AÐ HRUNI KOMINN Mars 2019

Ég er þér sammála um Láglauna-Ísland. Kapítalistunum bregður í brún þegar þeir eru neyddir til að horfast í augu við það samfélag sem þeir hafa skapað!
Jóhannes Gr. Jónsson 

Þreföld launin heimta þar
Það er í takt við stritið.
Braggamálið jú brösótt var
og bæta á fjármálavitið.
...
Höf. Pétur Hraunfjörð.

Í Morgunblaðsgrein 30. Mars spyrð þú: "hvers konar þjóðfélag íslenskir kapítalistar hafa verið að þróa hér með offorsi, tilætlunarsemi, frekju og takmarkalausri græðgi" Nú hefur þú verið í forsvari fyrir launasamtök sem hafa gert skýlausa kröfu um menntun verði metin til verðleika, að prófgráða stýri launataxta en eiginlegur afrakstur komi hvergi nærri. Hvernig samrýmist krafan um hækkun ...
Arnar Sigurðsson

Ég legg til að Alþingi drífi sig í páskafrí og að því loknu strax í sumarfrí. Þá verður stutt til jóla. Í seinni tíð er ég aldrei í rónni þegar þingið er að störfum. Nú er okkur hótað með einkavæðingu raforkunnar og hugsjónafólkið í Viðreisn vill vín í búðir. Það er þeirra framlag þegar verkföll eru að skella á og flugið að fara á hausinn, Ákavíti í Bónus.
Við ykkur öll vil ég segja að þið eruð ...
Jóel A.

Þriðji Orkupakkinn er framhald á Orkupökkum eitt og tvö. Alltaf gengið lengra í markaðsvæðingarátt. Orkupakki fjögur er tilbúinn. Og það sem verið er að markaðsvæða eru orklindir og virkjanir. Á eftir markaðsvæðingu kemur einkavæðing. Þórdís orkumálaráherra hefur staðfest opinberlega að sjálfsögðu snúist þetta bara um markaðsvæðingu orkuauðlindarinnar og þá kemur að minni spurningu: Ætlar VG að samþykkja þetta? Hvers vegna segir enginn VG þingmaður neitt eða ...
Kjósandi VG í tuttugu ár!

Ef vinstri græn það vissu 
að varast á fúafen fen
En greyin gerðu þá skissu
að treysta Bjarna Ben.

Vinstri græn verða nú
verkalýð að sinna.
Eða frú Katrín kveðji bú
og þéni aðeins minna.
...
Höf. Pétur Hraunfjörð

Dómstólasýslan er orðin dýr
og dvínandi fara gæðin
þar eftir tekjan er heldur rýr
en blómleg klíkufræðin.
Höf. Pétur Hraunfjörð

Andersen er farin frá
fréttirnar eru réttar
landanum ei lítið brá
og andar léttar.
Höf. Pétur Hraunfjörð

Tjónið vildu frekar fá
en færa upp launin
þrælahald er sárt að sjá
svívirðileg er raunin.
... 
Höf. Pétur Hraunfjörð

Þjófar Landsnet þiggja senn,
þjóðin étur hratið.
Gróðann hirða glæframenn,
gefa skít í tapið.
Kári

Hvar skyldi SA telja að mörkin liggi þegar kemur að því að skerða kjör fólks? SA hefur nú lagt til launa- og lífeyrisskerðingar og er þar með að reyna að fara með okkur út á mjög vafasamar brautir. Stjórnvöld vilja að hægt sé að skipa fólki hjá hinu opinbera að gera það sem forstjórarnir ákveða hverju sinni og nú vill atvinnurekendavaldið toppa það með því að láta fólkið í ofanálag sæta skerðingum á umsömdum réttindum.
Nei takk!
Sunna Sara

Það skýtur nokkuð skökku við,
ef skoðum málin brýn.
Að auka vill hún aðgengið,
og elskar brennivín. 

Lýðheilsan er læknum kunn,
líkar sumum miður.
Á Alþingi menn opna brunn,
en aðrir falla niður.
Kári

Ég er sammála þér Ögmundur að raunveruleg hætta er á því að forræðishyggja taki hér yfir. Kapítalisminn ræður nú yfir ríkisvaldinu, það er algerlega augljóst mál. Allt er nú leyfilegt ef aðeins megi það verða til að bjarga kapítalismanum. Frá forræðishyggju er ekki stórt skref yfir í fasisma. Verum á varðbergi. 
Jóhannes Gr. Jónsson

Svikabæturnar þeir sækjast í 
létta sárt kreppunnar dirindí
útgjöld spara
misnota bara
hér atvinnuleysisbætur á því.

Kapítalisminn fékk á kaunin
kominn á ríkiskassann
Nú láta þeir ríkið borga launin
og lyfta undir trassann.
...
Höf. Pétur Hraunfjörð.

Kapítalisminn er kominn á bakkann
kannski þeir detti niður í slakkann
um eymdina gapa
og alveg sér tapa 
auðvitað hysjum við uppum rakkann. 
Höf. Pétur Hraunfjörð.

Gaman er að finna fyrir samstöðu Íslendinga í baráttunni við kórónaveiruna. Heilbrigðisyfirvöldum og almannavörnum er mætt á jákvæðan hátt og farið að þeirra ábendingum. Einhver meiningarmunur kemur öðru hvoru fram innan heilbrigðiskerfisns og er það traustvekjandi. Umræðulaus hlýðni er aldrei góð og meiningarmunur málefnalega fram settur er ekkert annað en jákvæður.
Haffi

Ég vil þakka Grími sem skrifar í dálkinn “frjálsir pennar” fyrir að hreyfa Vaðlaheiðarmáli. Ég hef saknað þess að fjölmiðlar færu í saumana á því máli. “Orsök VHG-19 kreppunnar eru gamlir misreikningar. Sérfróðir búast við að þá gjaldfallnar, enn vaxandi skuldir VHG hf við ríkið gætu orðið 19 milljarðar 2021.” Þetta skrifar Grímur. Eru þessir 19 milljarðar ekki helmingi meira en lagt var upp með? Væri hægt að ...

Jóel A.

Ef kvótann ég ætti
ég ýmisleg mætti
Ég hokri þá hætti
ég hamingju bætti.
...
Höf. Pétur Hraunfjörð

Margir hæddust að Ingu Sæland, alþingiskonu, þegar hún vildi loka landinu og helst smala öllum aðkomumönnum til landsins í sóttkví, eins konar fangabúðir. Á Aþlingi ver hlegið að Ingu og hún var síðan fengin sérstaklega í Kastljós  svo þjóðin fengi líka að hlæja. Svo lokaði Trump Bandaríkjunum, síðan var Danmörku lokað og Noregi og svo Evrópusambandinu. Á Ítalíu fór fólk að deyja í hundraðavís á dag… Nú er ekki lengur hlegið að Ingu Sæland. Ef fer fram sem horfir ...
Sunna Sara

Í sóttkví og sídrykkju detta
sem leiðindin vonandi létta
vinna nú heima
láta sig dreyma
og duglega þar í sig skvetta.
...
Höf. Pétur Hraunfjörð.