AÐ HRUNI KOMINN Október 2015

... En mjög líklegt er að tiltölulega fáir upphaflegir aðilar séu enn í hópi kröfuhafa heldur hafi kröfurnar gengið kaupum og sölum í braskheiminum. Við sem áttum hlutbréf í bönkunum höfum ekki fengið krónu út úr þessu. Hlutaféð upphafleg keypt fyrir sparnað var sett niður í ekkert neitt. Engar tilhliðranir höfum við fengið sem töpuðum okkar sparnaði í hendur hrægammanna. Mætti koma á móts við okkur sjái Fjármálaráðuneytið aumur á braskaralýðnum sem nú vill fórna bankadrottningunni?
Guðjón Jensson

Fótgönguliðar frjálshyggju-hersins
fjármagnaðir af hulduher Kersins.
Þar mitt er mitt
og þitt er mitt
og rændu gjaldi v/Geysis-hversins.                             
Pétur Hraunfjörð

...  þakka þér fyrir að mótmæla því að verkfall okkar snúist um aðferðafræði við samninga en ekki kjör eins og fjármálaráðherrann viðist halda Enginn leikur sér að því að fara í verkfall. Það þýðir tekjumissi og ómæld leiðindi. Við förum í verkfall til að knýja á um betri kjör og réttlátari tekjuskiptingu. Þetta verður fjármálaráðherrann og ríkisstjórnin að skilja - og því fyrr þeim mun betra.
Sjúkraliði í verkfalli

Mér finnst hægt ganga að koma okkur Íslendingum út úr Nato árásarbandalaginu. Sendi hér áhugaverðar slóðir sem er þess virði að dreifa víða...  
Birgir Rúnar Sæmundsson

Íslenskt fjölmiðlafólk sem étur upp NATÓ áróðurinn gegn Kúrdum, hefur ekkert sér til málsbóta þrátt fyrir slíkt velviljatal á þessari heimasíðu! Að bera á borð í íslenskum fjölmiðlum áróður tyrknesku stjórnarinnar um að líklegir tilræðismenn í Ankara hafi verið úr röðum Kúrda, er tilræði við heilbrigða skynsemi. Þar er ég þessari heimasíðu sammála!!!
Haffi

Nærri var ég fallinn frá
fyrir skemmstu.
En tilveran nú tifar grá
ótrufluð af flestu.

Pétur Hraunfjörð

Kátt er nú á Kvíabryggju
kaldrifjaðir ei gera grin.
Með matnum hafa í hyggju
að heimta gott Rauðvín.
Pétur Hraunfjörð

Ég hlustaði á umræðuna um ÁTVR á Alþingi á fimmtudag. Ég tek undir með Joel A. í lesendabréfi hér á síðunni, að það kom á óvart hvernig Píratar stilla dæminu upp fyrst og fremst út frá verslunarfresli og þar með verlsunarhagsmunum! Svo finnst mér að eigi að sýna Heiðu Helgadóttur frá Bjartri framtíð þá virðingu að ræða hugmynd hennar um að Ríkið fari að selja dóp náist ekki að leggja ÁTVR niður!
Sunna Sara  

Nú almannaþjónustu athafnamanna
vill almenningur ótvírætt kanna
frá mjöltum víkið
og gera út á Ríkið
óheilla græðgina ættum að banna.                              
Pétur Hraunfjörð

Vínbúðir í Svíþjóð hafa fengið viðurkenningu þriðja árið í röð fyrir að vera besta þjónustufyrirtæki landsins.
http://press.systembolaget.se/systembolaget-sveriges-basta-serviceforetag-alla-kategorier/
Það þarf ekki að einkavæða til veita góða þjónustu ... 
Magnús Guðmundsson

Sigmundur Davíð sagði þetta
að sinn flokkur biði í dans
Spillingu mundi líka af létta
og líflegri yrðu áhrif hans.
...
Höf. Pétur Hraunfjörð.

Áslaug í þyrlu þeyttist um landið
misnotaði þá almannafé
Enn sýnir nú flótta-fólkinu valdið
fádæma hroka þarna sé.

Tíminn líður tæplega hratt
í tímabundinni veiru
Valdið gæti því marga glatt
með góðvilja og fleiru.
...
Höf. Pétur Hraunfjörð.

Alþingisspillingin umfangsmest,
allmargir stíga ekki í vitið.
Í Laxánni virkaði lýðræðið best,
lausnin var dýnamitið.

