Frá lesendum

Ég get ekki orða bundist. Þegar Björn Bjarnason réð Ólaf Börk við Hæstarétt þótti mörgum illa farið með valdið. Er það ekki að sýna sig núna? Getum við treyst Hæstarétti héðan í frá...
Heiðrún Janusardóttir

Þegar við bændur komun saman úr réttum í dag voru fréttir ekki góðar. Kiddi sleggja rekinn úr nefndum. Íhaldið komið með meirihluta í Hæstarétti. Meðan kerlingarnar voru að hella upp á kaffið komumst við bændur að því, að nú væri komið að byltingunni. Íhaldið væri komið með bæði framkvæmdavaldið, dómsvaldið og meirihluta á þingi með hjálp Framsóknar. Viti menn kerlingarnar  komu með kaffið og í þetta sinn ...
Runki frá Snotru 

Nú erum við endanlega búin að fá það svart á hvítu hvernig lýðræðinu er fyrirkomið í Framsókn. Kristinn H. Gunnarsson, sem sýnt hefur sjálfstæðistilburði í fjölmiðlamáli og öðrum málum, er rekinn úr öllum nefndum þingsins þar sem hann hefir gegnt trúnaðarstörfum fyrir Framsóknarflokkinn. Ég tel að Kristinn hafi staðið nær kjósendum Framsóknar en...
Hafsteinn Orrason

1. ,,Ísland getur ekki lengur treyst á að Bandaríkin verji landið og verður því að snúa sér í auknum mæli til Evrópu til að tryggja öryggi landsins”. Getur þú rökstutt afstöðu þína til þessarar fullyrðingar?  2. Hverjir eiga að sjá um varnir Íslands...
Jón Sigurður Eyjólfsson

...Eigendum þessara samfélagslegu stoðkerfa, s.s. línulagna rafmagns, síma o.sv.frv. hefur aldrei verið gerð viðhlítandi grein fyrir í hverju hagur til frambúðar er fólginn í að láta slík einstök kerfi af hendi til einkaaðila og verða þar með háðir einokunaraðstöðu þeirra. Þetta hefur verið reynt vítt og breitt um heiminn á undanförnum árum, undantekningarlaust með þeim afleiðingum að verð til almennings hefur rokið upp! Það sem er merkilegast við ofanskráð svar fjármálaráðherra er einkum tvennt : Í fyrsta lagi telur hann skynsamlegt fyrir eigendurna, almenning að selja sameiginlegt fyrirtæki sem árum saman hefur skilað um 40% hagnaði fyrir afskriftir til að borga niður skuldir sem nú bera um eða innan við 1% ársvexti! Í öðru lagi er eins og fram kemur í svari hans, alls óvíst hvað tekur við eftir sölu Símans...
Ísmann  

Í Kastljósi í kvöld kvaðst Gunnar Birgisson, alþingismaður og formaður menntamálanefndar Alþingis, vera meðmæltur því að kennarar hefðu mjög góð laun og hann hefði ekki hitt nokkurn mann sem væri annarrar skoðunar en að bæta þyrfti laun kennara. Ég vona að ég sé ekki að leggja Gunnari röng orð í munn en svona skildi ég inntakið í því sem hann sagði. Þá vaknaði sú spurning í mínum huga...
Kennari

Það er ekki hvinur eins og í haustlaufi. Það er einkennilegur hvinur, harður og málmkenndur, ógnvekjandi. Hann er engu líkur og eins og af öðrum heimi. Svo ærist allt. Hversdagurinn breytist í helvíti af allt öðrum heimi. Vígamenn, karlar, konur, gamalmenni og börn. Þú rankar við þér með innyfli annars manns um hálsinn, ataður blóði, með vitin full af sandi og ryki og svo finnurðu fnykinn af sviðnu holdi, mannsholdi. Ef þú hefðir verið með kveikt á stuttbylgjuútvarpsviðtæki á fréttatíma íslensku ljósvakamiðlanna og ef þú skildir íslensku þá hefðirðu heyrt í nýbökuðum forsætisráðherra Íslands ...
Stefán

...Var Davíð ekki að minnast á viðtal sitt við “Colin” í fréttum í gær?  Hvað fór þeim á milli? Skildu þeir fyllilega hvor annan? Kann ekki að vera að einhverjir tungumálaörðuleikar hafi orðið til þess, að Colin Powell, utanríkisráðherra Bandaríkjanna, hafi virkilega trúað því að Davíð væri á hrakhólum og þyrfti á mórölskum stuðningi að halda...
Ísmann

Hann var hjartnæmur fréttatíminn í ríkissjónvarpinu í gær, 14. september. Hann hófst með langri umfjöllun um embættislok Davíðs Oddssonar. Allt var það í léttum tóni, hann var sáttur við sín störf, talaði svona eins og roskinn og reyndur stjórnmálamaður sem getur litið yfir farsælan feril, svolítill heilsubrestur, en hann gerir samt að gamni sínu, þetta gengur allt bara bærilega, þeir hafa jú lent í veikindum líka Halldór Ásgrímsson og Colin Powell, já, vel á minnst, Colin Powell. Þeir spjalla stundum saman í síma og það ....
Einar

