AÐ HRUNI KOMINN Apríl 2013

STÓRIÐJU-FLOKKANA AFTUR TIL VALDA?

Getur það verið að til standi að leiða stóriðjuflokkana, Framsóknarflokk og Sjálfstæðisflokk aftur inn í Stjórnarráð Íslands? Er ekki nóg að fá fréttir af lífvana Lagarfljóti eftir Kárahnjúkavirkjun? Ég hef oft verið hundóánægð með VG en ætla að kjósa flokkinn engu að síður - þrátt fyrir Bakka, því ég veit að VG er eina framboðið sem svo mikið sem leiðir hugann að náttúruvernd. Og meira en það er tilbúið að standa í fæturna. Regnbogann hefði ég vel getað hugsað mér að kjósa með jafnágætan mann og Þorstein Bergsson í öðru sæti. En það dugar bara ekki til, hann er ekki ...
Náttúruverndarsinni af Austurlandi

Lesa meira

HUGSUM TIL FRAMTÍÐAR

Ég er mjög ánægður með þitt framlag varðandi endurskoðun á vegarlagningu á Álftanesi þar sem þú tekur undir með þeim sem vilja vernda Gálgahraun. Það hlýtur að vera hægt að endurbæta núverandi veg þannig að komast megi hjá því að skemma þá náttúruperlu sem hraunið er. Óspillt náttúra verður sífellt verðmætari með auknu þéttbýli. Við verðum að hugsa til komandi kynslóða hvað þetta varðar...
Björn Guðmundsson

Lesa meira

KAUS YKKUR SÍÐAST...

Ég vildi þakka Ögmundi og Vinstri grænum fyrir mörg vel unnin störf á efiðum tímum. Ég kaus ykkur síðast en eftir að hafa svikið okkur græna fólkið með þessu Bakka máli þá get ég ekki kosið ykkur framar.
Ingimundur Þór Þorsteinsson

Lesa meira

TIL SÓMA!

Þessi ábending þín varðandi menntun SDG, doktorsnám og nám almennt er til fyrirmyndar og orð í tíma töluð, ég er krati og því ekki þinn flokksfélagi né kjósandi VG, en það skiptir ekki máli því þessi málflutningur er þér til mikils sóma og þeim sem viðhafa hitt til vansæmdar, kveðja,
Pálmi P.

Lesa meira

UPPÚR SAND-KASSANUM!

Sæll, rosalega er ég orðinn leiður að hlusta á þetta hjá ykkur altaf að kenna öðrum um og tala niður anstæðinginn. Fólkið í landinu á betra skilið, gefið okkur skýr skilaboð og í guðana bænum hættið þessum sandkassa leik. Ég trúi mikið á ykkur en get ekki kosið fólk sem lætur svona....
Guðmundur

Lesa meira


NETIÐ ER ENGIN ALLSHERJAR-LAUSN!

Eins og ég hef skilið orð Píratana í framboðsham þá er internetið lausnin, eða öllu heldur sá fólksfjöldi sem veitir stjórnvöldum aðhald með upplýsingar að vopni... En nú var ég aðrenna yfir fréttir af eftirmála sprenginganna í Boston ... Það er eitthvað múgæsingarelement í þessu sem maður tengir ekki endilega við mannlegt og siðað samfélag. Þetta er svipað og að kommentakerfi DV ætti að ráða lögreglu og saksókn. Heimsyndin, eins og einhver skrifaði, er sú að framfarir felist í að í stað fjölmiðla fáum við Twitter og í stað lögreglu fáum við Anonymous. Ef ég skil píratana rétt þá er þetta lausnin. Þó ég notið netið er ég ekki viss um að þar sé að finna þá innviði sem geti leyst öll samfélagsmál...
Kjósandi í Reykjavík

Lesa meira

SIGURJÓN, HELGI HALLGRÍMSSON OG HRAFNKELL FREYSGOÐI UM LAGARFLÓT

Umhverfismál voru á dagskrá hjá VG í Hamraborginni í Kópavogi í kvöld 18. apr.'13. Þar bar margt á góma. Meðal annars áhrif Kárahnjúkavirkjunar á Lagarfljót. Allir þeir sem vilja, vita að fiskveiði hefur verið stunduð í Lagarfljóti frá fornu fari og verið til búdrýginda fólkinu sem hefur búið meðfram fljótinu... og þá vitna ég í orð Helga Hallgrímssonar náttúrufræðings, en þar segir... Landeyðing meðfram Lagarfljóti er svo annað stórmál og ef aukinn straumhraði í fljótinu kemur í veg fyrir að fljótið leggi á veturna þá verður norðanáttin biturri fyrir menn og málleysingja vegna hærra rakastigs. Hér á eftir fylgir fjórtándi kafli út Hrafnkels sögu Freysgoða sem sýnir að þá þegar höfðu menn miklar nytjar af fiskinum í Lagarfljóti...
Sigurjón EVG í Hamraborg í Kópavogi

