AÐ HRUNI KOMINN Júlí 2015


UNDARLEG FORGANGS-RÖÐUN

...  nú er talað um að taka inn hóp af flóttamönnum og nægur peningur virðist til að byggja bankahöll við höfnina. Á sama tíma er LSH spítalinn að vega salt á brúninni, og er það ekki heldur nýfrétt! Væri ekki nær að beina þessum takmörkuðu fjármunum í að halda hjúkrunarfræðingum á spítalanum og stilla til friðar? Jafnvel mætti eyða í kamra svo ferðamennirnir þurfi ekki að menga umhverfið. Það eru margir kraftar að verki en virðast allir vilja óstöðugleika heldur en stöðugleika og sátt samfélag ...
Gunnar

Lesa meira

RUKKA ALLT OG ALLA?

Nú virðast björgunarsveitirnar okkar vera að gefa sig líka og vilja fá að rukkka fyrir að bjarga fólki úr háska. Eflaust fara margir óvarlega og eflaust má gera miklu meira til að upplýsa fólk um hættur fyrir ferðamenn á ferðum þeirra um Ísland. Rútubílstjórunum sem finnst afleitt að rukka rútur við ferðmannastaði finnt þetta frábær hugmynd, sbr. ... Ég hef unnið á sjúkrahúsi og tekið á móti fólki úr lífsháska og minnist ég þess hve þakklátt fólkið var björgunarmönnum sínum og síðan fyrir aðhlynningu á sjúkrastofnun. Ef bankað væri upp á með reikning myndi fólk almennt borga en ...
Sunna Sara

Lesa meira


NEI TAKK!

Þarna var hann mættur í fréttatíma Stöðvar 2, hann Jón Gunnarsson, formaður atvinnunefndar Alþingis, að sanna það sem þú hefur haldið fram Ögmundur, að á við rök að styðjast. Ég hafði varla trúað því en hann vill í alvöru að rukkað verði almennt við náttúruperlur og að "eigendur" hvort sem þeir eru opinberir eða einkaaðilar fái skotleyfi á okkur bæði til að rukka okkur og sekta. Þannig að fyrirhuguð rukkun í þjóðgarðinum á Þingvöllum er fyrirmynd af allsherjar gjaldvæðingu náttúrunnar. Nei takk segi ég!
Jóhannes Gr. Jónsson

Lesa meira

AF HVERJU VORU PÍRATAR, SAMFYLKING OG BF EKKI SPURÐ?

Það er alveg hárrétt sem þú segir hér á heimasíðu þinni að  orkumála-umræðan á Alþingi í vor var ekki um virkjanir heldur bara um formið, hvort ákvarðanirnar væru teknar á réttan hátt! Hvort þær væru í samræmi við Rammaáætlun sem er búin til utan þingsins! Maður vissi aldrei hvort eða hvar Píratar vildu virkja eða Björt framtíð eða Samfylkingin. Þingmenn þessara flokka voru aldrei spurðir en greiddu að vísu (með einni undantekningu) atkvæði með Hvammsvirkjun sem er afstaða út af fyrir sig. En þar hafði "fagfólk" Rammaáætlunar gefið grænt ljós. En hvað með Urriðafoss, Skrokköldu og Hagavatn? Fyndist þingmönnum þessara flokka í lagi að virkja þarna ef fagfólk segði þeim að það væri í lagi ...
Nábúi Þjórsár
  

Lesa meira

UM GRÍSKAR SKULDIR OG ÍSLENSKT BRUÐL

... Ég er með tvær spurningar, ein um erlend mál. Mér finnst að gríska málið hafi aldrei verið fyllilega útskýrt í grunninn, svipað og á Íslandi er bankar í einkageiranum sekir um að hafa lánað gáleysislega og eru svo að reyna að krækja í ríkisábyrgð eftir á. Er það siðferðilega rétt? Eins og í tilfelli okkar er upphæðin líka það stór að Grikkjum mun aldrei takast að ráða við lánin, þess vegna er þetta líka spurning um raunsæi, það verður að gefa lánþeganum tækifæri að ráða við lánið. Þá vaknar spurning hvort að ESB sé orðið að handrukkara einkabanka eða kapítalsins en gefur út á sama tíma að það sé lýðræðisleg stofnun!
Loks var ég með spurningu um gang mála heima ...
Gunnar

Lesa meira

HÁRRÉTT HJÁ HJÖRLEIFI!

