Greinar Apríl 2014

ÓMÆLT TJÓN VEGNA ANDVARALEYSIS !

Geysir - ómælt tjón

... Þetta hefur vakið reiðiöldu í landinu og þjónustuaðilum í ferðaiðnaði ber nánast öllum saman um að þetta hafi skaðað atvinnugreinina. Hvers vegna gjaldtakan var látin líðast er með öllu óskiljanlegt.
En úrskurðurinn í dag var góður. Í fjölmiðlum hafa landeigendur sýnt okkur eina ferðina enn að þeim er ekki treystandi og nefni ég þar sérstaklega hótanir um að loka Geysissvæðinu fyrir ferðamönnum. Að sinni ætla ég ekki að hafa um slíka firru mörg orð en ég leyfi mér að fullyrða að landsmenn munu aldei láta slíkt viðgangast. Þarf ekki annað en nefna til sögunnar Steingrím Gunnarsson og sögina góðu.Þá hafa komið fram aðilar í fjölmiðlum og sagt að Geysissvæðið og fleiri svæði liggi undir stórkostlegum skemmdum. Allt er þetta orðum aukið, enda sett fram til að skapa vanhugsuð viðbrögð. Sjálfum finnst mér Kerið síður áhugavert með ný-uppsettum  girðingum...

Lesa meira

STEINGRÍMUR OG SÖGIN

Geysir - Steingrímur með sög

... Hér má sjá Steingrím Gunnarsson, leiðsögumann, ásamt Stefáni Þorvaldi Þórssyni, landfræðingi, mér og Þóri Garðarsyni, framkvæmdastjóra Allrahanda við Geysi í Haukadal í gær eftir að Þórir hafði opnað efra hliðið með því að saga í sundur keðju eina mikla, sem þar hafði verið sett, til að ferðafólk ætti ekki annarra kosta völ en fara um neðra hliðið þar sem rukkararnari stilltu sér upp. Ástþór Magnússon var einnig mættur með gjallarhorn til að minna á að staðurinn væri gjaldfrjáls. Fjöldi einstaklinga var mættur á vettvang til að standa á almannaréttinum. Það gerði Steingrímur Gunnarsson á ...

Lesa meira

HÁLF TVÖ VIÐ GEYSI Í DAG!

Geysisposinn

Enn er rukkað við Geysi í Haukadal. það er í senn ólöglegt og siðlaust. Fólk er þegar byrjað að kæra sem betur fer. Nokkrir einstaklingar sem ætla ekki að una ofbeldinu mæta við Geysi klukkan half tvö í dag. Ég verð í þeim hópi og hvet sem flesta til að mæta. Við erum staðráðin í því að skoða Geysi gjaldfrjálst eins og heimilt er lögum samkvæmt og hefðum frá upphafi Íslandsbyggðar. Ég vek athygli á lesendabréfi sem síðunni barst í gærkvöldi. Bréfið vekur athygli - vonandi líka fjölmiðlanna ....

Lesa meira

Á AÐ LÁTA GRÆÐGINA EYÐILEGGJA ALLT?

Birtist í DV 11.04.14.
DV - LÓGÓ...En þetta er ekki bundið við Íslendinga. Mér var sagt af bandarískum ferðmálafrömuði sem varð furðu lostinn þegar hann frétti af hinum nýja sið og sagði í forundran:  "En þetta er svo óíslenskt. Í huga mínum er Ísland frjálst og opið og fólkið gestrisið. Þetta gengur þvert á allt þetta!" ...Þess vegna mun ég og án efa miklu fleiri halda að Geysi á laugardag klukkan hálf tvö, ganga inn á svæðið án þess að greiða svo mikið sem eina krónu og hvet ég alla til þess að gera slíkt hið sama. Því aðeins ....