Lesa meira

SAMMÁLA ARNDÍSI SOFFÍU

Ég er hjartanlega sammála Arndísi Soffíu Sigurðardóttur, sem skipar 1. sætið hjá VG á Suðurlandi, í bloggi hennar á Smugunni þar sem hún segir hve miklu máli hafi skipt hver gegndi ráðherraembætti í dómsmálaráðuneytinu og síðar innanríkisráðuneytinu, hvað mannréttindamálin varðar. Ég leyfi mér að birta ...
Sunna Sara

Lesa meira

ÞARF AÐ PASSA ÍSLAND

Ég heyrði í fréttum að sveitarstjórnarmenn fyrir norðan væru tilbúnir með samning við Núbó. Í mínum huga hefur þetta alltaf legið ljóst fyrir. Þann dag sem þú hverfur úr innanríkisráðuneytinu verður þetta mál allt komið á fljúgandi ferð. Það var nú ekki lítill hamagangurinn á sínum tíma þegar reynt var að bola þér frá ákvarðanatöku í málinu en sem betur fer tókst það ekki og hefur ekki tekist enn. Kjósendur mega ekki gleyma Núbó og ekki heldur hinum sem passa upp á Ísland. (Fyrir þá sem ekki muna: http://www.dv.is/frettir/2011/11/25/kristjan-ogmundur-vanhaefur-til-ad-urskurda/ )
Jóhannes Gr. Jónsson 

Lesa meira

Frá lesendum

ENGINN TIL AÐ HAFA VIT FYRIR KJÁNUM

Hjartanlega er ég sammála Sunnu Söru sem skrifar hér á síðunni um það hvernig við erum gerð að viðundri með hallærisauglýsingum erlendis þar sem fólki er boðið að skrækja í míkrófón og óhljóðunum síðan útvarpað á Íslandi í þar til gerðum hátölurum. Nú er væntanlega búið að borga fyrir þetta en verður þetta rugl ekki stöðvað og lokað fyrir frekari greiðslur? Getur verið að til standi að koma upp hátölurum fyrir þessa háðung? Ef svo er þá mótmæli ég því að mínum skattpeningum verði áfram varið til þessarar niðurlægingar. Er enginn á stjórnarheimilinu til að ...
Jóel A.

Lesa meira

ÞEGAR ÞJÓÐ ER HÖFÐ AÐ FÍFLI

Eins og ég skil þetta þá er nú auglýst í útlöndum að fólki standi til boða að öskra í míkrófón og verði gólinu útvarpið víðsvegar um Ísland. Þetta sé að frumkvæði auglýsingastofu sem ríkisstjórnin borgar henni fyrir í því skyni að vekja athygli á Íslandi. Bara einhvern veginn! 
Nú vill svo til að þetta eru mínir peningar og þínir, skattpeningar okkar allra. Viljum við þetta? Varla eru fjárráðin ótakmörkuð þótt dómgreind ráðherranna sé það greinilega. Hvað voru þetta annars mikilr peningar sem þessi erlenda auglýsingastofa fékk? Veit það einhver? Mér finnst ég hafa ...
Sunna Sara

Lesa meira

Í FYRSTA, ÖÐRU, ÞRIÐJA OG FJÓRÐA LAGI

Í fyrsta lagi má spyrja hvort réttlætanlegt sé að setja stórar upphæðir (einn og hálfan milljarð) í að auglýsa Ísland nú þegar við opnum landið fyrir túrisma á nýjn leik. Stóð ekki til að gera það hægt og rólega?  
Í öðru lagi má spyrja hvort sú ríkisstjórn sé með fullum mjalla sem fjármagnar auglýsingaherferð sem byggir á því að útvarpa á víðavangi öskri og góli sem fólki erlendis er boðið að senda Íslandsstofu.
Í þriðja lagi og í ljósi þess að þetta er hluti af efnahagsráðstöfunum ríkisstjórnarinnar vegna veirufaraldursins(!!!) má spyrja hvort braggastráin ...
Jóhannes Gr. Jónsson   

Lesa meira

FÖSTUDAGSREISA

Föstudaginn 10. júlí fóru fjórir mis-aldraðir karlar í bíltúr frá höfuðborgarsvæðinu austur í sveitir, eða eins og sumir segja: „austur fyrir fjall‟. Ekkert þurftu þeir að borga í ríkissjóð fyrir það eitt að fara að heiman, því alþingi okkar Íslendinga hafði ekki auðnast að setja lög um slíkt áður en allir þar á bæ voru sendir heim í sumarleyfi. Veður var með besta móti, logn og blíða sumarsól, er ekið var austur um Hellisheiði á löglegum hámarkshraða. Ferðafélagarnir voru þeir Hafsteinn Hjartarson, Svanur Halldórsson fyrrum leigubílstjori, Sigurjón Antonsson og bílnum ók af öryggisástæðum sá yngsti í hópnum og  hann hafði áður fyrr ekið um í ...
Sigurjón

Lesa meira
Allt Frá lesendum

Fréttabréf

 

Frjálsir pennar

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA FJÖGUR - RAFORKUTILSKIPUN 2019/944 ESB - ORKUPAKKI 4

Verður nú tekinn upp þráðurinn þar sem frá var horfið og haldið áfram að rekja ákvæði raforkutilskipunar 2019/944 ESB. Í 33. gr. tilskipunarinnar er fjallað um samþættingu rafhleðslustöðva við raforkukerfin (Integration of electromobility into the electricity network).
Í 1. mgr. 33. gr. segir að með fyrirvara um tilskipun Evrópuþingsins og Ráðsins 2014/94 ESB, skuli aðildarríkin setja upp nauðsynleg regluverk til að auðvelda tengingu ...

