AÐ HRUNI KOMINN Apríl 2013

SAMMÁLA PÁLI

... En í stað þess að dvelja við það liðna vil ég aðeins spá í spilin sem sá Framsóknarmaður sem ég var fram að 12 ára aldri. Ef ég væri formaður Framsóknarflokksins í dag, sýndist mér einboðið að mynda stjórn með VG og Samfylkingu. Í öllu falli myndi ég forðast eins og heitan eldinn að fara í stjórn með Sjálfstæðisflokki. Gerði ég það væri ég að stefna góðum árangri Framsóknar í kosningunum í stórhættu. Framsókn, öfugt við Sjálfstæðisflokkinn, hefur farið í gegnum vissa endurnýjun á hugmyndum sínum og gert upp við hægri arfleifð Halldórs og Finns. Sú endurnýjun Framsóknar fer beint í vaskinn í hugum fólks ef endurtaka á stef hrunstjórnarinnar. Það er sá blettur á fortíð Framsóknar sem flokkurinn þarf að bráðnauðsynlega að afmá. Fari Framsókn í stjórn með Sjöllum, blasir við ...
Páll H.

Lesa meira

ÓSKAÐ GÓÐS GENGIS

Gangi þér vel í kosningunni á morgun. Þú ert búinn að standa þig vel sem ráðherra og ég gæti ekki hugsað til þess að stjórnarandstaðan ætti þig ekki að ef svo hræðilega æxlaðist að gömlu hrunverjarnir í Sjálfstæðisflokki og Framsóknarflokki mynduðu næstu ríkisstjórn.
Sveinn Jónsson 

Lesa meira

RÓSU Á ÞING

Líst vel á að fá Rósu Björk á þing. Það ætti að takast með sameiginlegu átaki. Áfram stelpur. Þú mátt gjarnan vera með Ögmundur minn! enda hefurðu staðið þig vel í jafnréttismálunum!
Guðfinna Jónsdóttir

Lesa meira

KÝS VG ÞRÁTT FYRIR ALLT!

Ég er hundfúll út í VG en ég ætla að kjósa þig þrátt fyrir VG. Ég ætla að kjósa þig út af fjórum málum, Icesave, Núbó, Guðmundar- og Geirfinnsmálum og síðan Landsdómsmálinu. Eftir þessa upptalningu skilurðu kannski að ég er ekki hrifinn af VG!
Jóhannes Gr. Jónsson

Lesa meira

NÆGIR AÐ SPJALLA Í SÍMA?

Hrikalegt er að fylgjast með sumum minni frammboðanna bera það á borð að þau hafi enga stefnu heldur ætli bara að rabba um hlutina, helst á netinu, þá verði allt gott....Svo kemur í ljós að í umhverfismálum er engin stefna. Er þetta í lagi? Og Landspítalanum verði komið í rekstrarjafnvægi ef hægt yrði að ræða rekstrarvandann á netinu. Skyldi nægja að ræða málið í síma?
Sunna Sara

Lesa meira

STJÓRNMÁLA-MENN EIGA AÐ SVARA TIL SAKA FYRIR SVIK

Ég er með smáhugmynd sem er sú að það þarf að breyta í sambandi við alþingiskosningar að það sem þessir flokkar eru fram að bjóða og lofa fólkinu í landinu þyrfti að setja reglur um þannig að þeir þurfi að standa undir því sem þeir lofa, nái þeir kosningu. Ef þeir svíkja loforðin þarf að dæma þá til fangelsisvistar ...
Páll H. Gunnarsson

Lesa meira

SKÁSTI KOKTEILLINN

Í grein þinni í DV í dag gleymir þú einu stjórnarmynstri sem mér finnst hvað augljósast: Sjálfstæðisflokkur, Samfylking og Björt framtíð. Þetta er ekki gæfulegur kokteill en að mínu mati sá líklegasti. Þetta yrði Evrópusambandsblanda. Því Evrópusinnar í Sjálfstæðisflokknum myndu styrkjast í þessu sambýli.  Ég er sammála þér að skásta blandan yrði VG, Samfylking og Framsókn. Rök þín fyrir þeim kokteil í DV greininni eru ágæt og get ég skrifað upp á þau.
Grímur 

