórsson lögfræðingur. Þá starfaði með starfshópnum Valgerður María Sigurðardóttir lögfræðingur í innanríkisráðuneytinu. Niðurstaða starfshópsins, sem skilaði um 500 blaðsíðna skýrslu að verki loknu, var í grófum dráttum til að staðfesta margt af því sem haldið hefur verið fram um Guðmundar- og Geirfinnsmálin í næstum 40 ár ... Samkvæmt mati starfshópsins á gildandi lögum er ekki hægt að krefjast endurupptöku mála fyrir hönd látinna manna. Tveir hinna dómfelldu í Guðmundar- og Geirfinnsmálum eru nú látnir ... Af því tilefni var framangreint frumvarp lagt fram ...

Lesa meira

EFTIR HVERJU ER BEÐIÐ?

Læknar í skurðaðgerð

Halda menn að læknadeilan verði auðleystari ef samningaviðræður eru dregnar á langinn? Heldur ríkisstjórnin að samúð almennings með kröfum lækna muni dvína? Þannig er því ekki farið. Það eina sem mun fara dvínandi er áhugi lækna á að starfa á Íslandi. Ég held að í alvöru gæti langvinnt verkfall leitt til landflótta lækna og annarra heilbrigðisstétta. Áður munu einhverjir læknar leita yfir í einkageirann. Þar bíða þeirra hins vegar fjárfestar sem vilja umbylta íslenska einkapraxískerfinu; smala öllum einyrkjunum saman í sjúkrahús rekin í gróðaskyni ... Fólk vill að samið verði við lækna þannig að ásættanlegt verði fyrir stéttina að starfa innan almannaþjónustunnar og á Íslandi! ...

Lesa meira

AÐ SIGRA HEIMINN

Systurnar Áslaug og Snædís

Fljótlega eftir að Kastljósi kvöldsins lauk uppúr sjónvarpsfréttum hringdi í mig vinur minn og spurði hvort ég hefði séð þáttinn. Nei, ég hafði misst af honum. "Þá verðurðu að fara á vefinn og horfa á hann. Það er skylda að sjá þennan þátt!" Svo mörg voru þau orð um þennan þátt sem fjallar um líf og störf og baráttu systranna Áslaugar og Snædísar Hjartardætra. Frá því er skemmst að segja að þátturinn var skemmtilegur og uppörvandi og á við tíuþúsund ályktanir og baráttufundi fyrir réttindum fatlaðas fólks. Systurnar voru hreint út sagt magnaðar og þeirrar gerðar að sigrast á þeim miklu erfiðleikum sem þær eiga við að stríða í lífi sínu. Öllum spurningum var snúið upp í húmor og jákvæðni. Í þáttarlok var ...

Lesa meira

DAGUR ÍSLENSKRAR TUNGU

Birtist í helgarblaði Morgunblaðsins 16.11.14.
MBL- HAUSINN

... Sagt hefur verið að hugsunin tengist tungumálinu, blæbrigðamunur tungumála feli í sér ólíka áferð hugsunar. Það getur verið kostur að þurfa að flytja sig á milli tungumála, einsog smáþjóðin þarf að gera. Það krefst umhugsunar um merkingu þess sem sagt er; hver sé munurinn á hugsun á einu máli og öðru. Þannig auðgar og frjóvgar margbreytileikinn og skerpir hugsun ...

Lesa meira

RÆTT UM SKULDALEIÐRÉTTINGU Í MORGUNBYLGU

Bylgjan - í bítið 989
Í spjalli okkar Brynjars Níelssonar í morgunútvarpi Bylgjunnar  bar sitthvað á góma en þó fyrst og fremst skuldaleiðréttinguna sem margir horfa til þessa dagana. Ég hef lýst stuðningi við þá grundvallarhugsun sem þessar aðgerðir byggja á en hef jafnframt gagnrýnt einstaka þætti í útfærslu aðgerðanna. Þátturinn hér ...

Lesa meira

HVERS VEGNA ÉG STYÐ SKULDALEÐIRÉTTINGUNA

bankarnir

Því miður brást ríkisstjórnin í því að lagfæra skuldaleiðréttingarráðstafanir sínar og gera þær félagslega ásættanlegri eins og lagt var til þegar þingið lögfesti ráðstafanirnar síðastliðið vor. Ég gerði þá grein fyrir þeirri grundvallarafstöðu minni að ég væri þessum ráðstöfunum hlynntur ... Hvers vegna er ég þessu fylgjandi? Allar götur frá því að ég fór að hafa afskipti af þjóðfélagsmálum hefur mér þótt skipta gríðarlegu máli að stemma stigu við vaxtaokri. Hefur þá einu gilt hvort hluti vaxtanna eru kallaðir verðtrygging eða einvörðungu vextir. Frá því við tókum upp verðtryggingu hefur almenna reglan verið sú að  fjármagnseigendur hafa búið við varnir en lántakendur ekki ... Við þessar aðstæður kom fram hreyfing (Samtök heimilanna) sem krafðist þess að lánveitendur annars vegar og lántakendur hins vegar, skyldu axla til jafns byrðarnar af verðbólguskotinu.. Þetta var kölluð almenn aðgerð, gagnstætt ...

