Frá lesendum

Það er sú almenna og grímulausa mannfyrirlitning sem fram kemur í orðum ritstjóra Morgunblaðsins sem fékk mig til skilja við blaðið. Satt best að segja fór um mig hrollur þegar ég las pistil hans 17. júní. Ég geymi þetta síðasta Morgunblað sem ég kaupi. Ég geymi það til að minna mig á að stalínísk rétthugsun getur flutt inn á hvaða heimilisfang sem er og ég geymi það til að minna mig á að undir orðskrúði og kröfunni um ákveðið siðferði annarra lúrir stundum svipuð afstaða til almennings og ríkjandi var í fjarlægu landi fyrir miðja síðustu öld. Ég er hvorki heimsfræg né fyrrverandi forseti og hvorki ég né fjölskylda mín eru í þeim meirihluta sem Morgunblaðinu finnst að ekki geti gert kröfu um að sýnd sé virðing og tillitssemi í opinberri umræðu. Ég er núlifandi og...
Ólína

...og þar sem ég er gamall nemandi dr. Ólafs Ragnars í stjórnmálafræðunum, og kann því ýmislegt fyrir mér þó ég segi sjálf frá, vil ég minna á eitt mikilvægt atriði sem fræðimönnum og álitsgjöfum hefur yfirsést – og móðga þó vonandi engan - en það eru forsetakosningarnar árið 1952. Þær sýna í hnotskurn, og í sögulegu samhengi sem er auðvitað ómissandi sjónarhorn, hve glæsilegt endurkjör Ólafs er í raun og veru. Þannig var að árið 1952 slógust ...
Auður Sigurrós Arnardóttir

Ég er hjartanlega sammála Steingrími Ólafssyni í því sem fram kemur í prýðilegri grein hans hér á síðunni 24/6 undir fyrirsögninni Tvígengisvélin hikstar. Það er rétt hjá honum að póltitískur mótor þeirra Davíðs Oddssonar og Halldórs Ásgrímssonar hikstar heldur betur. Sennilega og vonandi er hann að bræða úr sér. Ég er líka sammála þér Ögmundur að vinstri menn eiga að semja við Samfylkingarkratana um myndun næstu ríkisstjórnar, jafnvel gera kosningabandalag einsog Steingrímur Ólafsson leggur til. En við megum ekki gera þetta ...
Sunna Sara

Var minnst á Kárahnjúkavirkjun fyrir kosningarnar vorið 1999? VG var stofnað 6. febrúar 1999. Man einhver sem tók þátt um hvað kosningabaráttan snerist  það árið? Var verið að kjósa um Kárahnjúkavirkjun? Mér vitanlega var hún ekki á dagskrá þá. Eftirfarandi fór á milli spyrjanda og Ólafs Ragnars Grímssonar í þættinum Ísland í dag á Stöð 2 21. júní ...
Pétur

Það er mér mikið undrunarefni sem fram kemur í pistli Þjóðólfs hér á síðunni þar sem hann segist ekki hafa frétt af framboði frú Auðar Bessadóttur til forsetaembættisins fyrr en í gær. Framboð sitt boðaði Auður á blaðamannafundi í Öskjuhlíðinni á sumardaginn fyrsta, 22. apríl s.l. Og einmitt þá var meðfylgjandi mynd tekin af frambjóðandanum og áströlskum maka hans. Beðist er velvirðingar á rauðum deplum í ...
Ingólfur

Svo lítið hefur farið fyrir forsetaframbjóðandanum Auði að ég hafði ekki hugmynd um framboð hennar fyrr en í morgun þegar ég renndi yfir skoðanakönnun Fréttablaðsins. Þar stimplar frú Auður sig inn með eftirminnilegum hætti og nýtur nú hvorki meira né minna en ...
Þjóðólfur

Hann sagðist með gjörningi sínum hafa viljað leyfa þjóðinni að “blessa” þessi lög  líkt og gjörðist í þjóðaratkvæðagreiðslunni um stofnun lýðveldis á Íslandi árið 1944. Hvaða merkingu leggur þú í þessi orð forsetans? Ég hélt satt að segja að hann hefði beitt synjunarvaldinu vegna þess að hann hefði talið lögin geta verið háskaleg lýðræðinu ...
Þuríður Ófeigsdóttir

Í dag fréttist að Jón Steinar Gunnlaugsson ætli að sækjast eftir því að komast að sem dómari í Hæstarétti. Það vakti sérstaka athygli undirritaðs að Jón skyldi láta hafa það eftir sér að hann gæti ekki ímyndað sér að það væri nokkrum manni á móti skapi að hann fengi að gerast hæstaréttardómari.
Að gefnu tilefni varð til þessi bláhenda:

Fæstir reiða refsivönd
og ranglætinu svara
þegar Davíðs hægri hönd
í Hæstarétt vill fara.

