Greinar Janúar 2014

Á ÞINGI EVRÓPURÁÐSINS: BEINT LÝÐRÆÐI VERÐUR KRAFA 21. ALDARINNAR

Evrópuráðsþingið

...Ég fagnaði þessum áformum en gagnrýndi jafnframt ýmsar áherslur skýrslunnar um beint lýðræði. Ég sagði að "stofnanaveldið" ætti ekki að leyfa sér íhaldssemi í þessum efnum heldur nýta þá kosti sem ný tækni byði upp á hvað varðar beint lýðræði....Ég tók einnig skýrt fram að menn ættu ekki að horfa framhjá misnotkun á netinu og minnti á að Evrópuráðið hefði fengið í hendur óyggjandi sannanir fyrir því að netið væri notað sem tæki barnaníðinga. Þetta ætti ekki að líðast fremur en ofbeldi annars staðar í samfélaginu. Internetið væri hluti af samfélaginu en stæði ekki utan þess. ...

Lesa meira

STJÓRNSÝSLAN BÆTI SIG

Birtist í Morgunblaðinu 28.01.14.
MBL -- HAUSINN...Það er því mikilvægt að stjórnvöld  hugi  sjálf að umbótum í sínum ranni. Það er þeirra að sjá til þess að borgararnir fái notið lögboðinna réttinda hvað sem líður eftirliti af hálfu Alþingis og stofnana þess með störfum stjórnsýslunnar. Það er ljóst af skýrslum umboðsmanns að ýmislegt má betur fara í störfum stjórnsýslunnar og það á t.d. við um almenna afgreiðslu mála og þá sérstaklega um meðferð mála vegna stjórnsýslukæra.  Þar þurfa stjórnvöld að viðhafa markvissari og skjótari vinnubrögð en nú.  Á vettvangi Stjórnskipunar- og eftirlitsnefndar Alþingis hefur þannig sérstaklega verið rætt um þörfina á því að stjórnvöld gæti betur að því að ...

Lesa meira

PALESTÍNA Á ÞINGI EVRÓPURÁÐSINS

Palestínu - fáninn

... Umræðan var í tilefni þess að Evrópuráðið hefur tekið upp samstarf við palestínsk stjórnvöld um eflingu lýðræðis og réttarríkis í Palestínu. Evrópuráðið samþykkti ályktun þar sem fagnað er þeim skrefum sem stigin hafa verið í þessa veru en að vænst sé frekari aðgerða því enn sé þörf á átaki til að styrkja réttarríkið í Palestínu. Ég lýsti því hvernig Íslendingar hefðu á undanförnum árum staðið í farabroddi í stuðningi við Palestínumenn í sjálfstæðisbaráttu þeirra. Þannig hefðu Íslendingar samhljóða samþykkt á Alþingi viðurkenningu á fullvalda og sjálfstæðri Palestínu og jafnframt  verið eina vestræna ríkið sem ...

Lesa meira

Í KVIKU TILFINNINGANNA

Biritist í helgarblaði Morgunblaðsins 26.01.14
MBL -- HAUSINN...En mín skoðun er sú að sakamál gegn einstaklingi hljóti að byggja á ásetningi hans um að fremja brot. Ég spái því að ef við sem eigum undir heilbrigðiskerfið að sækja, gerumst mjög harðdræg gagnvart því muni það snúast til varnar með svipuðum hætti og gerst hefur vestanhafs. Og hví ætti læknir sem kallað er eftir í flugvél þar sem farþegi hefur orðið fyrir hjartastoppi yfirleitt að gefa sig fram ef hann á það á hættu að verða sóttur til saka fyrir að gera ekki allt nákvæmlega eins og best verður á kosið? Af hverju ætti hann ekki að sitja í sæti sínu og láta lítið fyrir sér fara - eins og við hin? Þetta breytir ekki því að heilbrigðiskerfi sem bregst sjúklingum ber undanbragðalaust að grípa til ráðstafana ...

Lesa meira

HANN FJÁRFESTI Í BÆTTUM HAG ANNARRA

Guðni Guðnason

...Guðni Guðnason er sagður hafa tekið þátt í fleiri 1. maí göngum en flestir ef ekki allir Íslendingar fyrr og síðar. Oft tókum við tal saman þegar við hittumst á förnum vegi og eftirminnilegt er mér nokkurra klukkustunda spjall þegar ég fyrir nokkrum árum bauð honum til fundar á skrifstofu minni í Alþingi. Þá flaug tíminn. Æviágrip Guðna Guðnasonar segir sína sögu. Þar kemur fram hvernig hann gegndi jöfnum höndum starfi lögfræðings, sjómanns og verkamanns. Ég þykist vita að innheimtustörf hafi ekki verið honum að skapi. Ég minnist þess hve gott orð  lá ætíð til Guðna Guðnasonar þegar ég heyrði á hann minnst í uppvexti mínum ...

