Frá lesendum

...Ég bæti því svo við að ég er þeirrar skoðunar að það sé ekki nóg að Samfylkingin og Vinstri-grænir vinni saman, heldur vil ég að flokkarnir sameinist. Össur er heiðarlegur jafnaðarmaður á nokkuð góðu pólitísku róli og við róttækir menn í og utan vinstri flokka getum sannarlega unnið með honum. En frjálshyggjuhugmyndir eins og þær sem Ingibjörg S. Gísladóttir er að boða koma algerlega í veg fyrir möguleika á samvinnu á vinstri vængnum...
Magnús Trausti.

Þú ert svo upptekinn af þingflokksformanni Sjálfstæðisflokksins, Einari K. Guðfinnssyni, að þér yfirsjást menn sem þurfa á enn meiri uppfræðslu að halda en jafnvel Einar K. og er þá mikið sagt. Hér er að sjálfsögðu átt við vesalings litlu Framsókn og þá sem ganga á hennar vegum; Framsókn, sem er að burðast við að koma sér upp málgagni, sem hún, í þrá eftir fornri frægð, kallar Tímann. Leiðarahöfundur Tímans, sem lengi vel lét ekki nafns síns getið en hefur nú sett undir leiðara sinn stafina PG, leyfir sér að halda því fram, eins og Einar okkar K. Guðfinnsson, að þú hafir valið sprengjutilræðið í Kabúl " til þess að hreyta ónotum í íslensku friðargæsluna..." í Kabúl.
Ég hef fylgst með...
Sunna Sara

Heyði ég rétt á Ísland í bítið í morgun að hvert starf á Austurlandi sem verður til í framhaldi af Kárahnjúkvirkjun kosti um 300 miljónir...?
Michael Jón Clarke

Reynslan er til þess að draga lærdóm af. Er því sammála sveitunga mínum, Hafnfirðingnum, Sáfa varðandi rangar áherslur Samfylkingarinnar í skólamálum. "Framtíðarsýn" er auðvitað öfugmæli. Reynsla segir okkur það með skýrum hætti að þessi stefna er í bókstaflegum skilningi gjaldþrota. Lítil framtíð í því og því betra að líta í smiðjur manna eins og t.d. Olof Palme, fremur en að sækja í úrelta einkvæðingarstefnu til Bretlands...
Árni Guðmundsson

Í grein á heimasíðu þinni segir Árni Þór Sigurðsson borgarfulltrúi VG að sveitarstjórnarmenn hafi “legið undir nokkru ámæli fyrir athafnaleysi, jafnvel sinnuleysi um velferð þeirra 45 þúsund grunnskólabarna sem enga kennslu fá – og hafa ekki fengið á fimmtu viku.” Ennfremur segir hann að á spjallsíðu vinstri grænna hafi “heyrst hljóð úr horni”, m.a. í sinn garð og annarra sveitarstjórnarmanna úr röðum VG. Og Árna finnst hljóð úr horni eðlilegt “því fimm vikna verkfall allra grunnskólakennara í landinu er grafalvarlegt mál og því von að...
Kveðja, Örnólfur   

Sem Samfylkingarmaður og gaflari tek ég heilshugar undir varnaðarorð þín varðandi ýmsar hugmyndir framtíðarnefndar Samfylkingarinnar, einkum það sem snýr að einkaframkvæmdarhugmyndum í heilbrigðis- og menntakerfi.
Sáfi

Telur þú að Íslendingar ættu að segja upp varnarsamningnum við USA og leita eftir samvinnu við Evrópuríkin í varnarmálum?...
Jón Sigurður Eyjólfsson

...En nóg um það og aftur að grein Hjörleifs Guttormssonar. Hann minnir á fögur fyrirheit og göfug markmið sem birtust í yfirlýstri stefnu launanefndar sveitarfélaganna frá árinu 2000. Þar vantar sko hvorki fagurgalann né orðaflauminn, enda vanir menn á ferð. Launastefna launanefndarinnar skyldi laða...
Ingólfur

Er ekki allt of lítið af því að Vinstri-grænir setji upp heimasíður að mínu áliti eru netföng/heimasíður vinstri grænna allt of lítið auglýst. Með von um virkan framgang Vinstri-Grænna....
Jóhann

