Frá lesendum

Það gladdi mig að heyra í fréttum hve jákvæður þú varst í garð Össurar Skarphéðinssonar, iðnaðarráðherra og Samfylkingarmanns vegna ákvörðunar hans um að fram fari endurskoðun vatnalaganna. Nú á stjórnarandstaðan einmitt að taka Össur og ríkisstjórnina á orðinu og styðja iðnaðarráðherrann sem mér heyrist vera staðráðinn í því að afnema hin umdeildu einkaeignarréttarákvæði vatnalaganna. Lúðvík, þingflokksformaður Samfylkingarinnar segir þingflokkinn standa órofa að baki Össurar...
Haffi

...Í raun er “markaðslögmálið” eins og það er nú túlkað af einkaauðvaldshyggjufólki, blekking og hugarórar til að verja og réttlæta óforskömmuheit og græðgissýki þess! Maður leitar eftir stórum orðum en verður nánast orðvant.
Almenningur verður að taka í taumana áður enn auðvaldið hefur stolið lýðræðinu og réttmætum eignum íslensku þjóðarinnar!  Að bíða lengur, getur reynst þjóðinni dýrt!
Það er nú í fullum gangi hjá auðvaldinu að ræna auðæfum landsins, hvort sem það er raforka, vatn eða annað,  auðæfum sem eru og eiga vera sameiginleg einkaeign allrar íslensku þjóðarinnar um ókomna tíð ...
Helgi

Nokkuð er nú rætt um kostnað við kaup útvarpsstjóra á bifreið sem hann kaus sér þegar Ríkisútvarpið var enn ríkisstofnun og ekki ohf. Bílamál þessi eru hugsanlega jakatoppur sem skýst fyrir tilviljun úr kafinu. Kannski er ráðslagið alvanalegt hjá ríkisforstjórum. Kannski eru þau forstjóri Tryggingastofnunar, þjóðleikhússtjóri, eða aðrir ríkisforstjórar sem röðuðust formlega í launaflokk með útvarpsstjóra þegar hann var hjá ríkinu öll á Audi Q7? Kannski þarf laun verkamanns á einu ári til að borga af bílum þess og kannski önnur til að þvo, snyrta og bóna fákana. Langar þig ekki Ögmundur til að vita það hjá Ríkisendurskoðun hvort eða hve margir ríkisforstjórar eru á bílakjörum eins og fullyrt er að útvarpsstjóri hafi verið á í fyrra? Annað smáatriði tengt Ríkisútvarpinu. Björn Bjarnason, dómsmálaráðherra, gerði að mínum dómi heiðarlega tilraun til þess ...
Stefán

Ég er algerlega sammaála Jóni Bjarnasyni alþingismanni í umræðunni um framúrkeyrslu opinberra stofnana. Fjölmiðlar beina sjónum sínum að opinberum stofnunum og setja þær á sakamannabekk ef þær fara framúr fjárlögum. En þær hafa lögbundnum skyldum að sinna. Veikt fólk og slasað verður þannið að fá aðhlynningu á sjúkrahúsi þótt fjárveitingarvaldið hafi skammtað viðkomandi stofnun of litla fjármuni í þessu skyni. Á að vísa sjúklingum frá? Hvað ef stórslys verða? Þau geta kostað sjúkrahús milljónatugi. Jón Bjarnarson hefur talað um...
Guðrún Guðmundsdóttir

Visir.is er að býsnast yfir því að Páll Magnússon, forstjóri RÚV ohf, aki um á dýrum bíl. Afnotagjaldsgreiðendur RÚV borgi 200 þúsund krónur á mánuði til rekstraleigu einkabifreiðar Páls. Einhver kann að spyrja hvers vegna Páll Magnússon eigi öðrum starfsmönnum RÚV ohf fremur, að fá bíl undir sig, kostaðan af skattgreiðendum. Ekki hugsa ég svo smáa hugsun. Mér finnst einboðið að...
Haffi

...Ég er fullkomlega sammála Vilhjálmi Þ. borgarstjóra að ekki eigi að reka áberandi áfengisverslun í miðbæ Reykjavíkur, því það felur í sé ákveðna auglýsingu og hvetur söluna.  Ég tel áfengisneyslu mjög hættulega sem leiðir óhjákvæmilega til unglinganeyslu, sem aftur leiðir oft til hverskonar vímu- og fíknilyfjaneyslu.  Ég mundi styðja áfengisneyslubann, en geri mér fyllilega ljóst að slíkt eigi ekki hljómgrunn meðal þjóðarinnar, svo ég sætti mig við óáberandi áfengissölu ríkisins, og að það megi alls ekki leyfa sölu áfengis utan áfengisverslana ríkisins...
Helgi

