AÐ HRUNI KOMINN Janúar 2015

Forsætisráðherrann vildi ekki fara
fann engan tíma og ákvað að spara
 ´ann situr gleiður
en landinn reiður
æ farðu nú Sigmundur hættu bara.

Pétur Hraunfjörð

Takk Ögmundur !
Þetta voru ömurlegar fréttir, en ég hef alltaf hræðst þessa ríkisstjórn og skilaboðin sem við fáum daglega frá þeim herbúðum. Ekkert verra getur komið fyrir þjóðina en einkavæðing heilbrigðiskerfisins, ekkert. Kveðja,
Edda

... Varðandi það sem þú skrifar um málefni Sinnum og Ásdísi Höllu og fl.,þá finnst mér þú vera aðeins of fljótur á þér að dæma. Vissulega er þetta fólk að vinna að málefnum tengdum heilsu, en ég get sagt með vissu um að það er ekki gert til þess að eyðileggja neitt, heldur til þess að bjóða upp á nýja og fjölbreyttari valkosti í heilbrigðisþjónustu. Það eru ekki allir að með niðurrif heilsuþjónustunnar á heilanum, þó þeir séu ekki sammála þér. Við höfum oft verið ósammála um aðferðir í gegnum árin, en við vorum alltaf sannfærðir, báðir, um að við værum að vinna að málefninu af heilindum ...
Páll Svavarsson

Mig langar til að þakka Ásdísi Höllu fyrir að koma hreint fram og tala fyrir gullfæðingum fyrir ríka fólkið og einhverju lakara fyrir þær mömmur sem ekkert gull eiga. Og takk Bjarni fyrir að skipa framkvæmdastjóra einkavæðingarfyrirtækis sem helsta gæslumann íslenska fjármálakerfisins. Og takk Kristján Þór fyrir að mæta með Ásdísi Höllu að opna herlegheitin og sýna hug ríkisstjórnarinnar til einkavæðingar heilbrigðisþjónustunnar. Takk öll fyrir að vera heiðarleg og minna okkur á það hver þið eruð. Gaman væri að þið minntuð okkur aftur á fyrir næstu kosningar! Aftur takk!!!
Sunna Sara

Flugfreyjur eiga í fágætum vanda
félagsmenn þarna nú illa standa
verður sú raunin
að lækka launin
og nýja félagið samningum landa.
Höf. Pétur Hraunfjörð.

Í fjölmiðlum kemur fram að innan heilbrigðisgeirans sé gagnrýnt hve hratt eigi að fara í að opna landið fyrir ferðamönnum. Nú les ég að skattgreiðendur verði látnir greiða reikning til breskrar auglýsingastofu upp á fleiri hundruð milljónir til að trekkja að sem allra flest aðkomufólk. Af þessi vakna tvær spurningar: 1) Meina stjórnendur þessa lands ekkert með tali sínu og skrifum um að kaupa eigi íslenskt? 2) Eitt er að opna landið, annað að vilja gleypa allan heiminn! Þykir þetta góð dómgreind? Var meiri hófsemi í ferðamennskunni ekki ...
Sunna Sara

Oft hef ég séð þig skrifa til stuðnings ferðamennsku Ögmundur. Ég hef verið þér sammála en finn að ég er að snúa við blaðinu - svona innra með mér.
Nú í veirufárinu er ferðamennskan fyrir bí - í bili.
Hvílíkur léttir! Getur ekki orðið of mikið um áganginn af ferðamönnum - bæði þeim hér og þá sömuleiðis af okkur í útlöndum? Barselóna og Feneyjar vilja helst ...
Jóhannes Gr. Jónsson

Útgerð fær án endurgjalds,
auðinn kvóta hylja.
Draga tauminn dýpra valds,
drekkja þjóðarvilja.
...
Kári

Kapítalisminn er kominn að þrotum
kemur ei lengur að nokkrum notum
lítill er gróði
misnota sjóði
og væla út fé með augum tárvotum.
Höf. Pétur Hraunfjörð.

Með fagurgölum og fuglasöng
ferðumst í gegnum lífið
Kannski verður kreppan löng
upp kærleikann því hífið.
Höf.Pétur Hraunfjörð.

Komdu sæll og ávallt blessaður. Þar eð þú ert fyrrum þing- og enbættismaður langar mig að koma því í letur til þín nú þegar allar horfur eru á að mikill fjöldi manna verði á launum  hjá ríkinu að þegar túrisminn kom svo ört til landsins að fólkið örnaði sér úti um móa og holt í landinu til litils sóma, hvort ekki væri nú tækifæri nú til að setja göngustíga, varnargirðingar, salerni með nýfengnu vinnuafli? ...
Jónas

Þjóðin greiðir þeirra raup,
þrýtur kveikinn stuttan.
Sjálf sín hækka siðlaust kaup,
senda fólki puttann.
...
Kári

Veraldar horfi á vorboða káta,
vilja þeir sækja í föngin.
Heilandi er það í hæsta máta,
að heyra fuglasönginn.
Kári

Sammála því sem fram kemur í stuttu en skýru 1. maí ávarpi þínu hér á síðunni um hvað þurfi að ræða svo við verðum viðbúin því að endurreisa Ísland á nýjum forsendum. Það er rétt sem þú segir að í þeirri umræðu þurfi menn að segja til nafns og hver kjör þeir búa við sjálf(ir).
Guðf. Sig.