...Nei, Ögmundur, ég held þú ættir að hætta meðalmennsku- og aumingjadýrkuninni og viðurkenna þá staðreynd að það eru fyrst og síðast öflugir einstaklingar, hinir fáu guðs útvöldu leiðtogar, sem skipta sköpum í framvindu samfélagsins. Það eru þeir sem toga framtakslausan almenninginn með sér áfram veginn – með góðu eða illu – og ætíð til betra lífs. Og á meðal þessara ofureinstaklinga er Ingibjörg Sólrún Gísladóttir. Og af hverju í ósköpunum má hún ekki gangast við því?
Jón Jónsson krati, Ísafirði

...Ég segi einsog Lóa lesandi að það fór um mig ónotahrollur þegar ég horfði á Ingibjörgu Sólrúnu þenja sig í Silfri Egils. Jú, hún komst ekki hjá því að gefa Össuri Skarphéðinssyni þá einkunn að hann væri góður foringi, sem mér finnst hann í vaxandi mæli vera. En, hún þurfti að tvítaka að Samfylkingin væri sterkur flokkur af því þar væru tveir öflugir foringjar, hún og Össur. Orðrétt sagði hún: "...öflugir leiðtogar einsog ég..." Össur er að verða...
E. Equus

Í Silfri Egils í dag sat Ingibjörg Sólrún Gísladótir fyrir svörum á meðal annarra. Oft hef ég verið ánægð með ISG en sannast sagna sökk ég niður í sætið eftir því sem leið á viðtalið. Barátta vinstri manna hélt ég að gengi út að að lemja niður foringjadýrkun og oflátungshátt. Þegar Ingibjörg Sólrún sagði að Samfylkingin hefði sterka leiðtoga, Össur værui öflugur og hún sjálf aldeilis frábær, "ég er öflugur leiðtogi", þá var mér allri lokið. Ögmundur er ég ein um þetta viðhorf....?
Lóa

Hjartanlega er ég sammála Garra í lesendabréfi hér á síðunni um að láta fara fram "þjóðarblómsatkvæðagreiðslu" um þjóðsönginn. Atkvæðagreiðslan um þjóðarblómið er frábær hugmynd og skal ég glöð una hverjum þeim úrslitum sem meirihlutinn skilar okkur. Þetta er ágæt æfing í lýðræðinu. Mjög margir vilja breyta um þjóðsöng, finnst þjóðsöngurinn of trúarlegur. Þannig spyr Garri þig í lesendabréfinu Ögmundur: "Ert þú á þeirri skoðun að það ætti að skipta um þjóðsöng eða ekki? Samrýmist það trúfrelsisákvæðum stjórnarskrárinnar að hafa svona trúarlegan söng og er þetta ekki nokkuð langt frá sósíalískri jafnréttishugsun, þetta yfirstéttarkjaftæði úr honum Matthíasi gamla...
Sunna Sara 

...Mér finnst kominn tími til að R-listafólkið í borgarstjórn Reykjavíkur hysji nú rækilega upp um sig brækurnar. Væri þá vænlegt að hefja upphysjunarstarfið á því að bjóða kennurum möglunarlaust upp á mannsæmandi kjör. Ástandið eins og það er í dag er orðið óþolandi fyrir nemendur, aðstandendur þeirra, sem og auðvitað kennara. Og ábyrgðin á þeim skemmdarverkum sem nú er verið að vinna á skólastarfinu í landinu verður ekki með neinum sanngjörnum hætti skrifuð á aðra en sveitarstjórnarmenn. Þá staðreynd ættu R-listamenn að íhuga vandlega áður en ...
Þjóðólfur

Undirritaðan, Garra, hefur lengi langað til að vita afstöðu þina Ögmundur til íslenska þjóðsöngsins. Ert þú á þeirri skoðun að það ætti að skipta um þjóðsöng eða ekki? Samrýmist það trúfrelsisákvæðum stjórnarskrárinnar að hafa svona trúarlegan söng og er þetta ekki nokkuð langt frá sósíalískri jafnréttishugsun, þetta yfirstéttarkjaftæði úr honum Matthíasi gamla svo ágætur sem hann var? Hvað með að hafa svona þjóðarblóms könnun um nýjan þjóðsöng og þá meina ég bæði ...
Garri

