Greinar Janúar 2013

Birtist í Fréttablaðinu 28.01.12.
...Um þetta kunna að vera skiptar skoðanir og tek ég umræðunni fagnandi, en hvet um leið til yfirvegunar. Upphrópanir um ritskoðun eru aðeins til þess fallnar að beina athyglinni frá sjálfu umræðuefninu, sem er það pyntingarefni sem finna má á internetinu og áhrif þess á þá sem að koma að framleiðslu þess og jafnframt þá sem á það horfa, einkum og sér í lagi börn...

Birtist í Sunnudagsblaði Morgunblaðsins 27.01.12.
...Sigríður í Brattholti sem kom í veg fyrir virkjun Gullfoss á sínum tíma bjó í námunda við fossinn. Hún var kannski ekki fagmaður í nútímaskilningi þess orðs, en þekkti fossinn eflaust betur en flestir. Sennilega var það þó ekki af faglegum ástæðum sem  Sigríður í Brattholti hótaði að fyrirfara sér  ...

Fróðlegt var að hlýða á Eirík S. Svavarsson, hæstaréttarlögmann á Bylgjunni í morgun fjalla um Icesave og væntanlegan úrskurð EFTA dómstólsins. Hann greindi vel á hverju úrskurðurinn tekur, það er hvort Ísland hafi virt eða brotið tilskipun ESB um tryggingasjóð innistæðueigenda. Hann sagði réttilega að EFTA dómstóllinn væri ekki að kveða upp úr um greiðsluskyldu Íslands, gagnstætt því sem ýmsir virðast halda. Það sem mestu máli skiptir nú er að beina allri umræðu upp úr skotgröfum og inn í yfirvegaðan...

Ef saga Vinstrihreyfingarinnar græns framboðs yrði skrifuð af einhverjum sem þekkti til allra innstu innviða kæmu þar við sögu fundargerðir undir vinnuheitinu þrír á báti. Fundarritari og fundarboðandi var Hjörleifur Guttormsson en aðrir bátsverjar voru Steingrímur J. Sigfússon og Ögmundur Jónasson. Fundarstaður var skrifstofa Hjörleifs í Vonarstræti 12; á borðum jafnan kaffi og sætabrauð í boði fundaritara. Þetta var sumarið 1998. Á sama tíma var Samfylkingin í burðarliðnum og við þremeningar á leið út úr þingflokki Alþýðubandalagsins og óháðra.Annars staðar hafði nýr félagsskpur litið dagsins ljós og farið sístækkandi, málfundafélagið Stefna - félag vinstri manna. Þar voru auk mín, margt fólk sem síðar gerðust stofnfélagar í Vinstrihrefyfingunni grænu framboði, að uppistöðu, þó ekki allt, fólk sem komið hafði að framboði Alþýðubandalgsis og óháðra í þingkosningunum 1995, óháði hlutinn og konur úr baráttuhreyfingu kvenna...

Birtist í Fréttablaðinu 24.01.12.
...Á vinnsluborði Alþingis liggur nefnilega frumvarp með heildstæðri endurkoðun á málefnum útlendinga utan EES svæðisins, meðal annars um skilyrði og verklag við komu fólks til landsins undir mismunandi formerkjum. Ný útlendingalöggjöf er bráðnauðsynleg því núverandi lög eru um margt óskýr og óaðgengileg auk þess að margt þarf að færa í réttlætisátt. Það er reynt að gera í nýju frumvarpi til útlendingalaga sem sumir fréttamenn á Fréttablaðinu hafa sýnt verðskuldaðan áhuga. ...

Málefni hælisleitenda hafa verið til umræðu að undanförnu. Margoft hefur komið fram að of langur tími líður frá því hælisleitendur koma til landsins og þar til niðurstaða fæst varðandi umsókn þeirra. Þessi mál voru í brennidepli í fjölmiðlaumfjöllun síðustu viku en í dag átti ég fund með forstjóra Útlendingastofnunar þar sem við m.a. ræddum umdeild ummæli forstjórans. Fundurinn var gagnlegur. Á honum lýsti ég þeim ásetningi mínum að yfirfara alla málsmeðferð við hælisleit. Þannig er það ásetningur minn að eftirmál þessarar umræðu verði ...

Stórgóð ljósmyndasýning Einars Ólasonar ljósmyndara stendur nú yfir í Tjarnarsal Ráðhúss Reykjavíkur og lýkur henni á morgun, sunnudaginn 20. janúar. Enda þótt Einar hafi langa reynslu að baki í ljósmyndun þá er þetta fyrsta einkasýning hans. Yfirskriftin er Eldur - Ís en viðfangsefnið er háhitasvæði Íslands. Sjónarhornin eru fundin af miklu listfengi og unun á að horfa. Hér að ofan má sjá mynd sem tekin er í Bláa lóninu - ekki augljóst við fyrstu sýn! Á þessari skemmtilegu sýningu opnast nýjar víddir. Hvet ég fólk að skoða þessa sýningu áður en hún verður tekin niður!