Lesa meira

ÞÓRIR MEÐ SKÝRA AFSTÖÐU

Þórir Garðarsson

Hér á síðunni beindi ég tveimur spurningum til frambjóðendanna tveggja til formennsku í Samtökum ferðaþjónustunnar en kosningin fer fram á morgun, fimmtudag. Þeir eru Grímur Sæmundsen og Þórður Garðarsson. Ég vildi vita hver afstaða þeirra væri til gjaldtöku fyrir aðgang að náttúruperlum og þá sérstaklega þess sem nú á sér stað við Geysi ...Þá vitum við það. Annar frambjóðendanna er andvígur gjaldtöku við ferðamannastaði. Ég þakka Þóri Garðarssyni svarið. Ef dæma á skal af jákvæðum viðbrögðum fólks úr ferðaþjónustu við mótmælum við Geysi að undanförnu þá talar hann þeirra máli. Gerir Grímur það? Fróðlegt væri að heyra hans svar.

Lesa meira

HVAÐ SEGJA FRAMBJÓÐENDUR UM GEYSI

Samtök ferðaþjónustunnar

...Réttilega er bent á að ferðaþjónustan standi á ákveðnum tímamótum og sé í örum vexti. Á fundinum er ætlunin að horfa til framtíðar og stóru málin rædd. Þetta er áhugavert en ekki síður hitt að í kynningum frambjóðenda kemur ekki fram hver afstaða þeirra er til gjaldtöku á íslenskum ferðamannastöðum en það er óvéfengjanlega örlagaríkt hvernig á þeim málum verður tekið. Ég hef ekki orðið var við að nokkur fjölmiðill hafi spurt frambjóðendur um ...

Lesa meira

HEIÐURSMAÐUR FALLINN FRÁ

Torfi Ólafsson - minning...Torfi var einstaklega félagslega þenkjandi maður. Hann var trúmaður  "svo ágætur og glaðlyndur að hann hlaut að laða fólk að kirkju sinni".  Þannig komst Árni Bergmann að orði í minningargrein sinni um Torfa. Fallegar voru minningargreinarnar úr ranni fjölskyldunnar og bera þær vott hlýju og væntumþykju.  Barnabörnin segja hann snemma hafi orðið "afalegan"  og borið virðingu fyrir vitsmunalífi barnsins og unglingsins.  Pétur Gunnarsson, rithöfundur, talar um "félagsheimilið" að Melhaga 4 - þar sem hann oft hafi komið - en þar hafi ríkt  "skapandi þvingunarleysi". Um allt þetta ...

Lesa meira

FARIÐ AÐ SKAÐA FERÐAÞJÓNUSTUNA!

Skaðar ferðaþjónustu - gjaldtaka

Fjöldi fólks lagði í dag leið sína á Geysissvæðið til að mótmæla ólöglegri gjaldtöku þar aðra helgina í röð. Sætir furðu að löggæslan skuli ekki grípa í taumana og komi í veg fyrir að fé sé haft af ferðamönnum eins og nú er gert við Geysi. Í rauninni er þar nú daglega framið rán fyrir allra augum. Er það virkilega svo á Íslandi að hægt sé að vanvirða lög með þessum hætti og féfletta fólk fyrir opnum tjöldum? Við Geysi hitti ég nokkra ferðamálafrömuði og sögðu þeir tvennt sem varð mér umhugsunarefni. Einn sagði að hann hefði  nýlega átt samtal við þekktan ferðamálasérfræðing sem ....

Lesa meira

Á LAUGARDAG KLUKKAN HÁLF TVÖ!

Birtist í DV 04.04.14 e. ÖJ og Stefán Þorvald Þórsson
DV - LÓGÓ...Verra er að gjaldheimtumenn eru að reyna með hraðaupphlaupi að skapa sér hefð sem síðar verði ekki hnekkt. Það má ekki gerast. Við verðum að kæfa þessa ósvífnu árás á almannaréttinn í fæðingu. Það gerum við með því að mæta hálf tvö á morgun - laugardag - að Geysi og sýna vilja okkar í verki; að við ætlum að standa á lagalegum rétti okkar; að við ætlum að tryggja almannarétt til að njóta íslenskrar náttúru án þess að þurfa að greiða fyrir það sérstakt gjald.
Almannarétturinn stendur fyrir sínu og er hann einn og sér, næg ástæða til að neita ...