Fyrir fáeinum dögum skrifaði Hafdís bréf hér á heimasíðu þína Ögmundur sem fjallaði um reykingabann á Keflavíkurflugvelli. Auðvitað hefur Hafdís fullan rétt á skoðun sinni á þessu máli, sem sýnist saklaus við fyrstu sýn.  Í yfirlætislausu lesendabréfi Hafdísar sem fyrst og fremst virðist skrifað til að taka upp hanskann fyrir reykingafólk sem þjáist af “smókleysi” eftir langt flug kemur þó fram afstaða sem ég tel afar varhugaverða svo ekki sé fastar að orðið kveðið. Hafdís bendir á að “reykingar séu skilyrðislaust bannaðar á veitingarstöðum sem öðru opinberu rými,"  og telur það hárrétt.  Þetta er auðvitað vegna þess hversu hættulegar og hvimleiðar reykingar eru, sérstaklega...
Helgi

Inngrip Ragnars Arnalds til  þess að vernda Bernhöftstorfuna var það sem skipti sköpum. Þetta þarf að koma fram í framhaldi af grein Guðjóns Friðrikssonar. Þar vantar nefnilega einn þátt málsins: Ekki þann þátt að Ragnar Arnalds menntamálaráðherra ákvað að friða torfuna. Heldur þann þátt  sem Ragnar Arnalds fjármálaráðherra var ábyrgur fyrir og laut að endurreisn torfunnar sem hefði aldrei orðið ef ríkissjóður hefði ekki sinnt verkinu af myndarskap. Og í framhaldi af því varð til Minjavernd sem hefur nú bjargað...
Sigurður Bjarnason

Einn af mínum uppáhaldsfréttamönnum, Helgi Seljan, fór mikinn í Kastljósi Sjónvarpsins í gær út af reykingum á Keflavíkurflugvelli. Bent var á að þetta samræmdist ekki landslögum. Reykingar væru fortakslaust bannaðar innandyra á veitingastöðum og í opinberu rými. Eflaust hárrétt. En þarf ekki að...
Hafdís

...Ég læt fylgja með eftirfarandi af heimasíðu Alþjóðaflugmálastofnunarinnar, FAA....Vildu íslenskir fjölmiðlamenn vera svo góðir að spyrjast fyrir um hvað valdi því að farþegaflugvélum sem lenda á alþjóðaflugvelli okkar eru send skilaboð um að þær séu að lenda á herflugvelli.
Áhugamaður um flugmál

Við stelpurnar vorum að glugga í tekjublað Frjálsrar verslunar í matartímanum um daginn eftir að hafa slegið saman í eintak. Þar rákumst við á nokkra verkalýðsforingja sem af og til semja fyrir okkur upp á kúk og kanel eða 140 til 160 þúsund á mánuði en eru sjálfir með á bilinu 600 til 1350 þúsund krónur mánuði. Einni okkar varð á orði að best væri að fá Hreiðar Má Sigurðsson í stéttabaráttuna að því gefnu að hlutföllin milli Hreiðars verkalýðsforingja og okkar yrðu sambærileg og við núverandi kónga. Hreiðar er með 64 millj. og 872 þús. kr. betur á mánuði sem þýðir miðað við framangreindar hlutfallsforsendur milli okkar og....
Sigga Gumm.

...Kaupþing-banki hefur hækkað útlánsvexti. Nú verður ennþá erfiðara að kaupa íbúð sem þó var nógu erfitt. Fyrst þrengdi Jóhanna félagsmálaráðherra að Íbúðalánasjóði með því að lækka lánshlutfallið. Það þýddi að fólk þyrfti að leita á náðir bankanna í ríkari mæli en áður. Jafnframt sagði félagsmálaráðherra að þetta væru skýr skilaboð til bankanna um að þrengja að lántakendum. Ráðherrann og ríkisstjórnin hljóta því að hafa fagnað ákaft vaxtahækkun Kaupþings-banka. Allt er því að ganga upp fyrir þau. Ekki fyrir íbúðakaupendur. Ég tek ekki þátt í ...
Haffi

...Hefði ekki rökrétt framhald á þeirri baráttu verið að koma í veg fyrir að einstaklingur flytti suður með þær 1200 milljónir króna sem eigandinn, sjómenn og verkafólk í landi skópu saman í sjávarþorpi á Vestfjörðum í 25 ár? Þær 1200 milljónir sem einn einstaklingur fer með er nákvæmlega upphæðin sem iðnaðarráðherra ætlar okkur hinum að greiða uppí skuld Byggðastofnunar svo hún geti forðað fyrirtækjum frá fárinu sem varð þegar kvótinn var seldur! Fyrirgefðu fröken, en er ekki eitthvað bogið við þetta kerfi, sagði ...
Ólína