Birtist í Fréttablaðinu 15.01.12.
...Í starfi mínu sem innanríkisráðherra hef ég viljað viðurkenna þann vanda sem kynferðisofbeldi er í íslensku samfélagi og gera allt sem í mínu valdi stendur til að taka þátt í að uppræta slíkt ofbeldi. Ráðuneytið hefur haft forgöngu um þau verkefni sem hér hafa verið nefnd en einnig tekið þátt í alþjóðlegu samstarfi til að læra af reynslu annarra og eiga í samtali um bestu mögulegu leiðir í þessari baráttu. Ég vil því leyfa mér að halda því fram að í innanríkisráðuneytinu hafi verið tekið til hendinni í málaflokknum. En hitt er rétt að betur má ef duga skal og kallar þetta viðfangsefni á...

Birtist í DV 14.01.12.
Einn af þeim málaflokkum sem hafa verið hvað fyrirferðamestir í starfi mínu sem innanríkisráðherra, áður dómsmála- og mannréttindaráðherra, er málefni útlendinga, einkum er lýtur að málefnum útlendinga utan EES. Hafa málefni einstaklinga nokkrum sinnum ratað í fréttir en þau eru þó aðeins brotabrot af þeim málum sem koma til kasta ráðuneytisins. Núgildandi lög um útlendinga voru sett árið 2002 að undangengnum miklum deilum á Alþingi. Síðan þá hefur...

Birtist í Sunnudagsblaði Morgunblaðsins 13.01.12.
Lýðræðið hefur í tímans rás tekið á sig ýmsar myndir. Fulltrúalýðræði var vinnuformið á 19. og 20. öldinni. Erfitt var að koma við beinu lýðræði. Samgöngur og fjarskipti urðu þess valdandi að almenningur hlaut að kjósa sér fulltrúa til að fara með vald sitt fyrir sína hönd.
En svo mjög hafa ýmsir slíkir kjörnir fulltrúar valdsins á þjóðþingum og í sveitarstjórnum misskilið hlutverk sitt að þeir velta nú vöngum yfir því hvort ...

Gjafakvóti auðinn ól
sem aflandssjóðir geyma
hagnaðinn í skattaskjól
en skuldin vistuð heima

Með kveðju,
Gunnar Hólm Hjálmarsson

Sæll Ögmundur.
Langar að senda þér þennan link en þar kemur ýmislegt fram um kvótakerfið til upplýsingar fyrir þig eða til þeirra sem ætla sér að taka við keflinu til að búa til nýtt stjórnmálaafl fyrir næstu kosningar til alþingis kannski í vor ...
Baldvin Nielsen

Landsbyggðina hér lögðu í rúst
fyrir liðlega þrjátíu árum
Þá notaði elítan klíku og kúst
og kynntu undir sárum auðlindina.
...
Höf. Pétur Hraunfjörð.

Þá landinn kallar kvótann inn
þá kafnar elítu valdið
Þá lagast hagur þinn og minn
Þá hækkar veiðigjaldið. 
...
Höf. Pétur Hraunfjörð.

Hvernig er hægt að skrifa um fyrirkomulag fiskveiða við strendur landsins án þess að minnast á að setja allan afla á uppboðsmarkað? Að klippa milli veiða og vinnslu er forsenda breytinga. Kvótinn var settur til að vernda fiskinn í sjónum en ekki fiskvinnslur í landi.
Tryggvi L. Skjaldarson
...

Fljótlega lendum í lukkunni
léttari daga sjáum
Þeir segjast seinka klukkunni
sofa út þá fáum.
Höf. Pétur Hraunfjörð.

Kannski við fáum farsælt ár
svo fólkinu líði betur
Þerrum nú burtu trega tár
og sjáum hvað setur.
Höf. Pétur Hraunfjörð.

Nú er árið næstum allt
Nú má hafa gaman
Nú fá allir mikið malt
Nú má drekka saman.
Höf. Pétur Hraunfjörð.

Sendi því hérna lítið ljóð
líður að ári nýju.
Við hvort annað verið góð
virkið ást og hlýju.
Höf. Pétur Hraunfjörð.

Fjárglæframönnum sú fylgir nauð,
að ferðast með þýfi í pokum.
Þó veraldar dvelji við dulbúinn auð,
dauðinn það jafnar að lokum.
Kári