AÐ HRUNI KOMINN Mars 2015

Ég vil þakka þér fyrir að vekja máls á TISA samningaviðræðunum á Alþingi. Þetta er grafalvarlegt mál, sem virðist nú liggja í þagnargildi.  Ég furða mig á því að þjóðarleiðtogar skuli leggjast svo lágt að setjast að samningaborði um það gerræðislega valdaafsal sem fjölþjóða viðskiptarisarnir vilja fá fram. Þetta sýnir væntanlega ljóslegar en ýmislegt annað, að stjórnmálamenn hafa gerst leikbrúður fjármálaaflanna, hunsa kjósendur sína og fara á bak við þá. Í skjóli leyndar eru þeir að véla um framtíð þjóða sinna, og við leynilega undirskrift verður ekki aftur snúið. Ég skora á þig að halda þessu máli vakandi. Tilhugsunin um málið vekur hjá mér hroll, og ekki hvað síst það, að ...
Ingibjörg

... Er ekki löngu kominn tími á að setja einskonar lög um ráðherraábyrgð, þar sem þingmenn/ráðherrar verða að segja af sér og mega ekki lengur starfa á þingi/nefndum/ráðgjöf? Svipað og gert var í Færeyjum. Orð ættu að standa, sérstaklega kosningaloforð ...
Siggi Kalli

.

... Ég fæ hins vegar ekki betur séð en átökin á þingi snúist um málefni og þakka ég fyrir hvern dag sem menn hafa dug í sér til að takast á um grundvallaratriði í stjórnmálum og láti yfirborðsfólk ekki taka stjórn á umræðunni. Þannig færðust nefnilega völdin til þeirra sem hafa undirtökin í þjóðfélaginu - þeirra sem ráða yfir fjármagninu. Með sofandahætti spjallstjórnmála mun öllu steini léttara verða stolið af þjóðinni áður en spjallararnir verða búnir úr kaffibollanum.
Eða halda menn að það snúist bara um spjall yfir kaffibolla hvort hér verður áfram eignarhalds-kvótakerfi í sjávarútvegi, almannarekið heilbrigðiskerfi, friðlýstar náttúruperlur, orkan í eigu almennings og þannig mætti áfram telja? Þetta er alvöru hagsmunabarátta og stjórnmálamenn verða að leggja sig fram af öllum lífs- og sálakröftum í þeirri baráttu í þágu almannahags ...
Jóel A.

Jóel A.

Pétur Hraunfjörð

Ég vil vekja athygli á þeirri einokun og þvingun sem felst í rafrænum skilríkjum eins og fyrirkomulag þeirra er að verða hér á landi. Rafræn skilríki eru eingöngu á vegum Auðkennis hf. Félags í eigu Arion banka hf., Íslandsbanka hf., Landsbankans hf., Símans hf. og Teris. .... Mín tillaga er að ríkisvaldið sjái til þess að gefin séu út ókeypis eða á kostnaðarverði rafræn skilríki sem geta enst í mörg ár t.d. fyrir kortalesara í tölvum þ.a. þegnar landsins geti sannað á sér deili á hliðstæðan hátt og hægt hefur verið utan rafrænna samskipta með ökuskírteini, nafnskírteini og vegabréfi. Nokkurs konar rafræn nafnskírteini. Held að slíkt fyrirkomulag sé t.d. við lýði hjá Eistlendingum ...
Kristján

Bréfberinn Ráðsnjalli Bragi
er brögðóttur af versta tagi
þoldi ekki þrefið
fór með bréfið
að ESB-umsókn til baka dragi.