Lesa meira

Þórarinn Hjartarson skrifar: STRÍÐIÐ GEGN SÝRLANDI - EFNAHAGSVOPNUM BEITT

Stríðið gegn Sýrlandi hefur færst yfir á nýtt skeið. Á meðan dregið hefur úr hernaði heimsvaldassinna gegnum málaliða og trúarlega vígamenn hefur stórlega verið hert á efnahagshernaði gegn hinu stríðshrjáða landi.
RÚV: Rússland og Kína loka á mannúðaraðstoð til Sýrlands!
Í fyrri viku kom RÚV með nokkrar fréttir um að Rússar og Kínverjar hefðu í Öryggisráðinu lokað á innflutning hjálpargagna frá Tyrklandi til Sýrlands (nema gegnum eina landamærastöð) og þeir hefðu í raun „lokað á alla utanaðkomandi mannúðaraðstoð til Sýrlands“. Haft var eftir „ónafngreindum evrópskum diplómata“ að „markmið Rússa – og Sýrlandsstjórnar - sé að ... 

Lesa meira

Kári skrifar: "HEIMABRUGGUÐ STJÓRNSKIPUN", SAMRUNI ORKU(PAKKA)FYRIRTÆKJA Í EVRÓPU OG MAFÍUSTARFSEMI

Í umræðum á Internetinu og víðar má stundum sjá því fleygt fram að Íslendingar muni ætíð halda orkulindum sínum. Sú fullyrðing er eins mikið öfugmæli og nokkuð getur verið. Oft sést þessu haldið fram í tengslum við orkupakka ESB. Þá virðast sumir líta svo á að innri orkumarkaður Evrópu sé þannig gerður að hann tengist ekki öðrum mörkuðum. Það er að sjálfsögðu einnig rangt. Þannig er málið vaxið að með fjölgun orkupakkanna eykst sífellt þrýstingur á frekari markaðs- og ...

Lesa meira

Baldur Andrésson skrifar: BAKKAFLOPPIÐ.

Skrýtin var átthagaástin bundin við Húsavík, óskin um að geðugur smábær umbreyttist í miðstöð stóriðju. Vegir ástar eru órannsakanlegir. 360.000 tonna álver á Bakka var þó draumur sem brást, en helmingur af 66.000 tonna sílikonfabrikku reis þó sem bót í máli. Draumbót í bili a.m.k. Ágalli er sóðabruni kolafjalla og ógeðfelldar vinnuaðstæður illa haldinna starfsmanna. Afurð má þó ekki aðeins nýta í hernaðartól, vopn og efnabras eitrað. Má jafnvel nýta uppbyggilega líka. 
PCC á Bakka var talin skömm skárri, ríkið albúið til styrktar og Landsvirkjun ekki síður, jafnvel lífeyrissjóðir líka. 
Við pólitískan samfögnuð hróflaði PCC upp fabrikku sinni, rekstur hófst ...

Lesa meira

Kári skrifar: AÐ FARA BAKDYRAMEGIN INN Í EVRÓPUSAMBANDIÐ

Þegar valdaklíkan á Alþingi verður búin að ljúga Ísland inn í Evrópusambandið, ekki síst með þeim „rökum“ að þjóðin sé ekkert á leiðinni þangað, er ljóst að mörg sund munu lokast. Þjóðin mun missa þann rétt að gera alþjóðlega samninga við þriðju ríki [ríki utan ESB] enda fellur sá réttur undir „exclusive competence“ hjá ESB. Sú niðurstaða fæst með því að lesa í samhengi 2. mgr. 3. grTFEU (Lissabon-sáttmálinn) og 216. gr. TFEU. Í 3. gr. kemur fram á hvaða sviðum ESB hefur ...

Lesa meira

Þórarinn Hjartarson skrifar: BANDARÍKIN - STÉTTAANDSTÆÐUR ÞUNGVÆGARI EN RASISMI

Í mótmælaólgunni miklu í Bandaríkjunum eftir dráp lögreglunnar á George Loyd í Minneapolis felst augljóslega gríðarmikil grasrótaruppreisn gegn ríkjandi kerfi. Sterk öfl reyna þó mjög að koma því til leiðar að broddur mótmælanna sneiði framhjá valdakerfi bandaríska auðvaldsins. Hér verða settar fram nokkrar ályktanir um mótmælahreyfinguna ...

Lesa meira
Allt Frjálsir pennar