Ég er fegin að sjá þessa umræðu um Rammaáætlun hér á síðunni og í Fréttablaðinu nýlega þar sem vísað er í skrif Hjörleifs Guttormssonar um forsendur sem þurfa að vera til staðar til að Rammaáætlun yfirleitt gangi upp.
Það verður að setjast yfir það hvers vegna við erum yfirleitt að auka raforkuframleiðsluna og í þágu hverra. Áður en það er gert er galið að fórna hverri nátúruperlunni á fætur annarri bara af því að Rammaáætlun segir að það sé í lagi. Þetta er hárrétt hjá Hjörleifi. Ég skynjaði það mjög strekt í umræðunni á Alþingi  í vor að flestir þingmanna voru fyrst og fremst að tala um form en ekki innihlald einsog þú segir Ögmundur. Þetta var mjög áberandi hjá Samfylkingu, Pírötum og Bjartri framtíð að undanskyldum ...
Sunna Sara   

Lesa meira

FÆSTIR ÁNÆGÐIR MEÐ NIÐURSTÖÐUR UM FLUGVÖLL

... Ég hef ekki séð neitt nýtt um heilbrigðisstéttirnar í bili.Vinna Rögnunefndar tengist heilbrigðismálum. Hver var ávinningur af vinnu Rögnunefndar, er hægt að fullyrða eitthvað um það? Þetta hefur væntanlega verið kostnaðarnytjagreining um vænlegan kost fyrir flugvallarstæði, en fæstir virðast ánægðir með niðurstöðuna.
Stefán Einarsson

Lesa meira

RAMMAÁÆTLUN ER ENGIN HEILÖG RITNING

Það er hárrétt ábending hjá þér í Fréttablaðsgrein þinni að Rammaáætlun er engin heilög ritning. Spurningin er hve mikið á að framleiða af orku og til hvers. Fyrr en þessu er svarað er Rammaáætlun bara eins og "kjörbúð" fyrir stóriðjuna einsog Hjörleifur Guttormsson hefur orðað það svo ágætlega.
Jóel A.  

Lesa meira

Frá lesendum

TEKIÐ UNDIR MEÐ GRÍMI UM BAKKA-RANGHERMI OG ÞÖGGUN

Þú pælir sem aðrir Ögmundur í pestaróféti, m.a hvernig það virkar á stjórnmál. Eitt gróft dæmi um misnotkun er verksmiðjan á Bakka sem okkur er sagt án athugasemda fjjölmiðlafólks að hafi lent í ógöngum vegna Covid. Þetta eru helber ósannindi. Þess vegna fagna ég skrifum Gríms hér á síðunni um staðreyndir þessa máls. Svo vill til að ég þekki þetta nokkuð og tek ég heilshugar undir með Grími: Sleitulausar ófarir i rekstri kísilvers á Bakka hófust um mitt ár 2018, frá byrjun. Ekki batnaði rekstur 2019, tapið þá 7.3 milljarðar. Ömurlegur var gangurinn, 2020 byrjaði mjög illa. Líklega var tap á tveggja ára rekstri orðinn 14 ma þegar glóruleysið leiddi til stöðvunar á rekstri við lok júlí sl. Engin búbót er sýnd í kortum. Krísan algjör. Vegna þessa tekur yfirklór við en mest þöggun um málavexti. Grófasta ranghermið til yfirklórs er ...
Jóhannes Gr. Jónsson

Lesa meira

FER MIKINN

Bítur oft í annars bök
eða ber út þvaður
Þorsteinn hefur á því tök
enda auðmaður. 