Lesa meira

AUÐKENNI RÍKISSTJÓRNARINNAR

Auðkenni ríkisstjórnar

Margir hafa orðið til að vekja máls á furðulegri þjónkun fjármálaráðuneytisins við fyrirtækið Auðkenni. Til þess að þröngva landsmönnum til viðskipta við fyrirtækið er það gert að skilyrði fyrir "skuldaleiðréttingu" ríkisstjórnarinnar að viðkomandi sé í viðskiptum við þetta tiltekna fyrirtæki. Annað hvort gangi menn til viðskipta við Auðkenni eða fái enga fyrirgreiðslu! Ég gerði grein fyrir efasemdum mínum um þetta fyrirkomulag á Alþingi í haust og einnig í fjölmiðlum, þar á meðal á þessari síðu ... og er m.a. spurt hvers vegna sé gengið framhjá Þjóðskrá sem ætti að standa stjórnvöldum nær en fyrirtæki í eigu bankanna ...

Lesa meira

Frá lesendum

HÆGRI KRATAR VINSTRA MEGIN VIÐ VG?

Smáfrétt var nýlaga laumað út um að 21 ma mundi Pentagon verja í fyrsta áfanga stríðsundirbúnings á Vellinum. IAV strax valið í 6 ma verk- hlutann, aftur mætt í hermangið. VG er afar lúpulegt í meðvirkni sinni. Mjög er fyndin vöktun umhverfis þeirra, sem látast ekki sjá, að blásið er nú í herlúður af kjarnorkutröllum. Blástur úr beljurassi er áhyggjuefnið. Svo illa er komið fyrir eldri málefna- skrá VG að vandséð er, á hvaða grunni það appírat stendur nú. Svo langt er gengið að VG blasir við sem tannlaust viðrini, reikult sem ...
Nonni

Lesa meira

STARFSLOKAFRUMVARP VONT FYRIR VINNUSTAÐINN

Algerlega er ég sammála þér Ögmundur að með afnámi 70-ára starfslokareglu hjá ríki og sveitarfélögum er verið að gera vinnustöðum, stjórnendum þar og vinnuandanum illt með þessu frumvarpi sem þú vísar í hér á síðunni. Þetta er vanhugsað. Ég þekki þetta af eigin raun sem stjórnandi á vinnustað sem er umhugað um góðan starfsanda.
Forstöðumður 

Lesa meira

MÓÐIR REIÐIST RÍKISSTJÓRN

Í morgun hlustaði ég á forsætisráðherrann tala í útvarpi um afstöðu ríkisstjórnarinnar til sóttvarnaraðgerða. Henni fannst allt vera rétt gert. Allt bara tilmæli, ekki bönn. En það eru ekki einu sinni tilmæli til þeirra sem reka viðbjóðslega spilakassa um að loka þeim. Aðstandendur spilafíkla hafa þó grátbeðið um að “góðgerðafélögin” verði skikkuð til að loka. Nei, aldeilis ekki! Ríkisstjórnin hefur meira að segja fyrir því að breyta reglum frá í vor til að undanskilja spilakassaútgerðina timælum sínum. Ég á dóttur sem þessir kassar hafa eyðilagt. Þess vegna vil ég tala tæpitungulaust við ykkur sem stjórna hér. Í mínum augum eruð þið vesalingar.
Móðir spilafíkils

Lesa meira

SA RÆÐUR RÍKJUM

Miljörðum Bjarni mokar út
og meðhjálparinn KATA
Á alþýðunni herða hnút
heim munu svikin rata.

Með fimmþúsundin ferðaðist landinn
og flæktist hér um vítt og breitt
Enn nú er atvinnurekenda vandinn
 - og SA fær greitt fyrir ekki neitt.
...
Höf. Pétur Hraunfjörð.

Lesa meira

DÝRMÆTARI EN BRAGGASTRÁIN

Þú nefnir færeyskan hundaskít í Moggagrein. Nýlega varð deila milli nágranna á Arnarnesi um hvort hrísla a lóð annars mætti standa - eða ekki. Úr varð lögfræðingaleikur og eigandi hríslu fékk sigur. Andstæðingur hríslueiganda sá af gifurupphæð til eigin lögfræðings, dæmdur til að borga hinum 800.000 kr. Samtals græddu hlæjandi lögfræðingar 1.5 milljónir á kjánaleik sínum um hríslu, sem þeir æstu nágranna til að ...
Nonni

Lesa meira

FÉLAG SMÁFYRIRTÆKJA

Takk fyrir að vekja athygli á grein Björns Jónassonar um krónurnar átta. Þtta er góð dæmisaga úr kerfinu og ætti að verða skyldulesning fyrir þá sem stjórna i stjórnarráði, skattinum og öðrum stofnunum sem sagðar eru vera að bjarga efnahagslífinu. Ástæða þess að ég skrifaþér Ögmundur er þó ekki þessi heldur til þess að fagna því að til séu að verða samtök smáfyrirtækja. Einokunarfyrirtækin stóru eru bæði of stór og of frek og oft til óþurftar á markaði sem oftar en ekki er enginn ...
Jóhannes Gr. Jónasson

Lesa meira
Allt Frá lesendum

Fréttabréf

 

Frjálsir pennar

Grímur skrifar: BAKKABÖLIÐ VERÐUR BÆTT !