Lesa meira

TÖKUM UPPLÝSTA ÁKVÖRÐUN

Við systkinin ætlum að mæta á kjörstað næsta laugardag þar sem tvö okkar munu kjósa í fyrsta skipti til Alþingis. Þó framboðin séu ósammála um margt, virðast þau við fyrstu sýn vera sammála þegar kemur að náttúru Íslands. Stefna þeirra er að nýta auðlindir náttúrunnar með sjálfbærni að leiðarljósi. En það er þó mjög greinilegur munur á því hvernig flokkarnir túlka orðið sjálfbærni... Þar sem þessar staðreyndir liggja fyrir, skiljum við ekki hvernig í ósköpunum ákveðnir frambjóðendur og flokkar geta enn þann dag í dag barist fyrir frekari stóriðju... Við verðum að fara vel með það sem við eigum. Ísland er stútfullt af ...
Guðlaug Erlendardóttir, Steinn Orri Erlendsson og Leifur Bjarki Erlendsson

Lesa meira

PÍRATAR NEITA AÐ GEFA UPP AFSTÖÐU

Í Fréttablaðinu í dag skrifar Herbert Snorrason um stefnu Pírata í landsbyggðamálum. Ef ég skil orð hans rétt þá er svarið þar eins og oft áður hjá þeim stjórnmálaflokki að Píratar ætlist ekkert fyrir sjálfir heldur aðeins að búa til farveg fyrir íbúa landsins til að hafa áhrif. Gott og vel. En vandinn við þetta er sá að Píratar munu, komist þeir á þing, þurfa að koma að fjölmörgum ákvörðunum, en þeir neita að láta uppi hver grunnafstaða þeirra er til mikilvægra mála. Myndu Píratar t.d. kjósa þvert á hugmyndir sínar í...Annars var Halla Gunnarsdóttir með ágætt innlegg um þetta með internetið í DV um daginn (sjá líka: http://halla.is/?p=1278). Þar sagði hún m.a...
Margrét Jónsdóttir

Lesa meira

LÁNSVEÐ OG DRÓMI

Ég vil lýsa mikilli ánægju með lánsveðssamkomulagið í vikunni. Nú er bara Drómi eftir! Það gengur ekki að landsmenn séu ekki látnir sitja við sama borð hvað varðar úrræði í fjármálakerfinu. Drómi, sem heldur utan um þrotabú Spron og Frjálsa fjárfestingarbankans býður því ólánssama fólki sem hafnaði þar upp á allt aðrar trakteringar en viðskiptamenn nokkurrar fjármálastofnunar, til dæmis varðandi 110% niðurfærlsu.
Mergurinn málsins er náttúrlega sá að...
Jóel A.  

Lesa meira

Frá lesendum

ENGINN TIL AÐ HAFA VIT FYRIR KJÁNUM

Hjartanlega er ég sammála Sunnu Söru sem skrifar hér á síðunni um það hvernig við erum gerð að viðundri með hallærisauglýsingum erlendis þar sem fólki er boðið að skrækja í míkrófón og óhljóðunum síðan útvarpað á Íslandi í þar til gerðum hátölurum. Nú er væntanlega búið að borga fyrir þetta en verður þetta rugl ekki stöðvað og lokað fyrir frekari greiðslur? Getur verið að til standi að koma upp hátölurum fyrir þessa háðung? Ef svo er þá mótmæli ég því að mínum skattpeningum verði áfram varið til þessarar niðurlægingar. Er enginn á stjórnarheimilinu til að ...
Jóel A.