Lesa meira

VERJUM ALMANNARÉTTINN

Verjum almannaréttEflaust ætla einhver að vera við Geysi á laugardag klukkan hálf tvö til að standa á lagalegum rétti okkar um gjaldfrjálsa aðkomu að náttúrundrum Íslands. Þetta gæti orðið skemmtilegur  helgarbíltúr. Frá höfuðborgarsvæðinu tekur það um hálfan annan klukkutíma að aka að Geysi. Minna hefur verið gert til varnar náttúrunni gegn ásókn gróðamanna en að fara í nokkurra klukkutíma helgabíltúr! Í grein sem við Stefán Þorvaldur Þórsson, landfræðingur, skrifuðum í sameiningu í DV í dag og einnig í umfjöllun  minni hér á síðunni, er bent á að Bjarni Benediktsson,fjármálaráðherra, hafi staðfest ....

Lesa meira

Frá lesendum

KEFLAVÍKURGÖNGUR GEGN VINSTRI GRÆNUM!!

Vinstri menn og konur fóru um langa hríð í árvissar Keflavíkurgöngur gegn hersveit á Miðnesheiði. Nú er varnarliðið farið, en þá allt í einu spretta  fram Vinstri grænir og taka sér varðstöðu - um íslenska kvótahafa. Hvað næst? Keflavíkurgöngur gegn Vinstri grænum?
Svik sjálfsæðismanna við eigin gildi, þeas eignaréttinn og frjálsa samkeppni eru svo sem augljós. Þeir mega þó eiga það 1% hægrimennirnir að þeir eru ...
Emil J. Ragnarsson.

Lesa meira

,,FLOTT SUMARFRÍ‘‘

Á húsvögnum nú hendast um landið
hamast við að slappa af
Með kórónuveiruna blús og blandið
og fimmþúsundin sem Bjarni gaf.

Nú Samherjasirkusinn sjáum
því saklausar aðgerðir dáum
múlbinda tarfinn
börnin fá arfinn
öllu haldið á svæðum gráum?
...
Höf. Pétur Hraunfjörð. 

Lesa meira

VIÐ LÁTIN BORGA ERLENDRI AUGLÝSINGASTOFU TIL AÐ TREKKJA AÐ ÍSLANDI!

Í fjölmiðlum kemur fram að innan heilbrigðisgeirans sé gagnrýnt hve hratt eigi að fara í að opna landið fyrir ferðamönnum. Nú les ég að skattgreiðendur verði látnir greiða reikning til breskrar auglýsingastofu upp á fleiri hundruð milljónir til að trekkja að sem allra flest aðkomufólk. Af þessi vakna tvær spurningar: 1) Meina stjórnendur þessa lands ekkert með tali sínu og skrifum um að kaupa eigi íslenskt? 2) Eitt er að opna landið, annað að vilja gleypa allan heiminn! Þykir þetta góð dómgreind? Var meiri hófsemi í ferðamennskunni ekki ...
Sunna Sara

Lesa meira

HÓF VERÐI Á TÚRISMANUM!

Oft hef ég séð þig skrifa til stuðnings ferðamennsku Ögmundur. Ég hef verið þér sammála en finn að ég er að snúa við blaðinu - svona innra með mér.
Nú í veirufárinu er ferðamennskan fyrir bí - í bili.
Hvílíkur léttir! Getur ekki orðið of mikið um áganginn af ferðamönnum - bæði þeim hér og þá sömuleiðis af okkur í útlöndum? Barselóna og Feneyjar vilja helst ...
Jóhannes Gr. Jónsson

Lesa meira

NÓG AÐ GERA FYRIR NÝFENGIÐ VINNUAFL

Komdu sæll og ávallt blessaður. Þar eð þú ert fyrrum þing- og enbættismaður langar mig að koma því í letur til þín nú þegar allar horfur eru á að mikill fjöldi manna verði á launum  hjá ríkinu að þegar túrisminn kom svo ört til landsins að fólkið örnaði sér úti um móa og holt í landinu til litils sóma, hvort ekki væri nú tækifæri nú til að setja göngustíga, varnargirðingar, salerni með nýfengnu vinnuafli? ...
Jónas

Lesa meira
Allt Frá lesendum

Fréttabréf

 

