Fara í efni

SAMHENT Á NÝJU ÁRI

SAMHENT Á NÝJU ÁRI

Já nú byrjar allt ballið víst
hjá Bjarna, Sigga og Kötu
Um samruna ég heyrði tíst
enda samhent á ríkis jötu.

Æ ráðherra ansi illa fór
undir mikilli pressu
þegar flónið Willum Þór
féll á Þorláksmessu.

,,Vont á til að versna‘‘

Ekkert líst mér árið á
Ómíkron alsráðandi
fjöldi er hér vinnu frá
og móralskur vandi

nú alla daga bænir bið
að batni leiður andi
og við fáum loksins frið
í ástkæru föðurlandi.

DRAUMUR EÐA MARTRÖÐ?

Já heilbrigðisráðherrann hafði draum
hér landsmenn ættu að gefa því gaum
þá vildi í flýti
opna spilavíti
í Öskjuhlíðinni með gleði og glaum.

Vinnu sóttkví varði Drífa
Vandræðum bægði frá
Við þrælahaldi vildi hlífa
Veikindaréttinn fólkið á.

,Er húmorinn á niðurleið?‘‘

Lífsins vandi leitar á
Líka áramótasjóvið
Líta undan þurfti þá
Lítið annað en kófið.

,,ÁRIÐ 2022‘‘

Árið byrjar hér ekki blítt
bætir þó í vandann
Kóf og kreppa uppá nýtt
kvelja mun landann.

Höf. Pétur Hraunfjörð.