Bakkakrísan frá 2018 sem leiddi til stórstrands 2020 er mörgum áfall. En böl má bæta, enda er framkomið nýstofnað HER/ÓP hf, frumkvöðull. Ónothæft kísilver stendur ókeypis til boða á Bakka, dýrt tengt rafkerfi og mikið landrými, allt ókeypis og einkafnot af Bakkagöngum fylgja ásamt opinberum stofnstyrkjum. Afar LÍFRÆN ræktun á valmúa í 50 ha gróðurhúsum á ónýttum iðnaðarlóðum á Bakka er nýtt plan HER/ÓP HF með aðstoð séfræðinga frá Afganistan og víðar frá erlendis. HER/ÓP HF hyggst umbreyta ónýtu kísilveri í úrvinnslustöð á valmúa- afurðum. Könnun leiðir í ljós að ...

Lesa meira

Kári skrifar: HVAÐ ER ÞJÓÐAREIGN?

Meðal athugasemda sem komið hafa frá Feneyjarnefndinni, um fikt stjórnvalda við stjórnarskrána, er skilgreining á hugtakinu þjóðareign. Þar er bæði átt við skilgreiningu á hugtakinu sjálfu sem og tengsl þess við annan eignarrétt. Þetta eru réttmætar athugasemdir enda ljóst að skýr skilgreining hugtaksins er forsenda þess að þjóðareign njóti lögverndar. Reikul skilgreining býður þeirri hættu heim að dómarar beiti orðhengilshætti við túlkun hugtaksins og þykist ekki skilja það. Það er hins vegar reginvilla sumra lögfræðinga að hugtakið þjóðareign sé merkingarlaust. Árin fyrir hrunið var áberandi að fjölmiðlar og fleiri ...

Lesa meira

Jón Karl Stefánsson skrifar: SÓTTVARNARAÐGERÐIR VERNDA EKKI ÁHÆTTUHÓPA

Sú ástæða sem oftast er gefin fyrir þeim sóttvarnaraðgerðum sem gripið hefur verið til er að með þeim sé verið að vernda áhættuhópa frá smiti. Helstu kennivöld sóttvarnarstefnunnar hafa gengið svo langt að lýsa því yfir að séu ekki settar strangar skorður á alla landsmenn sé ómögulegt að koma í veg fyrir að smit komist í viðkvæma hópa.
Fyrir þá sem eru í áhættuhópum eða sinna þjónustu við þá, hljómar röksemdafærslan um að aðgerðirnar miði að verndun áhættuhópa undarlega af tveimur ástæðum. Sú fyrsta er sú að ...

 

Lesa meira

Kári skrifar: MUN „FJÖLSKYLDUSTEMNING“ LEYSA VANDAMÁL STJÓRNVALDA?

... Nokkrar hæpnar skýringar eru uppi um eðli og virkni Evrópuréttarins. Ein er sú að Evrópuréttur sé í raun landsréttur, einungis með „evrópskum bragðbæti“ þar sem íslenskir dómstólar hafi það á valdi sínu hvaða gildi honum er veitt. Með því að líta svo á málin horfa menn algerlega framhjá þeirri staðreynd að Evrópuréttur er yfirþjóðlegur réttur (supranational) og þar að auki sérstakrar gerðar (sui generis) eins og komið hefur fram í dómum Evrópudómstólsins...

Lesa meira

Grímur skrifar: UM KLÓSTERKA KAUPAHÉÐNA

Prússin Preussner og efnariddarinn Ratcliffe eiga báðir sess sem Íslandsvinir í hjörtum margra. Saman eiga þeir, að hafa auðgast nokkuð á efnaiðnaði, þ.á.m. á eiturspúandi fabrikkum víða um lönd og tiltækjum sem ógna umhverfi smá, lífríki í þágu eigin hugðarefna. Hjartagóðir þó, eru þeir að eigin sögn, afar miklir ástvinir umhverfis, mynd, sem okkur er sýnd  ...

Lesa meira

Baldur Andrésson skrifar: STRANDIÐ STÓRA Á BAKKA-KOMPLEXINN

... Þá níu mánuði sem liðnir eru af þessu ári umlykur dúnmjúk þöggun stórstrand PCC BakkiSilicon hf á Bakka, hvað rétta málavexti snertir. Viðkvæmt er málið vissulega og hörmulegt ferlið frá upphafi 2013 til enda þess. PLÁGAN 2020 er því helst nýtt nú til skýringar á eldri afglöpum. Ásett þagnarumgerðin um strandið stóra og afdrifaríka á Bakka er ein af mörgum furðuhliðum atviksins. Víst er Bakkastrandið “leiðindamál”. Umbreyting þess í leyndarmál er þó móðgandi aðgerð við samfélagið ... 

Lesa meira
Allt Frjálsir pennar