Við lygina ´ann laginn er
ef leitar til varna
Maðurinn þar mikið fer
ég meina Bjarna.
...
Höf. Pétur Hraunfjörð.

Lesa meira

PÓLITÍSK LINDÝR

Mosi spyr hvað eigi að kalla stjórnmálafólk sem brýtur reglur sem það setur öðrum, lætur hagsmunaaðila bjóða sér í dekurferðir og síðan þyrlu Landhelgisgæslunnar snatta með sig fram og til baka á ráðherrafundi. Þau sem ekki eru í þyrlunum eða í dekurferðunum kóa með í þögn. Mosi klykkir út með því að spyrja hvort vanti beinin í þetta fólk. Þar með hefur hann svarað spurningu sinni. Að sjálfsögðu eru þetta pólitísk lindýr. 
Sunna Sara

Lesa meira

ALLIR TILBÚINIR AÐ SEGJA ÓSATT?

Þyrla Landhelgisgæslunnar flytur dómsmálaráðherra, sem er í hestaferð á Suðurlandi, til Reykjavíkur og aftur tilbaka. Landhelgisgæslan segir þetta hafi verið í leiðinni og þá væntanlega bæði fram og til baka. Þetta eru augljós ósannindi og er óneitanlega óþægilegt þegar kerfið er tilbúið að segja ósatt beint upp í opið geðið á okkur. Stutt er síðan ferðamálaráðherrann fór í dekurferð á vegum hótelkeðju, sem er siðlaust, og braut auk þess reglur sem hún var nýbúin að setja öðrum af því að það var svo gaman að hitta vinkonurnar og dómsmálaráðherrann segir okkur hve verðmætt það sé fyrir sig að komast á hestbak og í sól. Ríkisstjórnin kóar síðan með. Hvað á að kalla þetta? Vantar beinin í ...
Mosi

Lesa meira

UM PRINSIPP OG PRINSIPPLEYSI

Sammála er ég Jóel A. hér á síðunni hjá þér Ögmundur minn um það hvernig fréttamiðlar okkar virðist líta á það sem hlutverk sitt að sefa þjóðina og svæfa og drepa öllu á dreif sem máli skiptir. Í samanburði við stóru pólitísku málin þá sé kossaflangs ferðamálaráðherra með vinkvennum smávægilegt þótt brjóti gegn því sem predikað er. En eftir því sem ég hugsa málið þá finnst mér þetta þó ekki vera eins smátt mál og í fyrstu. Það varðar nefnilega prinsipp eða öllu heldur prinsippleysi. Þá er ég ekki bara að hugsa um fjarlægðartakmörk sem stjórnvöld ráðleggja heldur að vinkonurnar hafi verið í boði hótelkeðju! Semsagt ferðmálaráðherra fer ...
Mosi  

Lesa meira
Allt Frá lesendum

Fréttabréf

 

Frjálsir pennar

Baldur Andrésson skrifar: BALLERI-BRELLAN

Vopnasali til “heppilegra” herstjóra i Afríku að undirlagi CIA og stoltur útgerðarstjóri eigin” öryggissveita” til heppilegra manndrápa m.a. í Sómalíu, gerðist Íslandsvinur 2019. Michele Ballarín er hörkukvendið, sú sem keypti flugfreyjubúninga WOW 2019 ( þó án innihalds) og hélt að flugfélag fylgdi með í tombóluverði. Boðaði þvi ný flugtök WOW um jól en graut skorti i skálina, vængi á fuglinn. Nýkveikt ást ...