Sæll Ögmundur og þakka svarið.
Það sem liggur í báðum spurningum mínum er þetta tvennt, hvernig tryggjum við börnunum lögbundinn rétt til kennslu eða menntunar og hvernig tryggjum við að efnahagslegar afleiðingar verkfallsins bitni ekki á foreldrum sem eru illa staddir peningalega, sem geta ekki fengið að vinna heima og sem neyðast til að greiða verulegar upphæðir fyrir gæslu barna á meðan þau fá ekki kennslu í skólunum. Sé verkfallið launadeila þá hlýt ég að gera ráð fyrir að verkfallið hafi þau áhrif að sveitarfélagið sjái sér hag í að...Leiði verkfallið til þess að foreldrar verða opnari fyrir skólagjöldum hvað væri þá athugavert við að til dæmis Íslandsbanki ræki sérstakan grunnskóla, yfirborgaði kennara með skólagjöldum foreldra og eigin framlagi til menntunar barna starfsmanna sinna...
Ólína

... Og hér spyr ég um áhrif ungu konunnar sem er eftirlætisleikfang glanstímaritanna en hún hefur nákvæmlega ekkert fram að færa í þessari deilu. Konan er titluð menntamálaráðherra. Hún hefur það hlutverk að ...Að lokum tvær spurningar Ögmundur í ljósi þess sem sagt er hér að ofan: Finnst þér rétt að kennarar hafi verkfallsrétt sem byggist á að börnin eru tekin sem gíslar? Finnst þér koma til greina að sveitarfélögin styrki skólarekstur á vegum foreldra eða fyrirtækja sem tækju að sér að ...
Ólína

Hvenær byrjar baráttan fyrir því að allar lífeyrisgreiðslur fari inn á bankabók viðkomandi einstaklings...?
Jón Gústafsson

Hvað er eiginlega að gerast hjá Reykjavíkurborg? Í myrkri fortíð voru lögbrjótar hengdir öðum til viðvörunar. Nú er að verða daglegt brauð í borginni að fátækt fólk sé borið út úr íbúðarhúsnæði með lögregluvaldi, sbr. frétt DV í gær; og gleymum ekki að fólkið er borið út úr félagslegu íbúðarhúsnæði í eigu borgarinna! Er þetta gert fátæku vanskilafólki til viðvörunar? Er þetta ef til vill ný innheimtuaðferð hjá Reykjavíkurborg? Þegar öryrkinn var borinn út fyrir stuttu síðan ...
Hafsteinn Orrason

Það vakti athygli mína að forseti Íslands skyldi á hátíðarstundu velja sér þemað að mæra forystumenn stjórnarflokkanna. Mér fannst óviðeigandi að gera þá að einhverjum sérstökum þjóðlegum minjagripum á hátíðarstundu Alþingis. Það hefði farið betur á að gera þetta á árshátíð stjórnarráðsins, eða í einu af lokuðu partíunum sem haldin eru í Bessastaðahreppi. Það eru nefnilega að minnsta kosti tvær hliðar á þeim gljáfægða gullpeningi sem forseti dró úr pússi sínu í ávarpi sínu til þjóðarinnar 1. október 2004. Víst hefur samfélagið breyst og vissulega ...
Stefán

...Það hefði staðið Halldóri nær, þingræðissinnanum sem hann þykist vera, að fjalla um gloppuna í þingskaparlögunum sem fram er komin með því að Kristinn H. Gunnarsson er sviptur stórum hluta löggjafarvaldsins sem kjósendur hans færðu honum. Fautaskapurinn ætti að verða til þess að þingskaparlögum verður breytt í snarheitum. Hvernig stóð á því Ögmundur að ykkur stjórnarandstæðingum datt ekki í hug sem alþingismönnum að tryggja þingmanninum réttinn sem hann, og kjósendur hans, hafa samkvæmt stjórnarskrá og kosningalögum? Þetta hefðuð þið átt að gera að meginmáli útgöngunnar í gær, en láta drullukökubakstur Halldórs sem vind um eyrun þjóta...
Ólína