Lesa meira

SÆSTRENG TIL AÐ FLYTJA INN RAFMAGN?!

Hörður Arnarson - Landsvirkjun

...Forstjóri Landsvirkjunar segir að enn þurfi nokkurn tíma - jafnvel nokkur ár til að kanna þetta mál til hlítar. Vandinn er hins vegar sá að þegar búið verður að fjárfesta í rannsóknum og vangaveltum um málið í langan tíma og margir hafa af slíku atvinnu, er hætt við að málið öðlist sjálfstætt líf og harðdræga fylgismenn þess að láta drauma sína rætast. Tónninn í málflutningi forstjóra Landsvirkjunar þykir mér þegar farinn að bera keim af þessu viðhorfi. ...

Lesa meira


ÞARF AÐ ÞJÓÐNÝTA GEYSISSVÆÐIÐ?

GEYSIR 2

Hugmyndir Ragnheiðar Elínar Árnadóttur, ferðamálaráðherra, um gjaldtöku við eftirsóttar náttúruperlur, hafa greinilega komið róti á huga nokkurra landeigenda, sem telja sig nú geta makað krókinn með gjaldtöku. Yfirlýsingar ýmissa landeigenda bera ekki beinlínis vott um jafnvægi hugans. Ég hygg að flestir landsmenn telji rukkun fyrir að skoða landið, sé mikilvægt prinsíppmál, sem kalli á almenna umræðu áður en ákvarðanir eru teknar. Þá hlýtur að vera mikilvægt að farið sé að lögum. Fyrir þetta virðast landeigendur við Geysi  ekki gefa mikið. "Við höldum okkar striki og erum .... 

Lesa meira

HVAR ER HALLDÓR Í FRAMBOÐI?

Halldór og umferð - 2

...Framsýnir stjórnmálamenn hljóta að hugsa í nýjum lausnum. Mér sýnist sá ágæti maður, Halldór Halldórsson, sem skipar fyrsta sætið á D-lista, sjálfstæðismanna í Reykjavík  ekki hugsa í nýjum lausnum, bara nýjum hraðbrautum og fyrir ennþá fleiri bíla. Halldór segist vilja byggja hraðbraut út frá Suðurgötunni í vesturbæ Rekjavíkur yfir Skerjafjörðinn og út á Álftanes, til að taka við bílaumferð af Kópavogs-, Hafnarfjarðar- og Álftanessvæðinu. Spennandi? Það er eftir því frá hvaða sjónarhóli málið er skoðað. Hafnfirðingar og einhverjir Suðurnesjamenn kunna að  ...

Lesa meira

SIÐLAUSIR AULAR

GARY BECKER - LÍFFÆRASALA

Gary S. Becker hefur sannað að hægt er að fá Nóbelsverðlaun í hagfræði þótt menn séu aular og siðlausir í ofanálag. Visir.is segir frá nýlegu framlagi þessa Nóbelsverðlaunahafa í hagfræði til samfélagsumræðunnar. Í pistli í Wall Street Journal sem hann skrifar ásamt og Julio J. Elias, öðrum hagfræðingi, er reynt að sannfæra okkur um ágæti þess að líffæri gangi kaupum og sölum á markaði líkt og hverjar aðrar markaðsvörur. Í frásögn á vísir.is (sem byggir á grein þeirra félaga í Wall Street Journal) segir ...

Lesa meira

Frá lesendum

VIÐ LÁTIN BORGA ERLENDRI AUGLÝSINGASTOFU TIL AÐ TREKKJA AÐ ÍSLANDI!

Í fjölmiðlum kemur fram að innan heilbrigðisgeirans sé gagnrýnt hve hratt eigi að fara í að opna landið fyrir ferðamönnum. Nú les ég að skattgreiðendur verði látnir greiða reikning til breskrar auglýsingastofu upp á fleiri hundruð milljónir til að trekkja að sem allra flest aðkomufólk. Af þessi vakna tvær spurningar: 1) Meina stjórnendur þessa lands ekkert með tali sínu og skrifum um að kaupa eigi íslenskt? 2) Eitt er að opna landið, annað að vilja gleypa allan heiminn! Þykir þetta góð dómgreind? Var meiri hófsemi í ferðamennskunni ekki ...
Sunna Sara

Lesa meira

HÓF VERÐI Á TÚRISMANUM!

