ÞEGAR MAFÍU-GRÁTT VERÐUR MAFÍU-SVART

Í mafíu hlæja þeir margir dátt,
magnað þvættið keyra.
Það sem var einungis öskugrátt,
alltaf dökknar meira.

Samherjar tala saman

Komdu blessaður kæri vin,
Kristján hérna megin.
Þeir berja núna í berglögin,
brúka sama fleyginn.

Mældu útþensluhraða alheimsins“

 Útþensla er á Alþingi mest,
alls konar sjálftöku vilja.
Þjóðina hundsa þykir best,
þvætti og spillingu dylja.

„Andleg kolefnisjöfnun“

 Svo varasamur er vegurinn háli,
vindur í sterkum rokum.
Ef ætlar að bölva í bundnu máli,
biddu þá vel að lokum.

Hvað er í fréttum?

Alþingi situr í öskustó,
andar til fólksins köldu.
Mafían vegur í Mexíkó,
magnar þar glæpaöldu.

Sjálftaka í formi samninga

Þú stingur í vasann og stelur nett,
með starfslokasamningi feitum.
Græðgin er vandlega gróðursett,
í görðum og spillingarreitum.

Kári

 

 

 

 

 

 

Fréttabréf