Pétur Hraunfjörð

DV greinir frá þóknunum til stjórnenda bankanna. Bankaráðsformaður Landsbankans fær 8,4 milljónir á ári. Það gerir 700 þúsund krónur fyrir hvern fund. Bankastarfsemi, laun æðstu stjórnenda, millistjórnenda, bankaráðsmanna og annarra sem eru á "spenanum" er að verða mjög lík því sem var árin fyrir hrun bankanna. Munurinn er þó sá að á árunum fyrir hrun voru ofurlaunin og "sporslurnar" rélættar með því að ábyrgð þeirra sem slíkra sérkjara nytu væri mikil. Nú vitum við betur! Hvers vegna voru allir ...
Sveinn

... Ég var að vísu ánægður að sjá afstöðu þína Ögmundur einsog hún birtist í skrifum hér á síðunni um ríkisstjórnina og ESB umsóknina. Þú segist ekki myndir greiða atkvæði gegn því að ferlið yrði stöðvað á afgerandi og óafturkræfan hátt. Ég tel að þú ættir að ganga lengra og styðja slíka tillögu kæmi hún fram. Svo þarf náttúrlega að fara að fá áfallahjálp fyrir Pírata sem alltaf fá áfall ef fólk er þeim ósammála eins og Jóhannes Gr. Jónsson bendir á í sínu ágæta bréfi.  
ESB andstæðingur

... Auðvitað sjá allir hið sanna í málinu. Stjórnin hefur ekki komið sínu fram vegna málþófs í þinginu af hálfu þeirra sem aldrei hafa viljað atkvæðagreiðslu um málið - bara átök til að styrkja ESB málstaðinn í sessi. 
Ef þetta er ekki tvískinnungur þá veit ég ekki hvað tvískinnungur er. Og ég sé ekki betur en VG sé með í þessum ESB-leiðangri Samfylkingar og Bjartrar framtíðar og náttúrlega Pírata sem að eigin sögn eru í stöðugu áfalli yfir því að fólk skuli leyfa sér að vera á annarri skoðun en þau. 
Jóhannes Gr. Jónsson   

Getur verið að Gunnar Bragi, utanríkisráðherra hafi fengið fjölmiðlaráðgjöf hjá sömu aðilum og Hanna Birna fékk vegna lekans og Ragnheiður Elín vegan náttúrupassans? Eða voru þetta kannski ráðgjafar hans og hollvinir í utanríkisráðuneytinu sem "ráðlögðu". Við vitum hvernig þeir eru stemmdir gagnvart ESB! Varla gráta þeir nú þegar frumhlaup ráðherrans veldur því að steindauðir ESB-sinnar vakna nú til lífsins.
Haffi 

Hér yfirstéttin er ávalt hyllt
og hafin upp til skýja
Landið er orðið lúið og spillt
líklega best að flýja.
Höf. Pétur Hraunfjörð.

Spilltir leika landann illa
mútuveröld lifum í 
Tortóla banka-bækur fylla
og Bjarni er líka í því.
...
Höf. Pétur Hraunfjörð.

Það sinnir ekki þjóðarvakt,
það við skulum muna.
Alþingi gengur alveg í takt,
við íslensku mafíuna.
...
Kári

Borgaryfirvöld eru orðin ansi hreint verseruð í að svíkja borgarbúa í flugvallarmálinu og mér sýnist Sigurður Ingi vera að slípast til. Hann var bara sæll á fundinum með Degi, sagðist fara að vilja “sérfræðinga”, skítt með vilja borgarbúa. 
Jóel A.

Andrés stóð þar utangátta
allir höfuðið hrista.
Lengi við krata leitaði sátta
lítur nú til Sósíalista.
...
Höf. Pétur Hraunfjörð.

Já alveg er ég orðinn bit
Því ekkert Kötu gengur
Stefnir því í stjórnarslit
ekki starfhæf lengur.
...
Höf. Pétur Hraunfjörð.

Björgólfur með barnslegt hjarta
blygðunarleysi vill aumu skarta
Þorstein vill verja
mútur burt sverja
og spillingu búa framtíð bjarta.
...
Höf. Pétur Hraunfjörð.

Þvætti kemst á þurrt í Sviss,
þangað svo flytur í pokum.
Ákærir sjálfan þig sigurviss,
sækir og dæmir að lokum.
Kári

Samherji þjálfar svika gengi
sárt bítur hungruð lús
þetta höfum við vitað lengi
vandinn er kominn í hús. 
...
Höf. Pétur Hraunfjörð.

Græðgiskarlar geta flátt,
gaukað mútum sléttum.
Uppskiptingin endar brátt,
í öðrum glæpafléttum.
...
Kári