Oft hef ég séð þig skrifa til stuðnings ferðamennsku Ögmundur. Ég hef verið þér sammála en finn að ég er að snúa við blaðinu - svona innra með mér.
Nú í veirufárinu er ferðamennskan fyrir bí - í bili.
Hvílíkur léttir! Getur ekki orðið of mikið um áganginn af ferðamönnum - bæði þeim hér og þá sömuleiðis af okkur í útlöndum? Barselóna og Feneyjar vilja helst ...
Jóhannes Gr. Jónsson

Lesa meira

NÓG AÐ GERA FYRIR NÝFENGIÐ VINNUAFL

Komdu sæll og ávallt blessaður. Þar eð þú ert fyrrum þing- og enbættismaður langar mig að koma því í letur til þín nú þegar allar horfur eru á að mikill fjöldi manna verði á launum  hjá ríkinu að þegar túrisminn kom svo ört til landsins að fólkið örnaði sér úti um móa og holt í landinu til litils sóma, hvort ekki væri nú tækifæri nú til að setja göngustíga, varnargirðingar, salerni með nýfengnu vinnuafli? ...
Jónas

Lesa meira

EKKI NAFN OG KENNITALA HELDUR KJARATALA

Sammála því sem fram kemur í stuttu en skýru 1. maí ávarpi þínu hér á síðunni um hvað þurfi að ræða svo við verðum viðbúin því að endurreisa Ísland á nýjum forsendum. Það er rétt sem þú segir að í þeirri umræðu þurfi menn að segja til nafns og hver kjör þeir búa við sjálf(ir).
Guðf. Sig.

Lesa meira
Allt Frá lesendum

Fréttabréf

 

Frjálsir pennar

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA TVÖ - RAFORKUTILSKIPUN 2019/944 ORKUPAKKI 4

Þessi grein er framhald síðustu greinar, frá 20. janúar 2020, um sama efni. Haldið verður áfram að rekja innihald tilskipunar ESB 2019/944 um raforku. Tilskipunin er hluti af orkupakka 4. Í síðustu grein var endað á 16. gr. tilskipunarinnar. Eins og áður hefur komið fram brugðust Alþingi og ríkisstjórn Íslands algerlega í orkumálum þjóðarinnar með innleiðingu á orkupakka 3. Hið sama gerðu fyrri þing og fyrri ríkisstjórnir sem vörðuðu leiðina að takmarki einka- og braskvæðingar orkulindanna og nýtingar þeirra. Þjóðin er aldrei spurð álits en vísað til þess að menn hafi umboð kjósenda eftir kosningar. Það eru rök sem halda alls ekki enda eru þeir fáir þingmennirnir sem standa við loforð sín eftir kosningar. „Það er leikur að ljúga leikur sá er mér kær“ var sungið í áramótaskaupinu árið 1967, í umsjón Flosa Ólafssonar ... 

Lesa meira

Þórarinn Hjartarson skrifar: COVID-FARALDUR OG KREPPA - SKOÐUN

Ísland er nú á miðjum skala yfir dánartíðni vegna Covid-19 í heiminum. Dánartíðnin á heimsvísu sýnist sambærileg við árstíðabundna inflúensu, en viðbrögðin eru alveg ósambærileg. „Aukaverkanir“ heilbrigðisstefnunnar eru kreppa sem er líkleg til að valda miklu meiri þjáningu en veikin sjálf. Íslensk stjórnvöld stæra sig af glæstum árangri í baráttunni við heimsfaraldurinn Covid-19. Aðeins 10 eru dánir af veikinni á Íslandi (af Covid-19 og öðrum undirliggjandi sjúkdómum), af 357 þúsund manna þjóð. Dánartíðni vegna sjúkdóma er gjarnan mæld sem hlutfall af milljón, og íslenska dánartalan tilsvarar 28 eða 29 af milljón. Our World in Data er rannsóknarstofnun tengd háskólanum í Oxford og ástundar útreikninga um hnattræn vandamál, fátækt, sjúkdóma, hungur, loftslagsbreytingar, stríð m.m. og byggir á ...

Lesa meira

Þórarinn Hjartarson skrifar: HUGLEIÐINGAR UM COVID-KREPPU

... Getur ein veira sem er ekki sýnist afskaplega mannskæð miðað við sumar aðrar (sjá hér aftar) valdið þvílíkum skaða á efnahagslífi og samfélagi? Nei, en veiran kemur sem viðbót við aðra sjúkdóma sem hrjá hið kapítalíska efnahags- og samfélagskerfi og því verða afleiðingarnar meiri en sjúkdómurinn sjálfur gefur tilefni til ... Fæðuöryggið er í öfugu hlutfalli við stig hnattvæðingar. Kreppan opinberar að „fæðuflæðið“ er líka mjög viðkvæmt. Það má ljóst vera, og tengist hnattvæðingarþróun, að sjálfbjargarstig Íslands hefur aldrei verið minna en nú. Í þessu efni eiga bændur og bæjarbúar (og umhverfissinnar) nú augljóslega sameiginlega hagsmuni af að byggja það aftur upp. ...

Lesa meira
Allt Frjálsir pennar