Fara í efni

MEIN-STREYMINGAR

Hvað varð um fjórða valdið? Megin hugsanastraumur fólks í heiminum óskar friðar og vonar að með því að ljúka hörmungunum í Mið-Austurlöndum takist undir forystu BRICS hópsins að binda enda á stríð „Fyrsta heims“ gegn „Öðrum og Þriðja heiminum“ og um að leið ljúki 500 hundruð ára sögu nýlendustefnu og hins fáránlega kapitalisma. Amen. Fullyrðinguna er hægt að sannreyna með því að prófa að nota netið og finna frjálsa fjölmiðla í stað CNN, BBC eða annara ófrjálsra „meginstrauma“, á ensku, „mainstream“ fjölmiðla. Það tekur á tárakirtlana að upplifa endalausa heimsku fréttamanna RÚV (ekki vil ég gera þeim upp illsku en kannski hugleysi) varðandi fréttaflutning til okkar um heimsmálin. Meinstreymissótt er hægt að lækna með því að vera heiðarleg, með opin huga og leysa kannski eina krossgátu á ári. Ekki má þó rugla meinstreymung við venjulegan einseyring sem ekki skilur hvurs vegna guð gaf okkur tvö eyru en einn munn. Það ætti að vera lágmark að RÚV hlusti á báðar hliðar og tali svo. Að lokum er hér tillaga um að þjóðin safni fyrir rútuferð handa fréttamönnum RÚV til Líbýu, Afganistan, Jemen, Sýrlands auk annara landa þar sem þeir hafa hjálpað til við að koma á hörmungum með heimsku og hugleysi sínu og eftir svona tveggja ára ferðalag, ef við getum verið svo lengi án þeirra, að þá gætu þeir lent á ströndum Venesúela og sagt fólki þar frá dásemdum ferðalagsins. Sigurþór S.