Lesa meira

Baldur Andrésson skrifar: ÁRÁSIR Á FLÓTTABÖRN

Samblanda af kynþátta-, trúarfordómum og fávisku er rót að illgjörnum árásum á fjögur egypsk flóttabörn og foreldra þeirra, sem hér hafa leyft sér að guða á glugga. Mannorðsníðingar dylgja um föður barnanna, stimpla hann sem líklegan “hryðjuverkamann” ! Fyrir það ámæli eiga ekki síst börn hans að líða. Maðurinn varð aktívisti þegar “ arabíska vorið” kom 2011 til Egyptalands, andóf gegn harðræði. Ekki fer allt að óskum og frá 2014 tók við ný harðstjórn, fræg fyrir ofsóknir gegn fyrri “ ólátabelgjum” Launmorð, pyntingar, aftökur, ólögmætar fangelsanir hafa snúið að þúsundum í Egyptalandi og gera það enn. Þá eru stimplar ekki sparaðir af ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA NÍU - RAFORKUTILSKIPUN 2019/944 ESB - ORKUPAKKI 4

 ... Efist einhver um að þetta sé raunverulega svona í pottinn búið, þá ætti sá hinn sami/sú hin sama að spyrja sig: hefur einhvern tíma verið kosið um þetta fyrirkomulag [að Ísland yrði hluti að innri orkumarkaði Evrópu]? Hefur verið haldin þjóðaratkvæðagreiðsla um fyrirkomulagið? Kallar þjóðin sjálf eftir þessu fyrirkomulagi? Er hugtakið „lýðræði“ það fyrsta sem fólki kemur til hugar í þessu ferli öllu saman, eða frá því að fyrsti orkupakkinn var innleiddur? Eru stjórnmálamenn tilbúnir að leggja spilin á borðið í þessu máli fyrir næstu kosningar? [Þvert á flokka] ...

Lesa meira

Baldur Andrésson skrifar: PCC SE. - ÚTRÁSIN TIL ÍSLANDS.  ( Um eiganda og skuldabera hans)

Þýski hringurinn PCC SE, sérhannað útrásarfyrirtæki, gumar af yfirráðum og eign á 82 leppfyrirtækjum sínum í 18 ríkjum víðsvegar um heim, einu á Íslandi. Öll bera þau sjálfstæða ábyrgð, en eiga að skila eiganda arði. Íslenska “ útibú” PCC SE hlaut nafn, BakkiSilicon hf. Eigandinn hefur ráðskast með öll umsvif þess á Íslandi og erl.viðskipti þess. En sett alla ábyrgð á herðar BakkiSilcon hf, m.a. gífurlega skuldabyrði, sem nú er að sliga útibúið á Íslandi. Við bætast ...

Lesa meira

Kári skrifar: STUTT YFIRLIT UM ALÞJÓÐLEGA DÓMSTÓLA OG GERÐARDÓMA

Í umræðu samtímans gætir eðlilega nokkurs misskilnings hvað snertir alþjóðlega dómstóla og lögsögu þeirra. Misskilningurinn er fullkomlega eðlilegur sökum þess að dómstólarnir eru margir, þeir eru langt frá fólki í daglegum veruleika lífsins og fjalla um mál sem mörgum eru fjarlæg. Í fyrsta lagi þarf að gera greinarmun á alþjóðlegum dómstólum annars vegar og svæðisbundnum (regional courts) dómstólum hins vegar [sbr. Mannréttindadómstól Evrópu]. Í öðru lagi þarf að hafa í huga hvaða ...

Lesa meira

Jón Karl Stefánsson og Þórarinn Hjartarson skrifa: MERKILEG BÓK UM ATBURÐINA 11. SEPTEMBER 2001 Í SAMHENGI

Í dag er árásin á Tvíburaturnana 19 ára. Nýlega kom út (á ensku, af íslensku forlagi) ný bók um atburðina sem áttu sér stað þann 11. september 2001. Þetta er gríðarlega vel unnin og beinskeytt bók sem nær að fanga marga mikilvægustu þættina um þetta málefni. Bókin America´s Betrayal Confirmed. 9/11: Purpose, Cover-up and Impunity, er sterk bók um stórmál. Elías Davíðsson er baráttumaður mannréttinda, hefur einnig mjög fjallað um náttúruverndarmál og lýðræði en öðru fremur hefur hann sem sérsvið málefni hryðjuverka (undir fölsku flaggi sérstaklega) ...

Lesa meira
Allt Frjálsir pennar