Lesa meira

ÞEGAR ÞJÓÐ ER HÖFÐ AÐ FÍFLI

Eins og ég skil þetta þá er nú auglýst í útlöndum að fólki standi til boða að öskra í míkrófón og verði gólinu útvarpið víðsvegar um Ísland. Þetta sé að frumkvæði auglýsingastofu sem ríkisstjórnin borgar henni fyrir í því skyni að vekja athygli á Íslandi. Bara einhvern veginn! 
Nú vill svo til að þetta eru mínir peningar og þínir, skattpeningar okkar allra. Viljum við þetta? Varla eru fjárráðin ótakmörkuð þótt dómgreind ráðherranna sé það greinilega. Hvað voru þetta annars mikilr peningar sem þessi erlenda auglýsingastofa fékk? Veit það einhver? Mér finnst ég hafa ...
Sunna Sara

Lesa meira

Í FYRSTA, ÖÐRU, ÞRIÐJA OG FJÓRÐA LAGI

Í fyrsta lagi má spyrja hvort réttlætanlegt sé að setja stórar upphæðir (einn og hálfan milljarð) í að auglýsa Ísland nú þegar við opnum landið fyrir túrisma á nýjn leik. Stóð ekki til að gera það hægt og rólega?  
Í öðru lagi má spyrja hvort sú ríkisstjórn sé með fullum mjalla sem fjármagnar auglýsingaherferð sem byggir á því að útvarpa á víðavangi öskri og góli sem fólki erlendis er boðið að senda Íslandsstofu.
Í þriðja lagi og í ljósi þess að þetta er hluti af efnahagsráðstöfunum ríkisstjórnarinnar vegna veirufaraldursins(!!!) má spyrja hvort braggastráin ...
Jóhannes Gr. Jónsson   

Lesa meira

FÖSTUDAGSREISA

Föstudaginn 10. júlí fóru fjórir mis-aldraðir karlar í bíltúr frá höfuðborgarsvæðinu austur í sveitir, eða eins og sumir segja: „austur fyrir fjall‟. Ekkert þurftu þeir að borga í ríkissjóð fyrir það eitt að fara að heiman, því alþingi okkar Íslendinga hafði ekki auðnast að setja lög um slíkt áður en allir þar á bæ voru sendir heim í sumarleyfi. Veður var með besta móti, logn og blíða sumarsól, er ekið var austur um Hellisheiði á löglegum hámarkshraða. Ferðafélagarnir voru þeir Hafsteinn Hjartarson, Svanur Halldórsson fyrrum leigubílstjori, Sigurjón Antonsson og bílnum ók af öryggisástæðum sá yngsti í hópnum og  hann hafði áður fyrr ekið um í ...
Sigurjón

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: HEIMSVALDASTEFNAN - með meginfókus á þá bandarísku

Nú eru 75 ár liðin frá glæpnum gegn mannkyni þegar bandarískri kjarnorkuspregju var varpað á Hírósíma og Nagasaki 6. og 9. ágúst 1945. Glæpurinn var þá réttlættur með endalausum lygum og skipulegum stríðsáróðri. Sami stríðsáróður frá sama stríðsaðila beinir nú spjótum sínum skipulega að nýjum andstæðingi – Kína. Bandaríkin hafa komið fyrir yfir 400 herstöðvum umhverfis Kína auk gríðarlegrar og hraðvaxandi flotauppbyggingar á Kyrrahafssvæðinu. Samhliða þessari uppbyggingu hefur „stríðið langa“ í Austurlöndum nær geisað það sem af er 21 öldinni. Bandaríkin hafa (2019) einhliða sagt sig frá samningum um takmörkun kjarnorkuflauga (INF, frá 1987). Alls 30 aðildarlönd SÞ stynja nú undan bandarískum efnahagslegum refsiaðgerðum af einhverju tagi. Formlega snúast þær um „lýðræði“ en raunveruleikinn er ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA FIMM - RAFORKUTILSKIPUN 2019/944 ESB - ORKUPAKKI 4