Kristján Hreinsson, skáld

Í sunnudagsmogga sitja forsetaframbjóðendur fyrir svörum. Þeir svara ágætlega fyrir sig, ekki síst Ólafur Ragnar. Vanur maður. Af hverju er núverandi forseti stoltastur frá átta ára forsetaferli sínum, spyr blaðamaður. Ólafur Ragnar Grímsson hefur upp mikla frásögn af því sem hann telur að vel hafi tekist til um. Hann hafi til dæmis stuðlað að framgangi íslenskra listamanna. Ágætt, prýðilegt. En í sömu setningu er upptalningunni haldið áfram, hann hafi...
Hafsteinn Orrason

Íslenskan hefur á ýmsum sviðum breyst svo hratt að hinir mætustu menn hafa lent í dómstólaveseni vegna rangrar hugtakanotkunar. Ekki fyrir svo mörgum árum var t.d. óspart talað um skattsvik og skattsvikara og var það hugtak notað um menn sem reyndu að skjóta sér undan að greiða þau gjöld til samfélagsins sem þeim bar. En nú heyra skattsvikin, sem ég er enn vel að merkja fastur í og nota í tíma og ótíma, sögunni til. Nú er talað um áætlaða “skattakvöð vegna hugsanlegra skattbreytinga” eins og segir til að mynda í Fréttablaðinu 12. júní s.l. En í fréttinni kemur skýrt fram að...
Þjóðólfur

Að gefnu tilefni:
Davíð masar, dýrkar auð,
drýldinn hrasar víða,
ómerkt þras og orðin dauð
ávallt fasið prýða.

Kristján Hreinsson, skáld

Kæri Ögmundur.
Rétt til gamans langar mig að benda á eftirfarandi dæmi sem sýnir hversu fáránleg hugmynd það er að krefjast meira en 50% þátttöku við atkvæðagreiðslur yfirleitt. Gerum ráð fyrir því að kjósa eigi milli tveggja ólíkra kosta sem ég vel að kalla A og B. Gerum ráð fyrir því að settar verði reglur um það að a.m.k. 75% kosningabærra manna verði að taka þátt í kosningunni til þess að niðurstaða hennar teljist gild.Gerum síðan ráð fyrir því að...
Sigmundur Guðmundsson, stærðfræðingur

Eina skýringin sem mér datt í hug hérna við eldhúsvaskinn var að hann gengi með. Gengi með ráðherra í maganum og væri jafnvel búinn að fá boð um að næla sér í einn svoleiðis á raðgreiðslum. Gæti það verið Ögmundur?...
Ólína  

Samkvæmt nýjum fréttum er fram komin tillaga, soðin saman af Birni Bjarnasyni og Guðna Ágústssyni, þar sem þeir mæla með að í atkvæðagreiðslu um fjölmiðlalögin yrði krafist 75% þátttöku kosningabærra manna. Ef þátttaka væri minni væri tillagan fallin. Ef þessi háttur væri á hafður þyrfti ekki einu sinni að telja atkvæðin ef 25.1% kjósenda skiluðu sér ekki á kjörstað. Málið væri úr sögunni vegna ónógrar þátttöku, jafnvel þó öll greidd atkvæði kosningabærra manna féllu á annan veginn. Ég er að velta fyrir mér hvort ...
Benedikt Sigurðsson.

Telur þú að eigi að mótmæla hryðjuverkum í Ísrael framin af Palestínumönnum af sama krafti og einurð eins og gert er við hernaðar aðgerðum Ísraela? Jafnvel að heimta að þingið sendi ályktun og fordæmi þær árásir á saklausa borgara sem framin eru í Ísrael. Eru ekki þeir saklausu borgarar...
Jóhannes Eiríksson

Utanríkisráðherra reynir nú að breyta almennum málskilningi Íslendinga með því að afneita því að íslenska liðsveitin í Afganistan sé hluti af hernámsliði þessa ósjálfráða landsvæðis í Asíu.Hann talar í þessu sambandi um Ísland,sem herlaust,hlutlaust land.þegar málið snýr að beinni þáttöku íslenskrar liðsveitar,sem skráð er til beinnar þáttöku í hernaðaraðgerðum NATO í Afganistan. Með...
Baldur

Ef marka má skoðanakönnun Baugstíðinda í dag hlýtur að vera hátíð í bæ á Bessastöðum. Samkvæmt könnuninni nýtur sitjandi forseti hvorki meira né minna en 66,3% fylgis meðal þjóðarinnar en mótframbjóðendur hans, sem alls endis óþarft er að kynna, eiga svo sannarlega á brattann að sækja. Til marks um firnasterka stöðu Herra Ólafs má t.a.m. geta þess að Vigdís Finnbogadóttir hlaut aðeins...
Runólfur Áki

Í framhaldi af þessari litlu leiðréttingu tek ég undir hamingjuóskir Runólfs til Herra Ólafs sem hefur aldeilis staðið sig í stykkinu í boltanum með Baugsurum, að ekki sé nú talað um meistarataktana á skíðunum með fræga fólkinu í Aspen eins og berlega má sjá á veraldarvefnum, nánar tilekið á aspensnowmass.com. Mér er orða vant að lýsa...
Þórólfur Þórðarson