Þegar hin hryllilegu fjöldamorð voru framin í Beslan í Rússlandi fyrir fáeinum dögum mótmælti heimurinn nánast einum rómi. Bush Bandaríkjaforseti notaði stór orð og utanríkisráðherra Íslands spurði hvort þessum mönnum væri ekkert heilagt. Almennnigur á Íslandi kveikti friðarljós sem loguðu í gluggum nóttina eftir að ódæðið var framið. Sjálfur var ég í þeim hópi. Ef menn gætu nú verið örlítið sjálfum sér samkvæmir í samúð með fórnarlömbum hernaðarofbeldis. Báðir ...
Hafsteinn Orrason

...NÚ ER SEMSAGT ENDANLEGA LJÓST HVER RÉÐI ÞVÍ AÐ SAMKOMULAG VIÐ ÖRYRKJA VAR EKKI EFNT OG EKKI STENDUR TIL AÐ GERA ÞAÐ !
Ætlar  Halldór Ásgrímsson að láta það verða eitt af fyrstu verkum sínum sem forsætisráðherra að lýsa því formlega yfir, að samkomulag Jóns Kristjánssonar við Öryrkjabandalagið hafi verið “kosningabrella”, sem ekki standi til að efna  að fullu ?...
 Ísmann

Ég vil þakka þér fyrir að rísa upp gegn því að efnalítill maður yrði borinn út úr húsnæði borgarinnar. Ég heyri hvernig menn eru farnir að hamast á þér fyrir vikið og er gefið í skyn að þú viljir misrétti í kerfinu!!! Mér þótti skýringin sem þú gefur á þessum málum í greininni um Félagsþjónustuna hér á síðunni, Okkur ber skylda til að veita aðhald, segja allt sem segja þarf í þessu máli. Ég vona að sem flestir ...
Sigrún.  

...Ætlar landslýður virkilega að láta þessa loddara komast upp með að selja eða gefa frá okkur allar mjólkurkýr þjóðarinnar en láta okkur skattborgara síðan sitja uppi með allt sem óarðbært er en þó félagslega nauðsynlegt eins og fjármögnun dreifikerfisins á strjálbýlum svæðum? Sjá menn ekki að þessi ríkisstjórn er ekki að þjóna hagsmunum þjóðarinnar heldur hagsmunum fjárgróðamanna sem geta ekki beðið eftir að ...
Sunna Sara

Ég held það nú elsku karlinn minn að þú hafir málað þig útí horn. Það er ekki eðlilegt að fólk borgi ekki húsaleigu þó það sé veikt. Það hefur sjúkrapening frá Tryggingastofnun sem á að vera nóg til að borga húsaleigu, sérstaklega þegar hún er ekki hærri en 15 þúsund á mánuði. Að viðkomandi aðili hafi ekki verið borinn út fyrir löngu er ...
Gunnar

... Síðan segir: “Samkvæmt nýrri skýrslu eftir læknisskoðun á ástandi “X”, áður en hann var borinn út, hefur krabbamein hans ekki látið á sér kræla frá 1999.”
Eru læknaskýrslur opnar blaðamönnum DV? Er ekki til eitthvað sem heitir siðanefnd blaðamanna ...
Runki frá Snotru

Í Kastljósþætti í gærkvöldi var rætt við fjármálaráðherra um kaup Símans á SkjáEinum. Í því sambandi er ærin ástæða til að spyrja hvar fjármálaráðherra hafi haldið sig undanfarna mánuði. Ekki verður þó farið nánar út í þá sálma að sinni. Undir lok þáttarins spurði Kristján, annar þáttarstjórnanda hvort ekki drægi að því að stimpilgjöld yrðu afnumin. Geir H. Haarde taldi að ...
Ísmann

Ég veit ekki hve margir hlustuðu á Eirík Jónsson, formann Kennarasambandsins, í útvarpi um daginn ræða kjarakröfur kennara. Grunnboðskapur hans var sá að varast að láta prósentur villa sér sýn. Hann tók dæmi af ofurlaunamanni annars vegar, gott ef það var ekki bæjajarstjórataxtinn eins og hann birtist í Frjálsri Verslun, og kennara hins vegar. Ég man ekki nákvæmlega tölurnar en röksemdafærslan var einhvern veginn á þessa leið...
Hafsteinn Orrason

...Runki, bíddu með að leita læknis. Með þessum kaupum er verið að gera fyrri þjófnað ennþá kræafari. Meira að segja hið varfærna og íhaldssama RÚV gat ekki orða bundist á fréttavef sínum. Þar segir “En þrátt fyrir að gengi Skjás eins hafi verið gott í þau fimm ár sem liðin eru frá að hann hóf útsendingar hefur ýmislegt gengið á því eins og fyrr sagði hefur verið tap á rekstrinum. Svo má ekki gleyma að eitthvað af þeim peningum ...
Doktor Watson

Hvað á ég að gera? Stundum kemur sú hugsun upp í huga minn hvort ég sé yfirleitt í lagi; hvort geti verið að ég sé haldinn skinvillu eða einfaldlega heimskur og/eða geðveikur.  Í fréttum áðan heyrði ég að Landssíminn, sem er í eigu ríkisins, hefði keypt sýningarrétt á enska fótboltanum fyrir Sýn. Ríkisútvarpið, sem einnig er í eigu ríkisins, bauð á móti Sýn en skorti fé. Þar sem dýrt er að leita læknis, sérstaklega sérfræðings og geðlyf dýr er mér mjög í mun að fá botn í það hvort það sé ég sem er veikur eða þjóðfélagið ....
Runki frá Snotru