Í síðustu grein var endað á 40. gr. raforkutilskipunar 2019/944 ESB, sem er hluti fjórða orkupakkans, en tilskipun þessi er alls 74 lagagreinar. Verður nú þráðurinn tekinn upp þar sem frá var horfið ... Styttist þá óðum í umfjöllun um Landsreglara, hinn nýja „Landstjóra“ ESB á Íslandi í orkumálum. En í b-lið 4. mgr. 57. gr. kemur m.a. fram að Landsreglari leitar ekki eftir,  tekur við, beinum fyrirmælum frá stjórnvöldum, opinberum eða einkaaðilum, í starfi sínu. Þetta þýðir á mannamáli að Landsreglari er óháður íslenskum stjórnvöldum, leitar ekki eftir né tekur við fyrirmælum þeirra. Hann heyrir beint undir Brussel-valdið ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA FJÖGUR - RAFORKUTILSKIPUN 2019/944 ESB - ORKUPAKKI 4

Verður nú tekinn upp þráðurinn þar sem frá var horfið og haldið áfram að rekja ákvæði raforkutilskipunar 2019/944 ESB. Í 33. gr. tilskipunarinnar er fjallað um samþættingu rafhleðslustöðva við raforkukerfin (Integration of electromobility into the electricity network).
Í 1. mgr. 33. gr. segir að með fyrirvara um tilskipun Evrópuþingsins og Ráðsins 2014/94 ESB, skuli aðildarríkin setja upp nauðsynleg regluverk til að auðvelda tengingu ...

Lesa meira

Þórarinn Hjartarson skrifar: STRÍÐIÐ GEGN SÝRLANDI - EFNAHAGSVOPNUM BEITT

Stríðið gegn Sýrlandi hefur færst yfir á nýtt skeið. Á meðan dregið hefur úr hernaði heimsvaldassinna gegnum málaliða og trúarlega vígamenn hefur stórlega verið hert á efnahagshernaði gegn hinu stríðshrjáða landi.
RÚV: Rússland og Kína loka á mannúðaraðstoð til Sýrlands!
Í fyrri viku kom RÚV með nokkrar fréttir um að Rússar og Kínverjar hefðu í Öryggisráðinu lokað á innflutning hjálpargagna frá Tyrklandi til Sýrlands (nema gegnum eina landamærastöð) og þeir hefðu í raun „lokað á alla utanaðkomandi mannúðaraðstoð til Sýrlands“. Haft var eftir „ónafngreindum evrópskum diplómata“ að „markmið Rússa – og Sýrlandsstjórnar - sé að ... 

Lesa meira

Kári skrifar: "HEIMABRUGGUÐ STJÓRNSKIPUN", SAMRUNI ORKU(PAKKA)FYRIRTÆKJA Í EVRÓPU OG MAFÍUSTARFSEMI

Í umræðum á Internetinu og víðar má stundum sjá því fleygt fram að Íslendingar muni ætíð halda orkulindum sínum. Sú fullyrðing er eins mikið öfugmæli og nokkuð getur verið. Oft sést þessu haldið fram í tengslum við orkupakka ESB. Þá virðast sumir líta svo á að innri orkumarkaður Evrópu sé þannig gerður að hann tengist ekki öðrum mörkuðum. Það er að sjálfsögðu einnig rangt. Þannig er málið vaxið að með fjölgun orkupakkanna eykst sífellt þrýstingur á frekari markaðs- og ...

Lesa meira

Baldur Andrésson skrifar: BAKKAFLOPPIÐ.

Skrýtin var átthagaástin bundin við Húsavík, óskin um að geðugur smábær umbreyttist í miðstöð stóriðju. Vegir ástar eru órannsakanlegir. 360.000 tonna álver á Bakka var þó draumur sem brást, en helmingur af 66.000 tonna sílikonfabrikku reis þó sem bót í máli. Draumbót í bili a.m.k. Ágalli er sóðabruni kolafjalla og ógeðfelldar vinnuaðstæður illa haldinna starfsmanna. Afurð má þó ekki aðeins nýta í hernaðartól, vopn og efnabras eitrað. Má jafnvel nýta uppbyggilega líka. 
PCC á Bakka var talin skömm skárri, ríkið albúið til styrktar og Landsvirkjun ekki síður, jafnvel lífeyrissjóðir líka. 
Við pólitískan samfögnuð hróflaði PCC upp fabrikku sinni, rekstur hófst ...

Lesa meira
Allt Frjálsir pennar