Sæll Ögmundur
Ég las grein þína um landverðina áðan í Morgunblaðinu. Bendi þér á þetta frá 27/8 ´00 : <http://www.eldhorn.is/hjorleifur/naust/NAfr2k.htm> og það sem Ómar sagði í viðtali við DV 13/12 ´03 um gerð myndar sinnar (Á meðan land byggist) : Vertu þægur,Ómar. Ómar hefur reynt að fá styrki til gerðar myndarinnar en jafnan fengið þau svör að menn vilji ekki tengjast því máli. "Margur hefði sagt að ég hefði átt að reyna meira að fá ...
Pétur

Ágæti Ögmundur
Í Kastljósi sagði forsætisráðherrann eftirfarandi: Hér eru bæði blöðin og ljósvakamiðlarnir á einni hendi, og þetta þekkist hvergi. Hvaða hendi er það ?
Ég sé ekki betur en mikilvægustu fjölmiðlarnir á Íslandi séu í stafrófsröð
Fréttablaðið, Morgunblaðið, Ríkissjónvarpið, Ríkisútvarpið og Stöð 2. Ég get ekki séð að þeir séu á...
Sigmundur Guðmundsson

Nú eru okkar ástkæru stjórnvöld í óða önn að undirbúa þjóðaratkvæðagreiðsluna um fjölmiðlalögin. Ég vil aðeins minna á nauðsyn þess að koma upp sérstökum kjördeildum í fjölmennustu kirkjugörðum landsins. Það geri ég með sérstöku tilliti til óvenjufjörugrar þátttöku í hinni annáluðu undirskriftasöfnun þar sem skorað var á forseta landsins að synja lögunum staðfestingar. Látnir einstaklingar munu hafa komið þar talsvert við sögu og nýtt sér tölvutæknina rétt eins og við hin sem ...
Jón Bisness

Eigum við að trúa því að Halldór Ásgrímsson muni ekki eftir þessari grein mannsins sem var formaður þingflokks framsóknarmanna þegar utanríkisráðherra datt sjálfur inn á þing fyrir þrjátíu árum. Mannsins sem studdi Halldór þegar hann steig fyrstu skrefin á Alþingi? Eigum við að trúa því að hann muni ekki eftir röksemdum Stefáns Valgeirssonar í bráðabirgðalagamálinu á sínum tíma? Eigum við að trúa því að sá maður sem Framsóknarflokkurinn kaus til að halda fram arfleifð þeirra Jónasar, Hermanns, Eysteins, Ólafs, og  Steingríms þekki ekki þann þráð í sögu flokksins sem Þórarinn Þórarinsson spinnur í greininni sem hér er ...
Ólína

Áfram heldur umræðan og Davíð og Dóri hafa báðir tengt Ólaf Ragnar við Baugsveldið.

Davíð og Dóri þeir góla:
,,Á djöfla hjá Bónus má stóla,
þar illskan er mest,
og auðvitað sést
í merkinu myndin af Óla."

Kristján Hreinsson, skáld

Svo gjörsamlega hefur Morgunblaðið tapað áttum í skrifum sínum að því verður helst líkt við texta mannsins sem skrifaði lokaritgerðina í lagadeildinni á Corolla ritvél með boxhönskum. Þyrftu nú ekki ritstjórar Morgunblaðsins og hinn betur gerði hluti eigendahópsins að velta fyrir sér hvort eitthvað samband kynni að vera milli þess flokkspólitíska kúrs sem Morgunblaðið tók fyrir þremur árum og velgengni Fréttablaðsins á blaðamarkaðnum? Hvort flokkspólitískur kúrs Morgunblaðsins kynni e.t.v. að eiga...
Ólína

Nú er þetta ekki lengur spurning um hægri og vinstri heldur um það hvort menn vilja lýðræði eða forræðishyggju, sem hér áður fyrr var kölluð fasismi. Um þetta kemur þjóðaratkvæðagreiðslan til með að fjalla. Yfirlýsingar Davíðs Oddssonar í Kastljósi í kvöld eru dapurlegar fyrir alla þá sem vilja þeim manni vel.
Sunna Sara

Forsætisráðherra þjóðarinnar kom fram í Kastljósi í köld. Hann tifaði á því að forsetinn væri að fara fram gegn þinginu. Ekki hvarflaði að honum að forsetinn væri að fara fram með þjóðinni. Ólafur Ragnar er aukaatriði í þessu máli. Lykilhlutverki gegnir þjóðin og lýðræðið. Gegn hvoru tveggja, lýðræðinu og þjóðinni gengur forsætisráðherrann. Hvílík lágkúra. En nú eru þeir búnir að ræða saman Davíð og Halldór. Þeir eru sammála segir ...
Hafsteinn Orrason  

Ég endurtek áskorun mína um að menn taki málefnalega á þessu máli og láti ekki berast hugsunarlaust með straumnum.
Nú verða vinstri menn að svara, er ef til vill best að styðja frumvarpið eða viljum við ekkert frumvarp? Svarið þykir mér ...
Rúnar Sveinbjörnsson