Frjálsir pennar

Kári skrifar: MEIRIHLUTI VALDAKLÍKUNNAR ER ANDSNÚINN LÝÐRÆÐI

Meðal þess sem illa hefur gengið að ná fram á Íslandi er lýðræðisumbætur. Kallað hefur verið eftir auknu lýðræði, og þá alveg sérstaklega beinu lýðræði, þannig að hægt sé að skjóta þýðingarmiklum málum beint til þjóðarinnar. Íslenska valdaklíkan er hins vegar almennt skipuð afar valdagráðugu og stjórnlyndu fólki sem lítur á þjóðina sem uppsprettu atkvæða en ekki hóp fólks með sjálfstæðan vilja. Almennt kæra þessir stjórnmálamenn (klíkubræður og systur) ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA TVÖ - RAFORKUTILSKIPUN 2019/944 ORKUPAKKI 4

Þessi grein er framhald síðustu greinar, frá 20. janúar 2020, um sama efni. Haldið verður áfram að rekja innihald tilskipunar ESB 2019/944 um raforku. Tilskipunin er hluti af orkupakka 4. Í síðustu grein var endað á 16. gr. tilskipunarinnar. Eins og áður hefur komið fram brugðust Alþingi og ríkisstjórn Íslands algerlega í orkumálum þjóðarinnar með innleiðingu á orkupakka 3. Hið sama gerðu fyrri þing og fyrri ríkisstjórnir sem vörðuðu leiðina að takmarki einka- og braskvæðingar orkulindanna og nýtingar þeirra. Þjóðin er aldrei spurð álits en vísað til þess að menn hafi umboð kjósenda eftir kosningar. Það eru rök sem halda alls ekki enda eru þeir fáir þingmennirnir sem standa við loforð sín eftir kosningar. „Það er leikur að ljúga leikur sá er mér kær“ var sungið í áramótaskaupinu árið 1967, í umsjón Flosa Ólafssonar ... 

Lesa meira

Þórarinn Hjartarson skrifar: COVID-FARALDUR OG KREPPA - SKOÐUN

Ísland er nú á miðjum skala yfir dánartíðni vegna Covid-19 í heiminum. Dánartíðnin á heimsvísu sýnist sambærileg við árstíðabundna inflúensu, en viðbrögðin eru alveg ósambærileg. „Aukaverkanir“ heilbrigðisstefnunnar eru kreppa sem er líkleg til að valda miklu meiri þjáningu en veikin sjálf. Íslensk stjórnvöld stæra sig af glæstum árangri í baráttunni við heimsfaraldurinn Covid-19. Aðeins 10 eru dánir af veikinni á Íslandi (af Covid-19 og öðrum undirliggjandi sjúkdómum), af 357 þúsund manna þjóð. Dánartíðni vegna sjúkdóma er gjarnan mæld sem hlutfall af milljón, og íslenska dánartalan tilsvarar 28 eða 29 af milljón. Our World in Data er rannsóknarstofnun tengd háskólanum í Oxford og ástundar útreikninga um hnattræn vandamál, fátækt, sjúkdóma, hungur, loftslagsbreytingar, stríð m.m. og byggir á ...

Lesa meira

Þórarinn Hjartarson skrifar: HUGLEIÐINGAR UM COVID-KREPPU

... Getur ein veira sem er ekki sýnist afskaplega mannskæð miðað við sumar aðrar (sjá hér aftar) valdið þvílíkum skaða á efnahagslífi og samfélagi? Nei, en veiran kemur sem viðbót við aðra sjúkdóma sem hrjá hið kapítalíska efnahags- og samfélagskerfi og því verða afleiðingarnar meiri en sjúkdómurinn sjálfur gefur tilefni til ... Fæðuöryggið er í öfugu hlutfalli við stig hnattvæðingar. Kreppan opinberar að „fæðuflæðið“ er líka mjög viðkvæmt. Það má ljóst vera, og tengist hnattvæðingarþróun, að sjálfbjargarstig Íslands hefur aldrei verið minna en nú. Í þessu efni eiga bændur og bæjarbúar (og umhverfissinnar) nú augljóslega sameiginlega hagsmuni af að byggja það aftur upp. ...

Lesa meira
Allt Frjálsir pennar