Með almannasjóðina ætla að valsa,
auðlindum stolið og rænt.
Erlendis ræturnar uppruna falsa,
með íslenskri vottun um grænt.
...
Kári

Þú pælir sem aðrir Ögmundur í pestaróféti, m.a hvernig það virkar á stjórnmál. Eitt gróft dæmi um misnotkun er verksmiðjan á Bakka sem okkur er sagt án athugasemda fjjölmiðlafólks að hafi lent í ógöngum vegna Covid. Þetta eru helber ósannindi. Þess vegna fagna ég skrifum Gríms hér á síðunni um staðreyndir þessa máls. Svo vill til að ég þekki þetta nokkuð og tek ég heilshugar undir með Grími: Sleitulausar ófarir i rekstri kísilvers á Bakka hófust um mitt ár 2018, frá byrjun. Ekki batnaði rekstur 2019, tapið þá 7.3 milljarðar. Ömurlegur var gangurinn, 2020 byrjaði mjög illa. Líklega var tap á tveggja ára rekstri orðinn 14 ma þegar glóruleysið leiddi til stöðvunar á rekstri við lok júlí sl. Engin búbót er sýnd í kortum. Krísan algjör. Vegna þessa tekur yfirklór við en mest þöggun um málavexti. Grófasta ranghermið til yfirklórs er ...
Jóhannes Gr. Jónsson

Bítur oft í annars bök
eða ber út þvaður
Þorsteinn hefur á því tök
enda auðmaður. 

Við lygina ´ann laginn er
ef leitar til varna
Maðurinn þar mikið fer
ég meina Bjarna.
...
Höf. Pétur Hraunfjörð.

Mosi spyr hvað eigi að kalla stjórnmálafólk sem brýtur reglur sem það setur öðrum, lætur hagsmunaaðila bjóða sér í dekurferðir og síðan þyrlu Landhelgisgæslunnar snatta með sig fram og til baka á ráðherrafundi. Þau sem ekki eru í þyrlunum eða í dekurferðunum kóa með í þögn. Mosi klykkir út með því að spyrja hvort vanti beinin í þetta fólk. Þar með hefur hann svarað spurningu sinni. Að sjálfsögðu eru þetta pólitísk lindýr. 
Sunna Sara

Þyrla Landhelgisgæslunnar flytur dómsmálaráðherra, sem er í hestaferð á Suðurlandi, til Reykjavíkur og aftur tilbaka. Landhelgisgæslan segir þetta hafi verið í leiðinni og þá væntanlega bæði fram og til baka. Þetta eru augljós ósannindi og er óneitanlega óþægilegt þegar kerfið er tilbúið að segja ósatt beint upp í opið geðið á okkur. Stutt er síðan ferðamálaráðherrann fór í dekurferð á vegum hótelkeðju, sem er siðlaust, og braut auk þess reglur sem hún var nýbúin að setja öðrum af því að það var svo gaman að hitta vinkonurnar og dómsmálaráðherrann segir okkur hve verðmætt það sé fyrir sig að komast á hestbak og í sól. Ríkisstjórnin kóar síðan með. Hvað á að kalla þetta? Vantar beinin í ...
Mosi

EKKI reyndist feigðarflan
fínleg kynning Tótu
væna budda
Vincent Tan
vælir ekki úr gjótu.
...
Grímur.

Sammála er ég Jóel A. hér á síðunni hjá þér Ögmundur minn um það hvernig fréttamiðlar okkar virðist líta á það sem hlutverk sitt að sefa þjóðina og svæfa og drepa öllu á dreif sem máli skiptir. Í samanburði við stóru pólitísku málin þá sé kossaflangs ferðamálaráðherra með vinkvennum smávægilegt þótt brjóti gegn því sem predikað er. En eftir því sem ég hugsa málið þá finnst mér þetta þó ekki vera eins smátt mál og í fyrstu. Það varðar nefnilega prinsipp eða öllu heldur prinsippleysi. Þá er ég ekki bara að hugsa um fjarlægðartakmörk sem stjórnvöld ráðleggja heldur að vinkonurnar hafi verið í boði hótelkeðju! Semsagt ferðmálaráðherra fer ...
Mosi  

Mútur þekkir Þorstinn Már
manna best af landanum
Er talinn vera kallinn klár
þó kolfastur í vandanum.
...
Höf. Pétur Hraunfjörð.